☆ ᠳ·ᠬᠦᠬᠡᠮᠦ᠋ᠷᠡᠨ᠄
《ᠭᠡᠷᠢᠶᠡᠰ》ᠭᠤᠷᠪᠠ
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠩᠰᠢ ᠶᠢᠨ ᠬᠠᠯᠠᠭᠤᠨ ᠰᠠᠯᠭᠢᠨ ᠳᠤ ᠬᠠᠮᠤᠷᠠᠭᠳᠠᠨ ᠭᠡᠢ᠌ᠰᠴᠤ ᠪᠠᠢ᠌ᠭᠰᠠᠨ ᠬᠠᠮᠬᠤᠤᠯ᠂ ᠬᠤᠷᠠᠭᠠ ᠢᠰᠢᠭᠡᠨ ᠤ ᠳᠤᠭᠯᠠᠭᠠᠮ ᠪᠣᠯᠵᠤ᠂ ᠭᠤᠤ ᠰᠤᠵᠢᠭ ᠲᠤ ᠳᠠᠭᠯᠠᠷᠠᠨ ᠶᠠᠪᠣᠭᠰᠠᠨ ᠴᠤ ᠬᠠᠪᠣᠷ ᠤᠨ ᠳᠤᠯᠠᠭᠠᠨ ᠳᠤ ᠡᠳ᠋ ᠪᠣᠯᠵᠤ ᠦᠷᠡ ᠪᠠᠨ ᠬᠠᠶᠠᠵᠤ᠂ ᠭᠦᠷᠦᠰᠤᠨ ᠳᠤ ᠰᠤᠶᠤᠭᠠᠯᠠᠭᠤᠯᠤᠨ ᠣᠷᠭᠤᠭᠤᠯᠤᠭᠠᠤᠨ᠂ ᠪᠠᠰᠠ ᠨᠢᠭᠡ ᠠᠮᠢᠵᠢᠷᠠᠯ ᠤᠨ ᠭᠦᠴᠤᠨ ᠢ ᠥᠯᠡᠳᠡᠭᠡᠭ᠍ᠰᠡᠨ ᠨᠢ ᠡᠪᠠᠰᠤ ᠮᠤᠳᠤᠨ ᠤ ᠪᠠᠢ᠌ᠭᠠᠯᠢ ᠶᠢᠨ ᠰᠢᠠᠵᠢ ᠪᠣᠶᠤ ⁈ ᠭᠦᠭᠡᠷᠦᠭᠦᠢ︕ ᠭᠦᠮᠤᠨ ᠭᠡᠳᠡᠭ᠌ ᠬᠠᠯᠠ ᠶᠢ ᠦᠵᠡᠨ ᠬᠠᠳᠠᠭᠤ ᠶᠢ ᠳᠠᠪᠠᠨ᠂ ᠬᠠᠯᠠᠭᠤᠨ ᠴᠢᠯᠠᠭᠤ ᠶᠢ ᠳᠤᠯᠢᠶᠠᠨ᠂ ᠬᠠᠷᠠ ᠴᠠᠭᠠᠨ ᠡᠳᠦᠷ ᠬᠤᠨᠤᠭ ᠢ ᠥᠩᠭᠡᠷᠡᠭᠡᠭ᠍ᠰᠡᠨ ᠴᠤ ᠡᠷᠡ ᠦᠰᠴᠦ ᠢᠰᠡᠭᠡᠢ ᠰᠤᠨᠤᠬᠤ ᠶᠢᠨ ᠊ᠭ᠍ᠱᠡᠨ ᠳᠤ ᠠᠮᠢᠳᠤᠷᠠᠯ ᠭᠡᠳᠡᠭ᠌ ᠤᠨ ᠬᠠᠳᠠᠭᠤ ᠬᠠᠯᠠᠨ ᠳᠤ ᠳᠠᠭᠢᠨ ᠭᠢᠡᠵᠢᠯᠡᠭ᠍ᠳᠡᠳᠡᠭ᠌ ᠨᠢ ᠭᠦᠮᠤᠨ ᠤ ᠠᠮᠢᠳᠤᠷᠠᠯ ᠤᠨ ᠵᠢᠮᠠ ᠬᠠᠤᠯᠢ ᠮᠠᠶᠢᠭᠳᠠᠢ ⁈ ᠥᠵᠦᠭᠦᠷ ᠨᠢ ᠴᠠᠢ᠌ᠭᠰᠠᠨ ᠴᠤ ᠦᠨᠳᠦᠰᠦ ᠨᠢ ᠬᠤᠪᠠᠬᠠᠢ᠌ᠷᠠᠳᠠᠭ ᠦᠭᠡᠶ ᠡᠪᠠᠰᠤ ᠣᠷᠭᠤᠮᠠᠯ ᠤᠳ ᠡ︕ ᠶᠠᠰᠤ ᠨᠢ ᠴᠠᠢ᠌ᠭᠰᠠᠨ ᠴᠤ ᠠᠯᠳᠠᠷ ᠨᠢ ᠥᠯᠡᠳᠡᠳᠡᠭ᠌ ᠭᠦᠮᠤᠨ ᠤ ᠣᠷᠴᠢᠯᠠᠩ ⁈
《ᠮᠢᠨᠤ ᠣᠯᠠ ᠮᠦᠷ》 ᠡᠴᠡ
ᠴᠠᠰᠤᠨ ᠯᠠᠪᠰᠠ ᠬᠠᠶᠠᠯᠠᠭᠰᠠᠨ ᠡᠳᠦᠷ᠂ ᠮᠠᠨᠠᠨ ᠭᠦᠳᠡᠩ ᠳᠠᠳᠠᠭᠰᠠᠨ ᠦᠶᠡ᠂ ᠬᠤᠷᠠ ᠪᠣᠷᠤᠭᠠᠨ ᠰᠢᠪᠠᠷᠡᠭ᠍ᠰᠡᠨ ᠴᠠᠭ᠂ ᠭᠠᠯᠠᠭᠤ ᠡᠮᠦᠨᠡᠰᠢᠯᠡᠭᠦ ᠬᠤᠨᠤᠭ ᠤᠳ ᠲᠤ᠂ ᠮᠤᠯᠤᠮ ᠮᠤᠯᠤᠷ ᠬᠤᠶᠠᠷ ᠨᠢᠭᠡ ᠨᠢᠭᠡ ᠶᠢ ᠪᠠᠨ ᠳᠤᠷᠠᠰᠤᠨ ᠰᠠᠨᠠᠭᠠᠯᠵᠠᠵᠤ᠂ ᠰᠡᠳᠭᠢᠯ ᠳᠤᠳᠤᠷᠠ ᠪᠠᠨ ᠡᠮᠵᠡᠭᠯᠡᠨ ᠣᠶᠠᠷᠠᠵᠤ᠂ ᠬᠤᠯᠠ ᠶᠢᠨ ᠭᠠᠵᠠᠷ ᠡᠴᠡ ᠨᠢᠯᠪᠣᠰᠤ ᠣᠨᠠᠭᠠᠨ᠂ ᠭᠡᠵᠢᠶᠡ ᠣᠯᠵᠤ ᠣᠴᠠᠷᠠᠳᠠᠭ ᠪᠣᠯ ⁈ ᠭᠡᠵᠤ ᠭᠦᠰᠡᠵᠤ ᠮᠦᠷᠦᠭᠡᠳᠦᠭ᠍ᠰᠡᠭᠡᠷ ᠨᠢᠭᠡ ᠮᠡᠳᠡᠭᠦ ᠳᠤ ᠰᠢᠷᠠ ᠡᠳᠦᠷ ᠪᠣᠷᠤ ᠬᠤᠨᠤᠭ ᠤᠨ ᠰᠤᠯᠢᠯᠴᠠᠭᠠ ᠪᠠᠷ ᠨᠠᠰᠤ ᠨᠡᠮᠡᠭ᠍ᠳᠡᠨ᠂ ᠣᠬᠠᠭᠠ ᠪᠦᠷᠢᠳᠴᠤ᠂ ᠣᠨ ᠵᠢᠯ ᠢ ᠡᠭᠡᠯᠵᠢᠯᠡᠭ᠍ᠰᠡᠭᠡᠷ ᠡᠳᠦᠭᠡ ᠳᠠᠭᠢᠶᠠ ᠵᠢᠯ ᠢ ᠣᠭᠳᠤᠪᠠ᠃
ᠥᠩᠭᠡᠷᠡᠭ᠍ᠰᠡᠨ ᠣᠴᠢᠷ ᠢ ᠨᠢᠭᠡᠨᠲᠡ ᠪᠣᠳᠤᠯ ᠳᠠᠭᠠᠨ ᠳᠠᠷᠤᠵᠤ᠂ ᠡᠳᠦᠭᠡ ᠪᠠᠶᠠ ᠭᠦᠢᠴᠡᠭ᠍ᠰᠡᠨ ᠡᠷᠡ ᠪᠣᠯᠵᠤ᠂ ᠬᠤᠶᠠᠷ ᠨᠤᠳᠤᠭ ᠤᠨ ᠭᠠᠵᠠᠷ ᠳᠠᠭᠢ ᠮᠤᠩᠭ᠋ᠤᠯᠴᠤᠳ ᠤᠨ ᠳᠤᠮᠳᠠ ᠢᠳᠡᠷᠭᠦᠨ ᠵᠠᠯᠠᠭᠤᠴᠤᠳ ᠪᠣᠯᠵᠤ ᠪᠢᠯᠠ᠃
ᠮᠤᠯᠤᠮ ᠨᠢᠭᠡᠨᠲᠡ ᠠᠷᠪᠠᠨ ᠨᠢ᠋ᠮᠠᠨ ᠨᠠᠰᠤᠯᠠᠪᠠ᠃ ᠨᠠᠮᠰᠠᠷᠠᠢ ᠮᠤᠯᠤᠮ ᠢ ᠠᠪᠴᠢᠷᠭᠭᠰᠠᠨ ᠤ ᠰᠡᠭᠦᠯᠡᠷ ᠳᠡᠭᠦᠨ ᠢ ᠠᠳᠤᠭᠤᠨ ᠤ ᠳᠤᠪᠣ ᠳᠤ ᠠᠳᠤᠭᠤᠴᠢᠨ ᠪᠣᠯᠭᠠᠨ ᠭᠡᠷᠡᠭᠯᠡᠪᠡ᠃ ᠡᠭᠦᠨ ᠳᠤ ᠨᠠᠮᠰᠠᠷᠠᠢ ᠨᠤᠶᠠᠨ ᠳᠤ ᠮᠤᠯᠤᠮ ᠮᠤᠯᠤᠷ ᠢ ᠣᠯᠤᠭᠰᠠᠨ ᠦᠭᠡᠶ ᠭᠡᠵᠤ ᠬᠤᠳᠠᠯ ᠳᠤᠩᠭ᠋ᠤᠳᠴᠤ᠂ ᠡᠳᠡᠨᠡᠷ ᠤᠨ ᠣᠴᠢᠷ ᠢ ᠨᠢᠭᠡᠨ ᠥᠭᠡ ᠪᠠᠷ ᠪᠠᠯᠠᠯᠵᠤ ᠳᠠᠭᠤᠰᠬᠠᠪᠠ᠃ ᠣᠳᠤ᠂ ᠨᠠᠮᠰᠠᠷᠠᠢ ᠮᠤᠯᠤᠮ ᠢ ᠨᠢᠭᠤᠴᠠ ᠪᠠᠷ ᠳᠡᠵᠢᠭᠡᠨ᠂ ᠡᠷᠦᠭᠡ ᠳᠡᠭᠡᠨ ᠠᠳᠤᠭᠤᠴᠢᠨ ᠪᠣᠯᠭᠠᠭᠰᠠᠨ ᠡᠴᠡ ᠳᠡᠭᠦᠨ ᠤ ᠭᠦᠪᠠᠭᠦᠨ ᠨᠠᠮᠠᠬᠠᠢ ᠳᠤ ᠳᠡᠭᠦᠤ ᠪᠣᠯᠭᠠᠨ ᠳᠠᠭᠤᠳᠠᠭᠤᠯᠤᠨ᠂ ᠠᠷᠪᠠᠨ ᠨᠢ᠋ᠮᠠ ᠨᠠᠰᠤᠯᠠᠳᠠᠯᠠ ᠨᠠᠮᠰᠠᠷᠠᠢ ᠬᠤᠶᠠᠷ ᠭᠦᠪᠠᠭᠦᠨ ᠲᠡᠶ ᠨᠢᠭᠡ ᠦᠬᠢᠨ ᠲᠡᠶ ᠪᠠᠶᠠᠷᠳᠤ ᠠᠮᠢᠳᠤᠷᠠᠯ ᠢ ᠥᠩᠭᠡᠷᠭᠡᠨ ᠳᠠᠭᠠᠳᠠᠢ ᠠᠮᠢᠳᠤᠷᠠᠯ ᠳᠤ ᠰᠤᠭᠳᠤᠭᠤᠷᠠᠨᠠ᠃
ᠨᠠᠮᠰᠠᠷᠠᠢ ᠪᠠᠶᠠᠨ ᠵᠤᠨ ᠤ ᠣᠯᠠᠷᠢᠯ ᠤᠨ ᠴᠡᠴᠡᠭ᠌ ᠤᠨ ᠬᠤᠷᠠ ᠪᠠᠭᠤᠭᠰᠠᠨ ᠡᠳᠦᠷ᠂ ᠳᠦᠷᠪᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠳᠠᠪᠤᠨ ᠤ ᠡᠳᠦᠷ᠂ ᠦᠪᠡᠷ ᠤᠨ ᠦᠭᠢᠨ ᠷᠤᠯᠭᠠᠷᠮᠠ ᠶᠢᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠤᠨ ᠤ ᠣᠢ ᠶᠢ ᠳᠤᠷᠠᠰᠬᠠᠬᠤ ᠭᠡᠷ ᠤᠨ ᠪᠠᠶᠠᠷ ᠢ ᠭᠢᠭᠦ ᠪᠠᠷ ᠪᠣᠯᠪᠠ᠃ ᠳᠡᠭᠡᠭᠡᠳ ᠨᠠᠮᠰᠠᠷᠠᠢ ᠭᠦᠪᠠᠭᠦᠨ ᠨᠠᠮᠠᠬᠠᠢ ᠪᠣᠯᠤᠨ ᠮᠤᠯᠤᠮ ᠢ ᠳᠠᠭᠤᠳᠠᠨ ᠳᠡᠷᠭᠡᠯ ᠡᠳᠦᠷ ᠤᠨ ᠪᠠᠶᠠᠷ ᠪᠠ ᠭᠡᠦᠭᠡᠨ ᠳᠡᠭᠦᠤ ᠶᠢᠨ ᠶᠢᠡᠨ ᠳᠦᠷᠦᠭ᠍ᠰᠡᠨ ᠡᠳᠦᠷ ᠤᠨ ᠪᠠᠶᠠᠷ ᠢ ᠪᠠᠶᠠᠷᠳᠠᠢ ᠪᠠᠷ ᠪᠠᠯᠡᠭᠯᠡᠭᠦ ᠪᠠᠷ ᠣᠷᠤᠯᠴᠠᠭᠳᠤᠨ ︕ ᠭᠡᠰᠡᠨ ᠴᠢᠮᠡᠭᠡ ᠶᠢ ᠥᠭ᠍ᠪᠡ᠃
ᠠᠷᠪᠠᠨ ᠳᠦᠷᠪᠠᠨ ᠤ ᠣᠷᠤᠢ ᠳᠠᠷᠠ ᠬᠤᠶᠠᠷ ᠮᠤᠷᠢ ᠣᠨᠤᠵᠤ ᠮᠠᠩᠬᠠᠳᠤ ᠶᠢᠨ ᠫᠣᠤᠯᠤ ᠲᠡᠶ ᠪᠠᠭᠤᠷᠢ ᠳᠤ ᠢᠷᠠᠪᠠ᠃ ᠳᠠᠪᠤᠨ ᠵᠢᠯ ᠢᠷᠡᠭᠡ ᠦᠭᠡᠶ ᠮᠤᠯᠤᠮ᠂ ᠦᠨᠦ ᠳᠤᠩᠭ᠋ᠠᠯᠠᠭ ᠰᠦᠨᠢ ᠮᠤᠷᠢᠨ ᠡᠴᠡ ᠪᠠᠭᠤᠵᠤ᠂ ᠪᠠᠭᠤᠷᠢ ᠶᠢ ᠥᠵᠡᠭᠦ ᠳᠤ ᠥᠨᠡᠭᠡᠷ ᠥᠯᠢᠭᠡᠷ ᠳᠤᠮᠤᠭ ᠤᠨ ᠳᠤᠳᠤᠷᠠᠭᠢ ᠬᠠᠭᠤᠴᠢᠨ ᠣᠷᠳᠤ ᠬᠠᠷᠰᠢ ᠰᠢᠭ᠌ ᠳᠦᠷᠦᠭ᠍ᠳᠡᠯ ᠣᠷᠤᠨᠠ᠃
ᠳᠦᠷᠪᠡᠯᠵᠢᠨ ᠳᠤᠮᠤ ᠭᠦᠷᠢᠶᠡ᠂ ᠬᠤᠶᠠᠷ ᠳᠠᠯᠠ ᠳᠠᠭᠠᠨ ᠫᠣᠤᠯᠤ ᠲᠡᠶ᠂ ᠭᠦᠷᠢᠶᠡᠨ ᠳᠤᠳᠤᠷᠠ ᠶᠡᠭᠡ ᠰᠦᠷᠯᠢᠭ᠌ ᠪᠠᠷᠢᠭᠰᠠᠨ ᠭᠦᠭᠡ ᠸᠠᠭᠠᠷ ᠤᠨ ᠪᠠᠢ᠌ᠰᠢᠩ ᠭᠡᠷ ᠪᠠ ᠳᠠᠪᠤᠨ ᠵᠠᠯᠠᠨ ᠵᠤᠴᠢᠳ ᠪᠠᠭᠤᠴᠢᠯᠠᠬᠤ ᠭᠡᠷ᠂ ᠬᠤᠭᠤᠯᠠ ᠪᠠᠵᠠᠭᠠᠬᠤ ᠦᠷᠦᠭᠡ ᠬᠠᠷᠠᠭᠳᠠᠨᠠ᠃ ᠭᠦᠭᠡ ᠪᠠᠢ᠌ᠰᠢᠩ ᠤᠨ ᠠᠷᠤ ᠳᠠᠯᠠ ᠳ᠋ᠤᠨᠢ ᠪᠠᠰᠠ ᠨᠢᠭᠡ ᠴᠡᠪᠠᠷᠭᠡᠨ ᠪᠠᠢ᠌ᠭᠤᠯᠤᠭᠰᠠᠨ ᠭᠦᠭᠡ ᠸᠠᠭᠠᠷ ᠤᠨ ᠭᠡᠷᠡᠮ᠂ ᠣᠯᠠᠭᠠᠨ ᠸᠠᠭᠠᠷ ᠤᠨ ᠣᠷᠤᠢ ᠲᠡᠶ᠂ ᠰᠢᠪᠠᠭᠤᠳ ᠰᠦᠷᠦᠭ᠍ᠯᠡᠭ᠍ᠰᠡᠨ ᠰᠦᠯᠳᠡ ᠲᠡᠶ ᠦᠷᠦᠭᠡ ᠬᠠᠷᠠᠭᠳᠠᠨᠠ᠃ ᠳᠠᠷᠠ ᠪᠣᠯ ᠳᠠᠷᠤᠢ ᠪᠠᠭᠠ ᠠᠪᠠᠬᠠᠢ ᠷᠤᠯᠭᠠᠷᠮᠠ ᠶᠢᠨ ᠴᠠᠪᠠᠷ ᠦᠷᠦᠭᠡ ᠠᠵᠠᠢ᠃
ᠮᠤᠯᠤᠮ ᠳᠤᠳᠤᠷᠠ ᠪᠠᠨ᠂ ᠠᠢ︕ ᠮᠢᠨᠤ ᠡᠴᠢᠭᠡ ᠪᠠᠰᠠ ᠡᠢ᠌ᠮᠤ ᠪᠠᠢ᠌ᠭᠰᠠᠨ ᠪᠣᠯ᠂ ᠡᠰᠡᠭᠦᠯᠡ ᠠᠮᠢᠳᠤ ᠮᠠᠠᠳᠤ ᠴᠤ ᠪᠠᠢ᠌ᠭᠰᠠᠨ ᠪᠣᠯ ᠭᠡᠳ ᠪᠠᠶᠠ ᠪᠠᠨ ᠵᠢᠮᠠᠯᠠᠨ ᠮᠤᠷᠢᠨ ᠢ ᠱᠤᠩ ᠳᠤ ᠣᠶᠠᠵᠤ᠂ ᠨᠠᠮᠠᠬᠠᠢ ᠶᠢᠨ ᠠᠷᠤ ᠡᠴᠡ ᠲᠠᠭᠠᠨ ᠦᠷᠦᠭᠡᠨ ᠳᠤ ᠣᠷᠤᠵᠤ ᠠᠪᠠᠭᠠ ᠪᠠᠶᠠᠨ ᠲᠡᠶ ᠪᠠᠷᠠᠭᠠᠳᠠᠪᠠ᠃
ᠨᠠᠮᠰᠠᠷᠠᠢ ᠨᠢᠳᠤ ᠡᠷᠭᠦᠨ ᠭᠠᠳᠠᠨᠠ ᠡᠴᠡ ᠣᠷᠤᠵᠤ ᠢᠷᠡᠭ᠍ᠰᠡᠨ ᠬᠤᠶᠠᠷ ᠭᠦᠪᠠᠭᠦᠨ ᠢ ᠥᠵᠡᠭᠦ ᠳᠤ ᠥᠨᠡᠭᠡᠷ ᠨᠢᠭᠡᠨ ᠢᠳᠠᠳᠠᠨ ᠴᠢᠳᠠᠯᠳᠠᠨ ᠪᠣᠯᠤᠭᠰᠠᠨ ᠨᠢ ᠢᠯᠡᠷᠭᠡᠢ ᠠᠵᠠᠢ᠃ ᠳᠤᠳᠤᠷᠠ ᠪᠠᠨ ᠰᠡᠮᠡᠭᠡᠷ ᠪᠠᠶᠠᠷᠯᠠᠨ᠂ ᠶᠤᠰᠤᠳᠠᠢ ᠬᠤᠵᠢᠮ ᠤᠨ ᠮᠤᠩᠭ᠋ᠤᠯ ᠦᠷᠠᠰ ᠢ ᠡᠩᠭᠡ ᠮᠠᠠᠳᠤ᠂ ᠠᠮᠤᠷ ᠳᠠᠢ᠌ᠪᠣᠩ ᠬᠠᠮᠠᠭᠠᠯᠠᠵᠤ᠂ ᠭᠦᠮᠤᠨ ᠵᠡᠷᠭᠡ ᠳᠤ ᠭᠦᠷᠭᠡᠭ᠍ᠰᠡᠨ ᠳᠡᠭᠡᠨ ᠣᠮᠤᠭᠰᠢᠨ ᠪᠠᠢ᠌ᠭᠠ ᠭᠡᠮᠡᠷᠭᠡᠨ᠂ ᠴᠢᠷᠠᠢ ᠳᠤ ᠪᠠᠶᠠᠷ ᠤᠨ ᠣᠴᠢ ᠮᠠᠠᠳᠤᠭᠤᠯᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ᠂ ᠬᠤᠶᠠᠷ ᠭᠦᠪᠠᠭᠡᠨ ᠮᠢᠨᠢ ᠡ᠊ᠨᠳᠡ ᠰᠠᠭᠤ᠂ ᠡᠴᠢᠭᠡ ᠨᠢ ᠰᠠᠢ᠌ᠬᠠᠨ ᠨᠢᠭᠡ ᠰᠢᠡᠵᠢᠭᠡᠳ ᠦᠵᠡᠶᠠ ᠭᠡᠵᠤ ᠬᠠᠵᠠᠭᠤ ᠳᠠᠰᠢ ᠪᠠᠨ ᠬᠤᠶᠠᠭᠤᠯᠠ ᠶᠢ ᠰᠠᠭᠤᠯᠭᠠᠪᠠ᠃
ᠡᠪᠦᠭᠡᠨ ᠤ ᠪᠣᠳᠤᠯ ᠢ ᠳᠠᠯᠠ ᠳᠤ ᠪᠠᠨ ᠪᠠᠢ᠌ᠬᠤ ᠶᠢ ᠭᠡᠨ ᠴᠤ ᠮᠡᠳᠡᠭ᠍ᠰᠡᠨ ᠦᠭᠡᠶ᠂ ᠡᠨᠡ ᠦᠳᠡᠰᠢ ᠶᠢᠨ ᠨᠠᠢ᠌ᠷ ᠨᠠᠷᠭᠢᠯᠳᠤᠭᠠᠨ᠂ ᠪᠠᠶᠠᠷ ᠪᠢᠯᠬᠠᠯᠳᠤᠨ᠂ ᠭᠡᠷ ᠵᠠᠭᠤᠷᠠ ᠶᠢᠨ ᠠᠷᠰᠠᠷ ᠣᠴᠢᠷ ᠰᠢᠯᠳᠠᠭᠠᠨ ᠢ ᠶᠠᠷᠢᠯᠴᠠᠨ ᠦᠨᠵᠢᠨ ᠦᠷ ᠴᠠᠢ᠌ᠯᠭᠠᠪᠠ᠃
ᠬᠠᠩᠰᠢ ᠶᠢᠨ ᠳᠠᠷᠠᠭᠠᠭᠢ ᠳᠤᠯᠠᠭᠠᠨ ᠠᠮᠢᠰᠬᠤᠯ ᠳᠤ ᠲᠦᠮᠡᠨ ᠪᠣᠳᠠᠰ ᠠᠮᠢᠯᠠᠯ ᠤᠨ ᠭᠦᠴᠤᠨ ᠢ ᠣᠯᠵᠤ᠂ ᠭᠦᠷᠦᠰᠤᠨ ᠡᠴᠡ ᠳᠡᠭᠡᠭ᠍ᠰᠢ ᠰᠠᠷᠪᠠᠯᠵᠠᠨ ᠭᠠᠷᠴᠤ ᠢᠷᠡᠭᠦ ᠳᠤ᠂ ᠨᠤᠳᠤᠭ ᠨᠢᠷᠤᠭᠤ ᠨᠢ ᠬᠤᠪᠠᠬᠠᠢ ᠡᠪᠦᠯ ᠤᠨ ᠰᠢᠠᠵᠢ ᠪᠠᠨ ᠳᠠᠶᠠᠭᠳᠠᠨ ᠪᠠᠢ᠌ᠭᠠᠯᠢ ᠶᠢᠨ ᠥᠩᠭᠡ ᠪᠠᠷ ᠲᠠᠭᠠᠨ ᠪᠠᠶᠠᠰᠤᠨᠠ᠃ ᠭᠤᠤᠯ ᠤᠨ ᠳᠤᠬᠤᠢ ᠪᠤᠯᠦᠩ ᠶᠢᠡᠷ ᠨᠤᠭᠤᠭᠠᠷᠠᠨ ᠠᠯᠤᠰ ᠤᠨ ᠳᠡᠷᠳᠡᠭᠡ ᠵᠡᠷᠭᠡᠯᠭᠡᠨ ᠰᠦᠮᠠᠯᠵᠡᠵᠤ ᠶᠤᠰᠤᠳᠠᠢ 《ᠬᠠᠷᠢ ᠳᠤ ᠮᠤᠷᠳᠠᠭᠰᠠᠨ ᠭᠡᠦᠭᠡᠨ ᠳᠦᠷᠭᠦᠮ ᠶᠢᠡᠨ ᠰᠠᠨᠠᠨ᠂ ᠬᠤᠯᠠ ᠶᠠᠪᠣᠭᠰᠠᠨ ᠭᠦᠮᠤᠨ ᠨᠤᠳᠤᠭ ᠶᠢᠡᠨ ᠮᠦᠷᠦᠭᠡᠳᠭᠦ》 ᠭᠡᠳᠡᠭ᠍ᠴᠢᠯᠡᠨ ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠭᠦᠮᠤᠨ ᠤ ᠰᠡᠳᠭᠢᠯ ᠰᠠᠨᠠᠭᠠ ᠶᠢ ᠤᠢᠮᠦᠷᠠᠭᠤᠯᠤᠨᠡ᠃
ᠦᠷᠯᠦᠭᠡ ᠶᠢᠨ ᠬᠤᠭᠤᠯᠠ ᠴᠠᠢ ᠶᠢᠨ ᠳᠠᠷᠠᠭᠠ ᠵᠠᠷᠤᠴᠠ ᠭᠡᠦᠭᠡᠳ ᠥᠭᠡᠷ ᠠᠯᠠᠵᠤ᠂ ᠬᠤᠨᠢ ᠨᠢᠳᠤᠯᠠᠨ ᠣᠷᠤᠢ ᠶᠢᠨ ᠨᠠᠢ᠌ᠷ ᠤᠨ ᠵᠤᠭᠤᠰᠢ ᠶᠢ ᠪᠡᠯᠡᠳᠭᠡᠭᠦ ᠶᠢ ᠥᠭᠦᠯᠡᠭᠦ ᠦᠭᠡᠶ᠃ ᠳᠤᠯᠠᠭᠠᠨ ᠨᠠᠷᠠᠨ ᠤ ᠡᠭᠡᠯᠢᠳᠡᠢ᠌ᠭᠡᠨ ᠢᠯᠴᠢ ᠳᠤ ᠠᠯᠤᠰ ᠢ ᠰᠢᠷᠳᠠᠨ ᠪᠠᠢ᠌ᠭᠰᠠᠨ ᠮᠤᠯᠤᠮ ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠦᠪᠡᠷ ᠤᠨ ᠳᠦᠷᠦᠭ᠍ᠰᠡᠨ ᠨᠤᠳᠤᠭ ᠪᠦᠪᠠᠢ ᠶᠢᠨ ᠨᠤᠳᠤᠭ ᠶᠢᠡᠷ ᠶᠢᠡᠨ ᠣᠴᠢᠬᠤ ᠭᠡᠰᠡᠨ ᠭᠦᠰᠡᠯ ᠰᠡᠳᠬᠢᠯᠭᠡ ᠣᠷᠭᠢᠯᠤᠨ ᠪᠣᠰᠪᠠ᠃ ᠳᠡᠭᠡᠭᠡᠳ ᠣᠰᠤᠨ ᠬᠠᠷᠠ ᠳᠠᠭᠠᠨ ᠮᠤᠩᠭ᠋ᠤᠯᠵᠢᠨ ᠮᠠᠶᠢᠭ ᠤᠨ ᠮᠥᠩᠭᠦᠨ ᠳᠤᠪᠣᠷᠤᠤ ᠲᠡᠶ ᠽᠠᠠᠳᠠᠨ ᠡᠮᠡᠭᠡᠯ ᠶᠢᠡᠨ ᠳᠤᠬᠤᠵᠤ᠂ ᠭᠠᠷ ᠲᠠᠭᠠᠨ ᠳᠠᠪᠣᠰᠤᠯᠠᠨ ᠭᠦᠷᠦᠭ᠍ᠰᠡᠨ ᠮᠢᠯᠠᠭᠠ ᠪᠠᠨ ᠠᠳᠬᠤᠨ᠂ ᠣᠰᠤᠨ ᠬᠠᠷᠠ ᠶᠢᠨ ᠶᠢᠡᠨ ᠵᠥᠭᠡᠯᠡᠨ ᠰᠠᠢ᠌ᠪᠣᠷ ᠶᠢᠡᠷ ᠭᠠᠯᠭᠢᠭᠤᠯᠤᠨ᠂ ᠪᠦᠪᠠᠢ ᠶᠢᠨ ᠨᠤᠳᠤᠭ ᠤᠨ ᠵᠠᠮ ᠶᠢᠡᠨ ᠰᠢᠭᠤᠳᠪᠠ᠃
ᠠᠷᠤ ᠳ᠋ᠤᠨᠢ ᠬᠤᠴᠤᠷᠤᠭᠰᠠᠨ ᠵᠡᠭᠡᠷᠳᠡ ᠬᠠᠯᠢᠭᠤᠨ ᠱᠤᠩ ᠶᠢᠡᠨ ᠲᠠᠭᠠᠨ ᠦᠣᠷᠰᠠᠵᠤ᠂ ᠴᠤᠯᠪᠣᠭᠤᠷ ᠶᠢᠡᠨ ᠳᠠᠰᠤᠯᠠᠮᠠᠷ ᠴᠤᠪᠬᠤᠴᠢᠨᠠ᠃ ᠨᠤᠳᠤᠭ ᠤᠨ ᠰᠢᠷᠤᠢ ᠳᠠᠭᠠᠨ ᠢᠵᠢᠯᠰᠢᠨ ᠳᠠᠰᠤᠭᠰᠠᠨ᠂ ᠨᠢᠭᠡ ᠰᠦᠷᠦᠭ᠌ ᠤᠨ ᠭᠡᠵᠤ ᠡᠢ᠌ᠮᠤ ᠯᠠ ᠪᠠᠢ᠌ᠭᠰᠠᠠᠵᠠᠢ᠃ ᠳᠤᠳᠤᠷ ᠦᠷᠦᠭᠡᠨ ᠳᠤ ᠪᠠᠢ᠌ᠭᠰᠠᠨ ᠷᠤᠯᠭᠠᠷᠮᠠ᠂ ᠨᠠᠮᠠᠬᠠᠢ᠂ ᠮᠤᠯᠤᠮ ᠤᠨ ᠰᠠᠢ᠌ᠪᠣᠷ ᠮᠤᠷᠢᠨ ᠤ ᠠᠷᠤ ᠡᠴᠡ ᠦᠵᠡᠨ ᠴᠤᠬᠤᠮ ᠬᠠᠮᠢᠭᠠ ᠣᠴᠢᠬᠤ ᠭᠡᠵᠤ ᠪᠠᠢ᠌ᠭᠠ ᠶᠢ ᠮᠠᠳᠠᠨ ᠶᠠᠳᠠᠨ᠂ ᠢᠵᠢᠯ ᠳᠠᠭᠤᠨ ᠶᠢᠡᠷ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠷᠠ ᠬᠠᠮᠢᠭᠠ ᠶᠠᠪᠣᠬᠤ ᠶᠤᠮ ᠪᠣᠢ︖ ᠭᠡᠭᠦ ᠠᠰᠠᠭᠤᠯᠳᠠ ᠳᠠᠪᠬᠤᠳᠠᠨ ᠰᠤᠨᠤᠰᠳᠠᠨᠠ᠃
ᠮᠤᠷᠢᠨ ᠤ ᠵᠥᠭᠡᠯᠡᠨ ᠰᠠᠢ᠌ᠪᠣᠷ ᠶᠢᠡᠷ ᠭᠠᠯᠭᠢᠭᠤᠯᠵᠤ ᠶᠠᠪᠣᠭᠠ ᠮᠤᠯᠤᠮ ᠳᠠᠷᠠ ᠬᠤᠶᠠᠠᠷ ᠤᠨ ᠳᠠᠭᠤᠨ ᠢ ᠰᠤᠨᠤᠰᠬᠤ ᠴᠢᠯᠦᠭᠡ ᠭᠠᠷᠤᠭᠰᠠᠨ ᠦᠭᠡᠶ᠃
ᠬᠤᠯᠠ ᠳᠤ ᠬᠠᠷᠠᠭᠳᠠᠬᠤ ᠵᠡᠷᠭᠡᠯᠭᠡᠨ ᠢ ᠭᠦᠢᠴᠡᠭᠦ ᠭᠡᠰᠡᠨ ᠮᠠᠶᠢᠭᠳᠠᠢ᠂ ᠣᠰᠤᠨ ᠬᠠᠷᠠ ᠶᠢᠨ ᠵᠥᠭᠡᠯᠡᠨ ᠰᠠᠢ᠌ᠪᠣᠷ ᠲᠤ ᠮᠤᠯᠤᠮ ᠣᠯᠠᠨ ᠶᠠᠭᠤᠮᠠ ᠶᠢ ᠪᠣᠳᠤᠨᠠ᠃ ᠨᠤᠳᠤᠭ ᠤᠨ ᠪᠣᠷᠤ ᠰᠢᠷᠤᠢ ᠡᠴᠡ ᠪᠠᠨ ᠨᠢ᠋ᠮᠠᠳᠠᠢ ᠳᠠᠷᠠ ᠵᠢᠯ ᠠᠶᠠᠷᠯᠠᠨ᠂ ᠠᠷᠪᠠᠨ ᠵᠢᠯ ᠤᠨ ᠨᠢᠭᠤᠷ ᠢ ᠥᠵᠡᠭᠡᠳ᠂ ᠦᠨᠦᠳᠤᠷ ᠦᠰᠴᠦ ᠳᠦᠷᠦᠭ᠍ᠰᠡᠨ ᠥᠯᠦᠭᠡᠢ ᠨᠤᠳᠤᠭ ᠪᠦᠪᠠᠢ ᠶᠢᠨ ᠨᠤᠳᠤᠭ ᠲᠠᠭᠠᠨ ᠣᠴᠢᠬᠤ ᠳᠠᠭᠠᠨ ᠶᠠᠭᠠᠭᠢᠬᠤ ᠶᠢᠨ ᠠᠷᠭᠠ ᠦᠭᠡᠶ ᠪᠣᠳᠤᠯ ᠰᠤᠯᠢᠶᠠᠷᠠᠨᠠ᠃ ᠶᠠᠭᠠᠭᠢᠬᠤ ᠳᠠᠭᠠᠨ ᠦᠰᠴᠦ ᠳᠦᠷᠦᠭ᠍ᠰᠡᠨ ᠥᠯᠦᠭᠡᠢ ᠨᠤᠳᠤᠭ ᠲᠠᠭᠠᠨ ᠣᠷᠤᠰᠢᠨ ᠳᠤᠭᠳᠠᠨᠢᠵᠤ ᠴᠢᠳᠠᠬᠤ ᠦᠭᠡᠶ ᠬᠠᠷᠢ ᠠᠢ᠌ᠮᠠᠭ ᠭᠠᠳᠠᠷ ᠬᠤᠰᠢᠭᠤ ᠪᠠᠷ ᠴᠠᠭᠠᠴᠢᠠᠯᠠ ᠵᠢᠷᠭᠠᠯᠳᠠᠢ ᠰᠠᠢ᠌ᠬᠠᠨ ᠪᠠᠭᠠ ᠨᠠᠰᠤ ᠪᠠᠨ ᠦᠨᠡᠰᠤ ᠬᠤᠵᠢᠷ ᠤᠨ ᠳᠤᠮᠳᠠ ᠪᠣᠯᠠᠰᠢᠯᠠᠨ ᠭᠦᠰᠡᠯ ᠲᠡᠶ ᠰᠠᠢ᠌ᠬᠠᠨ ᠠᠮᠢᠳᠤᠷᠠᠵᠤ ᠪᠣᠯᠳᠠᠭ ᠦᠭᠡᠶ ᠪᠣᠢ︖ ᠭᠡᠭᠦ ᠡᠭᠡᠳᠡᠷᠭᠡᠨ ᠲᠡᠶ ᠠᠰᠠᠭᠤᠳᠠᠯ ᠳᠤ ᠵᠢᠭᠤᠷᠠᠯᠳᠤᠨᠠ᠃ ᠦᠯᠵᠡᠢ᠌ᠮᠦᠷᠠᠨ ᠤ ᠳᠠᠭᠢᠷᠯᠠᠨ ᠣᠷᠤᠰᠤᠭᠰᠠᠨ ᠣᠯᠤᠮ ᠳᠤᠬᠤᠢ ᠶᠢ ᠡᠷᠭᠢᠨ᠂ ᠰᠢᠯᠢ ᠶᠢ ᠳᠠᠪᠠᠨ ᠵᠤ᠋ ᠶᠢ ᠥᠭ᠍ᠰᠡᠵᠤ ᠶᠠᠪᠣᠭᠰᠠᠭᠠᠷ ᠨᠢᠭᠡ ᠮᠡᠳᠡᠭᠦ ᠳᠤ ᠪᠠᠭᠠ ᠶᠢᠨ ᠦᠶᠡ ᠳᠤ ᠪᠠᠨ ᠳᠤᠭᠠᠯᠠᠨ ᠨᠠᠭᠠᠳᠴᠤ ᠶᠠᠪᠣᠭᠰᠠᠨ ᠣᠳᠠ ᠶᠢᠨ ᠣᠯᠤᠮ ᠤᠨ ᠪᠠᠷᠠ ᠬᠠᠷᠠᠭᠳᠠᠪᠠ᠃
ᠦᠯᠵᠡᠢ᠌ᠮᠦᠷᠠᠨ ᠤ ᠳᠠᠭᠢᠷ ᠲᠤ ᠣᠷᠭᠤᠭᠰᠠᠨ ᠪᠦᠳᠦᠭᠦᠨ ᠪᠦᠳᠦᠭᠦᠨ ᠣᠳᠠ ᠮᠤᠳᠤᠳ ᠤᠨ ᠣᠠᠵᠠᠢ᠌ᠭᠰᠠᠨ ᠣᠷᠳᠤ ᠰᠠᠯᠠᠭᠠ ᠨᠢ ᠬᠠᠪᠣᠷ ᠤᠨ ᠳᠤᠯᠠᠭᠠᠨ ᠳᠤ ᠭᠦᠯᠦᠭᠡᠯᠡᠨ᠂ ᠳᠠᠪᠠᠷᠢ ᠪᠦᠳᠦᠭᠦᠨ ᠪᠠᠢ᠌ᠭᠰᠠᠨ ᠭᠦᠭ᠍ᠰᠢᠨ ᠣᠳᠠ ᠤᠳ ᠮᠦᠨ ᠣᠤᠯ ᠤᠨ ᠶᠤᠰᠤᠭᠠᠷ ᠶᠢᠡᠨ ᠰᠡᠭᠦᠢᠨ ᠬᠠᠷᠠᠭᠳᠠᠨᠠ᠃ ᠣᠳᠠ ᠶᠢᠨ ᠣᠯᠤᠮ ᠤᠨ ᠴᠢᠭᠢᠭ᠍ᠯᠢᠭ᠌ ᠭᠦᠷᠦᠰᠤᠨ ᠳᠤ ᠪᠠᠭᠰᠢᠷᠠᠯᠳᠤᠨ ᠣᠷᠭᠤᠵᠤ ᠪᠠᠢ᠌ᠭᠠ ᠨᠤᠭᠤᠭᠠᠨ ᠡᠪᠠᠰᠤᠨ ᠤ ᠵᠥᠭᠡᠯᠡᠨ ᠨᠢᠯᠬᠠ ᠨᠠᠪᠴᠢᠰ ᠳᠠᠭᠤ ᠴᠢᠮᠡᠭᠡ ᠦᠭᠡᠶ ᠪᠠᠷ ᠱᠤᠤᠭᠢᠯᠳᠤᠨ ᠣᠷᠭᠤᠨᠠ᠃ ᠨᠤᠳᠤᠭ ᠤᠨ ᠪᠠᠯᠴᠢᠭᠡᠷ ᠳᠠᠭᠡᠨ ᠭᠦᠯ ᠭᠢᠰᠭᠢᠨ ᠴᠢᠭᠢᠭ᠍ᠯᠢᠭ᠌ ᠠᠭᠤᠷ ᠠᠮᠢᠰᠬᠤᠯ ᠢ ᠠᠮᠢᠰᠬᠤᠨ ᠴᠡᠭᠡᠵᠢ ᠨᠢᠭᠡ ᠳᠠᠨᠠᠢ᠌ᠳᠠᠯᠠ ᠣᠩᠭ᠋ᠣᠢ᠌ᠨ᠂ ᠶᠠᠭᠠᠭᠢᠬᠤ ᠶᠢᠨ ᠠᠷᠭᠠ ᠦᠭᠡᠶ ᠴᠡᠭᠡᠵᠢᠨ ᠳᠤᠳᠤᠷᠠ ᠡᠴᠡ ᠭᠡᠯᠡᠶᠡ ᠭᠡᠰᠡᠨ ᠭᠡᠴᠢᠨᠡᠨ ᠣᠯᠠᠨ ᠥᠭᠡ ᠪᠠ ᠶᠠᠷᠢᠶᠠ ᠭᠡᠰᠡᠨ ᠭᠡᠴᠢᠨᠡᠨ ᠣᠯᠠᠨ ᠰᠢᠨᠠᠯᠠᠯ ᠨᠢ ᠪᠠᠭᠰᠢᠷᠠᠯᠳᠠᠨ᠂ ᠭᠡᠯᠡᠵᠤ ᠭᠠᠷᠴᠤ ᠳᠡᠢ᠌ᠯᠭᠦ ᠦᠭᠡᠶ᠂ ᠴᠢᠳᠠᠯ ᠤᠨ ᠭᠢᠷᠢ ᠪᠠᠷ ᠶᠢᠡᠨ ᠪᠠᠷᠭᠢᠷᠬᠤ ᠳᠤ᠂ ᠨᠤᠭᠤᠭᠠ ᠴᠢᠮᠭᠢᠯᠡᠭ᠍ᠰᠡᠨ ᠣᠰᠤᠨ ᠬᠠᠷᠠ ᠳᠠᠭᠤᠨ ᠳᠤ ᠰᠤᠴᠢᠨ᠂ ᠴᠢᠭᠢ ᠬᠤᠯᠠᠮᠠᠢ᠌ᠳᠤᠨ ᠡᠰᠢ ᠳᠠᠰᠢ ᠠᠵᠢᠶᠠᠷᠠᠨ ᠦᠵᠡᠨᠠ᠃ ᠪᠠᠷᠭᠢᠷᠠᠭᠰᠠᠨ ᠳᠠᠭᠤᠨ ᠳᠠᠭᠠᠨ ᠮᠤᠯᠤᠮ ᠦᠪᠡᠷ ᠢ ᠪᠠᠨ ᠢᠳᠡᠭᠡᠵᠤ ᠶᠠᠳᠠᠨ᠂ ᠳᠡᠷᠳᠡᠭᠡ ᠬᠠᠷᠠᠭᠳᠠᠬᠤ ᠴᠢᠯᠠᠭᠤᠨ ᠫᠠᠢ᠌ᠰᠠ ᠶᠢ ᠰᠢᠷᠳᠡᠭᠡᠳ᠂ ᠳᠤᠳᠤᠷᠠ ᠨᠢ ᠨᠢᠯᠭᠢᠨ᠂ ᠴᠤᠬᠤᠮ ᠳᠡᠭ᠍ᠷᠢ ᠶᠢᠨ ᠴᠠᠭᠢᠯᠭᠠᠨ ᠳᠤ ᠳᠠᠭᠠᠷᠢᠭᠳᠠᠭᠰᠠᠨ ᠶᠤᠮ ᠰᠢᠭ᠌ ᠪᠦᠭᠦ ᠪᠠᠶᠠ ᠨᠢ ᠰᠤᠯᠠᠷᠠᠨ᠂ ᠬᠤᠶᠠᠷ ᠨᠢᠳᠤᠨ ᠳ᠋ᠤᠨᠢ ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠨᠢᠯᠪᠣᠰᠤᠨ ᠬᠤᠷᠠᠨ᠂ 《ᠠᠪᠣ ᠡ︕》 ᠭᠡᠭᠦ ᠭᠠᠭᠴᠠᠭᠠᠨ ᠥᠭᠡ ᠪᠠᠨ ᠳᠤᠷᠴᠤ ᠳᠡᠭᠡᠭᠯᠡᠨ ᠪᠠᠢ᠌ᠵᠤ ᠭᠡᠯᠡᠨ᠂ ᠴᠢᠯᠠᠭᠤᠨ ᠫᠠᠢ᠌ᠰᠠ ᠶᠢᠨ ᠵᠥᠭ᠌ ᠮᠥᠯᠭᠦᠯᠡᠨ ᠮᠠᠴᠤᠯᠠᠨᠠ᠃
ᠠᠷᠪᠠᠨ ᠵᠢᠯ ᠤᠨ ᠰᠠᠯᠭᠢ ᠪᠣᠷᠤᠭᠠᠨ ᠤ ᠳᠤᠮᠳᠠᠭᠤᠷ ᠮᠤᠯᠤᠮ ᠭᠡᠴᠢᠨᠡᠨ ᠬᠤᠨᠤᠭ ᠪᠣᠳᠤᠯ ᠳᠠᠭᠠᠨ ᠰᠠᠨᠠᠵᠤ ᠶᠠᠪᠣᠭᠰᠠᠨ ᠢ ᠶᠠᠭᠠᠭᠢᠨ ᠭᠡᠯᠡᠨᠡ᠃ ᠨᠠᠩ ᠡᠨᠡᠭᠦ ᠦᠨᠦᠴᠢᠷᠠᠯ ᠭᠠᠭᠴᠠᠷᠳᠠᠯ ᠤᠨ ᠰᠡᠳᠬᠢᠯᠭᠡ ᠶᠢ ᠡᠨᠡ ᠳᠡᠯᠡᠭᠡᠢ ᠳᠡᠭᠡᠷᠡ ᠴᠤᠬᠤᠮ ᠭᠦ ᠳᠠᠷᠬᠠᠨ ᠤ ᠴᠠᠢ᠌ᠳᠠᠮ ᠳᠤ ᠪᠠᠢ᠌ᠭᠠ ᠳᠡᠭᠦᠤ ᠡᠴᠡ ᠪᠣᠰᠤᠳ ᠭᠡᠨ ᠭᠦᠮᠤᠨ ᠮᠠᠳᠠᠨᠠ᠃ ᠰᠢᠷᠤᠢ ᠳᠤᠭᠤᠰᠤᠨ ᠳᠤ ᠳᠠᠷᠤᠭᠳᠠᠭᠰᠠᠨ ᠴᠢᠯᠠᠭᠤᠨ ᠫᠠᠢ᠌ᠰᠠ ᠶᠢ ᠳᠠᠪᠠᠷᠢᠨ᠂ ᠮᠤᠯᠤᠮ ᠭᠡᠯᠡᠭᠡᠳ ᠪᠠᠷᠠᠰᠢ ᠦᠭᠡᠶ ᠰᠡᠳᠭᠢᠯ ᠤᠨ ᠰᠢᠷᠬᠠᠯᠠᠯ ᠶᠢᠡᠨ ᠡᠴᠢᠭᠡ ᠳᠡᠭ᠍ᠷᠢ ᠠᠪᠣ ᠫᠣᠩᠰᠤᠭ ᠳᠠᠭᠠᠨ ᠭᠡᠯᠡᠶᠡ ᠭᠡᠰᠡᠨ ᠰᠢᠭ᠌ ᠬᠤᠶᠠᠷ ᠨᠢᠳᠤᠨ ᠤ ᠨᠢᠯᠪᠣᠰᠤ ᠨᠢ ᠳᠠᠰᠤᠷᠠᠯ ᠦᠭᠡᠶ ᠪᠦᠮᠪᠦᠷᠢᠨ᠂ ᠪᠣᠰᠤᠭᠠ ᠵᠤᠭᠰᠤᠭᠠ ᠴᠢᠯᠠᠭᠤᠨ ᠫᠠᠢ᠌ᠰᠠ ᠶᠢ ᠠᠪᠣ ᠲᠡᠶ ᠪᠠᠨ ᠠᠳᠠᠯᠢᠬᠠᠨ ᠪᠦᠭᠡᠳ ᠠᠪᠣ ᠶᠢᠨ ᠶᠢᠡᠨ ᠬᠠᠯᠠᠭᠤᠨ ᠡᠯᠢᠭᠡᠨ ᠳᠤ ᠨᠠᠭᠠᠯᠳᠤᠨ᠂ ᠡᠨᠡ ᠣᠷᠴᠢᠯᠠᠩ ᠤᠨ ᠵᠢᠷᠭᠠᠯ ᠭᠡᠳᠡᠭ᠌ ᠢ ᠪᠠᠷᠤᠭ ᠯᠠ ᠡᠨᠡ ᠨᠠᠰᠤᠨ ᠳᠠᠭᠠᠨ ᠠᠩᠬᠠ ᠣᠳᠠᠭᠠ ᠭᠦᠷᠳᠡᠨ ᠪᠠᠢ᠌ᠭᠠ ᠰᠢᠭ᠌ ᠰᠠᠨᠠᠭᠳᠠᠭᠤᠯᠤᠨᠠ᠃
ᠫᠠᠢ᠌ᠰᠠᠨ ᠳᠡᠭᠡᠷᠡ ᠪᠢᠴᠢᠭ᠍ᠰᠡᠨ 《ᠰᠢᠳᠤᠷᠭᠤ ᠵᠢᠷᠤᠮᠳᠤ᠂ ᠡᠭᠡᠯ ᠪᠣᠷᠤᠭᠵᠢᠭᠤᠨ ᠮᠤᠩᠭ᠋ᠤᠯ ᠪᠢᠴᠢᠭᠡᠴᠢ》 ᠭᠡᠭᠦ ᠵᠢᠷᠭᠤᠭᠠᠨ ᠥᠰᠦᠭ᠌ ᠢ ᠳᠠᠮᠳᠠᠷᠢᠨ᠂ ᠰᠡᠳᠭᠢᠯ ᠳᠤᠳᠤᠷᠠ ᠨᠢ ᠣᠢ᠌ᠯᠤᠨ ᠪᠣᠰᠴᠤ᠂ ᠦᠶᠡᠷ ᠤᠨ ᠳᠠᠪᠠᠯᠭᠠ ᠰᠢᠭ᠌ ᠳᠠᠪᠠᠯᠭᠠᠯᠠᠨ᠂ ᠬᠠᠮᠤᠭ ᠡᠴᠦᠰ ᠲᠡᠭᠡᠨ ᠡᠭᠡᠷ ᠳᠠᠳᠠᠨ ᠴᠢᠯᠠᠭᠤᠨ ᠫᠠᠢ᠌ᠰᠠ ᠶᠢ ᠳᠠᠰᠤ ᠳᠠᠪᠠᠷᠢᠮᠠᠷ ᠳᠠᠯᠴᠢᠯᠠᠨᠠ᠃ ᠭᠦᠭᠡᠷᠦᠭᠦᠢ ᠮᠤᠯᠤᠮ ᠮᠢᠨᠢ᠂ ᠡᠨᠡ ᠨᠠᠰᠤᠨ ᠳᠠᠭᠠᠨ ᠢᠩᠭᠢᠵᠤ ᠨᠢᠭᠡ ᠣᠳᠠᠭᠠ ᠬᠠᠷᠠᠩᠭ᠋ᠣᠢ᠌ᠳᠠᠳᠠᠯᠠ ᠣᠭᠢᠯᠠᠭᠰᠠᠨ ᠡᠴᠡ ᠨᠠᠰᠢ ᠳᠠᠭᠢᠨ ᠣᠷᠤᠨ ᠳᠠᠭᠠᠨ ᠣᠷᠤᠨ᠂ ᠬᠠᠳᠠᠨ ᠭᠡᠷ ᠲᠡᠭᠡᠨ ᠪᠣᠴᠠᠳᠠᠯᠠ ᠢᠩᠭᠡᠵᠤ ᠬᠠᠷᠠᠩᠭ᠋ᠣᠢ᠌ᠳᠠᠳᠠᠯᠠ ᠣᠭᠢᠯᠠᠭᠰᠠᠨ ᠦᠭᠡᠶ ᠶᠤᠮ᠃ ᠢᠩᠭᠢᠵᠤ ᠣᠭᠢᠯᠠᠶᠠ ᠭᠡᠵᠤ ᠪᠣᠳᠤᠭᠰᠠᠨ ᠴᠤ ᠣᠳᠠᠭᠠᠨ ᠬᠤᠨᠤᠭ ᠵᠤᠵᠠᠭᠠᠨ ᠡᠳᠦᠷ ᠤᠨ ᠭᠤᠳᠤᠷᠠᠯ ᠳᠤᠷᠤᠮᠵᠢᠯᠠᠯ᠂ ᠴᠠᠭᠠᠨ ᠨᠢᠳᠤ᠂ ᠭᠠᠳᠠᠭᠤᠷᠴᠢᠯᠠᠯ ᠡᠴᠡ ᠪᠣᠯᠵᠤ ᠨᠢᠭᠡᠨᠲᠡ ᠰᠡᠳᠬᠢᠯᠭᠡ ᠨᠢ ᠭᠦᠯᠳᠡᠨ ᠭᠦᠷᠦᠰᠢᠵᠤ᠂ ᠡᠨᠡ ᠮᠠᠳᠤ ᠰᠠᠢ᠌ᠨ ᠰᠠᠢ᠌ᠬᠠᠨ ᠤ ᠭᠦᠰᠡᠯ ᠳᠠᠪᠢᠯᠠᠩ ᠢ ᠪᠣᠳᠤᠭᠤᠯᠬᠤ ᠵᠠᠪᠰᠢᠶᠠᠨ ᠢ ᠦᠭᠭᠦᠭ᠍ᠰᠡᠨ ᠦᠭᠡᠶ ᠡᠨᠡ ᠨᠡᠢ᠌ᠭᠡᠮ᠃ ᠨᠠᠩ ᠢᠯᠠᠩᠭ᠋ᠤᠶᠠ ᠨᠤᠳᠤᠭ ᠤᠨ ᠭᠦᠷᠦᠰᠤᠨ ᠳᠡᠭᠡᠨ ᠠᠩᠬᠠ ᠣᠳᠠᠭᠠ ᠢᠷᠡᠭᠦ ᠳᠡᠭᠡᠨ ᠦᠭᠭᠦᠭ᠍ᠰᠡᠨ ᠡᠨᠡ ᠮᠠᠳᠤ ᠬᠠᠯᠠᠭᠤᠨ ᠳᠤᠯᠠᠭᠠᠨ᠂ ᠬᠠᠢ᠌ᠷᠠ ᠢᠪᠡᠭᠡᠯ᠂ ᠮᠤᠯᠤᠮ ᠷᠤᠯᠭᠠᠷᠮᠠ ᠲᠡᠶ ᠬᠤᠷᠢᠮᠯᠠᠨ᠂ ᠭᠦᠮᠤᠨ ᠤ ᠠᠮᠤᠰᠳᠠᠭ ᠠᠮᠳᠠᠳᠤ ᠪᠠᠯ ᠰᠢᠭᠦᠰᠤ ᠮᠠᠳᠤ ᠬᠤᠷᠢᠴᠠᠯ ᠢᠨᠠᠭ ᠲᠤ ᠴᠤ ᠡᠨᠡ ᠮᠠᠳᠤ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠰᠠᠨᠠᠭᠳᠠᠭᠰᠠᠨ ᠦᠭᠡᠶ ᠶᠤᠮ᠃ ᠨᠠᠩ ᠮᠤᠯᠤᠮ ᠣᠳᠤ ᠳᠠᠭᠢᠵᠤ ᠡᠨᠡ ᠮᠠᠳᠤ ᠰᠠᠢ᠌ᠨ ᠰᠠᠢ᠌ᠬᠠᠨ ᠭᠦᠰᠡᠯ ᠮᠦᠷᠦᠭᠡᠳᠡᠯ ᠡᠴᠡ ᠦᠨᠢᠳᠠ ᠠᠩᠭᠢᠵᠢᠷᠠᠨ ᠣᠤᠠᠬᠤ ᠭᠡᠳᠡᠭ᠌ ᠢ ᠰᠠᠨᠠᠵᠤ ᠣᠯᠤᠭᠰᠠᠨ ᠴᠤ ᠦᠭᠡᠶ ᠶᠤᠮ᠃
ᠴᠢᠯᠠᠭᠤᠨ ᠫᠠᠢ᠌ᠰᠠ ᠶᠢᠨ ᠳᠡᠷᠳᠡᠭᠡ ᠮᠤᠯᠤᠮ ᠬᠠᠷᠠᠩᠭ᠋ᠣᠢ᠌ᠳᠠᠨ ᠣᠨᠠᠵᠤ ᠭᠡᠴᠢᠨᠡᠨ ᠣᠳᠠᠭᠰᠠᠨ ᠢ ᠪᠣᠤ ᠮᠠᠳᠠ᠂ ᠨᠢᠭᠡ ᠮᠡᠳᠡᠭᠦ ᠳᠤ ᠨᠢᠳᠤᠨ ᠡᠮᠦᠨᠡ ᠨᠢ ᠨᠠᠮᠠᠬᠠᠢ ᠪᠠ ᠷᠤᠯᠭᠠᠷᠮᠠ ᠶᠢᠨ ᠳᠦᠷᠰᠤ ᠳᠤᠳᠤᠷᠠᠨ ᠷᠤᠯᠭᠠᠷᠮᠠ ᠠᠷᠠᠰᠤᠨ ᠣᠭᠤᠳᠠ ᠲᠡᠶ ᠠᠢ᠌ᠷᠠᠭ ᠡᠴᠡ ᠮᠤᠯᠤᠮ ᠤᠨ ᠠᠮᠠᠨ ᠳᠤ ᠴᠢᠳᠬᠤᠨ ᠣᠷᠤᠭᠤᠯᠤᠨᠠ᠃ ᠠᠢ᠌ᠷᠠᠭ ᠤᠨ ᠰᠡᠩᠭᠢᠨᠡᠭᠦᠨ ᠦᠨᠦᠷ ᠲᠤ ᠮᠤᠯᠤᠮ ᠰᠡᠭᠡᠰᠭᠢᠨ ᠰᠤᠴᠢᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠶᠠᠭᠠᠭᠢᠪᠠ ︖ ᠭᠡᠭᠦ ᠰᠤᠴᠢᠮᠠᠭ ᠳᠠᠭᠤᠨ ᠳᠤ ᠠᠢ᠌ᠷᠠᠭ ᠣᠤᠭᠤᠯᠭᠠᠵᠤ ᠪᠠᠢ᠌ᠭᠰᠠᠨ ᠷᠤᠯᠭᠠᠷᠮᠠ ᠠᠶᠤᠬᠤ ᠳᠠᠭᠠᠨ ᠠᠢ᠌ᠷᠠᠭ ᠶᠢᠡᠨ ᠠᠯᠳᠠᠨ ᠵᠡᠪᠭᠡᠢ ᠴᠢᠷᠠᠢ᠌ᠯᠠᠨᠠ᠃ ᠨᠠᠮᠠᠬᠠᠢ ᠡᠭᠦᠨ ᠢ ᠦᠵᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠬᠠᠷᠠᠩᠭ᠋ᠣᠢ᠌ᠳᠠᠨ ᠣᠨᠠᠪᠠ ᠭᠡᠭᠦ ᠳᠦᠭᠦᠮᠭᠡᠨ ᠥᠭᠡ ᠪᠠᠷ ᠮᠤᠯᠤᠮ ᠢ ᠳᠤᠬᠤᠨᠢᠭᠤᠯᠤᠨ ᠭᠠᠵᠠᠷ ᠤᠢ᠌ᠴᠢᠭᠰᠠᠨ ᠠᠷᠠᠰᠤᠨ ᠣᠭᠤᠳᠠ ᠲᠡᠶ ᠠᠢ᠌ᠷᠠᠭ ᠢ ᠱᠠᠯᠠᠪᠬᠠᠨ ᠠᠪᠣᠨᠠ᠃ ᠮᠤᠯᠤᠮ ᠨᠢᠳᠤ ᠡᠷᠭᠦᠨ ᠥᠵᠡᠭᠦ ᠳᠤ ᠴᠠᠭᠠᠳᠤ ᠭᠦᠪᠠᠭᠡᠨ ᠳᠤ ᠭᠤᠷᠪᠠᠨ ᠮᠤᠷᠢᠳ ᠢᠵᠢᠯᠳᠠᠢ᠌ᠬᠠᠨ ᠢᠳᠠᠰᠢᠯᠠᠵᠤ ᠪᠠᠶᠠ ᠨᠢ ᠠᠪᠣ ᠶᠢᠨ ᠶᠢᠠᠨ ᠭᠡᠭᠦᠷ ᠤᠨ ᠬᠠᠵᠠᠭᠤ ᠳᠤ ᠴᠢᠯᠠᠭᠤᠨ ᠫᠠᠢ᠌ᠰᠠ ᠶᠢ ᠲᠦᠰᠢᠨ ᠳᠡᠷᠯᠢᠭ᠌ ᠤᠨ ᠬᠤᠶᠠᠷ ᠬᠠᠠᠴᠤᠢ ᠪᠦᠷ ᠨᠢᠯᠪᠣᠰᠤᠨ ᠳᠤ ᠳᠠᠪᠳᠠᠨ ᠨᠣᠢ᠌ᠳᠠᠨ ᠬᠠᠷᠠᠭᠳᠠᠨᠠ᠃ ᠬᠠᠵᠠᠭᠤ ᠳᠤ ᠨᠢ ᠷᠤᠯᠭᠠᠷᠮᠠ ᠶᠢᠨ ᠠᠶᠤᠵᠤ ᠰᠤᠴᠢᠭᠰᠠᠨ ᠴᠢᠷᠠᠢ ᠪᠠ ᠨᠠᠮᠠᠬᠠᠢ ᠶᠢᠨ ᠨᠢᠳᠤ ᠮᠤᠯᠤᠮ ᠢ ᠴᠤ᠋ ᠰᠢᠷᠳᠠᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠬᠠ ᠶᠠᠭᠠᠭᠢᠪᠠ︖ ᠭᠡᠭᠦ ᠷᠤᠯᠭᠠᠷᠮᠠ ᠶᠢᠨ ᠨᠠᠮᠠᠤᠬᠠᠨ ᠳᠠᠭᠤᠨ ᠳᠤ ᠮᠤᠯᠤᠮ ᠪᠦᠭᠦ ᠪᠠᠢ᠌ᠳᠠᠯ ᠢ ᠮᠠᠳᠠᠨ ᠰᠤᠴᠢᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠ ᠬᠤᠶᠠᠷ ᠶᠠᠭᠠᠭᠢᠵᠤ ᠨᠠᠮᠢ᠋ᠢ ᠶᠢ ᠡ᠊ᠨᠳᠡ ᠢᠷᠡᠭ᠍ᠰᠡᠨ ᠢ ᠮᠡᠳᠡᠭ᠍ᠰᠡᠨ ᠪᠣᠢ︖
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠢᠨᠤ ᠵᠡᠭᠡᠷᠳᠡ ᠬᠠᠯᠢᠭᠤᠨ ᠤ ᠥᠨᠦᠷᠯᠡᠭᠦ ᠴᠢᠳᠠᠪᠣᠷᠢ ᠪᠠᠷ ᠴᠢᠮᠢ᠋ᠢ ᠬᠠᠮᠢᠭᠠ ᠪᠠᠢ᠌ᠬᠤ ᠶᠢ ᠮᠠᠳᠠᠪᠠ᠃ ᠴᠢ ᠡ᠊ᠨᠳᠡ ᠢᠷᠠᠨᠠ ᠭᠡᠵᠤ ᠪᠠᠢ᠌ᠭᠠᠤᠨ ᠶᠠᠭᠤᠨ ᠳᠤ ᠮᠠᠨ ᠳᠤ ᠭᠡᠯᠡᠳᠡᠭ᠌ ᠦᠭᠡᠶ ᠪᠣᠢ︖ ᠬᠠᠮᠳᠤ ᠳᠠᠭᠠᠨ ᠢᠷᠡᠭ᠍ᠰᠡᠨ ᠪᠣᠯ ᠭᠡᠳᠦᠢ ᠰᠠᠢ᠌ᠬᠠᠨ ᠪᠣᠢ︖ ᠭᠡᠷᠪᠡ ᠮᠠᠨᠤᠰ ᠢᠷᠡᠭ᠍ᠰᠡᠨ ᠦᠭᠡᠶ ᠪᠣᠯ ᠴᠢ ᠶᠠᠭᠠᠭᠢᠬᠤ ᠶᠢ ᠭᠡᠨ ᠮᠠᠳᠠᠨᠠ︖ ᠭᠡᠵᠤ ᠵᠢᠮᠡᠯᠡᠩᠭᠦᠢ ᠶᠠᠷᠢᠬᠤ ᠳᠤ ᠮᠤᠯᠤᠮ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠢ︕ ᠪᠢ ᠴᠤ ᠮᠡᠳᠡᠭ᠍ᠰᠡᠨ ᠦᠭᠡᠶ᠂ ᠭᠠᠳᠠᠨᠠ ᠨᠠᠷᠠᠨ ᠤ ᠡᠭᠡᠯᠢᠨ ᠳᠤ ᠵᠤᠭᠰᠤᠵᠤ ᠪᠠᠢ᠌ᠬᠤ ᠳᠠᠭᠠᠨ ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠨᠤᠳᠤᠭ ᠶᠢᠡᠷ ᠣᠴᠢᠶᠠ ᠭᠡᠰᠡᠨ ᠰᠠᠨᠠᠭᠠ ᠳᠦᠷᠦᠭ᠍ᠳᠡᠨ᠂ ᠳᠠᠨ ᠳᠤ ᠭᠡᠯᠡᠭ᠍ᠰᠡᠨ ᠦᠭᠡᠶ ᠪᠠᠷ ᠰᠢᠭᠤᠳ ᠨᠠᠰᠢ ᠢᠷᠡᠭ᠍ᠰᠡᠨ᠂ ᠳᠡᠭᠡᠭᠡᠳ ᠪᠢ ᠡ᠊ᠨᠳᠡ ᠢᠷᠡᠭᠡᠳ ᠭᠡᠭᠦᠷ ᠭᠦᠰᠢᠶᠡ ᠶᠢ ᠦᠵᠡᠨ ᠣᠭᠢᠯᠠᠨ ᠬᠠᠷᠩᠭ᠋ᠣᠢ᠌ᠳᠠᠨ ᠣᠨᠠᠪᠠ᠂ ᠴᠠᠰᠢ ᠪᠢ ᠶᠠᠭᠤ ᠴᠤ ᠮᠡᠳᠡᠭ᠍ᠰᠡᠨ ᠦᠭᠡᠶ᠂ ᠭᠡᠵᠤ ᠦᠨᠡᠨ ᠶᠢᠡᠨ ᠶᠠᠷᠢᠨᠠ᠃
ᠪᠠᠬᠠᠨ ᠣᠳᠠᠰᠭᠢᠭᠠᠤᠨ ᠮᠤᠯᠤᠮ ᠪᠠᠶᠠ ᠳᠡᠩᠭᠡᠷᠡᠨ ᠨᠠᠮᠠᠬᠠᠢ ᠪᠠ ᠷᠤᠯᠭᠠᠷᠮᠠ ᠲᠡᠶ ᠭᠤᠷᠪᠠᠭᠤᠯᠠ ᠬᠤᠪᠢᠨ ᠤ ᠬᠠᠭᠤᠴᠢᠨ ᠪᠠᠭᠤᠷᠢ ᠵᠥᠭ᠌ ᠠᠶᠠᠳᠠᠢ᠌ᠬᠠᠨ ᠮᠤᠷᠢᠨ ᠤ ᠠᠯᠬᠤᠭᠠ ᠪᠠᠷ ᠶᠠᠪᠣᠨᠠ᠂ ᠡᠨᠡ ᠭᠤᠷᠪᠠ ᠶᠢᠨ ᠪᠦᠪᠠᠢ ᠶᠢᠨ ᠨᠤᠳᠤᠭ ᠶᠢᠡᠷ ᠵᠤᠭᠠᠴᠠᠬᠤ ᠶᠢ ᠲᠦᠷ ᠥᠭᠦᠯᠡᠭᠦ ᠦᠭᠡᠶ᠃
ᠮᠠᠩᠬᠠᠳᠤ ᠶᠢᠨ ᠪᠢᠴᠢᠭᠡᠴᠢ ᠳᠦᠭᠦᠷᠡᠩᠰᠡᠩ ᠦᠳᠡ ᠶᠢᠨ ᠪᠠᠷᠤᠭ ᠶᠢᠡᠷ ᠨᠠᠮᠰᠠᠷᠠᠢ ᠪᠠᠶᠠᠨ ᠤ ᠳᠤ ᠢᠷᠠᠨ᠂ ᠦᠷᠦᠭᠡᠨ ᠳᠤᠷ ᠣᠷᠤᠵᠤ ᠪᠠᠶᠠᠨ ᠲᠡᠶ ᠭᠡᠳᠤᠨ ᠣᠴᠢᠷ ᠵᠤᠭᠤᠭᠳᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠶᠠᠨ ᠮᠢᠨᠢ ᠡ︕ ᠡᠨᠡ ᠵᠢᠯ ᠤᠨ ᠠᠳᠤᠭᠤᠨ ᠳᠡᠯᠡᠯᠭᠡ ᠤᠢ᠌ᠷᠳᠤᠪᠠ᠃ ᠳᠢᠶᠠᠨᠬᠦᠤ ᠶᠢᠨ ᠳᠡᠭᠡᠷᠡᠮ ᠤᠨ ᠴᠢᠮᠡᠭᠡ ᠪᠠᠰᠠ ᠭᠤᠷᠯᠤᠰ ᠲᠤ ᠪᠠᠢ᠌ᠭᠰᠠᠭᠠᠷ ᠡ︕ ᠡᠢ᠌ᠮᠤ ᠡᠴᠡ ᠮᠠᠨ ᠤ ᠠᠳᠤᠭᠤᠨ ᠰᠦᠷᠦᠭ᠌ ᠢ ᠨᠢᠭᠡ ᠣᠳᠠᠭᠠ ᠨᠡᠢ᠌ᠯᠡᠭᠦᠯᠤᠨ ᠳᠤᠭᠠ ᠪᠦᠷᠢᠳᠭᠡᠵᠤ᠂ ᠳᠠᠮᠠᠭᠠᠯᠠᠬᠤ ᠴᠢᠬᠤᠯᠳᠠᠢ ᠶᠢ ᠨᠢ ᠳᠠᠮᠠᠭᠠᠯᠠᠵᠤ᠂ ᠳᠡᠯᠡᠯᠭᠦ ᠴᠢᠬᠤᠯᠳᠠᠢ ᠵᠢ ᠨᠢ ᠳᠠᠯᠠᠯᠪᠠᠯ ᠶᠠᠮᠠᠷ︖
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠡᠳᠦᠢ ᠪᠠᠷᠤᠭ ᠤᠨ ᠠᠳᠤᠭᠤ ᠪᠠᠢ᠌ᠨᠠ︖ ᠭᠡᠳᠦᠢ ᠶᠢ ᠨᠢ ᠳᠠᠮᠠᠭᠠᠠᠯᠠᠵᠤ᠂ ᠳᠡᠯᠡᠯᠭᠦ ᠴᠢᠬᠤᠯᠳᠠᠢ︖
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠷᠴᠢᠮ ᠤᠨ ᠭᠤᠷᠪᠠᠨ ᠵᠢᠯ ᠤᠨ ᠠᠳᠤᠭᠤ ᠶᠢ ᠪᠦᠭᠦᠳᠡ ᠶᠢ ᠳᠠᠮᠠᠭᠠᠯᠠᠬᠤ ᠪᠠ ᠳᠡᠯᠡᠯᠭᠦ ᠪᠠᠷ ᠪᠣᠳᠤᠪᠠᠯ ᠪᠠᠷᠤᠭ ᠳᠤᠯᠤᠭᠠᠨ ᠵᠠᠭᠤ ᠰᠢᠬᠠᠮ ᠠᠳᠤᠭᠤ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠡᠭᠡᠪᠠᠯ ᠡᠨᠡ ᠠᠳᠤᠭᠤᠨ ᠳᠡᠯᠡᠯᠭᠡ ᠪᠠᠭᠠ ᠳᠠᠭᠠᠨ ᠭᠤᠷᠪᠠᠨ ᠡᠳᠦᠷ ᠶᠠᠪᠣᠭᠳᠠᠨᠠ᠂ ᠮᠠᠨ ᠤ ᠠᠳᠤᠭᠤᠨ ᠳᠤᠪᠣ ᠶᠢᠨ ᠳᠠᠠᠳᠠ ᠪᠦᠭᠦ ᠠᠳᠤᠭᠤ ᠶᠢ ᠴᠤᠭᠯᠠᠭᠤᠯᠤᠨ᠂ ᠭᠡᠭᠡᠨ ᠣᠷᠳᠤᠨ ᠤ ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠳᠤ ᠵᠠᠯᠠᠯᠭᠠ ᠶᠢᠨ ᠪᠢᠴᠢᠭ᠌ ᠢᠯᠡᠭᠡᠨ᠂ ᠰᠠᠮᠫᠢᠯ ᠨᠤᠶᠠᠨ ᠢ ᠵᠠᠯᠠᠵᠤ᠂ ᠠᠳᠤᠭᠤᠨ ᠭᠡᠰᠢᠭ᠌ ᠭᠦᠷᠳᠡᠭᠡᠪᠠᠯ ᠬᠠᠮᠤᠭ ᠰᠠᠢ᠌ᠨ᠂ ᠳᠠᠭᠢᠨ ᠤᠢ᠌ᠷᠡ ᠣᠷᠴᠢᠮ ᠤᠨ ᠭᠡᠡᠵᠦᠦᠷ ᠪᠠᠶᠠᠨ ᠪᠠ ᠰᠸᠷᠠᠪ ᠪᠠᠶᠠᠨ ᠳᠤ ᠮᠦᠨ ᠣᠷᠢᠯᠭᠠ ᠢᠯᠡᠭᠡᠨ ᠮᠠᠨ ᠤ ᠠᠳᠤᠭᠤᠨ ᠳᠡᠯᠡᠯᠭᠡ ᠳᠤ ᠰᠠᠢ᠌ᠨ ᠣᠶᠠᠭᠠᠴᠢᠨ ᠪᠠ ᠠᠳᠤᠭᠤᠴᠢᠨ᠂ ᠵᠠᠯᠠᠭᠤ ᠴᠢᠭᠢᠷᠠᠭ ᠡᠷᠴᠦᠳ ᠢ ᠣᠷᠢᠨ᠂ ᠳᠤᠰᠠ ᠳᠡᠮᠵᠢᠯᠭᠡ ᠪᠣᠯᠬᠤ ᠶᠢ ᠭᠦᠰᠡᠨ ᠳᠠᠳᠠᠨ ᠢ ᠵᠠᠯᠠᠬᠤ ᠣᠷᠢᠯᠭᠠ ᠶᠢᠨ ᠪᠢᠴᠢᠭ᠌ ᠶᠠᠪᠣᠭᠤᠯᠪᠠᠯ ᠰᠠᠢ᠌ᠨ᠂ ᠡᠨᠡ ᠰᠠᠷᠠ ᠶᠢᠨ ᠬᠤᠷᠢᠳ ᠤᠨ ᠪᠠᠷᠤᠭ ᠶᠢᠡᠷ ᠡᠭᠢᠯᠡᠪᠠᠯ ᠶᠠᠮᠠᠷ︖
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠶᠠᠨ ᠤ ᠰᠠᠨᠠᠭᠠ ᠮᠠᠰᠢ ᠳᠤᠭᠢᠳᠠᠢ᠂ ᠪᠢ ᠴᠤ ᠡᠨᠡ ᠮᠠᠶᠢᠭ ᠶᠢᠡᠷ ᠳᠠᠨ ᠳᠤ ᠭᠡᠯᠡᠭᠦ ᠪᠠᠷ ᠢᠷᠡᠭ᠍ᠰᠡᠨ ᠶᠤᠮ᠃ ᠳᠡᠭᠡᠪᠠᠯ ᠪᠢ ᠭᠡᠳᠤᠨ ᠬᠠᠭᠤᠳᠠᠰᠤ ᠣᠷᠢᠯᠭᠠ ᠶᠢᠨ ᠪᠢᠴᠢᠭ᠌ ᠢ ᠪᠢᠴᠢᠨ ᠳᠠᠳᠠᠨᠠᠷ ᠢ ᠣᠷᠢᠨ ᠵᠠᠯᠠᠵᠤ ᠬᠤᠷᠢᠨ ᠨᠢᠭᠡᠨ ᠤ ᠡᠳᠦᠷ ᠣᠯᠠᠭᠠᠨ ᠪᠠᠷᠰ ᠡᠳᠦᠷ᠂ ᠶᠡᠭᠡ ᠦᠯᠵᠡᠢ᠌ᠳᠠᠢ᠂ ᠮᠠᠨ ᠤ ᠠᠳᠤᠭᠤᠨ ᠰᠦᠷᠦᠭ᠌ ᠲᠤ ᠮᠠᠰᠢ ᠭᠡᠰᠢᠭ᠌ ᠲᠡᠶ ᠪᠦᠭᠡᠳ ᠪᠠᠶᠠᠨ ᠤ ᠳᠤᠰ ᠪᠠᠶᠠ ᠳᠤ ᠴᠤ ᠦᠯᠵᠡᠢ ᠪᠠᠯᠭᠡ ᠲᠡᠶ ᠡᠳᠦᠷ᠂ ᠶᠠᠭ ᠡᠨᠡ ᠡᠳᠦᠷ ᠡᠴᠡ ᠡᠭᠢᠯᠡᠨ ᠭᠤᠷᠪᠠᠨ ᠡᠳᠦᠷ ᠤᠨ ᠠᠳᠤᠭᠤᠨ ᠳᠡᠯᠡᠯᠭᠡ ᠭᠢᠭᠦ ᠪᠠᠷ ᠣᠷᠢᠪᠠᠯ ᠶᠠᠮᠠᠷ︖
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢᠴᠢᠭᠡᠴᠢ ᠶᠢᠨ ᠥᠭᠡ ᠮᠠᠰᠢ ᠰᠠᠢ᠌ᠨ᠂ ᠮᠠᠰᠢ ᠰᠠᠢ᠌ᠨ᠂ ᠶᠠᠭ ᠡᠨᠡ ᠮᠠᠶᠢᠭ ᠶᠢᠡᠷ ᠡᠭᠢᠯᠡᠭᠦᠯᠦᠶᠡ︕ ᠴᠢ ᠳᠦᠷᠭᠡᠨ ᠣᠷᠢᠯᠭᠠ ᠶᠢᠨ ᠪᠢᠴᠢᠭ᠌ ᠪᠢᠴᠢᠨ ᠶᠠᠪᠣᠭᠤᠯ᠂ ᠪᠠᠰᠠ ᠡᠨᠡ ᠦᠳᠡ ᠳᠤ ᠴᠢ ᠶᠠᠪᠣᠬᠤ ᠭᠡᠷᠡᠭ᠌ ᠦᠭᠡᠶ᠂ ᠣᠷᠤᠢ ᠮᠠᠨᠤᠰ ᠬᠠᠮᠳᠤ ᠳᠠᠭᠠᠨ ᠭᠡᠷ ᠤᠨ ᠨᠠᠢ᠌ᠷ ᠤᠨ ᠠᠷᠢᠭᠢ ᠠᠮᠰᠠᠶᠠ︕
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ ︕ ᠭᠡᠮᠡᠨ ᠦᠷᠦᠭᠡᠨ ᠡᠴᠡ ᠭᠠᠷᠴᠤ ᠪᠠᠶᠠᠨ ᠤ ᠪᠢᠴᠢᠭ᠌ ᠤᠨ ᠦᠷᠦᠭᠡᠨ ᠳᠤ ᠣᠷᠤᠵᠤ᠂ ᠭᠡᠳᠤᠨ ᠬᠠᠭᠤᠳᠠᠰᠤ ᠣᠷᠢᠯᠭᠠ ᠶᠢᠨ ᠪᠢᠴᠢᠭ᠌ ᠢ ᠵᠤᠬᠢᠶᠠᠨ᠂ ᠭᠡᠳᠤᠨ ᠵᠠᠷᠤᠴᠠ ᠳᠤ ᠥᠭ᠍ᠴᠤ ᠳᠤᠰ ᠳᠤᠰ ᠲᠤᠨᠢ ᠪᠢᠴᠢᠭ᠌ ᠥᠭ᠍ᠴᠤ ᠶᠠᠪᠣᠭᠤᠯᠪᠠ᠃
ᠣᠷᠢᠯᠭᠠ ᠶᠢᠨ ᠪᠢᠴᠢᠭ᠌ ᠤᠨ ᠶᠡᠭᠡ ᠲᠦᠯᠤᠪ ᠢ ᠥᠭᠦᠯᠡᠪᠠᠯ᠄
ᠠᠢ᠌ᠮᠠᠭ ᠤᠨ ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠤ ᠡᠷᠭᠢᠮ ᠰᠠᠮᠫᠢᠯ ᠨᠤᠶᠠᠨ ᠳᠠᠨᠠ᠄
ᠲ᠋ᠡᠭᠡᠳᠤ ᠶᠢᠨ ᠠᠷᠢᠭᠤᠨ ᠵᠤᠷᠰᠢᠯ ᠶᠢᠡᠷ᠂ ᠳᠡᠯᠭᠡᠷ ᠮᠤᠩᠭ᠋ᠤᠯ ᠤᠨ ᠣᠳᠤᠮᠰᠢᠯ ᠶᠢᠡᠷ᠂ ᠭᠡᠢ ᠮᠤᠷᠢ ᠶᠢ ᠰᠡᠷᠭᠦᠭᠡᠵᠤ᠂ ᠭᠡᠰᠢᠭ᠌ ᠪᠣᠶᠠᠨ ᠢ ᠬᠤᠷᠣᠢ᠌ᠯᠠᠵᠤ᠂ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠳᠠᠩᠰᠤᠭ ᠰᠦᠷᠦᠭ᠌ ᠤᠨ ᠴᠢᠮᠡᠭ᠌᠂ ᠳᠡᠭᠡᠳᠦᠰ ᠬᠠᠪᠣᠳᠤ ᠬᠠᠰᠠᠷ ᠡᠴᠡ ᠣᠯᠠᠮᠵᠢᠯᠠᠵᠤ ᠢᠷᠡᠭ᠍ᠰᠡᠨ ᠠᠳᠤᠭᠤᠨ ᠨᠠᠢ᠌ᠷ ᠭᠢᠭᠦ ᠪᠣᠯᠤᠭᠰᠠᠨ ᠳᠤᠯᠠ ᠳᠡᠭᠡᠷᠡ ᠨᠢ ᠰᠠᠭᠠᠳᠠᠵᠤ ᠲ᠋ᠡᠭᠡᠵᠢ ᠶᠢ ᠨᠢ ᠵᠤᠭᠤᠭᠯᠠᠨ᠂ ᠢᠷᠦᠭᠡᠯ ᠶᠢᠡᠨ ᠬᠠᠢ᠌ᠷᠠᠯᠠᠬᠤ ᠪᠣᠯᠪᠠᠤ︕ ᠡᠷᠭᠢᠮ ᠨᠤᠶᠠᠨ ᠤ ᠠᠷᠢᠭᠤᠨ ᠢᠷᠦᠭᠡᠯ ᠳᠤ ᠭᠦᠷᠳᠡᠭᠦ ᠭᠡᠵᠤ ᠳᠤᠰ ᠰᠠᠷᠠ ᠶᠢᠨ ᠬᠤᠷᠢᠨ ᠨᠢᠭᠡᠨ (ᠣᠯᠠᠭᠠᠨ ᠪᠠᠷᠰ ᠡᠳᠦᠷ) ᠳ᠋ᠤ ᠮᠤᠷᠢᠯᠠᠨ ᠰᠠᠭᠠᠳᠠᠬᠤ ᠶᠢ ᠣᠷᠢᠨ ᠵᠠᠯᠠᠵᠤ ᠪᠠᠢ᠌ᠨᠠ᠃
ᠡᠭᠦᠨᠡ᠄
ᠮᠠᠩᠬᠠᠳᠤ ᠶᠢᠨ ᠨᠠᠮᠠᠰᠠᠷᠠᠢ ᠡᠴᠡ᠃
ᠡᠨᠡ ᠮᠠᠳᠤ ᠣᠷᠢᠯᠭᠠ ᠶᠢᠨ ᠪᠢᠴᠢᠭ᠌ ᠢ ᠳᠤᠰ ᠳᠤᠰ ᠢᠯᠡᠭᠡᠨ ᠳᠦᠭᠦᠷᠡᠩᠰᠡᠩ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠦᠷᠢᠨ ᠳᠡᠭᠦᠯᠳᠡᠷ ᠪᠣᠯᠪᠠ ᠭᠡᠵᠤ ᠨᠠᠮᠠᠰᠠᠷᠠᠢ ᠪᠠᠶᠠᠨ ᠳᠤ ᠮᠡᠳᠡᠭᠦᠯᠪᠡ᠃
ᠦᠳᠠ ᠶᠢᠨ ᠨᠠᠷᠠ ᠭᠡᠯᠪᠠᠢ᠌ᠭᠦ ᠦᠶᠡ ᠪᠠᠷ ᠨᠠᠮᠠᠬᠠᠢ ᠮᠤᠯᠤᠮ ᠷᠤᠯᠭᠠᠷᠮᠠ ᠭᠤᠷᠪᠠᠭᠤᠯᠠ ᠵᠢᠯᠤᠭᠤ ᠡᠪᠭᠡᠨ ᠮᠤᠷᠢᠨ ᠤ ᠵᠥᠭᠡᠯᠡᠨ ᠰᠠᠢ᠌ᠪᠣᠷ ᠶᠢᠡᠷ ᠮᠠᠩᠬᠠᠳᠤ ᠳᠤ ᠢᠷᠠᠨ ᠣᠷᠤᠢ ᠶᠢᠨ ᠭᠡᠷ ᠤᠨ ᠨᠠᠢ᠌ᠷ ᠲᠤ ᠣᠷᠤᠯᠴᠠᠬᠤ ᠪᠠᠷ ᠪᠠᠯᠡᠭᠡᠨ ᠰᠠᠭᠤᠨᠠ᠃ ᠭᠡᠳᠥᠢᠪᠠᠷ ᠰᠠᠨᠠᠭᠠ ᠠᠭᠤᠵᠢᠷᠳᠠᠯᠠ ᠪᠠᠨ ᠪᠦᠪᠠᠢ ᠶᠢᠨ ᠨᠤᠳᠤᠭ ᠶᠢᠡᠷ ᠳᠤᠭᠤᠷᠢᠨ ᠦᠪᠡᠷ ᠤᠨ ᠭᠡᠷ ᠣᠷᠤᠨ ᠪᠠᠭᠤᠴᠠ ᠰᠠᠭᠤᠴᠠ ᠪᠠᠨ ᠥᠵᠡᠭ᠍ᠰᠡᠨ ᠴᠤ ᠮᠤᠯᠤᠮ ᠳᠤ ᠭᠡᠯᠡᠵᠤ ᠭᠠᠷᠤᠰᠢ ᠦᠭᠡᠶ ᠨᠢᠭᠡᠨ ᠶᠠᠪᠣᠳᠠᠯ ᠰᠡᠳᠭᠢᠯ ᠰᠠᠨᠠᠭᠠ ᠶᠢ ᠨᠢ ᠰᠢᠷᠬᠠᠯᠠᠭᠤᠯᠤᠨᠠ᠃ ᠡᠨᠡ ᠶᠠᠭᠤ ᠭᠡᠪᠠᠯ ᠴᠠᠢ᠌ᠳᠠᠮ ᠳᠤ ᠪᠠᠢ᠌ᠭᠠ ᠳᠡᠭᠦᠤ ᠮᠤᠯᠤᠷ ᠲᠡᠶ ᠪᠠᠨ ᠨᠢᠭᠡ ᠣᠴᠠᠷᠠᠭᠰᠠᠨ ᠪᠣᠯ ᠭᠡᠭᠦ ᠭᠤᠷᠢᠳᠠᠯᠭᠠ ᠪᠣᠯᠬᠤ ᠶᠤᠮ᠃ ᠨᠠᠮᠠᠬᠠᠢ ᠪᠠ ᠷᠤᠯᠭᠠᠷᠮᠠ ᠬᠤᠶᠠᠷ ᠴᠤ ᠮᠤᠯᠤᠮ ᠤᠨ ᠭᠡᠷ ᠪᠠᠭᠤᠷᠢ ᠪᠠᠷ ᠳᠤᠭᠤᠷᠢᠭᠠᠤᠨ ᠢᠷᠡᠭ᠍ᠰᠡᠨ ᠴᠤ ᠮᠦᠨ ᠴᠡᠭᠡᠵᠢᠨ ᠳᠡᠭᠡᠨ ᠮᠤᠯᠤᠮ ᠢ ᠭᠦᠭᠡᠷᠦᠭᠦᠢᠯᠡᠭᠦ ᠰᠡᠳᠬᠢᠯᠭᠡ ᠪᠣᠶᠤ ᠡᠰᠭᠦᠯᠡ ᠮᠤᠯᠤᠮ ᠤᠨ ᠰᠠᠨᠠᠭᠠ ᠰᠡᠳᠭᠢᠯ ᠤᠨ ᠵᠢᠮᠵᠢᠭᠯᠡᠯ ᠢ ᠣᠯᠵᠤ ᠮᠡᠳᠡᠭ᠍ᠰᠡᠨ ᠳᠡᠭᠡᠨ ᠪᠣᠯ ᠦᠦ︖ ᠶᠠᠭᠠᠭᠢᠬᠤ ᠶᠢᠨ ᠠᠷᠭᠠ ᠦᠭᠡᠶ ᠴᠡᠭᠡᠵᠢ ᠪᠢᠳᠡᠭᠦᠷᠡᠨᠡ᠃
ᠭᠦᠮᠤᠨ ᠤ ᠣᠷᠴᠢᠯᠠᠩ ᠭᠡᠳᠡᠭ᠌ ᠶᠠᠷᠤ ᠨᠢ ᠡᠢ᠌ᠮᠤ ᠯᠠ ᠮᠠᠶᠢᠭᠳᠠᠢ᠃ ᠨᠢᠭᠡ ᠡᠭᠡ ᠡᠴᠢᠭᠡ ᠡᠴᠡ ᠳᠦᠷᠦᠭ᠍ᠰᠡᠨ ᠦᠭᠡᠶ ᠴᠤ ᠢᠵᠢᠯᠢᠰᠢᠨ ᠳᠠᠰᠤᠯᠴᠠᠭᠰᠠᠨ ᠤ ᠬᠠᠷᠢᠭᠤ ᠳᠤ ᠪᠦᠷ ᠯᠠ ᠨᠢᠭᠡ ᠨᠢᠭᠡᠨ ᠶᠢᠡᠨ ᠬᠠᠷᠢᠯᠴᠠᠨ ᠭᠦᠭᠡᠷᠦᠭᠡᠢ᠌ᠯᠡᠭᠦ ᠪᠣᠶᠤ ᠰᠡᠳᠭᠢᠯ ᠵᠢᠷᠦᠭᠡ ᠶᠢ ᠨᠢ ᠵᠤᠪᠠᠭᠠᠬᠤ ᠦᠭᠡᠶ ᠭᠡᠰᠡᠨ ᠳᠦᠷᠤᠯᠭᠢ ᠭᠦᠮᠤᠨ ᠴᠢᠨᠠᠷ ᠪᠠᠢ᠌ᠳᠠᠭ ᠰᠠᠠᠵᠠᠢ᠃ ᠣᠷᠴᠢᠯᠠᠩ ᠳᠡᠯᠡᠭᠡᠢ ᠶᠢᠨ ᠠᠷᠢᠶᠠᠳᠠᠨ ᠠᠮᠢᠳᠠᠨ ᠴᠤ ᠮᠦᠨ ᠡᠢ᠌ᠡᠭᠦ ᠠᠪᠢᠶᠠᠰ ᠪᠠᠢ᠌ᠳᠠᠭ ᠰᠢᠠᠵᠢ ᠲᠡᠶ᠃
ᠣᠨᠠᠬᠤ ᠨᠠᠷᠠᠨ ᠤ ᠣᠯᠠᠪᠢᠷ ᠳᠤᠶᠠᠭᠠ ᠮᠠᠩᠬᠠᠳᠤ ᠶᠢᠨ ᠭᠤᠪᠢ ᠵᠤ᠋ ᠶᠢ ᠣᠯᠠᠢ᠌ᠯᠭᠠᠨ᠂ ᠬᠠᠮᠢᠭᠠ ᠭᠠᠵᠠᠷ ᠡᠴᠡ ᠨᠢᠰᠤᠨ ᠢᠷᠡᠭ᠍ᠰᠡᠨ ᠱᠠᠭᠠᠵᠠᠭᠠᠢ ᠮᠤᠷᠢᠨ ᠤ ᠱᠤᠩ ᠳᠡᠭᠡᠷᠡ ᠰᠠᠭᠤᠨ ᠱᠠᠭ ᠱᠠᠭ ᠱᠠᠭᠰᠢᠨᠠ᠃ ᠡᠭᠦᠳᠡᠨ ᠬᠣᠢ᠌ᠮᠤᠷ ᠭᠡᠪᠳᠡᠭ᠍ᠰᠡᠨ ᠭᠦᠭᠡ ᠠᠯᠠᠭ ᠨᠤᠬᠠᠢ ᠶᠠᠭᠤᠨ ᠡᠴᠡ ᠴᠤ ᠪᠣᠯᠤᠭᠰᠠᠨ ᠢ ᠮᠡᠳᠡᠭᠦ ᠦᠭᠡᠶ᠂ ᠡᠳᠦᠷᠵᠢᠨ ᠥᠭᠡᠷᠡ ᠭᠦᠮᠤᠨ ᠠᠮᠢᠳᠠᠨ ᠢᠷᠡᠭᠡᠳ ᠭᠠᠷᠬᠤ ᠳᠤ ᠥᠵᠡᠭᠦ ᠴᠤ ᠦᠭᠡᠶ ᠭᠡᠪᠳᠡᠳᠡᠭ᠌ ᠶᠢᠡᠨ ᠡᠨᠡ ᠣᠷᠤᠢ ᠱᠤᠩ ᠳᠡᠭᠡᠷᠡᠭᠢ ᠱᠠᠭᠠᠵᠠᠭᠠᠢ ᠶᠢ ᠦᠵᠡᠨ ᠶᠠᠭᠤ ᠨᠢᠭᠡ ᠶᠢ ᠣᠯᠵᠤ ᠥᠵᠡᠭ᠍ᠰᠡᠨ ᠰᠢᠭ᠌ ᠣᠷᠤᠭᠰᠢ ᠪᠠᠨ ᠱᠤᠩᠭ᠋ᠤᠨ ᠭᠦᠶᠦᠵᠤ᠂ ᠡᠯᠳᠡᠪ ᠶᠢᠡᠷ ᠰᠠᠭᠤᠭᠰᠠᠨ ᠱᠠᠭᠠᠵᠠᠭᠠᠢ ᠶᠢ ᠠᠶᠤᠯᠭᠠᠨ ᠰᠤᠴᠢᠭᠠᠨᠠ᠃ ᠪᠠᠷᠤᠭ ᠯᠠ ᠡᠳᠦᠷ ᠣᠳᠠᠭᠠᠨ ᠭᠡᠪᠳᠡᠭᠡᠳ ᠪᠠᠶᠠ ᠨᠢ ᠴᠢᠯᠡᠷᠡᠭ᠍ᠰᠡᠨ ᠮᠠᠶᠢᠭ ᠲᠡᠶ᠂ ᠴᠢᠯᠡᠭᠡ ᠪᠠᠨ ᠭᠠᠷᠭᠠᠬᠤ ᠭᠡᠰᠡᠨ ᠶᠤᠮ ᠦᠦ ᠳ᠋ᠠ ⁈ ᠭᠡᠨ ᠮᠡᠳᠡᠭᠦᠪ ⁈
ᠠᠷᠪᠠᠨ ᠳᠠᠪᠤᠨ ᠤ ᠳᠡᠷᠭᠡᠯ ᠰᠠᠷᠠᠨ ᠤ ᠭᠡᠷᠡᠯ ᠭᠠᠵᠠᠷ ᠳᠡᠯᠡᠭᠡᠢ ᠶᠢ ᠴᠠᠢ᠌ᠷᠠᠭᠤᠯᠤᠨ᠂ ᠡᠭᠡᠭᠡ ᠯᠠ ᠡᠳᠦᠷ ᠶᠤᠮ ᠰᠢᠭ᠌᠂ ᠪᠦᠷᠭᠦᠭ᠌ ᠡᠳᠦᠷ ᠡᠴᠡ ᠳᠤᠩᠭ᠋ᠠᠯᠠᠭ ᠰᠦᠨᠢ ᠪᠣᠯᠤᠯᠠ᠃ ᠰᠦᠨᠢ ᠶᠢᠨ ᠨᠠᠮᠵᠢᠭᠤᠨ ᠢ ᠡᠪᠳᠡᠭᠦ ᠭᠡᠰᠡᠨ ᠰᠢᠭ᠌ ᠳᠡᠷᠳᠡᠭᠡ ᠬᠤᠯᠠ ᠡᠴᠡ ᠥᠭᠡᠷ ᠦᠨᠢᠶᠠᠤᠨ ᠤᠨ ᠮᠥᠭᠡᠷᠡᠯᠳᠦᠭᠦ ᠳᠠᠭᠤᠨ ᠬᠨ ᠶᠠ ᠰᠤᠨᠤᠰᠳᠠᠨᠠ᠃
ᠨᠠᠮᠰᠠᠷᠠᠢ ᠪᠠᠶᠠᠨ ᠤ ᠭᠠᠳᠠᠷ ᠦᠷᠦᠭᠡᠨ ᠳᠤ ᠪᠦᠳᠦᠭᠦᠨ ᠳᠤᠮᠤ ᠰᠢᠷᠡᠭᠡ ᠵᠠᠰᠠᠨ᠂ ᠰᠢᠷᠡᠭᠡᠨ ᠳᠡᠭᠡᠷᠡ ᠥᠭᠡᠷ ᠬᠤᠨᠢᠨ ᠤ ᠮᠢᠬᠠ ᠳᠦᠭᠦᠷᠡᠩ᠂ ᠬᠠᠭᠠᠷᠢᠭᠰᠠᠨ ᠬᠠᠭᠤᠷᠠᠭᠰᠠᠨ ᠭᠡᠳᠡᠰᠤ ᠳᠤᠳᠤᠷᠠ ᠪᠠ ᠨᠤᠭᠤᠭᠠ ᠵᠠᠭᠤᠰᠢ ᠶᠢ ᠦᠷᠠᠨ ᠵᠠᠷᠤᠴᠠ ᠬᠡᠦᠬᠡᠳ ᠶᠠᠭᠠᠷᠠᠯᠳᠤᠨᠠ᠃ ᠨᠠᠮᠰᠠᠷᠠᠢ ᠪᠠᠶᠠᠨ ᠡᠭᠡᠨᠡᠷ ᠲᠡᠶ ᠪᠠᠨ ᠰᠢᠷᠡᠭᠡᠨ ᠤ ᠳᠤᠮᠳᠠ ᠰᠠᠭᠠᠳᠤᠨ᠂ ᠳᠠᠭᠠᠭᠠᠤᠨ ᠷᠤᠯᠭᠠᠷᠮᠠ᠂ ᠡᠭᠡ ᠪᠠᠨ ᠨᠠᠭᠠᠯᠳᠤᠨ᠂ ᠨᠠᠮᠠᠬᠠᠢ ᠠᠪᠣ ᠶᠢᠨ ᠶᠢᠠᠨ ᠬᠠᠵᠠᠭᠤ ᠪᠠᠷ ᠵᠠᠯᠭᠠᠨ ᠮᠤᠯᠤᠮ᠂ ᠪᠢᠴᠢᠭᠡᠴᠢ ᠳᠦᠭᠦᠷᠡᠩᠰᠡᠩ᠂ ᠰᠠᠩ ᠬᠠᠮᠢᠶᠠᠷᠤᠭᠴᠢ ᠣᠭᠤᠰᠤᠷ ᠵᠡᠷᠭᠡ ᠭᠡᠷ ᠤᠨ ᠳᠤᠳᠤᠭᠠᠳᠤ ᠭᠦᠮᠦᠰ ᠰᠠᠭᠠᠳᠠᠨᠠ᠃
ᠰᠢᠷᠡᠭᠡ ᠳᠦᠭᠦᠷᠴᠤ ᠠᠷᠢᠭᠢ ᠵᠠᠭᠤᠰᠢ ᠪᠠᠯᠠᠨ ᠪᠣᠯᠤᠭᠰᠠᠨ ᠤ ᠰᠡᠭᠦᠯᠡᠷ ᠨᠠᠮᠰᠠᠷᠠᠢ ᠪᠠᠶᠠᠨ ᠬᠤᠠᠳᠠᠭᠠ ᠡᠷᠭᠦᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ︕ ᠣᠳᠤ ᠦᠨᠦᠳᠤᠷ ᠪᠣᠯ ᠮᠠᠨ ᠤ ᠭᠡᠷ ᠤᠨ ᠨᠠᠢ᠌ᠷ ᠪᠣᠯᠤᠨᠠ᠃ ᠷᠤᠯᠭᠠᠷᠮᠠ ᠶᠢᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠤᠨ ᠤ ᠣᠢ ᠪᠠ ᠡᠨᠡ ᠬᠤᠶᠠᠷ ᠵᠢᠯ ᠤᠨ ᠦᠩ ᠰᠠᠢ᠌ᠨ᠂ ᠳᠠᠭᠢᠭᠠᠤᠨ ᠨᠢᠭᠡ ᠭᠠᠷᠢᠭ ᠤᠨ ᠳᠠᠷᠠᠭᠠ ᠮᠠᠨ ᠤ ᠠᠳᠤᠭᠤᠨ ᠨᠠᠢ᠌ᠷ ᠭᠢᠭᠦ ᠪᠣᠯᠤᠭᠰᠠᠨ᠂ ᠮᠠᠨ ᠤ ᠬᠡᠦᠬᠡᠳ ᠦᠰᠴᠦ ᠳᠤᠮᠤᠵᠢᠭᠠᠤᠨ᠂ ᠡᠷᠡ ᠶᠢᠨ ᠴᠡᠭᠡᠯ ᠭᠦᠷᠴᠤ ᠪᠠᠢ᠌ᠭᠠ ᠡᠨᠡ ᠰᠠᠢ᠌ᠬᠠᠨ ᠡᠳᠦᠷ ᠬᠤᠨᠤᠭ ᠤᠳ ᠢ ᠢᠷᠦᠭᠡᠨ ᠵᠦᠩᠨᠠᠨ᠂ ᠬᠠᠮᠤᠭ ᠳᠦᠷᠦᠭᠦᠤ ᠬᠤᠠᠳᠠᠭᠠ ᠡᠷᠭᠦᠶᠡ︕ ᠭᠡᠵᠤ ᠣᠯᠠᠨ ᠳᠤ ᠭᠡᠯᠡᠨᠡ᠃
ᠨᠠᠢ᠌ᠷ ᠤᠨ ᠳᠤᠮᠳᠠ ᠪᠣᠯᠬᠤ ᠳᠤ ᠷᠤᠯᠭᠠᠷᠮᠠ ᠡᠵᠢ ᠳᠡᠭᠡᠨ ᠬᠤᠠᠳᠠᠭᠠᠳᠤ ᠰᠠᠷᠬᠤᠤᠨ ᠢ ᠪᠠᠷᠢᠪᠠ᠃ ᠨᠠᠮᠰᠠᠷᠠᠢ ᠪᠠᠶᠠᠨ ᠬᠤᠠᠳᠠᠭᠠ ᠶᠢ ᠳᠤᠰᠤᠨ ᠠᠪᠴᠤ ᠳᠤᠯᠤᠪᠣᠷ ᠬᠤᠷᠤᠭᠤ ᠪᠠᠷ ᠠᠷᠢᠭᠢ ᠶᠢ ᠰᠠᠷᠵᠢᠮᠯᠠᠨ ᠳᠡᠭᠡᠳᠤ ᠳᠡᠭ᠍ᠷᠢ᠂ ᠳᠤᠤᠷᠠᠳᠤ ᠭᠠᠵᠠᠷ᠂ ᠳᠡᠭᠡᠳᠦᠰ ᠰᠠᠭᠢᠭᠤᠰᠤ ᠳᠠᠭᠠᠨ ᠭᠤᠷᠪᠠ ᠰᠠᠷᠵᠢᠮᠯᠠᠨ᠄
ᠵᠠ᠂ ᠣᠮ ᠰᠠᠢ᠌ᠨ ᠣᠮ ᠰᠠᠢ᠌ᠨ
ᠬᠠᠨ ᠪᠣᠭᠤᠷᠤᠯ ᠠᠪᠣ ᠶᠢᠨ ᠶᠢᠡᠨ
ᠢᠷᠦᠭᠡᠯ ᠳᠤ ᠭᠦᠷᠳᠡᠨ ᠦᠰᠴᠦ
ᠬᠠᠳᠤᠨ ᠪᠣᠭᠤᠷᠤᠯ ᠡᠵᠢ ᠶᠢᠨ ᠶᠢᠡᠨ
ᠬᠠᠢ᠌ᠷᠠ ᠳᠤ ᠢᠪᠡᠭᠡᠨ ᠪᠣᠢ᠌ᠵᠢᠵᠤ
ᠡᠳᠦᠷ ᠡᠴᠡ ᠡᠳᠦᠷ ᠦᠰᠴᠦ
ᠥᠭᠡᠯᠡᠢ ᠦᠨᠳᠦᠷ ᠪᠣᠯᠤᠭᠠᠤᠨ
ᠵᠢᠯ ᠡᠴᠡ ᠵᠢᠯ ᠪᠠᠳᠠᠷᠠᠨ
ᠵᠢᠰᠤ ᠥᠩᠭᠡ ᠭᠢᠯᠪᠠᠷᠠᠭᠠᠤᠨ
ᠵᠠᠭᠤᠨ ᠵᠢᠯ ᠤᠨ ᠵᠤᠯᠠ ᠰᠢᠭ᠌
ᠵᠤᠷᠪᠣᠰᠯᠠᠨ ᠵᠤᠷᠪᠣᠰᠯᠠᠨ ᠭᠡᠷᠡᠯᠳᠦᠵᠤ
ᠪᠣᠮᠠᠨ ᠵᠢᠯ ᠤᠨ ᠵᠤᠯᠠ ᠰᠢᠭ᠌
ᠪᠠᠳᠮᠠᠯᠠᠨ ᠪᠠᠳᠮᠠᠯᠠᠨ ᠰᠠᠴᠤᠷᠠᠭᠠᠤᠨ
ᠨᠠᠷᠠᠨ ᠤ ᠭᠡᠷᠡᠯ ᠰᠢᠭ᠌ ᠭᠡᠷᠡᠯᠳᠦᠵᠤ
ᠰᠠᠷᠠᠨ ᠤ ᠳᠤᠶᠠᠭᠠ ᠰᠢᠭ᠌ ᠰᠠᠴᠤᠷᠠᠨ
ᠨᠠᠰᠤᠨ ᠬᠤᠳᠤᠭ ᠨᠡᠮᠡᠭ᠍ᠳᠡᠵᠤ
ᠨᠠᠰᠤᠳᠠ ᠵᠢᠷᠭᠠᠬᠤ ᠪᠣᠯᠳᠤᠭᠠᠢ︕ ᠭᠡᠵᠤ
ᠢᠷᠦᠭᠡᠯ ᠬᠠᠢ᠌ᠷᠠᠯᠠᠨ ᠬᠤᠠᠳᠠᠭᠠᠳᠤ ᠠᠷᠢᠭᠢ ᠶᠢ ᠠᠮᠰᠠᠨ ᠪᠣᠴᠠᠭᠠᠨ ᠦᠭᠭᠦ ᠳᠤ ᠷᠤᠯᠭᠠᠷᠮᠠ ᠳᠠᠭᠢᠨ ᠪᠠᠷᠢᠭᠠᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠢᠷᠦᠭᠡᠯ ᠳᠤᠭᠳᠠᠬᠤ ᠪᠣᠯᠳᠤᠭᠠᠢ ᠭᠡᠵᠤ ᠪᠦᠭᠦᠳᠡᠭᠡᠷ ᠬᠠᠷᠢᠭᠤ ᠦᠴᠢᠪᠠ᠃
ᠨᠠᠢ᠌ᠷ ᠤᠨ ᠰᠢᠷᠡᠭᠡ ᠠᠶᠠᠳᠠᠢ ᠰᠠᠢ᠌ᠬᠠᠨ ᠡᠷᠭᠢᠵᠤ᠂ ᠦᠳᠡᠰᠢ ᠰᠦᠨᠢ ᠪᠣᠯᠵᠤ ᠰᠢᠷᠡᠭᠡ ᠬᠤᠷᠢᠶᠠᠨ ᠨᠠᠢ᠌ᠷ ᠦᠨᠳᠦᠷᠯᠠᠪᠠ᠃ ᠳᠦᠭᠦᠷᠡᠩᠰᠡᠩ ᠪᠠ ᠣᠭᠤᠰᠤᠷ ᠡᠷᠦᠭᠡ ᠡᠷᠦᠭᠡ ᠳᠡᠭᠡᠨ ᠪᠣᠴᠠᠨ ᠨᠠᠮᠠᠬᠠᠢ ᠪᠠ ᠮᠤᠯᠤᠮ ᠨᠡᠷ ᠦᠷᠦᠭᠡᠨ ᠳᠡᠭᠡᠨ ᠣᠷᠤᠵᠤ ᠨᠣᠢ᠌ᠷᠰᠤᠪᠠ᠃
ᠮᠠᠷᠭᠠᠰᠢ ᠨᠢ ᠪᠣᠯᠵᠤ ᠨᠠᠮᠰᠠᠷᠠᠢ ᠪᠠᠶᠠᠨ ᠨᠠᠮᠠᠬᠠᠢ ᠪᠠ ᠮᠤᠯᠤᠮ ᠢ ᠳᠠᠭᠤᠳᠠᠨ ᠬᠤᠷᠢᠨ ᠨᠢᠭᠡᠨ ᠤ ᠠᠳᠤᠭᠤᠨ ᠨᠠᠢ᠌ᠷ ᠢ ᠪᠡᠯᠡᠳᠭᠡᠭᠦ ᠳᠤᠬᠠᠢ ᠶᠠᠷᠢᠨ᠂ ᠳᠠᠷᠠ ᠬᠤᠶᠠᠭᠤᠯᠠ ᠶᠢ ᠠᠳᠤᠭᠤᠨ ᠳᠤᠪᠣ ᠳᠤ ᠣᠴᠢᠨ ᠪᠦᠭᠦ ᠠᠳᠤᠭᠤᠨ ᠢ ᠴᠤᠭᠯᠠᠭᠤᠯᠤᠨ᠂ ᠳᠠᠭᠢᠨ ᠭᠡᠳᠤᠨ ᠦᠷᠭᠦᠭᠡ ᠴᠠᠭᠠᠨ ᠭᠡᠷ ᠢ ᠪᠠᠷᠢᠭᠤᠯᠤᠨ ᠰᠠᠮᠫᠢᠯ ᠨᠤᠶᠠᠨ ᠪᠠ ᠭᠡᠳᠤᠨ ᠪᠠᠶᠠᠤᠨ ᠤᠨ ᠰᠠᠭᠤᠵᠤ ᠭᠡᠪᠳᠡᠭᠦ ᠭᠠᠵᠠᠷ ᠢ ᠪᠠᠢ᠌ᠷᠰᠢᠭᠤᠯᠤᠨ ᠪᠡᠯᠡᠳᠭᠡᠭᠦ ᠶᠢ ᠵᠠᠭᠢᠵᠤ ᠦᠳᠡ ᠶᠢᠨ ᠪᠠᠷᠤᠭ ᠶᠢᠡᠷ ᠬᠤᠶᠠᠭᠤᠯᠠ ᠮᠤᠷᠢᠨ ᠳᠤᠷ ᠮᠤᠷᠳᠠᠵᠤ ᠠᠳᠤᠭᠤᠨ ᠳᠤᠪᠣ ᠳᠠᠰᠢ ᠴᠢᠭᠯᠡᠪᠡ᠃
ᠭᠡᠳᠤᠨ ᠡᠳᠦᠷ ᠤᠨ ᠴᠤᠭᠯᠠᠭᠤᠯᠭᠠ ᠪᠠᠷ ᠳᠠᠮᠵᠢᠨ ᠬᠤᠷᠢᠨ ᠪᠣᠯᠳᠠᠯᠠ ᠨᠠᠮᠰᠠᠷᠠᠢ ᠪᠠᠶᠠᠨ ᠤ ᠪᠦᠭᠦ ᠠᠳᠤᠭᠤ ᠶᠢ ᠴᠤᠭᠯᠠᠭᠤᠯᠤᠨ᠂ ᠠᠳᠤᠭᠤᠨ ᠳᠤᠪᠣ ᠶᠢᠨ ᠡᠮᠦᠨᠡᠭᠢ ᠰᠠᠷᠠᠭᠤᠯ ᠰᠠᠢ᠌ᠬᠠᠨ ᠨᠠᠷᠢᠨ ᠳᠠᠯᠠ ᠶᠢᠨ ᠳᠤᠮᠳᠠ ᠪᠠᠢ᠌ᠷᠰᠢᠭᠤᠯᠪᠠ᠃ ᠭᠤᠪᠢ ᠠᠢ᠌ᠮᠠᠭ ᠤᠨ ᠮᠤᠷᠢᠨ ᠳᠤ ᠪᠠᠬᠠᠳᠠᠢ᠂ ᠣᠷᠭᠠ ᠳᠠᠭᠠᠨ ᠴᠢᠳᠠᠮᠠᠭᠠᠢ ᠵᠠᠯᠠᠭᠤ ᠢᠳᠠᠷ ᠭᠦᠮᠦᠰ ᠤᠳ ᠠᠳᠤᠭᠤᠨ ᠳᠤᠪᠣ ᠶᠢ ᠴᠢᠭᠯᠡᠨ ᠢᠷᠡᠭᠦ ᠶᠢ ᠥᠭᠦᠯᠡᠭᠦ ᠦᠭᠡᠶ᠃
ᠰᠠᠮᠫᠢᠯ ᠨᠤᠶᠠᠨ ᠨᠠᠮᠰᠠᠷᠠᠢ ᠪᠠᠶᠠᠨ ᠤ ᠣᠷᠢᠯᠭᠠ ᠶᠢᠨ ᠪᠢᠴᠢᠭ᠌ ᠢ ᠦᠵᠡᠨ ᠮᠠᠰᠢ ᠳᠠᠭᠠᠰᠢᠶᠠᠨ᠂ ᠪᠣᠢ᠌ᠳᠠ ᠴᠡᠪᠭ᠍ᠵᠡᠪ ᠢ ᠳᠠᠭᠤᠳᠠᠨ ᠳᠠᠪᠢ ᠢᠯᠡᠭᠦᠤ ᠨᠤᠳᠤᠭ ᠤᠨ ᠴᠡᠷᠢᠭ᠌ ᠢ ᠠᠪᠴᠤ ᠪᠠᠶᠠ ᠪᠠᠷ ᠶᠢᠡᠨ ᠮᠤᠷᠢᠨ ᠳᠤᠷ ᠮᠤᠷᠳᠠᠨ ᠨᠠᠮᠰᠠᠷᠠᠢ ᠶᠢᠨ ᠠᠳᠤᠭᠤᠨ ᠳᠤᠪᠣ ᠳᠤ ᠢᠷᠠᠪᠠ᠃ ᠡᠨᠡ ᠦᠶᠡᠰ ᠠᠳᠤᠭᠤᠨ ᠳᠤᠪᠣ ᠳᠤ ᠨᠢᠭᠡᠨᠲᠡ ᠨᠠᠮᠰᠠᠷᠠᠢ ᠪᠠᠶᠠᠨ᠂ ᠭᠡᠡᠵᠦᠦᠷ ᠪᠠᠶᠠᠨ᠂ ᠰᠸᠷᠠᠪ ᠪᠠᠶᠠᠨ ᠨᠡᠷ ᠪᠦᠭᠦᠳᠡ ᠪᠠᠷ ᠢᠷᠠᠨ ᠰᠠᠮᠫᠢᠯ ᠨᠤᠶᠠᠨ ᠢ ᠣᠭᠳᠤᠨ ᠳᠤᠮᠳᠠ ᠪᠠᠨ ᠳᠦᠷᠪᠠᠨ ᠳᠤᠯᠭᠠᠭᠤᠷᠢ ᠲᠡᠶ ᠣᠷᠳᠤᠨ ᠴᠠᠭᠠᠨ ᠦᠷᠭᠦᠭᠡ ᠳᠤ ᠵᠠᠯᠠᠨ ᠪᠠᠭᠤᠯᠭᠠᠪᠠ᠃ ᠬᠠᠷᠢᠯᠴᠠᠨ ᠰᠠᠮᠫᠢᠯ ᠨᠤᠶᠠᠨ ᠤ ᠮᠠᠠᠳᠤ ᠶᠢ ᠠᠰᠠᠭᠤᠯᠴᠠᠨ ᠰᠢᠷᠡᠭᠡ ᠵᠠᠰᠠᠨ ᠰᠠᠮᠫᠢᠯ ᠨᠤᠶᠠᠨ ᠢ ᠴᠠᠢ᠌ᠯᠠᠪᠠ᠃
ᠭᠤᠪᠢ ᠠᠢ᠌ᠮᠠᠭ ᠤᠨ ᠢᠳᠠᠷ ᠵᠠᠯᠠᠭᠤᠴᠤᠳ ᠪᠠ ᠠᠳᠤᠭᠤ ᠳᠡᠯᠡᠯᠭᠦ ᠶᠢ ᠥᠵᠡᠭᠦ ᠪᠠᠷ ᠢᠷᠡᠭ᠍ᠰᠡᠨ ᠭᠡᠦᠭᠡᠡᠴᠦᠳ ᠠᠳᠤᠭᠤᠨ ᠳᠤᠪᠣ ᠶᠢᠨ ᠠᠷᠤ ᠪᠠᠷ ᠵᠠᠯᠭᠠᠯᠳᠤᠨ ᠭᠤᠷᠪᠠᠨ ᠡᠳᠦᠷ ᠤᠨ ᠨᠠᠢ᠌ᠷ ᠡᠭᠢᠯᠡᠭᠦ ᠶᠢ ᠭᠦᠯᠢᠶᠡᠨᠡ᠃ ᠮᠤᠯᠤᠮ ᠨᠠᠮᠠᠬᠠᠢ ᠬᠤᠶᠠᠷ ᠮᠤᠷᠢᠨ ᠳᠡᠭᠡᠨ ᠮᠤᠷᠳᠠᠨ ᠠᠳᠤᠭᠤᠨ ᠤ ᠭᠠᠳᠠᠭᠤᠷ ᠴᠠᠭᠳᠠᠨ᠂ ᠳᠠᠭᠢᠨ ᠠᠳᠤᠭᠤᠴᠢ ᠨᠡᠷ ᠢ ᠨᠢᠭᠡ ᠨᠢᠭᠡ ᠵᠥᠭ᠌ ᠳᠤ ᠣᠴᠢᠵᠤ ᠰᠠᠭᠢᠵᠤ ᠰᠠᠭᠤᠯᠭᠠᠨᠠ᠃ ᠥᠨᠡᠨᠳᠡᠭᠡᠨ ᠡᠨᠡ ᠪᠣᠯ ᠪᠦᠭᠦ ᠭᠤᠪᠢ ᠠᠢ᠌ᠮᠠᠭ ᠤᠨ ᠢᠳᠠᠷ ᠵᠠᠯᠠᠭᠤᠴᠤᠳ ᠤᠨ ᠴᠢᠳᠠᠯ ᠰᠢᠯᠭᠠᠬᠤ ᠶᠠᠪᠣᠳᠠᠯ ᠪᠦᠭᠡᠳ ᠣᠯᠠᠨ ᠲᠦᠮᠡᠨ ᠳᠤ ᠭᠠᠢ᠌ᠬᠠᠭᠳᠠᠭᠤᠯᠬᠤ᠂ ᠨᠤᠳᠤᠭ ᠨᠢᠷᠤᠭᠤᠨ ᠳᠠᠭᠠᠨ ᠨᠠᠷᠠ ᠠᠯᠳᠠᠷᠰᠢᠭᠤᠯᠬᠤ ᠰᠠᠢ᠌ᠨ ᠵᠠᠪ ᠲᠤᠬᠢᠶᠠᠯ ᠪᠣᠯᠬᠤ ᠣᠴᠢᠷ ᠡᠴᠡ ᠠᠯᠢ ᠣᠯᠠᠨ ᠵᠠᠯᠠᠭᠤᠴᠤᠳ ᠬᠤᠪᠢ ᠬᠤᠪᠢᠨ ᠤ ᠳᠤᠳᠤᠷᠠ ᠪᠠᠨ ᠪᠣᠳᠤᠯ ᠲᠡᠶ ᠶᠠᠪᠣᠨᠠ᠃ ᠮᠤᠯᠤᠮ ᠨᠠᠮᠠᠬᠠᠢ ᠴᠤ ᠮᠦᠨ ᠭᠠᠳᠠᠭᠤᠷ ᠭᠠᠷᠬᠤ ᠦᠭᠡᠶ᠃
ᠨᠠᠷᠠᠨ ᠣᠨᠠᠵᠤ ᠬᠠᠷᠠᠩᠭ᠋ᠤᠢ ᠪᠣᠯᠤᠭᠠᠤᠨ ᠰᠠᠷᠠᠨ ᠭᠠᠷᠴᠤ ᠭᠡᠢ᠌ᠭᠦᠯᠦᠨᠡ᠃ ᠨᠢᠭᠡ ᠡᠳᠦᠷ ᠭᠡᠳᠡᠭ᠌ ᠡᠢ᠌ᠮᠤ ᠯᠠ ᠳᠦᠷᠭᠡᠨ ᠥᠩᠭᠡᠷᠡᠵᠤ ᠥᠵᠡᠭ᠍ᠰᠡᠭᠡᠷ ᠮᠠᠩᠬᠠᠢ᠌ᠬᠤ ᠨᠠᠷᠠᠨ ᠤ ᠳᠤᠶᠠᠭᠠ ᠠᠳᠤᠭᠤᠨ ᠳᠤᠪᠣ ᠶᠢᠨ ᠳᠡᠭᠡᠷᠡ ᠳᠤᠰᠤᠨᠠ᠃ ᠨᠠᠷᠢᠨ ᠳᠠᠯᠠ ᠶᠢᠨ ᠳᠤᠮᠳᠠ ᠪᠠᠢ᠌ᠬᠤ ᠠᠳᠤᠭᠤᠳ ᠤᠨ ᠳᠡᠭᠡᠷᠡ ᠳᠤᠰᠬᠤ ᠲᠡᠶ ᠵᠡᠷᠭᠡ ᠣᠪᠤᠨ ᠴᠤᠪᠤᠨ ᠪᠣᠰᠴᠠᠭᠠᠵᠤ ᠨᠠᠢ᠌ᠷ ᠤᠨ ᠳᠠᠯᠠᠪᠠᠢ ᠵᠥᠭ᠌ ᠴᠢᠭᠢᠯᠳᠤᠨᠠ᠃
ᠨᠠᠮᠰᠠᠷᠠᠢ ᠪᠠ ᠰᠠᠮᠫᠢᠯ ᠨᠤᠶᠠᠨ ᠨᠡᠷ ᠦᠷᠯᠦᠭᠡ ᠶᠢᠨ ᠬᠤᠭᠤᠯᠠ ᠴᠠᠢ ᠶᠢ ᠪᠠᠷᠠᠭᠠᠤᠨ᠂ ᠨᠠᠢ᠌ᠷ ᠤᠨ ᠳᠠᠯᠠᠪᠠᠢ ᠳᠤ ᠵᠠᠰᠠᠭᠰᠠᠨ ᠪᠦᠳᠦᠭᠦᠨ ᠳᠠᠢ᠌ᠰᠠ ᠤ ᠳᠡᠭᠡᠷᠡ ᠵᠠᠯᠠᠷᠠᠨ ᠭᠠᠷᠴᠤ᠂ ᠰᠠᠮᠫᠢᠯ ᠨᠤᠶᠠᠨ ᠳᠤᠮᠳᠠ ᠨᠢ ᠰᠠᠭᠠᠳᠠᠨ᠂ ᠨᠠᠮᠰᠠᠷᠠᠢ ᠪᠠ ᠭᠡᠡᠵᠦᠦᠷ ᠪᠠᠶᠠᠨ ᠬᠤᠶᠠᠷ ᠳᠠᠯᠠ ᠳᠤ ᠨᠢ ᠰᠠᠭᠤᠵᠤ᠂ ᠰᠸᠷᠠᠪ ᠪᠠᠶᠠᠨ ᠳᠠᠭᠠᠯᠳᠤᠨ᠂ ᠴᠡᠪᠠᠭ᠍ᠵᠡᠪ ᠨᠤᠳᠤᠭ ᠤᠨ ᠴᠡᠷᠢᠭ᠌ ᠵᠠᠭᠢᠷᠤᠨ᠂ ᠨᠤᠶᠠᠨ ᠤ ᠬᠠᠵᠠᠭᠤ ᠪᠠᠷ ᠰᠠᠢ᠌ᠨ ᠦᠵᠡᠨ᠂ ᠵᠢᠰᠤ ᠪᠣᠷᠤᠭᠤ ᠡᠳᠡᠭᠡᠳ ᠬᠠᠷᠠᠭᠳᠠᠬᠤ ᠡᠴᠡ ᠭᠢᠴᠢᠶᠡᠨ᠂ ᠪᠦᠭᠦ ᠠᠢ᠌ᠮᠠᠭ ᠤᠨ ᠬᠤᠷᠠᠨ ᠴᠤᠭᠯᠠᠷᠠᠭᠰᠠᠨ ᠭᠦᠮᠦᠰ ᠪᠦᠭᠦᠳᠡᠭᠡᠷ ᠶᠢᠡᠨ ᠬᠤᠶᠠᠷ ᠭᠠᠷᠯᠠᠨ ᠵᠤᠭᠰᠤᠵᠤ ᠨᠠᠮ ᠵᠢᠮ ᠪᠣᠯᠪᠠ᠃
ᠪᠢᠴᠢᠭᠡᠴᠢ ᠳᠦᠭᠦᠷᠡᠩᠰᠡᠩ ᠣᠯᠠᠨ ᠤ ᠡᠮᠦᠨᠡ ᠭᠠᠷᠴᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠯᠢ ᠣᠯᠠᠨ ᠨᠤᠳᠤᠭ ᠣᠰᠤᠨ ᠤ ᠠᠬᠠ ᠳᠡᠭᠦᠤ ᠨᠡᠷ ᠡ︕ ᠦᠨᠦᠳᠤᠷ ᠪᠣᠯ ᠨᠠᠮᠰᠠᠷᠠᠢ ᠪᠠᠶᠠᠨ ᠤ ᠠᠳᠤᠭᠤᠨ ᠳᠡᠯᠡᠯᠭᠡ ᠶᠢᠨ ᠨᠠᠢ᠌ᠷ ᠪᠣᠯᠤᠨᠠ᠃ ᠡᠨᠡ ᠨᠠᠢ᠌ᠷ ᠲᠤ ᠣᠷᠤᠯᠴᠠᠬᠤ ᠠᠯᠢ ᠣᠯᠠᠨ ᠠᠳᠤᠭᠤᠴᠢᠨ ᠣᠷᠭᠠᠴᠢᠨ ᠤᠳ ᠠᠳᠤᠭᠤ ᠣᠷᠭᠠᠯᠠᠬᠤ ᠡᠴᠡ ᠪᠢᠰᠢ ᠠᠯᠠᠵᠤ ᠪᠣᠯᠬᠤ ᠦᠭᠡᠶ᠂ ᠭᠡᠷᠪᠡ ᠠᠳᠤᠭᠤ ᠶᠢ ᠠᠯᠠᠪᠠᠯ ᠠᠮᠢ ᠲᠦᠯᠦᠨᠠ᠃ ᠪᠠᠰᠠ ᠬᠠᠮᠤᠭ ᠳᠦᠷᠦᠭᠦᠨ ᠤ ᠭᠤᠷᠪᠠᠨ ᠠᠵᠢᠷᠭᠠ ᠶᠢ ᠠᠢ᠌ᠮᠠᠭ ᠤᠨ ᠨᠤᠶᠠᠨ ᠳᠠᠯ ᠭᠢᠷᠭᠠᠨ ᠰᠡᠭᠦᠯ ᠬᠠᠢ᠌ᠴᠢᠯᠠᠵᠤ ᠬᠠᠳᠠᠭ ᠳᠠᠯᠪᠢᠨ ᠢᠷᠦᠭᠡᠯ ᠢᠷᠦᠭᠡᠨᠡ᠃ ᠡᠨᠡ ᠭᠤᠷᠪᠠᠨ ᠠᠵᠢᠷᠭᠠ ᠪᠣᠯ ᠬᠤᠶᠠᠷ ᠣᠰᠤᠨ ᠬᠠᠷᠠ ᠠᠵᠢᠷᠭᠠ᠂ ᠳᠠᠯ ᠰᠡᠭᠦᠯ ᠭᠡᠳᠡᠰᠤ ᠪᠠᠷ ᠶᠢᠡᠨ ᠠᠯᠠᠭ ᠴᠠᠭᠠᠨ ᠠᠯᠠᠭ ᠠᠵᠢᠷᠭᠠ ᠪᠣᠯᠤᠨᠠ᠃ ᠡᠨᠡ ᠭᠤᠷᠪᠠᠨ ᠠᠵᠢᠷᠭᠠ ᠶᠢ ᠪᠠᠷᠢᠬᠤ ᠳᠠᠭᠠᠨ ᠬᠤᠶᠠᠷ ᠬᠤᠶᠠᠷ ᠶᠢᠡᠷ ᠣᠷᠤᠵᠤ ᠣᠷᠭᠠᠯᠠᠨ ᠪᠠᠷᠢᠨᠠ᠂ ᠬᠤᠶᠠᠷ ᠡᠴᠡ ᠳᠡᠭᠡᠭ᠍ᠰᠢ ᠪᠣᠯᠬᠤ ᠦᠭᠡᠶ᠂ ᠭᠡᠵᠢᠶᠡ ᠡᠨᠡ ᠭᠤᠷᠪᠠᠨ ᠠᠵᠢᠷᠭᠠ ᠶᠢ ᠪᠠᠷᠢᠭᠰᠠᠨ ᠤ ᠰᠡᠭᠦᠯᠡᠷ ᠰᠠᠶᠢ ᠪᠣᠰᠤᠳ ᠢ ᠨᠢ ᠬᠤᠶᠠᠷ ᠡᠴᠡ ᠳᠡᠭᠡᠭ᠍ᠰᠢ ᠭᠦᠮᠦᠰ ᠪᠠᠷᠢᠵᠤ ᠪᠣᠯᠤᠨᠠ᠃ ᠠᠳᠤᠭᠤ ᠣᠷᠭᠠᠯᠠᠬᠤ ᠳᠦᠷᠢᠮ ᠪᠣᠯ ᠣᠤᠯ ᠤᠨ ᠬᠠᠭᠤᠴᠢᠨ ᠵᠠᠩᠰᠢᠯ ᠡᠴᠡ ᠬᠤᠪᠢᠷᠠᠬᠤ ᠦᠭᠡᠶ᠃ ᠳᠤᠤᠷᠠ ᠠᠢ᠌ᠮᠠᠭ ᠤᠨ ᠨᠤᠶᠠᠨ ᠡᠴᠡ ᠥᠭᠡ ᠶᠠᠷᠢᠨᠠ ᠭᠡᠵᠤ ᠣᠯᠠᠨ ᠳᠤ ᠵᠠᠷᠯᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ︕ ᠨᠤᠳᠤᠭ ᠨᠢᠷᠤᠭᠤᠨ ᠭᠦᠮᠦᠰ ᠤᠳ ᠡ︕ ᠨᠠᠮᠵᠢᠭᠤᠨ ᠪᠠᠢ᠌ᠭᠠᠷᠠᠢ︕ ᠮᠠᠨ ᠤ ᠠᠢ᠌ᠮᠠᠭ ᠣᠷᠴᠢᠮ ᠤᠨ ᠬᠤᠶᠠᠷ ᠵᠢᠯ ᠡᠴᠡ ᠳᠡᠭᠡᠷᠡᠮ ᠳᠤᠨᠤᠭᠠ ᠴᠥᠭᠡᠷᠡᠨ᠂ ᠠᠳᠤᠭᠤ ᠮᠠᠯ ᠦᠣᠠᠳᠤᠷ ᠭᠦᠭ᠍ᠵᠢᠵᠡᠢ᠃ ᠣᠠᠴᠤᠭᠣᠢ᠌ᠯᠠᠨ ᠨᠠᠮᠰᠠᠷᠠᠢ ᠶᠢᠨ ᠮᠠᠯ ᠰᠦᠷᠦᠭ᠌ ᠰᠠᠢ᠌ᠨ ᠶᠢᠡᠷ ᠭᠦᠭ᠍ᠵᠢᠵᠡᠢ᠃ ᠡᠢ᠌ᠮᠤ ᠡᠴᠡ ᠣᠯᠠᠨ ᠲᠦᠮᠡᠨ ᠪᠦᠭᠦᠳᠡᠭᠡᠷ ᠶᠢᠡᠨ ᠮᠠᠯ ᠰᠦᠷᠦᠭ᠌ ᠶᠢᠡᠨ ᠥᠰᠭᠡᠨ ᠨᠠᠮᠰᠠᠷᠠᠢ ᠡᠴᠡ ᠳᠠᠭᠤᠷᠢᠶᠠᠪᠠᠯ ᠳᠠᠭᠠᠷᠠᠨᠠ᠃ ᠮᠦᠨ ᠡᠨᠡ ᠣᠳᠠᠭᠠᠨ ᠤ ᠨᠠᠮᠰᠠᠷᠠᠢ ᠶᠢᠨ ᠠᠳᠤᠭᠤᠨ ᠨᠠᠢ᠌ᠷ ᠶᠢᠡᠷ ᠳᠠᠮᠵᠢᠨ ᠨᠤᠳᠤᠭ ᠨᠢᠷᠤᠭᠤᠨ ᠤ ᠭᠦᠮᠦᠰ ᠲᠤ ᠴᠢᠬᠤᠯᠠᠴᠢᠯᠠᠬᠤ ᠨᠢ ᠳᠡᠭᠡᠷᠡᠮ ᠳᠤᠨᠤᠭᠠ ᠲᠡᠶ ᠪᠣᠤ ᠤᠢ᠌ᠷᠠᠳᠤ᠂ ᠭᠡᠨ ᠭᠦᠮᠤᠨ ᠭᠡᠷᠪᠡ ᠪᠠᠯᠤ ᠨᠡᠷ ᠲᠡᠶ ᠤᠢ᠌ᠷᠠᠳᠤᠭᠰᠠᠨ ᠴᠢᠮᠡᠭᠡ ᠭᠠᠷᠪᠠᠯ ᠰᠠᠮᠫᠢᠯ ᠨᠠᠮᠢ᠋ᠢ ᠭᠡᠯᠡᠭ᠍ᠰᠡᠨ ᠦᠭᠡᠶ ᠭᠡᠵᠤ ᠪᠣᠤ ᠭᠤᠮᠤᠳᠠ︕ ᠣᠳᠤ ᠮᠠᠨᠤᠰ ᠨᠠᠢ᠌ᠷ ᠡᠭᠢᠯᠡᠭᠦ ᠡᠴᠡ ᠡᠮᠦᠨᠡ ᠨᠠᠮᠰᠠᠷᠠᠢ ᠪᠡᠷ ᠬᠤᠶᠠᠷ ᠥᠭᠡ ᠭᠡᠯᠡᠭᠦᠯᠦᠶᠡ︕ ᠭᠡᠵᠤ ᠰᠠᠮᠫᠢᠯ ᠨᠤᠶᠠᠨ ᠰᠥᠭᠡᠩᠭᠢᠳᠦᠭ᠍ᠰᠡᠨ ᠳᠠᠭᠤᠨ ᠶᠢᠡᠷ ᠭᠡᠯᠡᠨ ᠣᠷᠤᠨ ᠳᠠᠭᠠᠨ ᠰᠠᠭᠤᠪᠠ᠃ ᠬᠠᠵᠠᠭᠤ ᠳᠤ ᠨᠢ ᠪᠠᠢ᠌ᠭᠰᠠᠨ ᠨᠠᠮᠰᠠᠷᠠᠢ ᠪᠣᠰᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ︕ ᠠᠯᠢ ᠣᠯᠠᠨ ᠨᠤᠳᠤᠭ ᠤᠨ ᠭᠦᠮᠦᠰ ᠤᠳ ᠡ︕ ᠮᠠᠨ ᠤ ᠭᠤᠪᠢ ᠠᠢ᠌ᠮᠠᠭ ᠤᠨ ᠰᠠᠮᠫᠢᠯ ᠨᠤᠶᠠᠨ ᠤ ᠭᠡᠰᠢᠭ᠌ ᠲᠤᠷ ᠭᠦᠷᠳᠡᠵᠤ᠂ ᠮᠠᠨ ᠤ ᠨᠤᠳᠤᠭ ᠲᠤ ᠳᠠᠢ᠌ᠨ ᠳᠠᠢ᠌ᠰᠤᠨ ᠦᠭᠡᠶ᠂ ᠡᠩᠭᠡ ᠠᠮᠤᠭᠤᠯᠠᠩ ᠪᠠᠢ᠌ᠬᠤ ᠡᠨᠡᠭᠦ ᠰᠠᠢ᠌ᠨ ᠲᠤᠬᠢᠶᠠᠯ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠤᠨ ᠪᠢ ᠠᠳᠤᠭᠤ ᠮᠠᠯ ᠤᠨ ᠦᠨᠢᠷ ᠦᠰᠦᠯᠳᠠ ᠶᠢ ᠳᠡᠭᠡᠳᠤ ᠳᠡᠭ᠍ᠷᠢ ᠳᠤᠤᠷᠠᠳᠤ ᠭᠠᠵᠠᠷ ᠳᠡᠭᠡᠳᠦᠰ ᠰᠠᠭᠢᠭᠤᠰᠤ ᠳᠤ ᠮᠡᠳᠡᠭᠦᠯᠭᠦ ᠰᠠᠨᠠᠭᠠ ᠲᠡᠶ ᠪᠠᠷ ᠡᠨᠡ ᠨᠠᠢ᠌ᠷ ᠢ ᠭᠢᠭ᠍ᠰᠡᠨ ᠶᠤᠮ᠃ ᠡᠢ᠌ᠮᠤ ᠡᠴᠡ ᠨᠤᠳᠤᠭ ᠨᠢᠷᠤᠭᠤᠨ ᠤ ᠭᠦᠮᠦᠰ ᠤᠨ ᠭᠡᠰᠢᠭ᠌ ᠪᠣᠶᠠᠨ ᠢ ᠬᠤᠷᠣᠢ᠌ᠯᠠᠵᠤ᠂ ᠭᠡᠢ᠌ᠮᠦᠷᠢ ᠮᠠᠠᠳᠤᠬᠤ ᠶᠢ ᠭᠦᠰᠡᠨ ᠵᠤᠷᠢᠵᠤ᠂ ᠡᠨᠡ ᠣᠳᠠᠭᠠᠨ ᠤ ᠠᠳᠤᠭᠤᠨ ᠨᠠᠢ᠌ᠷ ᠢ ᠡᠭᠢᠯᠡᠭᠦᠯᠦᠶᠡ︕ ᠭᠡᠵᠤ ᠣᠯᠠᠨ ᠳᠤ ᠵᠠᠷᠯᠠᠪᠠ᠃
ᠪᠢᠴᠢᠭᠡᠴᠢ ᠳᠦᠭᠦᠷᠡᠩᠰᠡᠩ ᠳᠠᠭᠢᠨ ᠣᠠᠯᠠ ᠤ ᠡᠮᠦᠨᠡ ᠭᠠᠷᠴᠤ᠄
ᠣᠳᠤ ᠨᠠᠮᠰᠠᠷᠠᠢ ᠪᠠᠶᠠᠨ ᠤ ᠭᠠᠷ ᠤᠨ ᠣᠶᠠᠭᠠᠴᠢᠨ ᠰᠡᠩᠭᠡ ᠪᠠ ᠭᠡᠡᠵᠦᠦᠷ ᠪᠠᠶᠠᠨ ᠤ ᠭᠠᠷ ᠤᠨ ᠣᠶᠠᠭᠠᠴᠢᠨ ᠠᠮᠢᠠᠳᠠᠢ ᠠᠯᠠᠭ ᠠᠵᠢᠷᠭᠠ ᠣᠷᠭᠠᠯᠠᠨᠠ ᠭᠡᠵᠤ ᠣᠯᠠᠨ ᠳᠤ ᠵᠠᠷᠯᠠᠪᠠ᠃
ᠣᠯᠠᠨ ᠤ ᠠᠷᠤ ᠡᠴᠡ ᠨᠢᠭᠡ ᠭᠡᠭᠡᠷ ᠮᠤᠷᠢ ᠣᠨᠤᠭᠰᠠᠨ ᠳᠦᠴᠢᠭᠡᠳ ᠨᠠᠰᠤᠨ ᠤ ᠥᠡᠳᠦᠷᠭᠡᠨ ᠡᠷᠡ ᠳᠤᠬᠤᠢ ᠳᠠᠭᠠᠨ ᠣᠷᠳᠤ ᠭᠡᠭ᠍ᠴᠢ ᠰᠤᠭᠰᠤᠯᠵᠠᠭᠰᠠᠨ ᠣᠷᠬᠠ ᠳᠤᠬᠣᠢ᠌ᠯᠠᠨ ᠪᠦᠭᠡᠷᠭᠡ ᠶᠢᠨ ᠠᠷᠤ ᠳᠤ ᠭᠡᠳᠤ ᠣᠷᠢᠶᠠᠯᠳᠤᠭᠰᠠᠨ ᠴᠠᠯᠮᠠ ᠶᠢᠨ ᠳᠡᠭᠡᠰᠤ ᠶᠢ ᠬᠠᠪᠴᠢᠭᠤᠯᠤᠨ ᠠᠳᠤᠭᠤᠨ ᠰᠦᠷᠦᠭ᠌ ᠤᠨ ᠳᠠᠰᠢ ᠭᠠᠯᠭᠢᠭᠤᠯᠪᠠ᠃ ᠡᠨᠡ ᠪᠣᠯ ᠨᠠᠮᠰᠠᠷᠠᠢ ᠶᠢᠨ ᠣᠶᠠᠭᠠᠴᠢᠨ ᠰᠡᠩᠭᠡ ᠪᠣᠯᠤᠨᠠ᠃ ᠰᠡᠩᠭᠡ ᠪᠣᠯ ᠭᠤᠷᠪᠠᠨ ᠦᠶᠡ ᠶᠢᠨ ᠣᠶᠠᠭᠠᠴᠢᠨ ᠪᠦᠭᠡᠳ ᠰᠡᠩᠭᠡ ᠠᠷᠪᠤᠨ ᠳᠠᠪᠣᠳᠠᠢ ᠳᠠᠭᠠᠨ ᠰᠠᠮᠫᠢᠯ ᠨᠤᠶᠠᠨ ᠤ ᠡᠴᠢᠭᠡ ᠳᠠᠠᠳᠠᠷ ᠴᠢᠨ ᠸᠠᠩ ᠤᠨ ᠪᠦᠭᠦ ᠠᠢ᠌ᠮᠠᠭ ᠤᠨ ᠠᠳᠤᠭᠤᠨ ᠨᠠᠢ᠌ᠷ ᠲᠤ ᠠᠢ᠌ᠮᠭ ᠤᠨ ᠨᠠᠷᠳᠤ ᠣᠶᠠᠭᠠᠴᠢᠨ ᠭᠠᠷᠪᠣᠤ ᠲᠡᠶ ᠣᠷᠭᠠ ᠰᠠᠴᠤᠭᠤᠯᠤᠨ ᠠᠯᠳᠠᠷ ᠶᠢᠡᠨ ᠳᠠᠭᠤᠷᠢᠰᠠᠭᠤᠯᠤᠭᠰᠠᠨ ᠳᠡᠦᠭᠡ ᠲᠡᠶ ᠶᠤᠮ᠃ ᠰᠡᠩᠭᠡ ᠦᠨᠦ ᠵᠢᠯ ᠳᠦᠴᠢᠨ ᠬᠤᠶᠠᠷᠳᠠᠢ᠂ ᠬᠤᠷᠢᠭᠠᠤᠨ ᠵᠢᠯ ᠣᠷᠭᠠ ᠳᠤᠬᠣᠢ᠌ᠯᠠᠨ ᠠᠳᠤᠭᠤ ᠣᠷᠭᠠᠯᠠᠵᠤ ᠶᠠᠪᠣᠭᠰᠠᠨ ᠮᠡᠷᠭᠡᠵᠢᠯᠳᠡᠢ ᠬᠠᠰᠢᠷ ᠣᠶᠠᠭᠠᠴᠢᠨ ᠶᠤᠮ᠃ ᠨᠠᠮᠠᠬᠠᠢ ᠪᠠ ᠮᠤᠯᠤᠮ ᠤᠨ ᠣᠶᠠᠭᠠᠨ ᠤ ᠪᠠᠭᠰᠢ ᠪᠣᠯᠤᠨᠠ᠃
ᠲ᠋ᠡᠭᠦᠨ ᠤ ᠠᠷᠤ ᠡᠴᠡ ᠴᠠᠭᠠᠨ ᠰᠠᠷᠠᠯ ᠮᠤᠷᠢᠨ ᠣᠨᠤᠭᠰᠠᠨ ᠳᠡᠭ᠍ᠰᠢ ᠳᠦᠷᠪᠠᠯᠵᠢᠨ ᠪᠠᠶᠠ ᠲᠡᠶ ᠪᠦᠳᠦᠭᠦᠨ ᠳᠤᠯᠤᠭᠠᠢ ᠲᠡᠶ᠂ ᠯᠠᠷᠪᠠᠢ᠌ᠭᠰᠠᠨ ᠴᠢᠭᠢ ᠲᠡᠶ᠂ ᠮᠦᠨ ᠭᠤᠴᠢᠭᠠᠤᠨ ᠨᠠᠰᠤᠨ ᠤ ᠡᠷᠡ ᠣᠷᠭᠠ ᠳᠤᠬᠣᠢ᠌ᠯᠠᠨ ᠮᠤᠷᠳᠠᠪᠠ᠃ ᠡᠨᠡ ᠪᠣᠯ ᠭᠡᠡᠵᠦᠦᠷ ᠪᠠᠶᠡᠨ ᠤ ᠣᠶᠠᠭᠠᠴᠢᠨ ᠠᠮᠢᠠᠳᠠᠢ ᠪᠣᠯᠬᠤ ᠶᠤᠮ᠃ ᠠᠮᠢᠠᠳᠠᠢ ᠭᠡᠵᠤ ᠨᠤᠳᠤᠭ ᠨᠢᠷᠤᠭᠤᠨ ᠤ ᠠᠳᠤᠭᠤᠨ ᠨᠠᠢ᠌ᠷ ᠲᠤ ᠰᠡᠩᠭᠡ ᠭᠠᠷᠪᠣᠤ ᠶᠢ ᠭᠠᠷᠭᠠᠪᠠᠯ ᠭᠤᠪᠢ ᠠᠢ᠌ᠮᠠᠭ ᠲᠤ ᠤᠢ᠌ᠷᠠᠳᠤᠵᠤ ᠳᠡᠢ᠌ᠯᠭᠦ ᠣᠶᠠᠭᠠᠴᠢᠨ ᠥᠭᠡᠷᠡ ᠪᠠᠢ᠌ᠬᠤ ᠦᠭᠡᠶ᠂ ᠵᠠᠷᠢᠮ ᠭᠦᠳᠡᠯᠦᠯ ᠪᠠᠷᠢᠯ ᠨᠢ ᠭᠠᠷᠪᠣᠤ ᠡᠴᠡ ᠴᠤ ᠳᠦᠷᠭᠡᠨ ᠪᠠᠢ᠌ᠳᠠᠭ᠂ ᠥᠵᠡᠭᠦ ᠳᠤ ᠭᠡᠳᠥᠢᠪᠠᠷ ᠳᠡᠭ᠍ᠰᠢ ᠳᠦᠷᠪᠠᠯᠵᠢᠨ ᠪᠣᠯᠪᠠᠴᠤ ᠮᠤᠷᠢᠨ ᠤ ᠨᠢᠷᠤᠭᠤᠨ ᠳᠤ ᠭᠠᠷᠴᠤ ᠠᠳᠤᠭᠤ ᠣᠷᠭᠠᠯᠠᠵᠤ ᠠᠳᠤᠭᠤ ᠰᠤᠷᠭᠠᠬᠤ ᠭᠡᠪᠠᠯ 《ᠮᠤᠷᠢᠨ ᠳᠡᠭᠡᠷᠡᠭᠢ ᠰᠠᠮᠵᠠ》 ᠭᠡᠪᠠᠯ ᠨᠢᠭᠡ ᠯᠠ ᠥᠭᠡ᠃
ᠰᠡᠩᠭᠡ ᠠᠳᠤᠭᠤ ᠶᠢᠨ ᠵᠠᠬᠠ ᠳᠤ ᠢᠷᠠᠵᠤ᠂ ᠵᠢᠯᠤᠭᠤ ᠶᠢ ᠠᠳᠬᠤᠨ ᠮᠤᠷᠢᠨ ᠵᠤᠭᠰᠤᠭᠠᠵᠤ᠂ ᠠᠮᠢᠠᠳᠠᠢ ᠶᠢᠨ ᠢᠷᠡᠭᠦ ᠶᠢ ᠭᠦᠯᠢᠶᠡᠨ ᠠᠮᠢᠠᠳᠠᠢ ᠣᠷᠤᠭᠤ ᠳᠠᠰᠢ ᠲᠤᠬᠢᠶᠠᠨ ᠤ ᠥᠭᠡ ᠪᠠᠨ ᠶᠠᠷᠢᠵᠤ ᠭᠡᠭᠡᠷ ᠮᠤᠷᠢᠨ ᠤ ᠵᠢᠯᠤᠭᠤ ᠶᠢ ᠰᠤᠩᠭ᠋ᠠᠨ ᠨᠠᠷᠢᠨ ᠳᠠᠯᠠ ᠶᠢᠨ ᠳᠤᠮᠳᠠ ᠪᠦᠭᠡᠮᠨᠡᠷᠡᠨ ᠪᠠᠢ᠌ᠭᠠ ᠠᠳᠤᠭᠤᠨ ᠤ ᠳᠤᠮᠳᠠᠭᠤᠷ ᠬᠠᠭᠠ ᠵᠦᠰᠤᠨ ᠠᠯᠠᠭ ᠠᠵᠢᠷᠭᠠ ᠶᠢ ᠴᠢᠭᠯᠡᠨ ᠰᠤᠭᠰᠤᠯᠵᠠᠭᠰᠠᠨ ᠣᠷᠭᠠ ᠪᠠᠨ ᠳᠡᠭᠡᠷᠡ ᠳᠠᠯᠠᠢᠨ ᠣᠷᠭᠠᠨ ᠮᠤᠷᠢᠨ ᠤ ᠬᠠᠷᠠ ᠬᠤᠷᠳᠤ ᠪᠠᠷ ᠳᠤᠪᠳᠤᠯᠭᠠᠪᠠ᠃
ᠣᠯᠠᠨ ᠠᠳᠤᠭᠤᠨ ᠤ ᠳᠤᠮᠳᠠᠭᠤᠷ ᠰᠡᠷᠭᠡᠭ᠌ ᠪᠠᠢ᠌ᠭᠰᠠᠨ ᠠᠯᠠᠭ ᠠᠵᠢᠷᠭᠠ ᠪᠠᠢ᠌ᠳᠠᠯ ᠢ ᠦᠵᠡᠨ ᠭᠠᠷᠴᠤ ᠬᠠᠭᠠᠷᠠᠭᠰᠠᠨ ᠠᠳᠤᠭᠤᠨ ᠤ ᠳᠤᠮᠳᠠᠭᠤᠷ ᠰᠤᠮᠤ ᠰᠢᠭ᠌ ᠵᠢᠯᠢᠨ ᠨᠢᠭᠡ ᠮᠡᠳᠡᠭᠦ ᠳᠤ ᠰᠡᠩᠭᠡ ᠶᠢᠨ ᠣᠷᠭᠠᠨ ᠭᠡᠭᠡᠷ ᠬᠤᠯᠠ ᠬᠣᠢ᠌ᠨᠠ ᠬᠤᠴᠤᠷᠠᠨ᠂ ᠠᠯᠠᠭ ᠠᠵᠢᠷᠭᠠ ᠶᠢᠨ ᠪᠠᠷᠠ ᠳᠠᠰᠤᠷᠠᠨᠠ᠃ ᠭᠠᠳᠠᠭᠤᠷ ᠨᠢ ᠬᠤᠮᠢᠨ ᠠᠯᠠᠭ ᠠᠵᠢᠷᠭᠠ ᠳᠤᠰᠴᠤ ᠪᠠᠢ᠌ᠭᠰᠠᠨ ᠠᠮᠢᠠᠳᠠᠢ ᠠᠯᠠᠭ ᠠᠵᠢᠷᠭᠠ ᠶᠢ ᠣᠯᠠᠨ ᠤ ᠳᠤᠳᠤᠷᠠ ᠡᠴᠡ ᠰᠤᠭᠤᠷᠠᠨ ᠭᠠᠷᠬᠤ ᠶᠢ ᠥᠵᠡᠭᠦ ᠲᠡᠶ ᠵᠡᠷᠭᠡ ᠰᠠᠷᠠᠯ ᠮᠤᠷᠢᠨ ᠤ ᠵᠢᠯᠤᠭᠤ ᠶᠢ ᠳᠠᠯᠪᠢᠨ ᠣᠷᠭᠠ ᠪᠠᠨ ᠰᠤᠭᠰᠤᠯᠵᠠᠭᠤᠯᠤᠨ ᠠᠯᠠᠭ ᠠᠵᠢᠷᠭᠠ ᠶᠢᠨ ᠠᠰ ᠡᠮᠦᠨᠡ ᠡᠴᠡ ᠵᠦᠪᠳᠠᠢ ᠳᠠᠯᠠ ᠳᠠᠭᠠᠨ ᠠᠪᠴᠤ ᠬᠤᠶᠠᠷ ᠮᠤᠷᠢᠨ ᠤ ᠭᠦᠶᠦᠳᠡᠯ ᠠᠯᠬᠤᠭᠠ ᠳᠠᠭᠠᠷᠠᠵᠤ᠂ ᠰᠠᠯᠭᠢ ᠮᠠᠳᠤ ᠵᠦᠷᠢᠵᠤ ᠭᠠᠷᠬᠤ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠤᠨ ᠪᠠᠷᠠᠭᠤᠨ ᠰᠤᠭᠤ ᠳᠠᠭᠠᠨ ᠳᠤᠬᠣᠢ᠌ᠯᠠᠵᠤ ᠪᠠᠢ᠌ᠭᠰᠠᠨ ᠣᠷᠭᠠ ᠪᠠᠨ ᠠᠯᠠᠭ ᠠᠵᠢᠷᠭᠠ ᠶᠢᠨ ᠳᠤᠯᠤᠭᠠᠢ ᠣᠷᠤᠭᠤ ᠨᠢ ᠭᠦᠮᠦᠷᠢᠨ᠂ ᠣᠷᠭᠠᠨ ᠮᠤᠷᠢᠨ ᠤ ᠬᠣᠢ᠌ᠳᠤ ᠪᠦᠭᠡᠷᠭᠡ ᠶᠢ ᠬᠣᠢ᠌ᠰᠢ ᠪᠠᠨ ᠨᠠᠯᠠᠨ ᠰᠠᠭᠤᠵᠤ᠂ ᠬᠤᠶᠠᠷ ᠳᠦᠷᠦᠭᠡ ᠶᠢ ᠣᠷᠤᠭᠰᠢ ᠪᠠᠨ ᠢᠰᠭᠦᠴᠢᠨ ᠣᠷᠭᠠ ᠪᠠᠨ ᠳᠠᠳᠠᠬᠤ ᠲᠡᠶ ᠵᠡᠷᠭᠡ ᠰᠤᠷᠳᠠᠯ ᠰᠠᠢ᠌ᠳᠠᠢ ᠣᠷᠭᠠᠨ ᠮᠤᠷᠢᠨ ᠳᠠᠷᠠ ᠳᠤᠤᠷᠠ ᠪᠠᠨ ᠬᠣᠢ᠌ᠳᠤ ᠬᠤᠶᠠᠷ ᠭᠦᠯ ᠶᠢᠡᠷ ᠶᠢᠡᠨ ᠭᠠᠵᠠᠷ ᠢ ᠳᠠᠰᠢᠨ ᠰᠠᠭᠤᠬᠤ ᠳᠤ ᠠᠮᠢᠠᠳᠠᠢ ᠶᠢᠨ ᠡᠷᠭᠦᠭ᠍ᠰᠡᠨ ᠣᠷᠭᠠ ᠭᠡᠢ ᠣᠷᠭᠠᠳᠠᠨ ᠠᠯᠠᠭ ᠠᠵᠢᠷᠭᠠ ᠳᠡᠷᠡᠭᠡᠨ ᠬᠤᠭᠤᠷᠤᠠᠳᠤ ᠠᠳᠤᠭᠤᠳ ᠤᠨ ᠳᠤᠮᠳᠠ ᠵᠢᠪᠪᠤᠨ ᠣᠷᠤᠪᠠ᠃
ᠬᠤᠶᠠᠷ ᠣᠶᠠᠭᠠᠴᠢᠨ ᠰᠦᠷᠦᠭ᠌ ᠢ ᠭᠡᠴᠢᠨᠡᠨ ᠣᠳᠠᠭᠠ ᠳᠠᠯᠠᠯᠠᠨ ᠵᠦᠰᠤᠵᠤ᠂ ᠠᠵᠢᠷᠭᠠ ᠶᠢ ᠳᠠᠭᠤᠭᠰᠠᠨ ᠴᠤ ᠣᠷᠭᠠᠳᠠᠨ ᠳᠡᠢ᠌ᠯᠦᠭ᠍ᠰᠡᠨ ᠦᠭᠡᠶ᠂ ᠡᠴᠦᠰ ᠲᠡᠭᠡᠨ ᠣᠰᠤᠨ ᠬᠠᠷᠠ ᠬᠤᠶᠠᠷ ᠠᠵᠢᠷᠭᠠ ᠶᠢᠨ ᠨᠢᠭᠡ ᠶᠢ ᠣᠷᠭᠠᠯᠠᠨ ᠠᠳᠤᠭᠤᠨ ᠰᠦᠷᠦᠭ᠌ ᠡᠴᠡ ᠭᠠᠷᠴᠤ ᠳᠠᠢ᠌ᠰᠠᠨ ᠤ ᠡᠮᠦᠨᠡ ᠢᠷᠠᠵᠤ ᠰᠠᠮᠫᠢᠯ ᠨᠤᠶᠠᠨ ᠡᠴᠡ ᠢᠷᠦᠭᠡᠯ ᠢᠷᠦᠭᠡᠭᠦ ᠶᠢ ᠭᠦᠯᠢᠶᠡᠨ ᠵᠤᠭᠰᠤᠨᠠ᠃
ᠲ᠋ᠡᠭᠦᠨ ᠤ ᠳᠠᠷᠠᠭᠠ ᠪᠢᠴᠢᠭᠡᠴᠢ ᠳᠦᠭᠦᠷᠡᠩᠰᠡᠩ ᠳᠠᠭᠢᠨ ᠳᠠᠢ᠌ᠰᠠᠨᠠ ᠭᠠᠷᠴᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠤᠶᠠᠨ ᠤ ᠭᠠᠷ ᠤᠨ ᠣᠶᠠᠭᠠᠴᠢᠨ ᠭᠠᠷᠪᠣᠤ ᠪᠠ ᠰᠸᠷᠠᠪ ᠪᠠᠶᠠᠨ ᠤ ᠣᠶᠠᠭᠠᠴᠢᠨ ᠫᠠᠷᠯᠠᠢ ᠠᠯᠠᠭ ᠠᠵᠢᠷᠭᠠ ᠣᠷᠭᠠᠯᠠᠨᠠ ᠭᠡᠵᠤ ᠣᠯᠠᠨ ᠳᠤ ᠮᠡᠳᠡᠭᠦᠯᠪᠡ᠃
ᠮᠦᠨ ᠣᠯᠠᠨ ᠤ ᠠᠷᠤ ᠡᠴᠡ ᠭᠢᠯᠪᠠᠭᠡᠨ ᠭᠡᠭᠡᠷ ᠣᠨᠤᠭᠰᠠᠨ ᠰᠠᠮᠫᠢᠯ ᠨᠤᠶᠠᠨ ᠤ ᠭᠠᠷ ᠤᠨ ᠣᠶᠠᠭᠠᠴᠢᠨ ᠭᠠᠷᠪᠣᠤ ᠪᠠ ᠣᠯᠠᠭᠠᠨ ᠵᠡᠭᠡᠷᠳᠡ ᠣᠨᠤᠭᠰᠠᠨ ᠫᠠᠷᠯᠠᠢ ᠠᠳᠤᠭᠤᠨ ᠳᠠᠯᠠ ᠳᠠᠰᠢ ᠳᠠᠪᠭᠢᠪᠠ᠃
ᠨᠢᠭᠡ ᠣᠳᠠᠭᠠᠨ ᠥᠢᠮᠡᠭᠦᠯᠭᠡ ᠡᠴᠡ ᠠᠯᠠᠭ ᠠᠵᠢᠷᠭᠠ ᠣᠯᠠᠮ ᠰᠡᠵᠢᠭ᠌ ᠠᠪᠴᠤ ᠨᠠᠩ ᠠᠳᠤᠭᠤᠨ ᠰᠦᠷᠦᠭ᠌ ᠤᠨ ᠳᠤᠮᠳᠠ ᠰᠢᠭᠢᠳᠤᠷᠤᠨ ᠣᠷᠤᠪᠠ᠃ ᠭᠠᠷᠪᠣᠤ ᠪᠠ ᠫᠠᠷᠯᠠᠢ ᠶᠢᠨ ᠣᠷᠭᠠ ᠶᠢ ᠤᠢ᠌ᠷᠠᠳᠤᠭᠤᠯᠬᠤ ᠶᠠᠩᠵᠤ ᠦᠭᠡᠶ᠃ ᠡᠨᠡ ᠠᠯᠠᠭ ᠠᠵᠢᠷᠭᠠ ᠭᠡᠳᠡᠭ᠌ ᠪᠣᠯ ᠶᠠᠭ ᠰᠠᠢ᠌ᠬᠠᠨ ᠨᠠᠮᠰᠠᠷᠠᠢ ᠪᠠᠶᠠᠨ ᠴᠠᠢ᠌ᠳᠠᠮ ᠡᠴᠡ ᠮᠤᠯᠤᠮ ᠢ ᠠᠪᠴᠢᠷᠠᠭᠰᠠᠨ ᠤ ᠳᠠᠷᠠᠭᠠ ᠣᠨᠤᠭᠠᠯᠠᠭᠰᠠᠨ ᠣᠨᠠᠭᠠ᠂ ᠣᠳᠤ ᠪᠣᠯᠳᠠ ᠳᠡᠭ᠍ᠷᠢ ᠶᠢᠨ ᠬᠤᠷᠠ ᠡᠴᠡ ᠣᠠᠳᠤᠤ ᠶᠠᠭᠤᠮᠠ ᠪᠠᠭᠤᠭᠠ ᠦᠭᠡᠶ ᠣᠩᠭ᠋ᠤᠨ ᠠᠯᠠᠭ ᠶᠤᠮ᠃
ᠨᠤᠶᠠᠨ ᠤ ᠣᠶᠠᠭᠠᠴᠢᠨ ᠪᠣᠯᠤᠭᠰᠠᠨ ᠴᠤ ᠡᠨᠡ ᠦᠶᠡ ᠡᠨᠡᠭᠦ ᠠᠯᠠᠭ ᠠᠵᠢᠷᠭᠠ ᠣᠷᠭᠠᠯᠠᠵᠤ ᠠᠪᠬᠤ ᠭᠡᠳᠡᠭ᠌ ᠨᠠᠯᠢᠶᠠᠤᠨ ᠣᠷᠠ ᠮᠡᠷᠭᠡᠵᠢᠯ ᠣᠷᠤᠬᠤ ᠨᠢ ᠪᠣᠳᠠᠳᠠᠢ᠌ᠵᠢᠵᠠᠢ᠃ ᠭᠠᠷᠪᠣᠤ ᠳᠤᠬᠣᠢ᠌ᠯᠠᠭᠰᠠᠨ ᠣᠷᠭᠠ ᠪᠠᠨ ᠳᠡᠭᠡᠭ᠍ᠰᠢ ᠪᠣᠰᠬᠠᠨ ᠣᠷᠭᠠᠨ ᠮᠤᠷᠢᠨ ᠤ ᠠᠯᠬᠤᠭᠠ ᠶᠢ ᠲᠦᠷ ᠵᠤᠭᠰᠤᠭᠠᠨ ᠠᠮᠤᠰᠭᠢᠵᠤ᠂ ᠠᠳᠤᠭᠤᠨ ᠵᠠᠬᠠ ᠳᠤ ᠪᠠᠢ᠌ᠬᠤ ᠫᠠᠷᠯᠠᠢ ᠳᠤ ᠲᠤᠬᠢᠶᠠᠨ ᠳᠡᠮᠳᠡᠭ᠌ ᠥᠭ᠍ᠴᠤ ᠠᠳᠤᠭᠤ ᠶᠢ ᠵᠡᠭᠦᠨ ᠡᠴᠡ ᠪᠠᠷᠠᠭᠤᠠᠰᠢ ᠳᠤᠭᠣᠢ᠌ᠯᠠᠨ ᠡᠷᠭᠢᠭᠦᠯᠵᠤ ᠪᠠᠢ᠌ᠭᠠᠤᠨ ᠭᠠᠷᠪᠣᠤ ᠭᠢᠯᠪᠠᠭᠡᠨ ᠭᠡᠭᠡᠷ ᠤᠨ ᠳᠦᠷᠦᠭᠡ ᠶᠢ ᠭᠦᠩᠭᠡᠨ ᠬᠤᠶᠠᠷ ᠢᠰᠭᠦᠯᠵᠤ ᠵᠢᠯᠤᠭᠤ ᠳᠠᠯᠪᠢᠨ ᠪᠣᠷᠤᠭᠤ ᠲᠡᠶ ᠳᠠᠯᠠ ᠳᠠᠭᠠᠨ ᠣᠷᠭᠠ ᠪᠠᠨ ᠳᠤᠬᠣᠢ᠌ᠯᠠᠵᠤ᠂ ᠵᠦᠪᠳᠠᠢ ᠳᠠᠯᠠ ᠳᠠᠭᠠᠨ ᠴᠠᠯᠮᠠ ᠶᠢ ᠡᠮᠡᠭᠡᠯ ᠤᠨ ᠪᠦᠭᠡᠷᠭᠡ ᠳᠡᠭᠡᠷᠡ ᠳᠠᠯᠪᠢᠵᠤ ᠠᠳᠤᠭᠤᠨ ᠰᠦᠷᠦᠭ᠌ ᠤᠨ ᠳᠤᠮᠳᠠᠭᠤᠷ ᠬᠠᠭ ᠵᠦᠰᠤᠨ ᠰᠦᠷᠦᠭ᠌ ᠤᠨ ᠳᠤᠮᠳᠠ ᠪᠠᠢ᠌ᠭᠰᠠᠨ ᠠᠯᠭ ᠠᠵᠢᠷᠭᠠ ᠶᠢᠨ ᠪᠣᠷᠤᠭᠤ ᠳᠠᠯᠠ ᠪᠠᠷ ᠳᠤᠪᠳᠤᠯᠤᠨ᠂ ᠬᠤᠶᠠᠷ ᠮᠤᠷᠢᠨ ᠤ ᠵᠦᠷᠢᠭᠦ ᠲᠡᠶ ᠵᠦᠷᠢᠭᠦ ᠦᠭᠡᠶ ᠲᠡᠶ ᠦᠶᠡ ᠳᠤ ᠪᠣᠷᠤᠭᠤ ᠳᠠᠯᠠ ᠶᠢᠨ ᠣᠷᠭᠠ ᠪᠠᠨ ᠳᠡᠭᠡᠭ᠍ᠰᠢ ᠰᠤᠭᠰᠤᠯᠵᠢᠭᠤᠯᠤᠨ᠂ ᠰᠢᠭᠤᠳ ᠠᠯᠠᠭ ᠠᠵᠢᠷᠭᠠ ᠶᠢᠨ ᠳᠤᠯᠤᠭᠠᠢ ᠣᠷᠤᠭᠤ ᠬᠤᠭᠢᠵᠤ ᠣᠷᠤᠭᠤᠯᠪᠠ᠃
ᠭᠢᠯᠪᠢᠰ ᠭᠡᠰᠡᠨ ᠣᠷᠭᠠ ᠠᠯᠠᠭ ᠠᠵᠢᠷᠭᠠ ᠶᠢᠨ ᠭᠦᠵᠦᠭᠦᠨ ᠳᠤ ᠣᠷᠤᠬᠤ ᠲᠡᠶ ᠵᠡᠷᠭᠡ ᠳᠡᠭ᠍ᠷᠢ ᠶᠢᠨ ᠴᠠᠭᠢᠯᠭᠠᠨ ᠳᠤ ᠴᠤᠭᠢᠭᠤᠯᠤᠭᠰᠠᠨ ᠶᠤᠮ ᠰᠢᠭ᠌ ᠪᠠᠷᠢᠨ ᠳᠤᠤᠷᠠ ᠪᠠᠨ ᠣᠬᠤᠰᠭᠢᠨ ᠦᠰᠦᠴᠢᠵᠤ ᠪᠣᠷᠤᠭᠤ ᠳᠠᠯᠠ ᠶᠢᠨ ᠣᠷᠭᠠ ᠶᠢ ᠰᠢᠭᠤᠳ ᠵᠦᠪᠳᠠᠢ ᠳᠠᠯᠠ ᠳᠠᠰᠢ ᠪᠠᠨ ᠭᠦᠴᠤ ᠮᠠᠳᠠᠨ ᠭᠦᠡᠳᠡᠯᠡᠨ ᠶᠢᠡᠷ ᠳᠠᠳᠠᠬᠤ ᠳᠤ ᠣᠷᠭᠠᠨ ᠮᠤᠷᠢᠨ ᠤ ᠳᠡᠭᠡᠷᠡ ᠬᠣᠢ᠌ᠰᠢ ᠳᠠᠳᠠᠨ ᠰᠠᠭᠤᠵᠤ ᠪᠠᠢ᠌ᠭᠰᠠᠨ ᠭᠠᠷᠪᠣᠤ ᠪᠣᠷᠤᠭᠤ ᠳᠠᠯᠠ ᠶᠢᠨ ᠣᠷᠭᠠ ᠶᠢ ᠳᠠᠭᠢᠨ ᠵᠦᠪ ᠭᠠᠷ ᠶᠢᠡᠷ ᠠᠳᠬᠤᠬᠤ ᠭᠡᠵᠤ ᠪᠠᠢ᠌ᠳᠠᠯᠠ ᠠᠯᠠᠭ ᠠᠵᠢᠷᠭᠠ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠤᠨ ᠪᠣᠷᠤᠭᠤ ᠳᠠᠰᠢ ᠪᠠᠨ ᠡᠷᠭᠢᠭᠦ ᠳᠤ ᠣᠷᠭᠠ ᠠᠯᠠᠭ ᠠᠵᠢᠷᠭᠠᠨ ᠤ ᠭᠦᠵᠦᠭᠦᠨ ᠳᠤ ᠳᠠᠮ ᠳᠤᠰᠤᠨ ᠬᠤᠭᠤᠷᠠᠵᠤ᠂ ᠣᠷᠭᠠᠨ ᠮᠤᠷᠢᠨ ᠤ ᠪᠣᠷᠤᠭᠤ ᠳᠠᠯᠠ ᠪᠠᠷ ᠰᠤᠮᠤ ᠰᠢᠭ᠌ ᠰᠢᠯᠤᠭᠤᠨ ᠶᠢᠡᠷ ᠡᠷᠭᠢᠨ ᠭᠠᠷᠴᠤ ᠨᠢᠭᠡ ᠮᠡᠳᠡᠭᠦ ᠳᠤ ᠭᠠᠷᠪᠣᠤ ᠣᠶᠠᠭᠠᠴᠢᠨ ᠤ ᠭᠠᠷ ᠲᠤ ᠣᠷᠭᠠ ᠶᠢᠨ ᠬᠤᠭᠤᠷᠠᠭᠰᠠᠨ ᠡᠰᠢ ᠦᠯᠡᠳᠡᠨ ᠨᠢᠳᠤ ᠪᠠᠨ ᠢᠳᠡᠭᠡᠵᠤ ᠶᠠᠳᠠᠨ ᠠᠯᠠᠭ ᠠᠵᠢᠷᠭᠠ ᠶᠢᠨ ᠬᠣᠢ᠌ᠨᠠ ᠡᠴᠡ ᠴᠤ᠋ ᠰᠢᠷᠳᠠᠨ ᠦᠯᠠᠳᠠᠵᠤ᠂ ᠮᠤᠷᠢᠨ ᠤ ᠠᠯᠬᠤᠭᠠ ᠪᠠᠷ ᠠᠳᠤᠭᠤᠨ ᠤ ᠵᠠᠬᠠ ᠳᠤ ᠭᠠᠷᠴᠤ ᠬᠤᠭᠤᠷᠠᠭᠰᠠᠨ ᠣᠷᠭᠠ ᠪᠠᠨ ᠬᠠᠶᠠᠵᠤ ᠬᠤᠷᠤᠰᠤᠯᠳᠠᠢ ᠪᠠᠷ ᠠᠯᠠᠭ ᠠᠵᠢᠷᠭᠠ ᠶᠢ ᠰᠢᠠᠵᠢᠨ ᠳᠠᠭᠢᠨ ᠣᠷᠭᠠ ᠪᠠᠨ ᠰᠤᠯᠢᠵᠤ ᠫᠠᠷᠯᠠᠢ ᠶᠢ ᠳᠠᠭᠤᠳᠠᠨ ᠴᠢᠷᠠᠢ ᠮᠠᠭᠤᠳᠠᠢ ᠪᠠᠷ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠬᠠᠮᠢᠭᠠ ᠪᠠᠢ᠌ᠪᠠ︖ ᠭᠡᠵᠤ ᠭᠡᠴᠡᠭᠦᠷᠡᠨ ᠵᠠᠩᠳᠤᠷᠠᠨᠠ᠃
ᠡᠨᠡ ᠮᠠᠳᠤ ᠡᠨᠡ ᠬᠤᠶᠠᠷ ᠮᠦᠨ ᠴᠠᠭ ᠭᠠᠷᠤᠢ ᠨᠤᠴᠤᠯᠳᠤᠵᠤ ᠡᠴᠦᠰ ᠲᠡᠭᠡᠨ ᠠᠷᠭᠠ ᠮᠤᠬᠤᠷᠳᠠᠨ ᠨᠥᠭᠦᠭᠡ ᠣᠰᠤᠨ ᠬᠠᠷᠠ ᠶᠢ ᠪᠠᠷᠢᠵᠤ ᠰᠡᠩᠭᠡ ᠪᠠ ᠠᠮᠢᠠᠳᠠᠢ ᠶᠢᠨ ᠬᠠᠵᠠᠭᠤ ᠳᠤ ᠵᠡᠷᠭᠡᠴᠡᠨ ᠵᠤᠭᠰᠤᠪᠠ᠃ ᠡᠳᠡᠨ ᠤ ᠳᠠᠷᠠᠭᠠ ᠮᠠᠢ᠌ᠷᠠᠨ ᠰᠠᠠᠵᠠᠢ ᠪᠠ ᠭᠦᠵᠦᠭᠦᠳᠡᠢ ᠴᠠᠷᠠᠨ᠁ ᠭᠡᠵᠤ ᠭᠡᠳᠤᠨ ᠭᠦᠮᠤᠨ ᠨᠤᠭᠤᠯᠠᠨ ᠨᠢᠭᠡ ᠦᠳᠡ ᠶᠢᠨ ᠡᠮᠦᠨᠡ ᠭᠤᠷᠪᠠᠨ ᠣᠷᠭᠠ ᠬᠤᠭᠤᠯᠠᠵᠤ ᠣᠯᠠᠨ ᠤ ᠳᠤᠳᠤᠷᠠ ᠭᠦᠮᠤᠨ ᠪᠦᠭᠦᠨ ᠤ ᠰᠡᠳᠭᠢᠯ ᠢ ᠣᠪᠣᠯᠵᠠᠭᠤᠯᠤᠨ ᠶᠤᠰᠤᠳᠠᠢ ᠣᠩᠭ᠋ᠤᠨ ᠠᠵᠢᠷᠭᠠ ᠭᠡᠵᠤ ᠡᠨᠡ ᠶᠢ ᠯᠠ ᠭᠡᠯᠡᠭᠦ ᠶᠤᠰᠤᠳᠠᠢ ᠭᠡᠵᠤ ᠣᠯᠠᠨ ᠲᠦᠮᠡᠨ ᠠᠮᠠ ᠠᠮᠠ ᠳᠠᠭᠠᠨ ᠶᠠᠷᠢᠵᠠᠭᠠᠨᠠ᠃
ᠠᠳᠤᠭᠤᠨ ᠤ ᠣᠳᠤ ᠰᠦᠷᠦᠭ᠌ ᠤᠨ ᠴᠢᠮᠡᠭ᠌ ᠪᠣᠯᠤᠭᠰᠠᠨ ᠠᠯᠠᠭ ᠠᠵᠢᠷᠭᠠ ᠡᠨᠡ ᠮᠠᠳᠤ ᠰᠠᠮᠫᠢᠯ ᠨᠤᠶᠠᠨ ᠤ ᠭᠠᠷ ᠤᠨ ᠣᠶᠠᠭᠠᠴᠢᠨ ᠭᠠᠷᠪᠣᠤ ᠡᠴᠡ ᠳᠠᠷᠠᠭᠠᠯᠠᠨ ᠠᠮᠢᠠᠳᠠᠢ ᠰᠠᠠᠵᠠᠢ ᠳᠤ ᠳᠤᠯᠳᠠᠯᠠ ᠪᠦᠷ ᠯᠠ ᠬᠤᠰᠤᠨ ᠣᠷᠭᠠ ᠪᠠᠨ ᠬᠤᠭᠤᠯᠠᠵᠤ᠂ ᠰᠠᠨᠠᠭᠠ ᠨᠢ ᠥᠭᠦᠭ᠍ᠰᠡᠨ ᠨᠢ ᠭᠤᠪᠢ ᠠᠢ᠌ᠮᠠᠭ ᠲᠤ ᠣᠳᠤ ᠪᠣᠯᠳᠠᠯᠠ ᠭᠠᠷᠤᠭᠠ ᠦᠭᠡᠶ᠂ ᠨᠠᠩ ᠵᠠᠯᠠᠭᠤ ᠵᠠᠯᠠᠭᠤ ᠣᠯᠤᠰ ᠣᠷᠭᠠ ᠴᠤᠭᠢᠵᠤ ᠴᠤ ᠳᠡᠢ᠌ᠯᠭᠦ ᠦᠭᠡᠶ ᠬᠠᠶᠠᠭᠳᠠᠵᠤ ᠪᠠᠢ᠌ᠭᠠ ᠨᠢ ᠵᠥᠩᠳᠡᠭᠡᠨ ᠪᠣᠯᠵᠠᠢ᠃ ᠦᠳᠡ ᠶᠢᠨ ᠨᠠᠷᠠᠨ ᠭᠡᠯᠪᠠᠢ᠌ᠭᠦ ᠦᠶᠡ ᠪᠠᠷ ᠳᠦᠭᠦᠷᠡᠩᠰᠡᠩ ᠣᠯᠠᠨ ᠤ ᠡᠮᠦᠨᠡ ᠭᠠᠷᠴᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠳᠤ ᠨᠠᠮᠰᠠᠷᠠᠢ ᠪᠠᠶᠠᠨ ᠤ ᠡᠡᠭᠡ ᠨᠠᠮᠠᠬᠠᠢ ᠪᠠ ᠮᠤᠯᠤᠮ ᠠᠯᠠᠭ ᠠᠵᠢᠷᠭᠠ ᠣᠷᠭᠠᠯᠠᠨᠠ ᠭᠡᠵᠤ ᠣᠯᠠᠨ ᠳᠤ ᠵᠠᠷᠯᠠᠪᠠ᠃
ᠣᠯᠠᠨ ᠤ ᠠᠷᠤ ᠡᠴᠡ ᠣᠰᠤᠨ ᠬᠠᠷᠠ ᠮᠤᠷᠢᠨ ᠣᠨᠤᠭᠰᠠᠨ ᠮᠤᠯᠤᠮ ᠪᠠ ᠬᠠᠯᠢᠭᠤᠨ ᠵᠡᠭᠡᠷᠳᠡ ᠣᠨᠤᠭᠰᠠᠨ ᠨᠠᠮᠠᠬᠠᠢ ᠬᠤᠶᠠᠭᠤᠯᠠ ᠭᠠᠷᠴᠤ ᠢᠷᠠᠨ ᠰᠦᠷᠦᠭ᠌ ᠤᠨ ᠵᠠᠬᠠ ᠳᠤ ᠳᠤᠯᠵᠤ᠂ ᠨᠠᠮᠠᠬᠠᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠳᠤᠭᠤᠨ ᠰᠦᠷᠦᠭ᠌ ᠢ ᠨᠢᠭᠡᠨᠲᠡ ᠨᠢᠭᠡ ᠦᠳᠡ ᠶᠢᠨ ᠡᠮᠦᠨᠡ ᠡᠷᠭᠢᠭᠦᠯᠤᠨ ᠳᠤᠭᠣᠢ᠌ᠯᠠᠵᠤ ᠠᠳᠤᠭᠤᠳ ᠪᠦᠷ ᠮᠠᠭᠤᠳᠠᠪᠠ᠃ ᠡᠢ᠌ᠮᠤ ᠡᠴᠡ ᠬᠤᠶᠠᠭᠤᠯᠠ ᠣᠷᠢᠳᠠᠪᠠᠷ ᠠᠳᠤᠭᠤᠳ ᠢ ᠭᠡᠰᠡᠭᠯᠡᠨ ᠭᠠᠷᠭᠠᠵᠤ᠂ ᠠᠯᠠᠭ ᠠᠵᠢᠷᠭᠠ ᠲᠡᠶ ᠠᠳᠤᠭᠤ ᠶᠢ ᠭᠡᠳᠤ ᠣᠳᠠᠭᠠ ᠭᠡᠰᠡᠭᠯᠡᠨ ᠠᠯᠠᠭ ᠠᠵᠢᠷᠭᠠ ᠶᠢ ᠠᠳᠤᠭᠤᠨ ᠰᠦᠷᠦᠭ᠌ ᠡᠴᠡ ᠰᠠᠯᠠᠭᠠᠨ ᠬᠤᠶᠠᠭᠤᠯᠠ ᠠᠮᠠᠳᠠᠨ ᠳᠤᠰᠴᠤ ᠪᠠᠷᠢᠶᠠ︕ ᠭᠡᠵᠤ ᠵᠣᠢ᠌ᠴᠢᠯᠠᠨ ᠰᠦᠷᠦᠭ᠌ ᠢ ᠳᠦᠷᠪᠠᠠᠳᠠ ᠰᠠᠯᠭᠠᠵᠤ ᠠᠯᠠᠭ ᠠᠵᠢᠷᠭᠠ ᠳᠠᠪᠢᠭᠠᠤᠨ ᠠᠳᠤᠭᠤ ᠲᠡᠶ ᠦᠯᠠᠳᠠᠪᠠ᠃ ᠡᠨᠡ ᠬᠤᠶᠠᠷ ᠤᠨ ᠠᠳᠤᠭᠤ ᠰᠠᠯᠭᠠᠬᠤ ᠶᠢ ᠥᠵᠡᠭᠡᠳ ᠣᠯᠤᠰ ᠪᠦᠷ ᠭᠠᠢ᠌ᠬᠠᠯᠳᠤᠨ᠂ ᠵᠠᠷᠢᠮ ᠨᠢᠭᠡ ᠨᠢ ᠣᠬᠠᠭᠠᠨ ᠢ ᠨᠢ ᠣᠯᠵᠤ ᠶᠠᠳᠠᠨ ᠠᠵᠢᠶᠠᠷᠠᠨᠠ᠃
ᠡᠨᠡ ᠦᠶᠡ ᠳᠤ ᠨᠠᠮᠠᠬᠠᠢ ᠪᠠ ᠮᠤᠯᠤᠮ ᠬᠤᠶᠠᠷ ᠬᠤᠪᠢ ᠬᠤᠪᠢᠨ ᠤ ᠬᠤᠰᠤᠨ ᠣᠷᠭᠠ ᠪᠠᠨ ᠳᠡᠭᠡᠭ᠍ᠰᠢ ᠡᠷᠭᠦᠨ ᠠᠷᠤ ᠳᠠᠭᠠᠨ ᠴᠠᠯᠮᠠ ᠭᠠᠠᠵᠤᠭᠠᠯᠠᠵᠤ᠂ ᠠᠯᠠᠭ ᠠᠵᠢᠷᠭᠠ ᠶᠢᠨ ᠠᠳᠤᠭᠤ ᠳᠠᠰᠢ ᠬᠠᠷᠠ ᠬᠤᠷᠳᠤ ᠪᠠᠷ ᠳᠠᠪᠭᠢᠪᠠ᠃ ᠪᠠᠢ᠌ᠳᠠᠯ ᠮᠠᠭᠤ ᠪᠣᠯᠤᠭᠰᠠᠨ ᠢ ᠮᠡᠳᠡᠭ᠍ᠰᠡᠨ ᠠᠯᠠᠭ ᠠᠵᠢᠷᠭᠠ ᠠᠵᠢᠭ ᠠᠪᠣᠭᠰᠠᠨ ᠳᠠᠳᠤᠢ ᠰᠢᠭᠤᠳ ᠰᠦᠷᠦᠭ᠌ ᠠᠳᠤᠭᠤᠨ ᠡᠴᠡ ᠰᠠᠯᠤᠨ ᠭᠠᠷᠴᠤ ᠵᠡᠭᠦᠨ ᠡᠮᠦᠨᠡᠰᠢ ᠪᠠᠨ ᠪᠦᠪᠠᠢ ᠳᠠᠯᠠ ᠵᠥᠭ᠌ ᠨᠢᠰᠭᠦ ᠮᠠᠳᠤ ᠵᠢᠯᠢᠢᠨ ᠳᠤᠳᠠᠭᠠᠪᠠ᠃
ᠮᠤᠯᠤᠮ ᠪᠠ ᠨᠠᠮᠠᠬᠠᠢ ᠬᠤᠶᠠᠷ ᠠᠯᠠᠭ ᠠᠵᠢᠷᠭᠠ ᠶᠢᠨ ᠬᠤᠶᠠᠷ ᠳᠠᠯᠠ ᠪᠠᠷ ᠬᠤᠮᠢᠨ ᠳᠤᠪᠳᠤᠯᠠᠬᠤ ᠳᠤ ᠮᠤᠯᠤᠮ ᠤᠨ ᠣᠰᠤᠨ ᠬᠠᠷᠠ᠂ ᠠᠯᠠᠭ ᠠᠵᠢᠷᠭᠠ ᠡᠴᠡ ᠬᠤᠷᠳᠤᠯᠠᠨ ᠵᠡᠷᠭᠡᠴᠡᠵᠤ ᠤᠢ᠌ᠷᠠᠳᠤᠬᠤ ᠲᠡᠶ ᠵᠡᠷᠭᠡ ᠮᠤᠯᠤᠮ ᠣᠷᠭᠠᠨ ᠮᠤᠷᠢᠨ ᠤ ᠪᠣᠷᠤᠭᠤᠳᠠᠢ ᠳᠠᠯᠠ ᠶᠢᠨ ᠳᠦᠷᠦᠭᠡ ᠪᠠᠷ ᠳᠤᠳᠤᠭᠰᠢ ᠪᠠᠨ ᠵᠠᠯᠠᠵᠤ᠂ ᠠᠯᠠᠭ ᠠᠵᠢᠷᠭᠠ ᠶᠢᠨ ᠭᠦᠶᠦᠳᠡᠯ ᠢ ᠬᠠᠰᠢᠬᠤ ᠳᠤ ᠨᠠᠮᠠᠬᠠᠢ ᠴᠤ ᠵᠡᠷᠭᠡᠴᠡᠨ ᠳᠤᠪᠳᠤᠯᠠᠵᠤ ᠢᠷᠠᠪᠠ᠃ ᠨᠠᠮᠠᠬᠠᠢ ᠰᠤᠭᠰᠤᠯᠵᠠᠭᠰᠠᠨ ᠣᠷᠭᠠ ᠪᠠᠨ ᠡᠷᠭᠦᠨ ᠰᠢᠭᠤᠳ ᠠᠯᠠᠭ ᠠᠵᠢᠷᠭᠠ ᠶᠢᠨ ᠵᠦᠪᠳᠠᠢ ᠳᠠᠯᠠ ᠪᠠᠷ ᠣᠷᠭᠠ ᠬᠠᠶᠠᠬᠤ ᠳᠤ᠂ ᠠᠯᠠᠭ ᠠᠵᠢᠷᠭᠠ ᠪᠣᠷᠤᠭᠤ ᠳᠠᠯᠠ ᠳᠠᠰᠢ ᠪᠠᠨ ᠭᠦᠵᠦᠭᠦᠤ ᠡᠷᠭᠢᠭᠦ ᠳᠡᠷᠡᠭᠦ ᠳᠠᠰᠢᠷᠠᠮ ᠳᠤ ᠮᠤᠯᠤᠮ ᠠᠷᠤ ᠳᠤ ᠭᠠᠠᠵᠤᠭᠠᠯᠠᠭᠰᠠᠨ ᠴᠠᠯᠮᠠ ᠶᠢ ᠠᠳᠬᠤᠨ ᠠᠪᠴᠤ ᠠᠯᠠᠭ ᠠᠵᠢᠷᠭᠠ ᠶᠢᠨ ᠭᠦᠵᠦᠭᠦᠨ ᠳᠤ ᠴᠤᠭᠢᠨ ᠣᠷᠤᠭᠤᠯᠠᠬᠤ ᠲᠡᠶ ᠵᠡᠷᠭᠡ ᠡᠮᠡᠭᠡᠯ ᠤᠨ ᠬᠣᠢ᠌ᠳᠤ ᠪᠦᠭᠡᠷᠭᠡ ᠶᠢ ᠣᠬᠤᠷᠢᠨ ᠰᠠᠭᠤᠵᠤ᠂ ᠬᠤᠶᠠᠷ ᠭᠦᠯ ᠶᠢᠡᠷ ᠣᠷᠭᠠᠨ ᠮᠤᠷᠢ ᠤ ᠳᠦᠷᠦᠭᠡ ᠶᠢ ᠢᠰᠭᠦᠯᠭᠦ ᠲᠡᠶ ᠵᠡᠷᠭᠡ ᠣᠷᠭᠠᠨ ᠮᠤᠷᠢ ᠬᠣᠢ᠌ᠰᠢ ᠪᠠᠨ ᠣᠬᠤᠷᠢᠨ ᠰᠠᠭᠤᠪᠠ᠃
ᠭᠦᠵᠦᠭᠦᠨ ᠳᠡᠭᠡᠨ ᠴᠠᠯᠮᠠ ᠬᠠᠶᠠᠭᠤᠯᠤᠭᠰᠠᠠᠨ ᠠᠯᠠᠭ ᠠᠵᠢᠷᠭᠠ ᠶᠠᠭᠤ ᠴᠤ ᠮᠠᠳᠠᠯ ᠦᠭᠡᠶ ᠪᠠᠷ ᠣᠷᠤᠭᠰᠢ ᠪᠠᠨ ᠳᠠᠪᠢ ᠵᠢᠷᠠᠭᠠᠳ ᠠᠯᠬᠤᠮ ᠣᠷᠤᠭᠰᠢᠯᠠᠬᠤ ᠲᠡᠶ ᠵᠡᠷᠭᠡ ᠭᠢᠯᠭᠠᠰᠤᠨ ᠴᠠᠯᠮᠠ ᠴᠢᠩᠭ᠋ᠠᠷᠠᠠᠨ ᠳᠠᠳᠠᠵᠤ᠂ ᠠᠯᠠᠭ ᠠᠵᠢᠷᠭᠠᠨ ᠤ ᠭᠦᠶᠦᠳᠡᠯ ᠳᠠᠷᠠ ᠳᠤᠤᠷᠠ ᠪᠠᠨ ᠬᠠᠭᠠᠭᠳᠠᠨ ᠪᠠᠢ᠌ᠬᠤ ᠳᠤ ᠨᠠᠮᠠᠬᠠᠢ ᠳᠤᠪᠳᠤᠯᠤᠨ ᠢᠷᠠᠵᠤ ᠬᠠᠵᠠᠭᠠᠷ ᠨᠤᠭᠳᠤ ᠶᠢ ᠨᠢᠭᠡ ᠮᠡᠳᠡᠭᠦ ᠳᠤ ᠠᠯᠠᠭ ᠠᠵᠢᠷᠭᠠ ᠶᠢᠨ ᠭᠦᠵᠦᠭᠦᠨ ᠳᠤ ᠣᠷᠤᠭᠤᠯᠤᠨ᠂ ᠬᠠᠭᠠᠰ ᠡᠳᠦᠷ ᠡᠳᠡᠯ ᠢ ᠪᠠᠷᠭᠠᠭᠰᠠᠨ ᠠᠯᠠᠭ ᠠᠵᠢᠷᠭᠠ ᠴᠠᠯᠮᠠ ᠳᠤ ᠰᠥᠭᠦᠷᠡᠨ ᠣᠨᠠᠪᠠ᠃ ᠭᠦᠯ ᠳᠤ ᠨᠢ ᠦᠷᠦᠭᠡᠯ ᠣᠷᠤᠭᠤᠯᠵᠤ᠂ ᠣᠷᠭᠠᠨ ᠮᠤᠷᠢᠨ ᠤ ᠭᠦᠵᠦᠭᠦᠨ ᠲᠡᠶ ᠬᠤᠯᠪᠤᠨ ᠳᠡᠷᠳᠡᠭᠡ ᠳᠠᠯᠠ ᠶᠢᠨ ᠨᠠᠢ᠌ᠷ ᠤᠨ ᠳᠠᠯᠠᠪᠠᠢ ᠥᠭᠡᠳᠡ ᠣᠮᠤᠭ ᠪᠠᠷᠳᠠᠮ ᠠᠢ᠌ᠰᠤᠢ᠃
ᠨᠤᠭᠳᠤ ᠳᠤ ᠣᠷᠤᠭᠰᠠᠨ ᠠᠯᠠᠭ ᠠᠵᠢᠷᠭᠠ ᠣᠰᠤᠨ ᠭᠡᠭᠡᠷ ᠪᠠ ᠬᠠᠯᠢᠭᠤᠨ ᠵᠡᠭᠡᠷᠳᠡ ᠲᠡᠶ ᠠᠯᠬᠤᠭᠠ ᠳᠠᠭᠠᠷᠠᠭᠤᠯᠤᠨ ᠢᠷᠡᠭᠦ ᠳᠤ ᠣᠯᠠᠨ ᠲᠦᠮᠡᠨ ᠬᠤᠶᠠᠷ ᠵᠠᠯᠠᠭᠤ ᠶᠢ ᠭᠠᠢ᠌ᠬᠠᠨ ᠪᠠᠰᠠ ᠨᠢᠭᠡ 《ᠰᠡᠩᠭᠡ ᠭᠠᠷᠪᠣ》 ᠭᠠᠷᠪᠠ ᠭᠡᠵᠤ ᠱᠠᠭᠰᠢᠯᠳᠤᠨᠠ᠃
ᠡᠨᠡ ᠦᠶᠡ ᠳᠤ ᠳᠠᠢ᠌ᠰᠠᠨ ᠳᠤ ᠰᠠᠭᠠᠳᠠᠨ ᠪᠠᠢ᠌ᠭᠰᠠᠨ ᠰᠠᠮᠫᠢᠯ ᠨᠤᠶᠠᠨ ᠰᠠᠭᠤᠷᠢᠨ ᠡᠴᠡ ᠪᠣᠰᠴᠤ᠂ ᠭᠠᠷ ᠳᠦᠷᠭᠦᠭᠡ ᠬᠠᠳᠠᠭ ᠢ ᠠᠳᠬᠤᠨ ᠨᠠᠮᠰᠠᠷᠠᠢ ᠪᠠ ᠭᠡᠡᠵᠦᠦᠷ ᠰᠸᠷᠠᠪ ᠨᠡᠷ ᠳᠠᠭᠠᠯᠴᠠᠨ ᠠᠯᠠᠭ ᠠᠵᠢᠷᠭᠠ ᠪᠠ ᠣᠰᠤᠨ ᠬᠠᠷᠠ ᠭᠤᠷᠪᠠᠨ ᠠᠵᠢᠷᠭᠠ ᠶᠢ ᠣᠩᠭ᠋ᠤᠨ ᠳᠠᠯ ᠢ ᠨᠢ ᠰᠡᠷᠭᠦᠭᠡᠵᠤ᠂ ᠭᠦᠵᠦᠭᠦᠨ ᠳᠤ ᠨᠢ ᠬᠠᠳᠠᠭ ᠬᠠᠶᠠᠨ᠂ ᠰᠠᠮᠫᠢᠯ ᠨᠤᠶᠠᠨ ᠴᠡᠭᠡ ᠲᠡᠶ ᠬᠤᠠᠳᠠᠭᠠ ᠶᠢ ᠪᠠᠷᠢᠨ᠂ ᠭᠤᠷᠪᠠ ᠰᠠᠷᠵᠢᠮᠯᠠᠨ ᠡᠷᠭᠦᠵᠤ᠂ ᠭᠤᠷᠪᠠᠨ ᠠᠳᠤᠭᠤ ᠶᠢ ᠢᠷᠦᠭᠡᠨᠡ᠃ ᠳᠠᠷᠠ ᠢᠷᠦᠭᠡᠯ ᠤᠨ ᠥᠭᠡ ᠨᠢ᠄
ᠣᠮ ᠮᠠ ᠬᠤᠩ᠂ ᠣᠮ ᠮᠠ ᠬᠤᠩ᠂
ᠣᠷᠢᠳᠤ ᠭᠡᠭ᠍ᠴᠢ ᠡᠷᠳᠡ ᠴᠠᠭ ᠡᠴᠡ
ᠣᠷᠳᠤ ᠭᠡᠭ᠍ᠴᠢ ᠳᠡᠦᠭᠡᠳᠤ ᠦᠶᠡ ᠡᠴᠡ
ᠣᠳᠤᠮᠰᠢᠯᠳᠤ ᠮᠤᠩᠭ᠋ᠤᠯ ᠤᠨ ᠵᠠᠩᠰᠢᠯ ᠲᠡᠶ
ᠠᠤᠭᠠ ᠰᠤᠶᠤᠯ ᠤᠨ ᠭᠦᠷᠦᠩᠭᠡ ᠲᠡᠶ
ᠲ᠋ᠠᠪᠤᠨ ᠬᠤᠰᠢᠭᠤ ᠮᠠᠯ ᠢ ᠮᠢᠨᠢ
ᠲ᠋ᠠᠩᠰᠤᠭ ᠰᠦᠷᠦᠭ᠌ ᠤᠨ ᠮᠢᠨᠢ ᠰᠤᠳᠤ
ᠲ᠋ᠠᠯᠠ ᠳᠦᠭᠦᠷᠡᠩ ᠪᠠᠯᠴᠢᠭ᠍ᠰᠡᠨ
ᠠᠳᠤᠭᠤᠨ ᠰᠦᠷᠦᠭ᠌ ᠤᠨ ᠮᠢᠨᠢ ᠣᠭᠢ
ᠣᠯᠠᠨ ᠳᠤ ᠭᠠᠢ᠌ᠬᠠᠭᠳᠠᠭᠰᠠᠨ
ᠠᠳᠤᠭᠤᠨ ᠰᠦᠷᠦᠭ᠌ ᠢ ᠢᠷᠦᠭᠡᠶᠡ︕
ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ
ᠨᠤᠳᠤᠭ ᠣᠰᠤᠨ ᠤ ᠮᠢᠨᠢ ᠨᠠᠪᠳᠠᠭ ᠰᠠᠪᠳᠠᠭ
ᠨᠤᠶᠠᠨ ᠱᠤᠪᠬᠤ ᠶᠢᠨ ᠡᠵᠡᠨ ᠰᠠᠭᠢᠭᠤᠰᠤ
ᠨᠠᠰᠤᠳᠠᠨ ᠪᠣᠭᠤᠷᠤᠯ ᠤᠨ ᠭᠡᠰᠢᠭ᠌ ᠪᠣᠶᠠᠨ
ᠨᠠᠯᠠᠭᠠᠷ ᠵᠢᠯ ᠤᠨ ᠦᠩ ᠳᠠᠷᠭᠤ
ᠬᠠᠨᠠᠭᠠᠷ ᠨᠤᠳᠤᠭ ᠤᠨ ᠮᠢᠨᠢ ᠨᠠᠪᠳᠠᠭ ᠰᠠᠪᠳᠠᠭ
ᠬᠠᠨ ᠬᠠᠢ᠌ᠷᠠᠬᠠᠨ ᠤ ᠡᠵᠡᠨ ᠰᠠᠭᠢᠭᠤᠰᠤ
ᠬᠠᠰᠠᠷ ᠳᠡᠭᠡᠳᠦᠰ ᠤᠨ ᠮᠢᠨᠢ ᠪᠣᠶᠠᠨ ᠭᠡᠰᠢᠭ᠌
ᠬᠠᠷᠠ ᠰᠦᠯᠳᠡ ᠶᠢᠨ ᠮᠢᠨᠢ ᠭᠡᠢ᠌ᠮᠦᠷᠢ ᠡ︕
ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ
ᠭᠡᠵᠤ ᠬᠤᠷᠣᠢ᠌ᠯᠠᠨ ᠢᠷᠦᠭᠡᠭᠡᠳ ᠰᠠᠮᠫᠢᠯ ᠨᠤᠶᠠᠨ ᠪᠠ ᠨᠠᠮᠰᠠᠷᠠᠢ ᠨᠡᠷ ᠭᠤᠷᠪᠠᠨ ᠠᠵᠢᠷᠭᠠ ᠶᠢᠨ ᠳᠠᠯ ᠰᠡᠭᠦᠯ ᠢ ᠭᠢᠷᠠᠭᠠᠨ ᠣᠩᠭ᠋ᠤᠨ ᠰᠦᠷ ᠢ ᠨᠢ ᠵᠠᠰᠠᠭᠠᠤᠨ ᠰᠠᠮᠫᠢᠯ ᠨᠤᠶᠠᠨ ᠳᠤᠰᠬᠠᠢ᠌ᠯᠠᠨ ᠨᠠᠮᠠᠬᠠᠢ ᠪᠠ ᠮᠤᠯᠤᠮ ᠳᠤ ᠳᠡᠷᠢᠭᠦᠨ ᠱᠠᠩ ᠢ ᠭᠦᠷᠳᠡᠭᠡᠨ ᠠᠪᠣᠷᠭᠤ ᠣᠷᠭᠠᠴᠢᠨ ᠶᠢᠡᠷ ᠴᠤᠯᠠᠯᠠᠨ ᠦᠨᠦᠳᠤᠷ ᠤᠨ ᠨᠠᠢ᠌ᠷ ᠦᠨᠳᠠᠷᠯᠠᠪᠠ᠃
ᠣᠷᠤᠢ ᠶᠢᠨ ᠴᠠᠢ᠌ᠯᠠᠯᠭᠠ ᠳᠤ ᠰᠠᠮᠫᠢᠯ ᠨᠤᠶᠠᠨ ᠳᠤᠰᠬᠠᠢ᠌ᠯᠠᠨ ᠨᠠᠮᠠᠬᠠᠢ ᠪᠠ ᠮᠤᠯᠤᠮ ᠢ ᠳᠠᠭᠤᠳᠠᠨ ᠮᠠᠰᠢᠳᠠ ᠰᠠᠢ᠌ᠰᠢᠶᠠᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠨᠡ ᠬᠤᠶᠠᠷ ᠲᠤ ᠪᠢᠴᠢᠭ᠌ ᠨᠤᠮ ᠰᠤᠷᠭᠠᠵᠤ ᠪᠠᠢ᠌ᠨᠤ︖ ᠭᠡᠭᠦᠯᠡᠷ ᠨᠠᠮᠰᠠᠷᠠᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠦᠭᠦᠷᠡᠩᠰᠡᠩ ᠡᠨᠡ ᠬᠤᠶᠠᠷ ᠲᠤ ᠵᠢᠭᠠᠯ ᠵᠢᠭᠤᠯ ᠵᠢᠭᠠᠨ ᠥᠭ᠍ᠴᠤ ᠪᠠᠢ᠌ᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠡᠭᠡᠪᠠᠯ ᠮᠠᠰᠢ ᠰᠠᠢ᠌ᠨ᠂ ᠮᠠᠰᠢ ᠰᠠᠢ᠌ᠨ᠂ ᠳᠠᠷᠠᠭᠠᠴᠢ ᠶᠢᠨ ᠭᠤᠪᠢ ᠠᠢ᠌ᠮᠠᠭ ᠲᠤ ᠪᠠᠰᠠ ᠬᠤᠶᠠᠷ ᠰᠠᠢ᠌ᠨ ᠡᠷᠡ ᠭᠠᠷᠴᠤ ᠢᠷᠡᠭ᠍ᠰᠡᠨ ᠪᠠᠢ᠌ᠨᠠ ᠭᠡᠵᠤ ᠨᠠᠮᠠᠬᠠᠢ ᠪᠠ ᠮᠤᠯᠤᠮ ᠳᠤ ᠳᠤᠰ ᠳᠤᠰ ᠭᠤᠷᠪᠠᠨ ᠬᠤᠠᠳᠠᠭᠠ ᠠᠷᠢᠭᠢ ᠶᠢ ᠱᠠᠩᠨᠠᠨ ᠴᠠᠢ᠌ᠯᠠᠯᠭᠠ ᠦᠷᠭᠦᠯᠵᠢᠯᠡᠪᠡ᠃
ᠡᠨᠡ ᠮᠠᠳᠤ ᠭᠤᠷᠪᠠᠨ ᠡᠳᠦᠷ ᠤᠨ ᠠᠳᠤᠭᠤᠨ ᠳᠡᠯᠡᠯᠭᠡ ᠰᠠᠢ᠌ᠨ ᠶᠢᠡᠷ ᠶᠠᠪᠣᠭᠳᠠᠨ᠂ ᠨᠠᠮᠰᠠᠷᠠᠢ ᠪᠠ ᠰᠠᠮᠫᠢᠯ ᠨᠤᠶᠠᠨ ᠨᠡᠷ ᠪᠦᠷ ᠮᠠᠰᠢ ᠪᠠᠶᠠᠰᠤᠨ ᠨᠤᠳᠤᠭ ᠨᠤᠳᠤᠭ ᠲᠠᠭᠠᠨ ᠪᠣᠴᠠᠵᠠᠭᠠᠪᠠ᠃
ᠨᠠᠢ᠌ᠷ ᠥᠩᠭᠡᠷᠡᠭ᠍ᠰᠡᠨ ᠤ ᠬᠤᠶᠠᠳᠤᠭᠠᠷ ᠡᠳᠦᠷ᠂ ᠨᠠᠮᠰᠠᠷᠠᠢ ᠪᠠᠶᠠᠨ ᠪᠢᠴᠢᠭᠡᠴᠢ ᠳᠦᠭᠦᠷᠡᠩᠰᠡᠩ ᠢ ᠳᠠᠭᠤᠳᠠᠨ ᠢᠷᠠᠵᠤ᠂ ᠭᠡᠳᠤᠨ ᠬᠡᠦᠬᠡᠳ ᠲᠤ ᠪᠢᠴᠢᠭ᠌ ᠵᠢᠭᠠᠯᠭᠠᠬᠤ ᠳᠤᠬᠠᠢ ᠶᠠᠷᠢᠯᠴᠠᠨ᠂ ᠭᠡᠷ ᠤᠨ ᠪᠠᠭᠰᠢ ᠶᠢᠨ ᠶᠤᠰᠤᠭᠠᠷ ᠡᠨᠡ ᠭᠤᠷᠪᠠ ᠳᠤ ᠪᠢᠴᠢᠭ᠌ ᠵᠢᠭᠠᠨ ᠡᠳᠦᠷ ᠬᠤᠨᠤᠭ ᠨᠥᠭ᠍ᠴᠢᠭᠡᠨᠡ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠺᠦᠷᠡᠯᠡ ᠬᠤᠳᠠᠨᠠ
ᠵᠤᠬᠢᠶᠠᠭᠴᠢ᠄ ᠳ·ᠬᠦᠬᠡᠮᠦ᠋ᠷᠡᠨ
ᠳᠠᠷᠤᠮ᠄ 2590
ᠴᠠᠭ᠄ 2011 ᠤᠨ ᠤ 07 ᠰᠠᠷᠠ ᠶᠢᠨ 30