ᠠᠷᠪᠠᠨ ᠨᠢᠭᠡ ᠂ ᠡᠪᠭᠦᠢ ᠤᠴᠠᠷᠠᠯ ᠤᠨ ᠳᠤᠷᠠᠳᠬᠠᠯ
ᠳᠤᠳᠤᠭᠠᠳᠤ ᠡᠩᠭᠡᠷ ᠲᠤ ᠮᠢᠨᠢ
ᠳᠤᠯᠤᠭᠠᠨ ᠭᠦᠪᠠᠭᠦᠨ ᠵᠠᠶᠠᠭᠠᠵᠤ
ᠭᠠᠳᠠᠭᠠᠳᠤ ᠡᠩᠭᠡᠷ ᠲᠤ ᠮᠢᠨᠢ
ᠭᠠᠭᠴᠠ ᠦᠬᠢᠨ ᠳᠦᠷᠦᠭᠦᠯ
ᠭᠠᠯ ᠭᠤᠯᠤᠮᠳᠠ ᠶᠢ ᠴᠢᠨᠢ ᠰᠠᠭᠢᠭᠤᠯᠤᠶᠠ
ᠭᠠᠵᠠᠷ ᠨᠤᠳᠤᠭ ᠢ ᠴᠢᠨᠢ ᠡᠵᠡᠯᠡᠭᠦᠯᠦᠶᠡ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠠᠠᠳᠤᠬᠠᠢ ᠰᠠᠴᠠᠨ ᠬᠠᠳᠤᠨ ᠤ ᠳᠤᠮᠤᠭ ᠡᠴᠡ
ᠭᠦᠮᠤᠨ ᠪᠦᠭᠦᠨ ᠤ ᠵᠠᠩ ᠴᠢᠨᠠᠷ ᠲᠤ ᠬᠤᠭᠤᠯᠵᠤ ᠨᠤᠭᠤᠯᠵᠤ ᠪᠠᠢ᠌ᠬᠤ ᠶᠢᠨ ᠠᠷᠭᠠ ᠦᠭᠡᠶ ᠨᠢᠭᠡᠨ ᠵᠣᠢ᠌ᠯ ᠪᠣᠢ ᠠᠭᠠᠤᠨ ᠳᠠᠷᠠ ᠪᠣᠯ ᠵᠠᠩ ᠴᠢᠨᠠᠷ ᠤᠨ ᠭᠢᠨᠢ ᠨᠤᠶᠠᠨ ᠨᠢᠷᠤᠭᠤ ᠪᠦᠯᠦᠭᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭ᠂ ᠯᠢᠬᠠᠲ᠋ᠸᠨᠪᠧᠷᠭᠢ
ᠣᠶᠠᠩᠭ᠋ᠠ ᠶᠢᠨ ᠴᠠᠭᠠᠨ ᠨᠠᠭᠤᠷ ᠤᠨ ᠪᠠᠷᠠᠭᠤᠨ᠂ ᠬᠠᠷᠠ ᠭᠦᠳᠦᠭᠦᠷ ᠤᠨ ᠡᠩᠭᠡᠷ ᠤᠨ ᠵᠥᠭᠡᠯᠡᠨ ᠭᠦᠷᠦᠰᠤᠨ ᠳᠤ ᠪᠠᠽᠠᠷ ᠤᠨ ᠭᠡᠳᠡᠭ᠌ ᠠᠢ᠌ᠯ ᠤᠨ ᠳᠠᠪᠤᠨ ᠬᠠᠨᠠᠳᠠᠢ ᠳᠤᠮᠳᠠ ᠵᠡᠷᠭᠡ ᠶᠢᠨ ᠭᠡᠷ ᠰᠢᠭᠢᠷᠠᠯᠠᠵᠤ ᠪᠠᠭᠤᠭᠰᠠᠨ ᠡᠴᠡ ᠬᠣᠢ᠌ᠰᠢ ᠡᠳᠦᠭᠡ ᠭᠦᠷᠳᠡᠯᠡ ᠶᠡᠭᠡ ᠴᠤ ᠦᠭᠡᠶ᠂ ᠪᠠᠭᠠ ᠴᠤ ᠦᠭᠡᠶ ᠬᠤᠶᠠᠷ ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠ ᠥᠩᠭᠡᠷᠡᠪᠡ᠃ ᠭᠡᠭᠡᠷᠡ ᠬᠤᠨᠤᠵᠤ ᠭᠡᠴᠡ ᠳᠠᠷᠠᠯᠠᠵᠤ᠂ ᠰᠢᠷᠤᠢ ᠳᠡᠭᠡᠷᠡ ᠵᠠᠪᠢᠯᠠᠵᠤ᠂ ᠮᠤᠷᠢᠨ ᠳᠡᠭᠡᠷᠡ ᠣᠠᠳᠠᠵᠤ᠂ ᠳᠠᠯᠠ ᠬᠤᠨᠢᠨ ᠤ ᠮᠢᠬᠠ ᠢᠳᠠᠵᠤ᠂ ᠳᠠᠪᠤᠨ ᠬᠤᠨᠤᠭ ᠬᠤᠭᠤᠯᠠ ᠦᠭᠡᠶ ᠶᠠᠪᠣᠵᠤ᠂ ᠭᠦᠯᠦᠭ᠌ ᠤᠨ ᠳᠡᠭᠡᠳᠤ ᠳᠤ ᠰᠢᠪᠠᠭᠤ ᠰᠢᠭ ᠵᠢᠷᠭᠢᠨ᠂ ᠳᠠᠯᠠ ᠶᠢᠨ ᠠᠭᠠᠷ ᠢ ᠰᠢᠩᠭᠡᠷᠡᠳᠡᠯᠡ ᠠᠮᠢᠰᠬᠤᠯᠯᠠᠵᠤ ᠶᠠᠪᠣᠭᠰᠠᠨ ᠭᠦᠴᠤᠨ ᠳᠤ᠂ ᠮᠦᠨ ᠰᠠᠢ᠌ᠨ ᠬᠠᠨᠢ ᠶᠢᠨ ᠠᠰᠠᠷᠠᠵᠤ ᠳᠤᠷᠳᠠᠭᠰᠠᠨ ᠤ ᠡᠷᠭᠡ ᠪᠠᠷ ᠪᠠᠽᠠᠷ ᠶᠢᠰᠤᠨ ᠡᠷᠡᠭᠦᠤ ᠶᠢᠨ ᠳᠠᠷᠠᠭᠠᠭᠢ ᠰᠢᠷᠬᠠᠨ ᠤ ᠬᠠᠯᠠᠭᠤᠨ ᠳᠤ ᠳᠠᠰᠴᠤ ᠠᠮᠢ ᠭᠠᠷᠴᠠᠢ᠃ ᠨᠥᠭᠦᠳᠡᠭᠦᠷ ᠳᠡᠭᠡᠵᠤ ᠶᠠᠪᠣᠭᠠ ᠦᠭᠡᠶ ᠪᠣᠯ ᠶᠢᠰᠤᠨ ᠡᠷᠡᠭᠦᠤ ᠳᠤ ᠠᠯᠪᠠᠳᠠᠯᠭᠠ ᠪᠠᠷ ᠣᠷᠤᠬᠤ ᠨᠢ ᠴᠤ ᠪᠠᠰᠠ ᠦᠭᠡᠶ ᠪᠠᠢ᠌ᠭᠰᠠᠨ ᠪᠠᠢ᠌ᠵᠤ ᠪᠣᠯᠬᠤ ᠠᠪᠠᠢ᠃
ᠪᠠᠤᠠᠮᠠ ᠭᠡᠦᠭᠡᠨ ᠳᠠᠷᠢᠭᠠᠩᠭ᠋ᠠ ᠶᠢᠨ ᠣᠰᠤ ᠰᠢᠷᠤᠢ ᠳᠤ ᠰᠥᠰᠦᠭ᠌ ᠲᠡᠶ ᠠᠮᠢᠳᠤᠷᠠᠵᠤ᠂ ᠮᠦᠨ ᠢᠳᠡᠭᠡᠰᠢᠯᠭᠡ ᠲᠡᠶ ᠳᠠᠰᠴᠤ ᠪᠠᠢ᠌ᠪᠠ᠃ ᠳᠡᠮᠡᠭᠡᠨ ᠤ ᠥᠳᠡᠭᠡᠷᠢ ᠳᠡᠪᠳᠦᠭᠡᠵᠤ᠁ ᠵᠤᠪᠠᠯᠠᠩ ᠤᠨ ᠦᠶᠡᠷ ᠤᠨ ᠬᠣᠢ᠌ᠨᠠ ᠬᠣᠢ᠌ᠨᠠ ᠡᠴᠡ ᠮᠦᠷᠯᠠᠨ ᠰᠢᠭᠤᠷᠭᠠᠯᠠᠭᠰᠠᠨ ᠲᠦᠮᠡᠨ ᠳᠠᠪᠠᠯᠭᠠᠨ ᠳᠤ ᠰᠢᠳᠡᠭᠦᠯᠵᠤ ᠪᠠᠢ᠌ᠭᠰᠠᠨ ᠶᠢᠡᠨ ᠪᠣᠳᠤᠬᠤ ᠳᠤ ᠡᠳᠦᠭᠡ ᠬᠠᠷᠠ ᠳᠠᠷᠤᠭᠰᠠᠨ ᠠᠶᠤᠮᠰᠢᠭᠳᠤ ᠵᠡᠭᠦᠳᠤᠨ ᠤ ᠳᠠᠷᠠᠭᠠ ᠰᠡᠷᠢᠭ᠍ᠰᠡᠨ ᠶᠤᠮ ᠰᠢᠭ᠌ ᠰᠠᠨᠠᠭᠳᠠᠨᠠ᠃ ᠡᠳᠦᠭᠡ ᠪᠠᠤᠠᠮᠠ ᠭᠡᠦᠭᠡᠨ ᠰᠠᠨᠠᠵᠤ ᠰᠠᠷᠪᠠᠢ᠌ᠵᠤ ᠶᠠᠪᠣᠳᠠᠭ ᠡᠷᠳᠡᠨᠢ ᠪᠣᠯᠤᠭᠰᠠᠨ ᠢᠵᠢᠯᠢ ᠬᠠᠨᠢ ᠶᠢ ᠮᠢᠨᠢ ᠪᠣᠷᠬᠠᠨ ᠲᠦᠰᠢᠵᠤ ᠶᠠᠪᠣᠭᠠᠰᠠᠢ︕ ᠭᠡᠮᠡᠨ ᠴᠠᠢ᠂ ᠰᠦ᠋ ᠶᠢᠨ ᠶᠢᠡᠨ ᠳᠡᠭᠡᠵᠢ ᠶᠢ ᠳᠡᠭ᠍ᠷᠢ ᠳᠤ ᠰᠠᠴᠤᠨ ᠰᠠᠭᠤᠳᠠᠭ ᠪᠠᠢ᠌ᠯᠠ᠃
ᠭᠠᠯᠳᠠᠨ ᠶᠠᠭᠠᠭᠢᠬᠤᠪ ᠣᠷᠭᠤᠵᠤ ᠪᠣᠢ ᠨᠤᠭᠤᠭᠠ᠂ ᠣᠠᠳᠤᠷᠴᠤ ᠡᠭᠢᠯᠡᠵᠤ ᠪᠣᠢ ᠭᠤᠷᠤᠬᠠ ᠪᠣᠯᠬᠤᠷ ᠡᠪᠦᠯ ᠢ ᠭᠦᠯᠢᠶᠡᠵᠤ ᠥᠩᠭᠡᠢ᠌ᠭᠦ ᠦᠭᠡᠶ᠂ ᠡᠳᠦᠷ ᠬᠤᠨᠤᠭ ᠶᠢᠡᠷ ᠦᠰᠴᠦ ᠳᠤᠮᠤ ᠪᠣᠯᠤᠭᠰᠠᠭᠠᠷ ᠠᠵᠠᠢ᠃ ᠬᠠᠷᠢᠨ ᠮᠠᠭᠤ ᠳᠡᠭᠦᠤ ᠡᠴᠡ ᠪᠠᠨ ᠬᠣᠢ᠌ᠰᠢ ᠭᠤᠨᠠᠨ ᠤ ᠥᠷᠦᠭᠡᠰᠤᠨ ᠡᠪᠠᠷ ᠰᠢᠭ᠌ ᠥᠨᠦᠴᠢᠷᠡᠭᠡᠤᠨ ᠨᠢᠭᠡ ᠭᠡᠰᠡᠭ᠌ ᠭᠤᠳᠤᠩᠭᠢ ᠵᠤᠯᠪᠣᠭᠠ ᠦᠭᠡᠶ ᠶᠠᠪᠣᠳᠠᠭ ᠪᠣᠯᠵᠤ ᠪᠢᠯᠠ᠃ ᠭᠡᠪᠠᠴᠤ ᠪᠣᠳᠤᠯᠭᠠᠳᠠᠢ ᠰᠥᠷᠡᠭᠡᠢ ᠭᠡᠦᠭᠡᠤᠨ ᠳᠤᠯᠠ ᠰᠠᠤᠠᠭᠢᠯ ᠳᠤᠳᠤᠷᠠᠭᠢ ᠪᠠᠨ ᠭᠠᠷᠭᠠᠵᠤ ᠡᠵᠢ᠂ ᠠᠪᠣ ᠪᠠᠨ ᠣᠭᠢᠯᠠᠭᠤᠯᠵᠤ ᠬᠠᠢ᠌ᠯᠠᠭᠤᠯᠵᠤ ᠪᠠᠢ᠌ᠭᠰᠠᠨ ᠣᠳᠠᠭᠠ ᠦᠭᠡᠶ᠃ ᠥᠴᠦᠭᠡᠳᠦᠷ ᠣᠷᠤᠢ ᠯᠠ ᠬᠠᠷᠢᠨ ᠡᠭᠡ ᠳᠡᠭᠡᠨ ᠭᠡᠨᠡᠳᠲᠡᠭᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠵᠢ ᠡ᠂ ᠳᠠ ᠨᠠᠳᠠᠳᠤ ᠭᠦᠤ ᠳᠡᠭᠦᠤ ᠬᠠᠢ᠌ᠷᠠᠯᠠᠭᠠᠴᠢ︕ ᠭᠡᠵᠤ ᠪᠣᠳᠤᠯᠭᠠᠰᠢᠷᠠᠨ ᠪᠠᠢ᠌ᠵᠤ ᠭᠤᠶᠤᠭᠰᠠᠨ ᠠᠵᠠᠢ᠃ ᠥᠷᠯᠦᠭᠡ ᠡᠷᠳᠡ ᠠᠪᠣ ᠲᠡᠶ ᠪᠠᠨ ᠳᠠᠯᠪᠢᠵᠤ ᠬᠤᠨᠤᠭᠰᠠᠨ ᠴᠢᠳᠤᠷ ᠤᠨ ᠮᠤᠷᠢᠨ ᠳᠠᠭᠠᠨ ᠶᠠᠪᠣᠵᠤ ᠪᠠᠢ᠌ᠬᠤ ᠳᠠᠭᠠᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠪᠣ ᠡ᠂ ᠡᠵᠢ ᠳᠠᠨ ᠳᠤ ᠭᠡᠯᠡᠭ᠍ᠰᠡᠨ ᠦᠦ︖ ᠭᠡᠭᠦ ᠳᠤ ᠨᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠤᠨ ᠤ ᠳᠤᠬᠠᠢ ᠳᠠᠷᠠ ᠪᠣᠢ᠂ ᠮᠢᠨᠤ ᠭᠦᠤ︖ ᠭᠡᠪᠠᠯ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠵᠢ ᠳᠠᠨ ᠳᠤ ᠭᠡᠯᠡᠭᠦ ᠪᠠᠢ᠌ᠯᠭᠦᠢ ᠳ᠋ᠠ︕ ᠭᠡᠤᠨ ᠳᠤᠤᠭᠠᠷᠤᠭᠰᠠᠨ ᠦᠭᠡᠶ᠃ ᠠᠪᠣ ᠲᠡᠶ ᠪᠠᠨ ᠮᠤᠷᠢᠨ ᠳᠤ ᠶᠠᠪᠣᠬᠤ ᠭᠡᠵᠤ ᠡᠷᠳᠡ ᠪᠣᠰᠤᠭᠰᠠᠨ ᠭᠠᠯᠳᠠᠨ ᠭᠦᠤ ᠣᠳᠤ ᠬᠣᠢ᠌ᠮᠤᠷ ᠲᠤ ᠪᠠᠨ ᠣᠠᠳᠠᠵᠤ ᠪᠠᠢ᠌ᠨᠠ᠃
ᠪᠠᠤᠠᠮᠠ 《ᠴᠠᠷᠠ》 ᠭᠡᠮᠡᠭᠦ ᠳᠤᠮᠤ ᠳᠠᠯᠪᠠᠭᠠᠷ ᠭᠠᠤᠯᠢᠨ ᠳᠠᠪᠠᠭ ᠲᠤ ᠠᠭᠤᠷ ᠰᠠᠪᠰᠠᠭᠰᠠᠨ ᠬᠤᠨᠢᠨ ᠤ ᠬᠤᠶᠠᠷ ᠬᠠᠪᠢᠷᠭᠠ ᠭᠠᠷᠭᠠᠵᠤ ᠨᠥᠭᠦᠷ ᠤᠨ ᠶᠢᠡᠨ ᠡᠮᠦᠨᠡ ᠳᠠᠯᠪᠢᠭᠠᠤᠨ ᠭᠦᠤ ᠣᠷᠤᠭᠤ ᠪᠠᠨ ᠬᠠᠷᠠᠭᠰᠠᠨ ᠶᠢᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠦᠤ ᠮᠢᠨᠢ ᠬᠠᠨᠢ ᠳᠤ ᠪᠠᠨ ᠭᠢᠯᠢ ᠮᠠᠨᠠᠬᠤ ᠳᠡᠭᠦᠤ ᠲᠡᠶ ᠪᠣᠯᠤᠶᠠ ᠭᠡᠵᠤ ᠪᠠᠢ᠌ᠬᠤ ᠶᠤᠮ ᠭᠡᠰᠡᠨ ᠳᠤ ᠪᠠᠽᠠᠷ ᠭᠠᠯᠵᠠᠭᠤ ᠰᠢᠷᠠ ᠳᠠᠮᠠᠭᠢ ᠪᠠᠨ ᠭᠠᠭᠴᠠ ᠨᠢᠭᠡ ᠰᠠᠪᠰᠠᠭᠤᠯᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠢᠨᠤ ᠭᠦᠤ ᠶᠢᠨ ᠲᠦᠮᠡᠨ ᠵᠦᠪ᠂ ᠣᠬᠠᠭᠠᠠᠳᠠᠢ ᠰᠢᠤ︕ ᠭᠦᠤ ᠪᠠᠨ ᠰᠠᠢ᠌ᠨ ᠶᠠᠭᠤᠮᠠᠨ ᠳᠤ ᠰᠤᠷᠭᠠᠬᠤ ᠮᠢᠨᠢ︕ ᠭᠡᠤᠨ ᠪᠣᠳᠤᠯ ᠪᠣᠳᠤᠨ ᠳᠠᠭᠤ ᠪᠠᠨ ᠬᠤᠷᠢᠶᠠᠵᠠᠢ᠃ ᠳᠡᠭᠡᠭ᠍ᠰᠡᠨ ᠶᠢᠡᠨ ᠠᠯᠢ ᠳᠦᠷᠦᠭᠦᠤ ᠰᠤᠷᠤᠵᠤ ᠴᠡᠭᠡᠵᠢ ᠣᠷᠤᠭᠤ ᠪᠠᠨ ᠭᠢᠭ᠍ᠰᠡᠨ ᠣᠳᠤᠭᠠ ᠪᠠᠨ ᠪᠠᠷᠤᠭ ᠢ ᠨᠢ ᠠᠯᠠᠭᠠ ᠪᠣᠯᠭᠠᠴᠢᠬᠠᠭᠠᠤᠨ ᠣᠳᠤ ᠯᠠ ᠨᠢᠭᠡ ᠵᠢᠭᠠᠬᠠᠨ ᠠᠭᠤᠷ ᠰᠢᠭ ᠶᠠᠭᠤᠮᠠ ᠬᠠᠮᠠᠷ ᠶᠢᠡᠷ ᠶᠢᠡᠨ ᠭᠠᠷᠭᠠᠨ ᠪᠠᠢ᠌ᠵᠤ ᠡᠢ᠌ᠨ ᠥᠭᠦᠯᠡᠷᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠭᠡ ᠭᠦᠤ ᠲᠡᠶ ᠭᠦᠮᠤᠨ ᠭᠦᠤ ᠦᠭᠡᠶ ᠲᠡᠶ ᠠᠳᠠᠯᠢ ᠶᠤᠮ ᠭᠡᠳᠡᠭ᠌︕ ᠁
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠭᠦᠯ ᠶᠤᠮ᠂ ᠴᠢ ᠮᠢᠨᠢ ᠶᠠᠭᠤ ᠪᠠᠨ ᠶᠠᠷᠢᠬᠤ ᠨᠢ ᠡᠨᠡ ᠪᠣᠢ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠭᠦᠯ ᠪᠢᠰᠢ ᠡ᠂ ᠦᠨᠡᠨ ᠶᠠᠭᠤᠮᠠ ᠶᠢ ᠨᠢᠭᠦᠯ ᠭᠡᠪᠠᠯ ᠶᠤᠰᠤᠳᠠᠢ ᠨᠢᠭᠦᠯ ᠪᠣᠯᠤᠨᠠ᠃ ᠴᠢ ᠠᠩ ᠭᠡᠵᠤ ᠪᠠᠢ᠃ ᠮᠡᠷᠭᠡᠨ ᠰᠠᠠᠵᠢ ᠭᠤᠸᠠᠢ ᠨᠠᠳᠠᠳᠤ ᠢᠩᠭᠢᠵᠤ ᠭᠡᠯᠡᠭ᠍ᠰᠡᠨ ᠶᠤᠮ᠄ 《ᠪᠠᠽᠠᠷ ᠡ᠂ ᠴᠢ ᠬᠤᠷᠴᠠ ᠬᠠᠷᠠ ᠣᠬᠠᠭᠠᠠᠳᠠᠢ ᠭᠦᠮᠤᠨ᠃ ᠡᠷᠳᠡᠮ ᠰᠤᠷᠬᠤ ᠶᠤᠮ ᠪᠢᠰᠢ ᠦᠦ⁈ ᠠᠢ ᠳ᠋ᠠ᠂ ᠴᠢᠨᠤ ᠡᠨᠡ ᠳᠤᠯᠤᠭᠠᠢ ᠡᠷᠳᠡᠨᠢ ᠶᠢᠨ ᠳᠤᠯᠤᠭᠠᠢ ᠳ᠋ᠠ︕ ᠡᠷᠳᠡᠮ ᠤᠨ ᠪᠠᠶᠠᠨ ᠳᠡᠭᠡᠳᠤ ᠪᠠᠶᠠᠨ᠂ ᠦᠷᠡ ᠶᠢᠨ ᠪᠠᠶᠠᠨ ᠳᠤᠮᠳᠠ ᠪᠠᠶᠠᠨ᠂ ᠠᠳᠤᠭᠤ ᠮᠠᠯ ᠤᠨ ᠪᠠᠶᠠᠨ ᠠᠳᠠᠭ ᠤᠨ ᠪᠠᠶᠠᠨ ᠭᠡᠵᠤ ᠮᠤᠩᠭ᠋ᠤᠯᠴᠤᠳ ᠭᠡᠯᠡᠯᠴᠡᠵᠤ ᠢᠷᠠᠵᠠᠢ᠃ ᠳᠡᠭᠦᠤ ᠮᠢᠨᠢ ᠴᠢ ᠶᠠᠭᠤᠮᠠ ᠰᠤᠷ︕ ᠁》 ᠳᠡᠭᠡᠭᠦ ᠳᠤ ᠳ᠋ᠤᠨᠢ ᠪᠢ ᠦᠨᠡᠨ ᠶᠢᠡᠨ ᠦᠴᠢᠵᠤ 《ᠰᠠᠠᠵᠢ ᠭᠤᠸᠠᠢ ᠮᠢᠨᠢ᠂ ᠪᠢ ᠭᠡᠷ ᠤᠨ ᠪᠣᠭ ᠪᠣᠯᠵᠤ ᠵᠠᠪᠢᠯᠠᠵᠤ ᠰᠠᠭᠤᠭᠠᠤᠨ ᠨᠤᠮ ᠦᠵᠡᠵᠤ ᠴᠢᠳᠠᠬᠤ ᠦᠭᠡᠶ ᠡ᠃ ᠬᠠᠳᠠ ᠪᠣᠯᠳᠠᠯᠠ ᠬᠠᠠᠳᠠᠷᠠᠭᠰᠠᠨ ᠮᠤᠷᠢ ᠪᠠᠨ ᠬᠠᠳᠠᠨ ᠤ ᠳᠡᠷᠭᠡᠳᠡ ᠴᠢᠯᠦᠭᠡᠳᠡᠢ ᠰᠣᠢ᠌ᠴᠢᠬᠠᠭᠠᠤᠨ᠂ ᠴᠢᠯᠠᠭᠤ ᠶᠡᠭᠦᠷᠡᠳᠡᠯᠡ ᠢᠰᠭᠢᠷᠴᠤ ᠪᠠᠢ᠌ᠬᠤ ᠰᠢᠭ ᠵᠢᠷᠭᠠᠯ ᠨᠠᠳᠠᠳᠤ ᠠᠯᠠᠭᠠ᠁ ᠠᠳᠠᠭ ᠤᠨ ᠪᠠᠶᠠᠨ ᠠᠳᠤᠭᠤ ᠮᠠᠯ ᠨᠢ ᠴᠤ ᠭᠡᠷᠡᠭ᠌ ᠦᠭᠡᠶ᠃ ᠬᠠᠷᠢᠨ ᠭᠠᠭᠴᠠ ᠰᠠᠢ᠌ᠬᠠᠨ ᠭᠦᠤ ᠲᠡᠶ ᠪᠣᠯᠬᠤ ᠶᠤᠮᠰᠠᠨ︕》 ᠭᠡᠵᠤ ᠪᠢᠯᠠ᠃ ᠰᠠᠠᠵᠢ ᠭᠤᠸᠠᠢ ᠳᠡᠭᠡᠭᠦ ᠳᠤ ᠳᠤᠯᠤᠭᠠᠢ ᠳᠤᠭᠢᠵᠤ ᠰᠠᠭᠤᠭᠠᠤᠨ᠄ 《ᠴᠢ ᠡᠢ᠌ᠮᠤ ᠯᠠ ᠨᠤᠬᠠᠢ ᠭᠦᠮᠤᠨ ᠳ᠋ᠠ︕ ᠳᠠᠷᠠ ᠪᠣᠯᠭᠠᠨ ᠭᠦᠮᠤᠨ ᠤ ᠭᠡᠯᠡᠳᠡᠭ᠌ ᠦᠭᠡᠶ ᠪᠢᠰᠢ ᠡ᠃ ᠠᠢ ᠳ᠋ᠠ᠂ ᠣᠬᠠᠭᠠᠨ ᠲᠡᠶ ᠶᠠᠷᠢᠵᠤ ᠪᠠᠢ᠌ᠨᠠ᠃ ᠴᠢᠮᠢ᠋ᠢ ᠡᠷᠳᠡᠮ ᠨᠤᠮ ᠤᠨ ᠣᠩᠭ᠋ᠤᠳ ᠡᠴᠡ ᠡᠮᠦᠨᠡ ᠭᠡᠭᠡᠷᠡ ᠶᠢᠨ ᠣᠩᠭ᠋ᠤᠳ ᠭᠦᠳᠦᠯᠴᠢᠭᠡᠭ᠍ᠰᠡᠨ ᠨᠢ ᠬᠠᠷᠠᠮᠰᠠᠯᠳᠠᠢ᠌ᠶᠠ︕ ᠮᠤᠩᠭ᠋ᠤᠯᠴᠤᠳ ᠪᠢᠳᠠ ᠪᠦᠭᠦᠳᠡ ᠬᠠᠷᠠᠩᠭ᠋ᠤᠢ ᠪᠣᠯᠬᠤᠯᠠᠷ ᠶᠠᠭᠠᠭᠢᠨᠠ ᠭᠡᠭᠦᠪ ⁈ ᠲᠦᠷᠦ ᠰᠤᠬᠤᠷ ᠪᠣᠯ ᠲᠦᠮᠡᠨ ᠰᠤᠬᠤᠷ ᠭᠡᠳᠡᠭ᠌ ᠶᠤᠮ᠁ ᠵᠠ᠂ ᠳᠠᠭᠠᠭᠤᠯᠡᠷ ᠴᠢ ᠨᠢᠭᠡ ᠰᠠᠢ᠌ᠬᠠᠨ ᠭᠦᠤ ᠲᠡᠶ ᠪᠣᠯᠬᠤ ᠳᠤ ᠪᠣᠳᠤᠵᠤ ᠪᠠᠢ᠌ᠳᠠᠭ ᠶᠤᠮ ᠪᠢᠵᠠ ᠳ᠋ᠠ︕ ᠶᠠᠭᠤᠮᠠ ᠪᠣᠯᠭᠠᠨ ᠰᠠᠪᠠᠨ ᠡᠴᠡ ᠪᠠᠨ ᠬᠠᠮᠢᠶᠠᠷᠤᠨᠠ ᠰᠢᠤ︕ ᠭᠡᠦᠭᠡᠤᠨ ᠴᠤ ᠢᠯᠭᠠᠯ ᠦᠭᠡᠶ ᠰᠠᠪᠠᠨ ᠡᠴᠡ ᠪᠣᠯᠤᠨᠠ᠃ ᠴᠢ ᠰᠠᠢ᠌ᠨ ᠠᠪᠠᠭᠠᠢ ᠠᠪᠣᠪᠠᠯ ᠰᠠᠢ᠌ᠨ ᠭᠦᠤ ᠲᠦᠷᠦᠨᠠ᠃ ᠴᠢ ᠮᠠᠭᠤ ᠠᠪᠠᠭᠠᠢ ᠠᠪᠣᠪᠠᠯ ᠮᠠᠭᠤ ᠭᠦᠤ ᠲᠦᠷᠦᠨᠠ᠃ ᠰᠠᠢ᠌ᠨ ᠪᠦᠭᠡ ᠶᠢ 〈ᠨᠠᠶᠠᠨ ᠠᠭᠠᠴᠤ ᠶᠢᠨ ᠣᠳᠤᠮ ᠭᠦᠭᠡᠭᠡᠭ᠍ᠰᠡᠨ〉 ᠭᠡᠵᠤ ᠶᠠᠷᠢᠳᠠᠭ ᠠᠵᠠᠢ》 ᠭᠡᠰᠡᠨ᠃ ᠳᠡᠭᠡᠭᠦ ᠳᠤ ᠨᠢ ᠪᠢ ᠰᠠᠪᠠᠨ ᠡᠴᠡ ᠪᠣᠯᠤᠨᠠ ᠭᠡᠰᠡᠨ ᠴᠢᠨᠢ ᠶᠠᠭᠤ ᠭᠡᠰᠡᠨ ᠦᠭᠡᠶ ᠪᠣᠢ︖ ᠭᠡᠪᠠᠯ 《ᠣᠬᠠᠭᠠᠨ ᠨᠢ ᠴᠢᠨᠤ ᠭᠦᠤ ᠪᠣᠯ ᠵᠠᠪᠠᠯ ᠪᠦᠭᠡ ᠪᠠᠢ᠌ᠬᠤ ᠠᠯᠪᠠ ᠦᠭᠡᠶ᠂ ᠴᠢᠨᠤ ᠦᠬᠢᠨ ᠡᠴᠡ ᠭᠠᠷᠤᠭᠰᠠᠨ ᠭᠦᠤ ᠪᠣᠯ ᠪᠦᠭᠡ ᠪᠠᠢ᠌ᠵᠤ ᠪᠣᠯᠤᠨᠠ᠃ 〈ᠰᠠᠪᠠ ᠪᠠᠨ ᠳᠠᠭᠠᠨᠠ〉 ᠭᠡᠳᠡᠭ᠌ ᠴᠢᠨᠢ ᠡᠨᠡ᠃ ᠴᠢ ᠰᠢᠯᠢ ᠶᠢᠨ ᠭᠦᠮᠤᠨ᠃ ᠴᠢᠮᠢ᠋ᠢ ᠬᠠᠪᠢᠳᠠᠭᠰᠠᠨ ᠨᠢᠭᠡ ᠭᠡᠦᠭᠡᠨ ᠲᠡᠶ ᠪᠠᠨ ᠰᠠᠭᠤᠴᠢᠬᠠᠬᠤ ᠪᠣᠢ ᠭᠡᠵᠤ ᠪᠢ ᠡᠭᠦᠨ ᠢ ᠶᠠᠷᠢᠯᠠ᠃ ᠰᠠᠨᠠᠮᠰᠠᠷ ᠦᠭᠡᠶ ᠣᠴᠠᠷᠠᠭᠰᠠᠨ ᠡᠮᠡ ᠴᠢᠮᠠᠳᠤ ᠰᠠᠢ᠌ᠨ ᠭᠦᠤ ᠳᠦᠷᠦᠭᠦᠯᠵᠤ ᠥᠭ᠍ᠴᠤ ᠴᠢᠳᠠᠭᠠ ᠴᠤ ᠪᠢᠯᠢᠤ᠂ ᠦᠭᠡᠶ ᠴᠤ ᠪᠢᠯᠢᠤ︕ ᠭᠡᠭᠦ ᠳᠡᠭᠡᠨ ᠰᠠᠪᠠ ᠰᠠᠢ᠌ᠳᠠᠢ ᠪᠦᠰᠡᠭᠦᠢ ᠦᠷᠡ ᠣᠯᠬᠤ ᠶᠢᠨ ᠳᠤᠯᠠᠳᠠ ᠡᠷᠭᠦᠵᠤ ᠳ᠋ᠸᠩᠰᠠᠯᠠᠵᠤ᠂ ᠦᠨᠳᠦᠷᠯᠠᠵᠤ ᠴᠢ᠌ᠯᠠᠵᠤ （ ᠊ᠤᠤᠢ ᠪᠠᠷ ᠭᠡᠮᠵᠢᠵᠤ ） ᠪᠠᠢ ᠭᠡᠵᠤ ᠪᠢ ᠭᠡᠯᠡᠵᠤ ᠪᠠᠢ᠌ᠭᠠ ᠪᠢᠰᠢ ᠡ︕ ᠵᠠ᠂ ᠴᠢ ᠭᠠᠭᠴᠠ ᠰᠠᠢ᠌ᠬᠠᠨ ᠭᠦᠤ ᠲᠡᠶ ᠪᠣᠯᠬᠤ ᠮᠢᠨᠢ ᠭᠡᠵᠤ ᠶᠠᠷᠢᠵᠤ ᠪᠠᠢ᠌ᠨᠠ᠃ ᠬᠠᠢ᠂ ᠴᠢ ᠵᠠᠯᠠᠭᠤ ᠴᠤ ᠪᠠᠢ᠌ᠨᠠ᠂ ᠭᠡᠨᠡᠨ ᠴᠤ ᠪᠠᠢ᠌ᠨᠠ᠃ ᠨᠢᠭᠡ ᠭᠦᠤ ᠲᠡᠶ ᠪᠣᠯᠪᠠᠯ ᠭᠦᠤ ᠦᠭᠡᠶ ᠭᠡᠵᠤ ᠪᠣᠳᠤᠵᠤ ᠶᠠᠪᠣ᠃ ᠭᠤᠷᠪᠠᠨ ᠰᠠᠢ᠌ᠬᠠᠨ ᠭᠦᠤ ᠲᠡᠶ ᠪᠣᠯᠪᠠᠯ ᠰᠠᠶᠢ ᠨᠢᠭᠡ ᠭᠦᠤ ᠲᠡᠶ ᠪᠣᠯᠪᠠ ᠭᠡᠵᠤ ᠪᠣᠳᠤᠵᠤ ᠶᠠᠪᠣ︕》 ᠭᠡᠰᠡᠨ ᠶᠤᠮᠰᠠᠨ ᠭᠡᠤᠨ ᠪᠠᠽᠠᠷ ᠶᠠᠷᠢᠶᠠ ᠪᠠᠨ ᠬᠤᠷᠢᠶᠠᠵᠤ᠂ ᠭᠠᠩᠰᠠ ᠪᠠᠨ ᠳᠦᠷᠠᠢ᠌ᠯᠠᠵᠠᠢ᠃
ᠪᠠᠶᠠᠷ ᠭᠦᠤ ᠪᠠᠨ ᠬᠠᠢ᠌ᠷᠠᠯᠠᠵᠤ ᠳᠤᠷᠠᠰᠤᠭᠰᠠᠨ ᠡᠭᠡ ᠶᠢᠨ ᠡᠪᠦᠷ ᠳᠡᠭᠡᠷᠡ ᠪᠦᠭᠡᠮ ᠴᠠᠭᠠᠨ ᠨᠢᠯᠪᠣᠰᠤ ᠭᠡᠳᠤᠨ ᠰᠢᠷᠭᠡᠭ᠌ ᠣᠨᠠᠯᠠ᠃
ᠰᠤᠨᠤᠮᠳᠤᠪᠳᠤᠨ ᠦᠪᠡᠷ ᠤᠨ ᠡᠷᠭᠦᠮᠡᠯ ᠭᠦᠤ ᠽᠡᠪᠠᠭ᠌ ᠤᠨ ᠬᠠᠮᠳᠤ ᠣᠶᠠᠩᠭ᠋ᠠ ᠴᠠᠭᠠᠨ ᠨᠠᠭᠤᠷ ᠤᠨ ᠣᠷᠢᠳᠤ ᠳᠠᠠᠵᠢᠨ ᠳᠤ ᠪᠠᠢ᠌ᠭᠠ ᠠᠳᠤᠭᠤᠴᠢᠳ ᠤᠨ ᠬᠢ ᠪᠡᠷ ᠶᠢᠡᠨ ᠣᠷᠤᠵᠤ ᠮᠤᠷᠢ ᠪᠠᠨ ᠶᠡᠭᠦᠯᠡᠭᠦᠯᠵᠤ ᠠᠪᠣᠭᠠᠤᠨ ᠭᠦᠷᠦᠭᠡ ᠭᠢᠭᠦ ᠰᠠᠨᠠᠭᠠᠳᠠᠢ ᠬᠠᠷᠠ ᠳᠤᠯᠤᠭᠠᠤᠨ ᠶᠢᠡᠷ ᠬᠠᠭᠠᠰ ᠡᠳᠦᠷ ᠳᠡᠨᠦᠭ᠍ᠰᠡᠨ ᠪᠣᠯᠪᠠᠴᠤ ᠠᠷᠪᠠᠭᠠᠤᠠᠬᠠᠨ ᠵᠡᠭᠡᠷᠡ ᠲᠡᠶ ᠳᠠᠭᠠᠷᠠᠯᠳᠤᠵᠤ ᠬᠣᠢ᠌ᠭᠤᠷ ᠶᠢᠡᠨ ᠰᠠᠭᠤᠯᠭᠠᠨ ᠠᠯᠳᠠᠭᠰᠠᠨ ᠡᠴᠡ ᠥᠭᠡᠷᠡ ᠠᠩ ᠤᠨ ᠦᠰᠦ ᠴᠤ ᠥᠵᠡᠭ᠍ᠰᠡᠨ ᠦᠭᠡᠶ᠃ ᠳᠤᠷᠪᠠᠭᠠᠷ ᠵᠤᠵᠠᠭᠠᠨ ᠣᠷᠤᠭᠤᠯ ᠶᠢᠡᠨ ᠬᠠᠪᠳᠠᠭᠠᠢ ᠣᠯᠠᠭᠠᠨ ᠭᠡᠯᠡ ᠪᠠᠷ ᠶᠢᠡᠨ ᠰᠢᠯᠠᠮᠳᠠᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ᠂ ᠭᠦᠤ ᠮᠢᠨᠢ ᠦᠨᠦᠳᠤᠷ ᠪᠣᠯᠢᠨᠠ ᠪᠠᠢ᠌ᠭᠠ᠃ ᠠᠩ ᠤᠨ ᠭᠠᠠᠵᠤᠭᠠ ᠨᠡᠢ᠌ᠯᠡᠭᠦ ᠦᠭᠡᠶ ᠡᠳᠦᠷ ᠰᠢᠭ᠌ ᠪᠠᠢ᠌ᠨᠠ᠃ ᠠᠪᠣ ᠨᠢ ᠪᠠᠬᠠᠨ ᠣᠮᠳᠠᠭᠠᠰᠤᠴᠢᠬᠠᠯᠠ᠃ ᠣᠳᠤ ᠬᠠᠷᠢᠶᠠ︕ ᠭᠡᠮᠡᠨ ᠵᠤᠷᠢᠭ ᠮᠤᠬᠤᠵᠤ᠂ ᠣᠷᠮᠠ ᠬᠤᠭᠤᠷᠠᠭᠰᠠᠨ ᠶᠢᠡᠨ ᠨᠢᠭᠤᠯ ᠦᠭᠡᠶ᠂ ᠮᠡᠯᠡᠭᠡᠢ ᠬᠠᠮᠠᠷ ᠶᠢᠡᠨ ᠪᠠᠭᠠ ᠵᠡᠷᠭᠡ ᠥᠷᠴᠢ᠌ᠯᠭᠡᠨ ᠭᠡᠯᠡᠵᠡᠢ᠃ ᠬᠠᠷᠢᠨ ᠬᠤᠭᠤᠰ ᠡᠳᠦᠷ ᠤᠨ ᠡᠮᠦᠨᠡ ᠠᠳᠤᠭᠤᠨ ᠡᠴᠡ ᠪᠠᠷᠢᠭᠰᠠᠨ ᠭᠤᠶᠠᠨ ᠳᠡᠭᠡᠷᠡ ᠪᠠᠨ ᠭᠦᠡᠳᠡᠯᠡᠨ ᠵᠤᠤᠵᠠᠢ ᠳᠠᠮᠠᠭᠠ ᠲᠡᠶ ᠳᠠᠷᠭᠤᠨ ᠣᠯᠠᠭᠠᠨ ᠪᠣᠭᠤᠷᠤᠯ ᠮᠤᠷᠢ᠂ ᠳᠤᠯᠤᠭᠠᠬᠠᠨ ᠬᠤᠨᠤᠭ ᠤᠨ ᠡᠮᠦᠨᠡ ᠳᠠᠯᠪᠢᠵᠤ ᠦᠨᠦᠳᠤᠷ ᠳᠠᠭᠢᠨ ᠡᠮᠡᠭᠡᠯᠯᠡᠭ᠍ᠰᠡᠨ ᠬᠤᠯᠤᠭᠠᠷ ᠴᠢᠭᠢᠳᠠᠢ ᠬᠠᠷᠠ ᠨᠤᠭᠤᠭᠠᠨ ᠰᠤᠶᠤᠭᠠᠯᠠᠩ ᠬᠤᠶᠠᠷ ᠡᠵᠡᠨ ᠤ ᠪᠠᠨ ᠵᠤᠷᠢᠭ ᠢ ᠴᠢᠩᠭ᠋ᠠᠯᠠᠵᠤ᠂ ᠭᠡᠢ ᠮᠤᠷᠢ ᠶᠢ ᠰᠡᠷᠭᠦᠭᠡᠭᠦ ᠭᠡᠰᠡᠨ ᠮᠠᠳᠤ ᠪᠠᠶᠠ ᠪᠠᠶᠠᠰ ᠶᠢᠡᠨ ᠭᠦᠭᠡᠷᠭᠡᠨ ᠳᠦᠭᠦᠯᠵᠡᠵᠤ᠂ ᠬᠠᠵᠠᠭᠠᠷ ᠤᠨ ᠠᠮᠠᠭᠠᠢ ᠶᠢ ᠬᠠᠷᠴᠢᠭᠢᠨᠠᠭᠤᠯᠤᠨ ᠥᠤᠷᠰᠠᠵᠤ ᠶᠠᠪᠣᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠥ᠂ ᠬᠠᠷᠠ ᠠᠳᠢᠰᠬᠠ ᠮᠢᠨᠢ᠂ ᠶᠠᠭᠠᠭᠢᠵᠤ ᠮᠠᠶᠢᠭᠯᠠᠭᠠᠤᠨ ᠪᠠᠢ᠌ᠭᠠ ᠶᠤᠮ ᠪᠣᠢ᠂ ᠭᠠᠷ ᠬᠤᠷᠤᠭᠤ ᠳᠠᠰᠤᠳᠠᠬᠤ ᠭᠡᠤᠨ︖ ᠭᠡᠵᠤ ᠬᠠᠷᠢᠶᠠᠭᠰᠠᠭᠠᠷ ᠰᠤᠨᠤᠮᠳᠤᠪᠳᠤᠨ ᠡᠷᠡᠳᠡᠢ ᠰᠤᠷᠤᠨ ᠵᠢᠯᠤᠭᠤ ᠪᠠᠨ ᠳᠤᠭᠳᠤᠴᠢᠨ ᠣᠭᠵᠠᠷᠠᠭᠰᠠᠨ ᠳᠤ ᠪᠣᠭᠤᠷᠤᠯ ᠮᠤᠷᠢ ᠦᠪᠡᠷ ᠲᠡᠶ ᠨᠢ ᠠᠳᠠᠯᠢ ᠳᠠᠪᠳᠤᠷ ᠦᠭᠡᠶ ᠡᠵᠡᠨ ᠤ ᠪᠠᠨ ᠣᠮᠤᠷᠬᠠᠭ ᠵᠠᠩ ᠢ ᠨᠢ ᠭᠡᠵᠢᠶᠡ ᠭᠡᠵᠢᠶᠡᠨ ᠤ ᠮᠡᠳᠡᠳᠡᠭ᠌ ᠰᠢᠭ᠌ ᠬᠠᠵᠠᠭᠠᠷ ᠪᠣᠯᠢᠶᠠᠯᠳᠤᠬᠤ ᠪᠠᠨ ᠪᠣᠯᠢᠵᠤ᠂ ᠳᠤᠯᠤᠭᠠᠢ ᠪᠠᠨ ᠳᠦᠭᠦᠯᠵᠡᠭᠦᠯᠤᠨ ᠰᠢᠯᠢ ᠶᠢᠨ ᠰᠢᠪᠠᠭᠡ ᠶᠢ ᠰᠤᠭᠤᠷᠠᠳᠠᠯᠠ᠂ ᠰᠢᠭᠢᠦᠡᠭᠡᠭ᠍ᠰᠡᠨ ᠤᠯᠦᠡᠭ᠌ ᠢ ᠰᠤᠯᠠᠷᠠᠳᠠᠯᠠ ᠠᠯᠬᠤᠯᠠᠵᠠᠢ᠃ ᠽᠡᠪᠠᠭ᠌ ᠭᠦᠤ ᠶᠢᠨ ᠣᠨᠤᠭᠰᠠᠨ ᠬᠠᠷᠠ ᠰᠤᠶᠤᠭᠠᠯᠠᠩ ᠭᠤᠩᠬᠠᠭᠰᠠᠨ ᠪᠣᠭᠤᠷᠤᠯ ᠤᠨ ᠶᠠᠪᠣᠳᠠᠯ ᠢ ᠭᠦᠢᠴᠡᠭᠦ ᠦᠭᠡᠶ ᠠᠯᠬᠤᠭᠠ ᠠᠯᠳᠠᠵᠤ᠂ ᠬᠠᠮᠢᠭᠠ ᠨᠢᠭᠡᠨᠲᠡ ᠱᠤᠭᠰᠢᠭᠤᠯᠤᠨ ᠪᠠᠢ᠌ᠬᠤ ᠶᠤᠮ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠪᠣ ᠡ᠂ ᠳᠠᠷᠠ ᠭᠡᠨ ᠤ ᠭᠢ ᠢᠷᠡᠭᠡᠤᠨ ᠪᠠᠭᠤᠴᠢᠬᠠ ᠪᠣᠢ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠮᠢᠭᠠ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠠᠭᠢᠪᠠ᠂ ᠳᠠᠷᠠ ᠭᠦᠳᠦᠭᠦᠷ ᠤᠨ ᠣᠷᠢᠳᠤ ᠡᠩᠭᠡᠷ ᠲᠤ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠡᠭᠡᠷᠡᠨ ᠨᠢᠭᠡ ᠭᠠᠭᠴᠠ ᠭᠡᠷ ᠪᠠᠢ᠌ᠨᠠ᠃ ᠬᠤᠷᠢᠭᠠᠤᠨ ᠬᠤᠨᠢ ᠢᠮᠠᠭᠠ ᠲᠡᠶ ᠶᠤᠮ᠁ ᠶᠠᠮᠠᠷ ᠭᠤᠶᠤᠯᠭᠠᠴᠢᠨ ᠨᠢ ᠬᠠᠮᠢᠭᠠ ᠡᠴᠡ ᠪᠠᠨ ᠭᠠᠷᠤᠭᠠᠤᠨ ᠢᠷᠠᠪᠠ ⁈
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠶᠠᠭᠠᠨ ᠳᠡᠭᠡᠷᠡ ᠨᠢ ᠭᠠᠭᠴᠠ ᠮᠤᠷᠢ ᠪᠠᠢ᠌ᠨᠠᠤ ᠳ᠋ᠠ ⁈
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ᠂ ᠪᠠᠢ᠌ᠵᠠ᠂ ᠭᠡᠨ ᠤ ᠭᠢ ᠪᠠᠢ᠌ᠳᠠᠭ ᠪᠢᠯᠠ︖ ᠠᠪᠣ ᠨᠢ ᠪᠠᠬᠠᠨ ᠣᠮᠳᠠᠭᠠᠰᠴᠤ ᠪᠠᠢ᠌ᠨᠠ᠃ ᠳᠦᠭᠦᠷᠡᠭ᠍ᠰᠡᠨ ᠭᠡᠷᠡᠭ᠌᠂ ᠣᠷᠤᠭᠠᠤᠨ ᠭᠠᠷᠬᠤ ᠦᠦ⁈ ᠨᠠᠮᠤᠷ ᠡᠷᠳᠡ ᠪᠠᠢ᠌ᠨᠠ᠂ ᠴᠠᠢ ᠶᠢᠨ ᠰᠦ᠋ ᠲᠡᠶ ᠪᠢᠵᠠ︕
ᠽᠡᠪᠠᠭ᠌ ᠭᠦᠤ ᠳᠤᠷᠠᠮᠵᠢᠬᠠᠨ ᠶᠢᠡᠷ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠪᠣ ᠪᠢᠳᠠ ᠬᠤᠶᠠᠷ ᠳᠦᠷᠦᠭᠦᠤ ᠵᠡᠭᠦᠨ ᠣᠷᠢᠳᠤ ᠣᠷᠤᠭᠤ ᠳᠤᠩᠭ᠋ᠣᠢ᠌ᠭᠠᠤᠨ ᠢᠱᠢ ᠨᠤᠶᠠᠨ ᠤ ᠭᠢ ᠪᠠᠷ ᠯᠠ ᠪᠠᠭᠤᠳᠠᠭ ᠪᠠᠢ᠌ᠭᠰᠠᠨ ᠶᠤᠮ ᠰᠢᠤ ᠳ᠋ᠠ ᠭᠡᠭᠦ ᠳᠤ ᠰᠤᠨᠤᠮᠳᠤᠪᠳᠤᠨ ᠣᠴᠠᠭᠠᠷ ᠶᠢᠡᠨ ᠭᠦᠤ ᠳᠡᠭᠡᠨ ᠭᠠᠷᠭᠠᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠤᠨ ᠴᠤ ᠨᠤᠶᠠᠠᠰᠠᠭ ᠶᠤᠮ ᠪᠢᠯᠠ ᠳ᠋ᠠ᠃ ᠴᠢᠨᠤ ᠠᠵᠠ ᠳᠤᠳᠠᠭᠠ ᠦᠭᠡᠶ ᠪᠣᠯ ᠴᠢ ᠡᠳᠦᠢ ᠳᠤ ᠳᠠᠷᠢᠭᠠᠩᠭ᠋ᠠ ᠶᠢᠨ ᠪᠦᠭᠦᠳᠡ ᠶᠢᠨ ᠳᠡᠷᠢᠭᠦᠨ ᠤ ᠭᠦᠤ ᠶᠠᠪᠣᠬᠤ ᠣᠴᠢᠷᠳᠠᠢ ᠰᠠᠨ᠁ ᠵᠠ᠂ ᠳᠠᠷᠠ ᠶᠠᠭᠠᠭᠢᠬᠤᠪ᠃ 《ᠠᠳᠤᠭᠤᠴᠢᠨ ᠬᠠᠮᠢᠭᠠᠰᠢ ᠪᠣᠯ ᠠᠳᠤᠭᠤ ᠳᠠᠰᠢ ᠪᠠᠨ᠂ ᠠᠪᠣ ᠬᠠᠮᠢᠭᠠᠰᠢ ᠪᠣᠯ ᠭᠦᠤ ᠳᠠᠰᠢ ᠪᠠᠨ》 ᠭᠡᠳᠡᠭ᠌ ᠶᠤᠮ᠃ ᠡᠨᠡ ᠵᠢᠵᠢᠭ᠌ ᠴᠠᠭᠠᠨ ᠭᠡᠷ ᠲᠤ ᠪᠠᠭᠤᠶᠠ᠃ ᠶᠠᠳᠠᠭᠤ ᠭᠢᠷᠢᠨᠠ ᠳᠤᠪ ᠭᠢᠭ᠍ᠰᠡᠨ ᠠᠢ᠌ᠯ ᠬᠠᠮᠢᠭᠠ ᠡᠴᠡ ᠢᠷᠡᠭᠡᠤᠨ ᠭᠡᠷ ᠶᠢᠡᠨ ᠰᠢᠭᠢᠷᠡᠯᠡᠴᠢᠭᠡᠪᠡ︖ ᠭᠡᠤᠨ ᠳᠦᠷᠦᠭᠡᠨ ᠳᠡᠭᠡᠷᠡ ᠪᠠᠨ ᠪᠣᠰᠪᠠᠯ ᠪᠣᠭᠤᠷᠤᠯ ᠮᠤᠷᠢ ᠭᠦᠭᠡᠷᠤᠨ ᠠᠪᠴᠤ ᠳᠠᠪᠭᠢᠪᠠ᠃ ᠽᠡᠪᠠᠭ᠌ ᠤᠨ ᠰᠤᠶᠤᠭᠠᠯᠠᠩ ᠳᠠᠭᠠᠭᠠᠤᠨ ᠫᠠᠷ ᠭᠢᠭᠦ ᠨᠢ ᠳᠠᠷᠠ᠃
ᠰᠤᠨᠤᠮᠳᠤᠪᠳᠤᠨ ᠬᠤᠷᠤᠭᠤᠨ ᠳᠠᠭᠠᠨ ᠡᠯᠭᠦᠵᠤ ᠶᠠᠪᠣᠭᠰᠠᠨ ᠣᠷᠳᠤ ᠬᠤᠯᠤᠰᠤᠨ ᠳᠠᠰᠢᠭᠤᠷ ᠶᠢᠡᠨ ᠣᠷᠢᠳᠤ ᠪᠦᠭᠦᠷᠭᠡᠨ ᠳᠡᠭᠡᠨ ᠰᠢᠯᠵᠢᠭᠦᠯᠵᠤ ᠣᠷᠭᠢᠭᠠᠤᠨ᠂ ᠳᠤᠮᠤ ᠣᠷᠤᠭᠤᠯ ᠳᠤ ᠨᠢ ᠳᠡᠭᠡᠭᠯᠡᠵᠤ ᠪᠢᠳᠡᠭᠦᠭᠡᠨ ᠳᠡᠭᠡᠨ ᠰᠤᠨᠤᠰᠳᠠᠬᠤ ᠰᠥᠭᠡᠩᠭᠢ ᠳᠠᠭᠤ ᠪᠠᠷ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠤᠬᠠᠢ ᠬᠤᠷᠢ ᠡ︕ ᠭᠡᠰᠡᠨ ᠳᠤ ᠴᠤᠯᠴᠠᠭᠠᠷ ᠳᠠᠷᠭᠤᠨ ᠴᠤ ᠪᠢᠰᠢ᠂ ᠦᠨᠳᠦᠷ ᠨᠢᠷᠤᠭᠤᠨ ᠳᠠᠭᠠᠨ ᠵᠤᠭᠢᠭᠰᠠᠨ ᠮᠢᠬᠠᠯᠢᠭ ᠪᠠᠶᠠᠳᠠᠢ᠂ ᠨᠢᠳᠤᠨ ᠳᠤ ᠳᠤᠯᠠᠭᠠᠬᠠᠨ ᠬᠤᠩᠭ᠋ᠤᠷ ᠪᠣᠷᠤ ᠴᠢᠷᠠᠢ ᠶᠢᠨ᠂ ᠣᠷᠳᠤ ᠭᠡᠵᠢᠭᠡᠳᠡᠢ᠂ ᠨᠠᠷᠢᠨ ᠪᠠᠯᠭᠡᠭᠦᠰᠤ ᠲᠡᠶ ᠪᠦᠰᠡᠭᠦᠢ ᠭᠦᠮᠤᠨ ᠭᠡᠷ ᠡᠴᠡ ᠭᠠᠷᠴᠤ ᠢᠷᠠᠵᠠᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ᠂ ᠰᠠᠢ᠌ᠬᠠᠨ ᠨᠠᠮᠤᠷᠵᠢᠵᠤ ᠪᠠᠢ᠌ᠨᠠᠤ︖
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠠᠢ᠌ᠬᠠᠨ ᠨᠠᠮᠤᠷᠵᠢᠵᠤ ᠪᠠᠢ᠌ᠨᠠ᠃ ᠳᠠ ᠪᠦᠭᠦᠨ ᠰᠠᠢ᠌ᠬᠠᠨ ᠨᠠᠮᠤᠷᠵᠢᠵᠤ ᠪᠠᠢ᠌ᠨᠠᠤ︖
《 ᠦᠭᠡᠶ ᠡ᠂ ᠡᠨᠡ ᠴᠢᠨᠢ ᠥᠪᠦᠷᠯᠡᠭ᠍ᠴᠢ ᠬᠤᠰᠢᠭᠤᠨ ᠡᠴᠡ ᠢᠷᠡᠭ᠍ᠰᠡᠨ ᠠᠢ᠌ᠯ ᠪᠣᠯᠬᠤ ᠨᠢ᠃ ᠠᠪᠠᠭᠠ ᠶᠢᠨ ᠭᠢᠨ ᠤ ᠠᠶᠠᠯᠭᠤ ᠶᠤᠮ ᠳ᠋ᠠ︕ ᠭᠠᠩ ᠲᠡᠶ ᠵᠤᠨ ᠣᠳᠤᠷᠯᠠᠭᠠ ᠦᠭᠡᠶ ᠪᠠᠢ᠌ᠵᠤ ᠭᠠᠩ ᠳᠠᠢ᠌ᠯᠤᠭᠳᠠᠭᠰᠠᠨ ᠨᠠᠮᠤᠷ ᠶᠢᠡᠷ ᠣᠳᠤᠷᠯᠠᠳᠠᠭ ᠠᠢ᠌ᠯ ᠪᠠᠢ᠌ᠬᠤ ᠨᠢ ᠡ︕》 ᠭᠡᠵᠤ ᠪᠣᠳᠤᠭᠠᠤᠨ ᠠᠰᠠᠭᠤᠭᠰᠠᠨ ᠮᠠᠶᠢᠭ ᠶᠢᠡᠷ ᠨᠢ ᠮᠠᠠᠳᠤ ᠶᠢᠨ ᠬᠠᠷᠢᠭᠤ ᠦᠭᠭᠦᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢᠳᠠ ᠪᠦᠭᠦᠨ ᠰᠠᠢ᠌ᠬᠠᠨ ᠨᠠᠮᠤᠷᠵᠢᠵᠤ ᠪᠠᠢ᠌ᠨᠠ ᠭᠡᠤᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠨ ᠤ ᠭᠢ ᠴᠢᠨᠢ ᠬᠠᠮᠢᠭᠠ ᠡᠴᠡ ᠢᠷᠡᠭ᠍ᠰᠡᠨ᠂ ᠭᠡᠨ ᠤ ᠭᠢ ᠭᠡᠳᠡᠭ᠌ ᠠᠢ᠌ᠯ ᠪᠣᠢ︖ ᠭᠡᠮᠡᠨ ᠲᠦᠪ ᠰᠢᠳᠤᠷᠭᠤ ᠪᠠᠢ᠌ᠷᠢ ᠶᠢᠨ ᠰᠠᠢ᠌ᠬᠠᠨ ᠭᠡᠦᠭᠡᠨ ᠢ ᠬᠠᠷᠠᠵᠤ ᠳᠤᠤᠷᠠ ᠳᠤ ᠥᠵᠡᠭᠦ ᠰᠠᠤᠠᠭᠢᠯ ᠢ ᠣᠮᠠᠷᠳᠠᠨ ᠡᠡᠭ᠌ ᠤᠨ ᠲᠦᠪᠰᠢᠨ ᠶᠢᠡᠷ ᠠᠰᠠᠭᠤᠪᠠᠰᠤ ᠭᠡᠦᠭᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠ ᠪᠦᠭᠦᠨ ᠮᠤᠷᠢᠯᠠᠨ ᠣᠷᠤᠵᠠᠭᠠᠷᠠᠢ︕ ᠮᠠᠨ ᠤ ᠡᠷᠦᠭᠡ ᠶᠢᠨ ᠡᠵᠡᠨ ᠭᠡᠭᠡ᠂ ᠭᠡᠷ ᠲᠡᠭᠡᠨ ᠮᠤᠷᠢᠯᠠᠵᠤ ᠪᠣᠢ ᠭᠡᠪᠡ᠃ ᠰᠤᠨᠤᠮᠳᠤᠪᠳᠤᠨ ᠤ ᠬᠠᠷᠠᠴᠠ ᠢᠯᠠᠤᠠᠳᠠ ᠬᠠᠴᠢᠷᠬᠠᠭᠰᠠᠨ ᠪᠠᠢ᠌ᠳᠠᠯ ᠥᠵᠡᠭ᠍ᠳᠡᠵᠤ᠂ ᠽᠡᠪᠠᠭ᠌ ᠣᠷᠤᠭᠤ ᠪᠠᠨ ᠨᠢᠭᠡ ᠬᠠᠷᠠᠭᠰᠠᠨ ᠶᠢᠡᠨ ᠣᠷᠳᠤ ᠬᠤᠷᠮᠤᠢ ᠪᠠᠨ ᠡᠷᠭᠦᠰᠭᠢᠭᠡᠤᠨ ᠭᠡᠷ ᠲᠤ ᠣᠷᠤᠪᠠ᠃
ᠪᠠᠽᠠᠷ᠂ ᠰᠤᠨᠤᠮᠳᠤᠪᠳᠤᠨ ᠬᠤᠶᠠᠷ ᠤᠨ ᠬᠤᠭᠤᠷᠤᠠᠳᠤ ᠰᠠᠢ᠌ᠨ ᠮᠠᠭᠤ ᠨᠠᠯᠢᠶᠠᠤᠨ ᠶᠠᠪᠣᠳᠠᠯ ᠪᠣᠢ ᠠᠵᠠᠢ᠃ ᠡᠳᠦᠭᠡ᠂ ᠪᠦᠭᠦᠳᠡ ᠶᠢ ᠳᠡᠷᠢᠭᠦᠯᠡᠵᠤ ᠪᠠᠢ᠌ᠭᠠ ᠳᠠᠮᠳᠢᠨ ᠤ ᠡᠮᠦᠨᠡ ᠰᠦᠩ ᠠᠮᠪᠠᠨ ᠭᠡᠭ᠍ᠴᠢ ᠡᠨᠡ ᠬᠤᠰᠢᠭᠤ ᠶᠢ ᠵᠠᠭᠢᠷᠴᠤ ᠪᠠᠢ᠌ᠪᠠ᠃ ᠳᠡᠭᠡᠭᠦ ᠳᠤ ᠰᠤᠨᠤᠮᠳᠤᠪᠳᠤᠨ ᠦᠪᠡᠷ ᠶᠢᠡᠨ ᠪᠦᠭᠦᠳᠡ ᠶᠢᠨ ᠳᠡᠷᠢᠭᠦᠨ ᠪᠣᠯᠬᠤ ᠭᠡᠵᠤ ᠮᠠᠭᠤ ᠭᠦᠮᠤᠨ ᠢᠯᠡᠭᠡᠨ ᠡᠪᠠᠦᠡᠴᠢᠳᠡᠢ ᠪᠠᠢ᠌ᠭᠰᠠᠨ ᠰᠦᠩ ᠤᠨ ᠠᠮᠢ ᠶᠢ ᠬᠤᠤᠷᠯᠠᠭᠤᠯᠤᠨ ᠥᠭᠦᠭᠦᠯᠦᠭ᠍ᠰᠡᠨ ᠨᠢᠭᠡᠨ ᠭᠡᠷᠡᠭ᠌ ᠭᠠᠷᠴᠤ ᠪᠢᠯᠠ᠃ ᠭᠡᠪᠠᠴᠤ ᠨᠤᠳᠤᠭ ᠤᠨ ᠭᠢᠨ ᠤ ᠭᠡᠯᠡ ᠪᠠᠷ ᠡᠨᠡ 《ᠰᠤ᠋ ᠪᠠᠶᠠᠨ》 ᠭᠡᠮᠡᠭ᠍ᠴᠢ ᠶᠢ ᠬᠤᠰᠢᠭᠤ ᠨᠤᠳᠤᠭ ᠲᠠᠭᠠᠨ ᠠᠯᠳᠠᠷᠳᠠᠢ ᠪᠠᠶᠠᠨ ᠤ ᠳᠡᠭᠡᠷᠡ ᠪᠠᠭᠡᠵᠢᠩ ᠵᠡᠩᠴᠢᠭᠦᠤ ᠳᠤ ᠳᠠᠨᠢᠯ ᠳᠠᠯᠠ ᠶᠡᠭᠡᠳᠡᠢ᠂ ᠥᠪᠦᠷᠯᠡᠭ᠍ᠴᠢ ᠰᠥᠷᠦᠭ᠍ᠴᠢᠨ ᠬᠤᠰᠢᠭᠤᠳ ᠤᠨ ᠠᠮᠪᠠᠨ ᠵᠢᠭᠡᠭᠡ ᠮᠠᠳᠤ ᠠᠯᠪᠠᠨ ᠤ ᠭᠦᠮᠦᠰ ᠲᠡᠶ ᠡᠳ᠋ ᠮᠥᠩᠭᠦᠨ ᠳᠤ ᠰᠠᠭᠤᠷᠢᠯᠠᠭᠰᠠᠨ ᠨᠥᠭᠦᠷ ᠲᠦᠩᠱᠢ ᠶᠢᠨ ᠠᠢ᠌ᠬᠤᠪᠳᠤᠷ ᠰᠥᠯᠪᠠᠭᠡ ᠪᠦᠭᠦᠢ ᠳᠤᠯᠠ ᠭᠦᠮᠤᠨ ᠠᠮᠢᠨ ᠭᠡᠷᠡᠭ᠌ ᠲᠤ ᠬᠤᠯᠪᠣᠭᠳᠠᠯ ᠦᠭᠡᠶ ᠡᠪᠳᠡᠢ᠌ᠭᠡᠨ ᠰᠤᠭᠤᠷᠠᠵᠤ ᠥᠯᠡᠳᠡᠭ᠍ᠰᠡᠨ ᠠᠵᠠᠢ᠃ ᠰᠤᠨᠤᠮᠳᠤᠪᠳᠤᠨ ᠢ ᠳᠡᠭᠡᠵᠤ ᠠᠪᠣᠷᠠᠬᠤ ᠳᠤ ᠳᠡᠭᠡᠷᠡ ᠨᠠᠷᠠ ᠥᠭᠦᠯᠡᠭ᠍ᠰᠡᠨ ᠵᠢᠭᠡᠭᠡ ᠨᠤᠶᠠᠨ ᠠᠢ᠌ᠬᠤᠪᠳᠤᠷ ᠳᠤᠰᠠᠯᠠᠭᠰᠠᠨ ᠭᠢᠭᠡᠤᠨ ᠰᠤᠨᠤᠮᠳᠤᠪᠳᠤᠨ ᠴᠤ ᠠᠴᠢ ᠶᠢ ᠨᠢ ᠪᠠᠴᠢᠯᠠᠬᠤ ᠦᠭᠡᠶ ᠬᠠᠷᠢᠭᠤᠯᠤᠨᠠ ᠭᠡᠮᠡᠨ ᠳᠦᠷᠪᠡᠨ ᠨᠢᠳᠤᠨ ᠤ ᠳᠤᠤᠷᠠ᠂ ᠪᠤᠲᠤᠩ ᠲᠡᠶ ᠠᠷᠢᠭᠢᠨ ᠤ ᠬᠠᠯᠠᠭᠤᠨ ᠳᠤ ᠠᠠᠳᠠᠭᠠᠢ᠌ᠯᠠᠭᠰᠠᠨ ᠶᠠᠪᠣᠳᠠᠯ ᠪᠣᠢ ᠪᠦᠯᠦᠭᠡ᠃
ᠭᠡᠷᠪᠡ ᠳᠡᠭᠡᠵᠤ ᠶᠠᠭᠠᠷᠠᠭᠰᠠᠨ ᠪᠣᠯᠵᠤ ᠳᠠᠭᠠᠷᠠᠭᠠ ᠦᠭᠡᠶ ᠪᠣᠯ ᠵᠡᠩᠴᠢᠭᠦᠤ ᠪᠠᠭᠡᠵᠢᠩ ᠳᠤ ᠨᠢᠭᠡ ᠶᠡᠭᠡ ᠮᠥᠩᠭᠦ ᠴᠢᠤᠠᠬᠤᠵᠤ ᠰᠣᠢ᠌ᠤᠨ ᠪᠣᠯᠬᠤ ᠦᠭᠡᠶ ᠪᠠᠷ ᠳᠠᠨᠢᠯ ᠤᠨ ᠡᠪᠦᠳᠦᠭ᠌᠂ ᠳᠠᠯᠠ ᠶᠢᠨ ᠠᠯᠠᠭᠠ ᠶᠢ ᠳᠠᠮᠵᠢᠭᠠᠤᠨ ᠪᠦᠭᠦᠳᠡ ᠶᠢᠨ ᠳᠠᠷᠤᠭᠠ ᠪᠠᠷ ᠰᠠᠭᠤᠴᠢᠬᠠᠵᠤ ᠪᠣᠯᠬᠤ ᠪᠠᠢ᠌ᠵᠠᠢ᠃ ᠰᠤᠨᠤᠮᠳᠤᠪᠳᠤᠨ ᠢ ᠳᠠᠢ᠌ᠨ ᠭᠦ ᠭᠡᠢ᠌ᠳᠡᠨ ᠬᠤᠴᠤᠷᠬᠤ ᠳᠤ ᠡᠩᠭᠡ ᠭᠡᠳᠡᠭ᠌ ᠡᠪᠦᠭᠡᠨ ᠬᠤᠰᠢᠭᠤᠨ ᠤ ᠳᠡᠷᠢᠭᠦᠨ ᠪᠣᠯᠵᠤ᠂ ᠣᠳᠠᠭᠰᠠᠨ ᠴᠤ ᠦᠭᠡᠶ ᠥᠭᠦᠵᠡᠢ᠃ ᠡᠩᠭᠡ ᠶᠢᠨ ᠳᠠᠷᠠᠭᠠ ᠰᠠᠭᠤᠷᠢ ᠰᠥᠷᠦᠭ᠌ ᠤᠨ ᠮᠠᠢ᠌ᠷᠠᠨ ᠶᠠᠪᠣᠭᠰᠠᠨ ᠳᠠᠮᠳᠢᠨ᠂ ᠠᠳᠤᠭᠤᠨ ᠤ ᠳᠤᠭᠠᠷ ᠨᠤᠶᠠᠨ ᠲᠡᠶ ᠬᠤᠤᠪᠢᠯᠳᠤᠵᠤ᠂ ᠵᠢᠭᠠᠬᠠᠨ ᠮᠥᠩᠭᠦ ᠵᠠᠷᠤᠵᠤ ᠰᠠᠠᠵᠢ ᠡᠪᠦᠭᠡᠨ ᠡᠴᠡ ᠰᠤᠷᠤᠭᠰᠠᠨ ᠮᠠᠠᠵᠤ᠂ ᠮᠤᠩᠭ᠋ᠤᠯ ᠪᠢᠴᠢᠭ᠌ ᠤᠨ ᠶᠢᠡᠨ ᠭᠦᠴᠤᠨ ᠳᠤ ᠣᠷᠤᠢ ᠳᠤ ᠴᠣᠢ᠌ᠯᠠᠭᠰᠠᠨ ᠣᠳᠤ ᠪᠣᠯᠤᠨ ᠳᠠᠷᠢᠭᠠᠩᠭ᠋ᠠ ᠶᠢᠨ ᠪᠦᠭᠦᠳᠡ ᠶᠢᠨ ᠳᠡᠷᠢᠭᠦᠨ ᠤ ᠳᠠᠮᠠᠭᠠ᠂ ᠬᠠᠷᠠ ᠳᠠᠰᠢᠭᠤᠷ ᠢ ᠵᠢᠩᠭᠢᠯᠡᠭ᠍ᠰᠡᠨ ᠣᠴᠢᠷᠳᠠᠢ᠃
ᠰᠤᠨᠤᠮᠳᠤᠪᠳᠤᠨ᠂ ᠬᠠᠩᠭ᠋ᠠᠢ ᠪᠠᠽᠠᠷ ᠤᠨ ᠰᠢᠨᠠ ᠭᠡᠷ ᠲᠤ ᠪᠠᠤᠠᠮᠠ ᠭᠡᠳᠡᠭ᠌ ᠰᠠᠢ᠌ᠬᠠᠨ ᠠᠪᠠᠭᠠᠢ ᠶᠢᠨ ᠭᠠᠷ ᠶᠢᠡᠷ ᠴᠠᠢ ᠭᠢᠯᠭᠡᠵᠤ ᠣᠤᠭᠤᠵᠤ ᠰᠠᠭᠤᠬᠤ ᠳᠠᠭᠠᠨ ᠡᠨᠡ ᠶᠠᠪᠣᠳᠠᠯ ᠢ ᠨᠢᠭᠡᠨᠲᠡ ᠡᠭᠡᠨ ᠳᠤᠷᠠᠰᠴᠠᠢ᠃ ᠣᠴᠢᠷ ᠭᠡᠪᠠᠯ ᠳᠠᠷᠢᠭᠠᠩᠭ᠋ᠠ ᠬᠤᠰᠢᠭᠤ᠂ ᠴᠠᠬᠠᠷ ᠤᠨ ᠵᠢᠭᠡᠭᠡ ᠶᠢᠨ ᠳᠠᠮᠠᠭᠠ ᠶᠢᠨ ᠭᠠᠵᠠᠷ᠂ ᠵᠡᠩᠴᠢᠭᠦᠤ ᠶᠢᠨ ᠬᠤᠱᠤᠢ ᠠᠮᠪᠠᠨ ᠤ ᠥᠷᠭᠦᠭᠡᠨ ᠤ ᠪᠣᠱᠤᠭᠠᠨ ᠳᠤᠳᠤᠷᠠ 《ᠰᠤᠨᠤᠮᠳᠤᠪᠳᠤᠨ ᠡ᠂ ᠴᠢ ᠰᠦᠩ ᠢ ᠠᠯᠠᠭᠰᠠᠨ ᠰᠢᠤ︕》 ᠭᠡᠵᠤ ᠵᠤᠷᠢᠭᠯᠠᠵᠤ ᠭᠡᠯᠡᠭ᠍ᠰᠡᠨ ᠭᠦᠮᠤᠨ ᠦᠭᠡᠶ ᠠᠳᠠᠯᠠ ᠡᠨᠡ ᠭᠠᠢ᠌ᠬᠠᠯ ᠪᠠᠽᠠᠷ ᠯᠠ ᠭᠡᠷ ᠳᠤᠨᠢ ᠠᠭᠰᠤᠮ ᠳᠠᠯᠪᠢᠵᠤ᠁ ᠫᠠᠶᠠᠩ ᠢ ᠨᠢ ᠳᠡᠯᠭᠡᠭ᠍ᠰᠡᠨ ᠶᠤᠮᠰᠠᠠᠵᠠᠢ᠃
ᠪᠠᠽᠠᠷ ᠰᠢᠯᠢ ᠶᠢᠨ ᠬᠤᠯᠠᠭᠠᠢ᠌ᠴᠢ ᠪᠣᠯᠪᠠᠴᠤ ᠬᠠᠷᠠ ᠮᠠᠭᠤ ᠰᠠᠨᠠᠭᠠᠳᠠᠢ ᠭᠦᠮᠤᠨ ᠪᠢᠰᠢ ᠪᠢᠯᠠ᠃ ᠰᠤᠨᠤᠮᠳᠤᠪᠳᠤᠨ ᠳᠠᠷᠢᠭᠠᠩᠭ᠋ᠠ ᠶᠢᠨ ᠣᠯᠠᠨ ᠤ ᠳᠤᠯᠤᠭᠠᠢ ᠳᠡᠭᠡᠷᠡ ᠭᠠᠷᠴᠤ ᠬᠤᠰᠢᠭᠤ ᠠᠷᠠᠤᠨ ᠢ ᠵᠠᠭᠢᠷᠬᠤ ᠰᠢᠬᠠᠵᠤ ᠪᠠᠢ᠌ᠭᠰᠠᠨ ᠨᠠᠷᠠᠳᠠᠢ ᠴᠤᠤᠳᠠᠢ ᠪᠠᠶᠠᠨ ᠪᠣᠯᠪᠠᠴᠤ ᠬᠠᠷᠠ ᠮᠠᠭᠤ ᠰᠠᠨᠠᠭᠠᠳᠠᠢ ᠭᠦᠮᠤᠨ ᠪᠠᠢ᠌ᠵᠠᠢ᠃ ᠣᠭ ᠨᠢ ᠰᠤᠨᠤᠮᠳᠤᠪᠳᠤᠨ ᠳᠠᠯᠠ ᠪᠠᠷ ᠶᠢᠡᠨ ᠴᠤ ᠪᠠᠢ᠌ᠭ᠂ ᠳᠠᠷ ᠶᠢᠡᠷ ᠶᠢᠡᠨ ᠴᠤ ᠪᠠᠢ᠌ᠭ ᠳᠠᠷᠢᠭᠠᠩᠭ᠋ᠠ ᠶᠢ ᠵᠠᠭᠢᠷᠤᠨ ᠰᠠᠭᠤᠨᠠ ᠦᠦ᠂ ᠡᠰᠡᠪᠠᠯ ᠬᠠᠭᠠᠨ ᠣᠷᠳᠤᠨ ᠳᠤ ᠰᠥᠷᠦᠭ᠌ ᠬᠠᠷᠢᠭᠤᠴᠠᠭᠰᠠᠨ ᠮᠠᠠᠵᠤ ᠲᠦᠰᠢᠮᠠᠯ ᠤᠨ ᠳᠤᠰᠠᠯᠠᠬᠤ ᠪᠣᠯᠵᠤ ᠳᠠᠪᠰᠢᠨᠠ ᠦᠦ （ ᠢᠩᠭᠢᠭᠦ ᠶᠤᠮ ᠭᠡᠵᠤ ᠶᠠᠷᠢᠶᠠ ᠪᠠᠢ᠌ᠵᠠᠢ ）᠂ ᠠᠯᠢ ᠡᠰᠡᠪᠠᠯ ᠪᠠᠷᠯᠤᠭ ᠤᠳ ᠵᠠᠷᠤᠴᠠᠯᠠᠭᠰᠠᠨ ᠪᠠᠶᠠᠨ ᠳᠠᠷᠭᠤᠨ ᠶᠠᠪᠣᠭᠰᠠᠭᠠᠷ ᠥᠭᠡᠳᠡ ᠪᠣᠯᠤᠨᠠ ᠦᠦ᠂ ᠦᠭᠡᠶ ᠪᠣᠯ ᠪᠦᠷ ᠪᠠᠶᠠᠤᠨ ᠨᠤᠶᠠᠤᠨ ᠤᠨ ᠬᠤᠷᠠᠭᠠ ᠳᠤᠭᠤᠯ ᠲᠡᠶ ᠭᠦᠭᠡᠭᠡᠴᠢᠯᠳᠦᠵᠤ᠂ ᠭᠠᠩᠭ᠋ᠠ ᠨᠤᠳᠤᠭ ᠤᠨ ᠣᠯᠠᠨ ᠡᠪᠦᠭᠡᠴᠦᠦᠯ ᠤᠨ ᠢᠵᠢᠯ ᠬᠤᠭᠤᠷᠮᠠᠭ ᠰᠥ᠋ ᠡᠷᠭᠢᠭᠦᠯᠵᠤ ᠶᠠᠪᠣᠭᠠᠤᠨ ᠬᠣᠢ᠌ᠳᠤ ᠣᠷᠳᠤ ᠬᠤᠷᠮᠤᠢ ᠪᠠᠨ ᠢᠯᠭᠠᠬᠤ ᠪᠠᠨ ᠪᠣᠯᠢᠵᠤ ᠥᠭᠦᠨᠡ ᠦᠦ᠂ ᠪᠠᠽᠠᠷ ᠲᠤ ᠶᠠᠷᠤ ᠫᠠᠤᠨ ᠦᠭᠡᠶ ᠭᠡᠷᠡᠭ᠌ ᠪᠠᠢ᠌ᠭᠰᠠᠨ ᠶᠤᠮ᠃
ᠭᠡᠳᠡᠯᠡ ᠪᠠᠽᠠᠷ ᠰᠤᠨᠤᠮᠳᠤᠪᠳᠤᠨ ᠤ ᠳᠤ ᠨᠢᠭᠡ ᠣᠳᠠᠭᠠ ᠣᠬᠠᠭᠠᠨ ᠠᠯᠳᠠᠳᠠᠯᠠ ᠠᠷᠢᠭᠢ ᠣᠤᠭᠤᠭᠠᠤᠨ ᠶᠠᠯᠢ ᠦᠭᠡᠶ ᠶᠠᠭᠤᠮᠠᠨ ᠳᠡᠭᠡᠷᠡ ᠡᠴᠡ ᠭᠡᠷ ᠤᠨ ᠡᠵᠡᠨ ᠲᠡᠶ ᠮᠠᠭᠤᠳᠠᠯᠴᠠᠨ᠂ ᠡᠷᠡᠭᠦᠯ ᠤᠨ ᠪᠣᠳᠤᠯ᠂ ᠰᠤᠭᠳᠤᠭᠤ ᠳᠠᠭᠠᠨ ᠭᠠᠷᠴᠤ ᠪᠢᠯᠠ᠃ ᠡᠨᠡ ᠪᠣᠯ ᠪᠠᠳᠠᠷᠠᠭᠤᠯᠳᠤ ᠲᠦᠷᠦ ᠶᠢᠨ ᠬᠤᠷᠢᠨ ᠳᠦᠷᠪᠡᠳᠠᠭᠢ ᠣᠨ᠂ ᠮᠤᠩᠭ᠋ᠤᠯ ᠤᠨ ᠰᠢᠷᠠ ᠨᠤᠬᠠᠢ ᠵᠢᠯ ᠪᠣᠯᠤᠭᠰᠠᠨ ᠭᠡᠷᠡᠭ᠌᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠤᠨᠤᠮᠳᠤᠪᠳᠤᠨ ᠴᠢ ᠮᠠᠭᠤ ᠭᠦᠮᠤᠨ ᠪᠠᠢ᠌ᠨᠠ᠃ ᠨᠤᠶᠠᠤᠨ ᠤᠨ ᠥᠭᠦᠯ ᠴᠢᠭᠤᠯᠭᠠᠨ ᠳᠡᠭᠡᠷᠡ ᠭᠡᠳᠡᠭ᠌ ᠯᠠ ᠳᠠᠷᠢᠭᠠᠩᠭ᠋ᠠ ᠳᠤ ᠳᠤᠳᠠᠭᠤ ᠪᠠᠢ᠌ᠭᠰᠠᠨ᠂ ᠴᠢ ᠭᠦᠢᠴᠡᠭᠡᠯᠡ ᠁
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ᠂ ᠪᠠᠽᠠᠷ ᠮᠢᠨᠢ ᠪᠣᠯᠢ ᠳ᠋ᠠ︕ ᠣᠳᠤ ᠰᠠᠢ᠌ᠬᠠᠨ ᠣᠠᠳᠠᠭᠠᠤᠨ ᠥᠭ᠌᠃ ᠴᠢ ᠳᠠᠷᠢᠭᠠᠩᠭ᠋ᠠ ᠶᠢᠨ ᠦᠰᠴᠦ ᠶᠠᠪᠣᠭᠠ ᠰᠠᠢ᠌ᠨ ᠪᠦᠭᠡ᠂ ᠪᠢ ᠪᠣᠯ ᠥᠭᠡᠳᠡᠯᠡᠵᠤ ᠶᠠᠪᠣᠭᠠ ᠪᠠᠶᠠᠨ ᠭᠦᠮᠤᠨ᠃ ᠴᠢ ᠪᠢᠳᠠ ᠬᠤᠶᠠᠷ ᠶᠠᠭᠤᠨ ᠳᠠᠭᠠᠨ ᠮᠠᠭᠤᠳᠠᠯᠴᠠᠬᠤᠪ᠃ ᠣᠪᠠᠢ᠌ᠯᠠᠭᠠ ᠦᠭᠡᠶ ᠥᠭᠡ ᠭᠡᠯᠡᠵᠤ ᠴᠢᠨᠤ ᠠᠭᠤᠷ ᠢ ᠭᠦᠳᠡᠯᠭᠡᠭ᠍ᠰᠡᠨ ᠮᠢᠨᠤ ᠪᠣᠷᠤᠭᠤ︕ ᠭᠡᠵᠤ ᠰᠤᠨᠤᠮᠳᠤᠪᠳᠤᠨ ᠪᠠᠽᠠᠷ ᠤᠨ ᠠᠮᠠᠨ ᠡᠴᠡ ᠡᠪᠳᠡᠢ᠌ᠭᠡᠨ ᠭᠠᠷᠬᠤ ᠶᠢ ᠪᠣᠳᠤᠭᠰᠠᠨ ᠪᠣᠯᠪᠠᠴᠤ᠂ ᠣᠭ ᠨᠢ ᠵᠥᠷᠢᠭᠦᠤᠨ ᠳᠡᠭᠡᠷᠡ ᠠᠷᠢᠭᠢᠨ ᠤ ᠵᠥᠷᠢᠭᠦᠤᠨ ᠨᠡᠮᠡᠭ᠍ᠰᠡᠨ ᠪᠠᠽᠠᠷ ᠨᠤᠮᠤᠬᠠᠷᠠᠭᠰᠠᠨ ᠦᠭᠡᠶ᠂ ᠣᠯᠠᠮ ᠳᠤᠭᠰᠢᠨ ᠭᠦᠳᠡᠩ ᠵᠠᠩᠨᠠᠵᠠᠢ᠃
ᠨᠥᠭᠦᠭᠡᠳᠡᠭᠡᠭᠦᠷ ᠭᠡᠯᠡᠭᠦ ᠭᠡᠰᠡᠨ ᠶᠢᠡᠨ ᠭᠡᠯᠡᠭ᠍ᠰᠡᠨ ᠨᠢ ᠴᠤ ᠪᠠᠽᠠᠷ ᠤᠨ ᠵᠦᠪ ᠪᠠᠢ᠌ᠪᠠ᠃
ᠴᠢᠩᠭᠢᠭᠦ ᠳᠤ ᠰᠤᠨᠤᠮᠳᠤᠪᠳᠤᠨ ᠪᠠᠬᠠᠨ ᠠᠭᠤᠷᠯᠠᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢᠮᠠᠳᠠᠢ ᠠᠳᠠᠯᠢᠬᠠᠨ ᠠᠷᠪᠠ ᠳᠠᠪᠤᠨ ᠠᠳᠤᠭᠤ ᠭᠦᠭᠡᠭᠡᠵᠤ ᠠᠮᠢᠳᠠᠨ ᠭᠦᠮᠤᠨ ᠢ ᠥᠢᠮᠡᠭᠦᠯᠦᠭᠡ ᠦᠭᠡᠶ ᠡ᠂ ᠪᠢ︕ ᠮᠠᠭᠤ ᠬᠠᠷᠠ ᠬᠤᠯᠠᠭᠠᠢ᠌ᠴᠢ ᠭᠤᠶᠤᠯᠭᠠᠴᠢᠨ᠂ ᠪᠠᠯᠭᠤ ᠶᠠᠭᠤᠮᠠᠨ ᠤ ᠫᠠᠶᠠᠩ ᠳᠠᠭᠠᠭᠠᠬᠤ ᠦᠭᠡᠶ᠃ ᠳᠠᠭᠤ ᠦᠭᠡᠶ ᠭᠡᠪᠳᠡ᠃ ᠡᠰᠡᠪᠠᠯ ᠮᠤᠷᠳᠠ︕ ᠳᠡᠭᠡᠪᠠᠯ ᠰᠠᠯᠭᠢᠨ ᠳᠤ ᠴᠤᠭᠢᠭᠤᠯᠵᠤ ᠣᠨᠠᠭᠠᠤᠨ ᠭᠡᠭᠡᠷᠡ ᠶᠢᠨ ᠨᠤᠬᠠᠢ ᠲᠡᠶ ᠪᠦᠭᠡᠯᠵᠢᠰᠤ ᠪᠠᠨ ᠬᠤᠪᠢᠶᠠᠵᠤ ᠢᠳᠡᠭᠦ ᠪᠣᠢ ᠭᠡᠰᠡᠨ ᠳᠤ ᠪᠠᠽᠠᠷ ᠰᠢᠳᠠᠭᠠᠤᠨ ᠶᠠᠪᠣᠴᠢᠬᠠᠬᠤ ᠨᠢ ᠳᠠᠷᠠ︕
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠪᠠᠶᠠᠤᠨ ᠤᠨ ᠶᠠᠭᠤᠮᠠ ᠶᠢ ᠶᠠᠳᠠᠭᠤ ᠳᠤ ᠬᠤᠪᠢᠶᠠᠯᠴᠠᠬᠤ ᠭᠡᠵᠤ ᠠᠷᠪᠠ ᠳᠠᠪᠤᠨ ᠠᠳᠤᠭᠤ ᠭᠦᠭᠡᠭᠡᠳᠡᠭ᠌ ᠴᠤ ᠠᠮᠢᠨ ᠭᠡᠷᠡᠭ᠌ ᠭᠠᠷᠭᠠᠭᠠ ᠦᠭᠡᠶ ᠭᠦᠮᠤᠨ ᠳ᠋ᠠ︕ ᠠᠮᠪᠠᠨ ᠳᠠᠮᠠᠭᠠ ᠬᠠᠠᠴᠣᠢ᠌ᠯᠠᠬᠤ ᠭᠡᠵᠤ ᠭᠦᠮᠤᠨ ᠠᠯᠠᠵᠤ ᠪᠠᠢ᠌ᠭᠠ ᠴᠢᠨᠢ ᠵᠢᠭ᠍ᠰᠢᠭᠦᠷᠢᠳᠡᠢ ᠪᠠᠢ᠌ᠨᠠ ᠭᠦ᠃ ᠴᠢ ᠮᠠᠠᠵᠤ ᠬᠠᠭᠠᠨ ᠤ ᠰᠥᠷᠦᠭ᠌ ᠢ ᠳᠠᠷᠢᠭᠠᠩᠭ᠋ᠠ ᠰᠥᠷᠦᠭ᠌ ᠪᠣᠯᠭᠠᠵᠤ᠂ ᠦᠪᠡᠷ ᠤᠨ ᠮᠠᠯ ᠲᠡᠶ ᠬᠤᠰᠢᠭᠤ ᠳᠠᠷᠢᠭᠠᠩᠭ᠋ᠠ ᠶᠢ ᠥᠭᠡᠳᠡ ᠨᠢ ᠳᠠᠳᠠᠨᠠ ᠭᠡᠰᠡᠨ ᠳᠡᠭᠡᠨ ᠢᠩᠭᠢᠭ᠍ᠰᠡᠨ ᠦᠦ⁈ ᠳᠠᠷᠢᠭᠠᠩᠭ᠋ᠠ ᠶᠢᠨ ᠮᠠᠯ ᠴᠢᠨᠢ ᠶᠠᠷᠤ ᠡᠴᠡ ᠪᠠᠨ ᠮᠤᠩᠭ᠋ᠤᠯ ᠤᠨ ᠮᠠᠯ︕ ᠰᠦᠩ ᠳᠠ ᠬᠤᠶᠠᠷ ᠤᠨ ᠭᠡᠨ ᠨᠢ ᠴᠤ ᠢᠵᠢᠯ ᠠᠷᠠᠤᠨ ᠢ ᠳᠠᠷᠤᠯᠠᠬᠤ ᠭᠡᠵᠤ ᠮᠤᠳᠤᠨ ᠳᠠᠮᠠᠭᠠᠨ ᠤ ᠬᠣᠢ᠌ᠨᠠ ᠡᠴᠡ ᠥᠭᠦᠯᠳᠡᠵᠤ ᠪᠠᠢ᠌ᠭᠠ ᠶᠢ ᠲᠦᠷᠦ ᠶᠢᠨ ᠲᠦᠮᠡᠨ ᠨᠢᠳᠤ ᠬᠠᠷᠠᠵᠤ ᠪᠠᠢ᠌ᠨᠠ᠃ ᠴᠢ ᠶᠠᠭᠤ ᠪᠠᠷ ᠶᠢᠡᠨ ᠢᠯᠡᠭᠦᠤ ᠭᠡᠵᠤ ᠰᠦᠩ ᠢ ᠠᠯᠠᠵᠤ ᠠᠮᠢᠨ ᠭᠡᠷᠡᠭ᠌ ᠭᠠᠷᠭᠠᠵᠤ᠂ ᠮᠠᠠᠵᠤ ᠶᠢᠨ ᠬᠠᠷᠠ ᠳᠠᠰᠢᠭᠤᠷ ᠤᠨ ᠳᠡᠷᠭᠡᠳᠡ ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠭᠡᠳᠡᠰᠤᠨ ᠳᠤ ᠭᠦᠯ ᠶᠢᠡᠨ ᠭᠢᠪᠠ ⁈ ᠴᠢ ᠶᠠᠭᠤ ᠬᠠᠷᠢᠭᠤᠯᠤᠨᠠ︖ ᠠᠮᠢ ᠪᠠᠨ ᠪᠣᠳᠤᠭᠰᠠᠨ ᠠᠭᠠᠯᠵᠢ᠂ ᠬᠤᠪᠢ ᠪᠠᠨ ᠪᠣᠳᠤᠭᠰᠠᠨ ᠬᠤᠪᠠᠯᠵᠠ ᠴᠢ ᠮᠦᠨ ᠪᠠᠢ᠌ᠨᠠ᠃ ᠴᠢ ᠨᠠᠮᠢ᠋ᠢ ᠬᠤᠯᠠᠭᠠᠢ᠌ᠴᠢ ᠭᠡᠯᠡ᠃ ᠳᠠᠷᠠ ᠦᠨᠡᠨ᠃ ᠴᠢ ᠨᠠᠮᠢ᠋ᠢ ᠭᠤᠶᠤᠯᠭᠠᠴᠢᠨ ᠭᠡᠯᠡ᠂ ᠳᠠᠷᠠ ᠬᠠᠷᠢᠨ ᠶᠠᠭᠤ ᠪᠣᠯ ⁈ ᠳᠠᠷᠢᠭᠠᠩᠭ᠋ᠠ ᠶᠢᠨ ᠬᠤᠯᠠᠭᠠᠢ᠌ᠴᠢ ᠨᠡᠷ ᠬᠤᠰᠢᠭᠤ ᠬᠤᠯᠵᠢᠵᠤ᠂ ᠠᠢ᠌ᠮᠠᠭ ᠠᠯᠭᠠᠰᠠᠵᠤ ᠴᠢᠮᠠ ᠰᠢᠭ ᠳᠠᠷᠭᠤᠨ ᠪᠠᠶᠠᠤᠨ᠂ ᠳᠠᠮᠠᠭᠠ ᠶᠠᠮᠤ᠂ ᠬᠤᠷᠠᠯ ᠵᠢᠰᠠ ᠶᠢᠨ ᠭᠦᠷᠦᠩᠭᠡᠨ ᠡᠴᠡ ᠬᠤᠪᠢᠶᠠᠨ ᠠᠪᠴᠤ ᠦᠨᠦᠴᠢᠨ ᠥᠷᠦᠭᠡᠰᠤᠨ᠂ ᠥᠳᠡᠭᠦᠰ ᠶᠠᠳᠠᠭᠤᠰ ᠲᠤ ᠥᠭ᠍ᠴᠤ ᠪᠠᠢ᠌ᠭᠰᠠᠨ ᠶᠢᠡᠷ ᠶᠢᠡᠨ ᠡᠨᠡ ᠬᠤᠰᠢᠭᠤ ᠶᠢ ᠴᠢᠨᠢ ᠮᠠᠭᠤ ᠨᠠᠷᠠ ᠳᠤᠭᠤᠯᠭᠠᠭᠠ ᠦᠭᠡᠶ᠃ ᠬᠠᠷᠢᠨ ᠥᠪᠦᠷᠯᠡᠭ᠍ᠴᠢ ᠳᠦᠴᠢᠨ ᠶᠢᠰᠤᠨ ᠬᠤᠰᠢᠭᠤ᠂ ᠬᠦᠬᠡᠨᠠᠭᠤᠷ ᠤᠨ ᠳᠡᠭᠡᠳᠤ ᠮᠤᠩᠭ᠋ᠤᠯ᠂ ᠠᠷᠤ ᠬᠠᠯᠬᠠ᠂ ᠪᠠᠭᠠᠳᠤᠷ ᠥᠭᠡᠯᠡᠳ ᠤᠨ ᠭᠢᠵᠠᠭᠠᠷ ᠲᠤ ᠡᠨᠡ ᠳᠠᠷᠢᠭᠠᠩᠭ᠋ᠠ ᠶᠢ ᠴᠢᠨᠢ ᠰᠢᠯᠢ ᠶᠢᠨ ᠰᠠᠢ᠌ᠨ ᠡᠷᠡᠴᠦᠦᠯ ᠯᠠ ᠠᠯᠳᠠᠷᠰᠢᠭᠤᠯᠤᠭᠰᠠᠨ ᠶᠤᠮ ᠰᠢᠤ︕ ᠵᠠᠰᠠᠭᠳᠤ ᠬᠠᠨ ᠤ ᠨᠤᠳᠤᠭ ᠡᠴᠡ ᠰᠠᠢ᠌ᠨ ᠡᠷᠡ ᠪᠣᠯᠬᠤ ᠭᠡᠵᠤ ᠮᠠᠨ ᠤ ᠰᠢᠯᠢ ᠶᠢᠨ ᠪᠣᠭᠳᠠ ᠳᠤ ᠡᠷᠡᠴᠦᠦᠯ ᠭᠦᠷᠳᠡᠭ᠌ ᠢ ᠴᠢ ᠮᠡᠳᠡᠭᠦ ᠦᠦ᠃ ᠰᠤᠨᠤᠮᠳᠤᠪᠳᠤᠨ ᠴᠢᠮᠠ ᠡᠴᠡ ᠭᠡᠷᠡᠭ᠌ ᠲᠡᠶ ᠶᠠᠭᠤᠮᠠ ᠰᠤᠷᠬᠤ ᠭᠡᠵᠤ ᠵᠠᠰᠠᠭᠳᠤ ᠬᠠᠨ ᠡᠴᠡ ᠪᠠᠢ᠌ᠳᠤᠭᠠᠢ ᠵᠠᠮ ᠭᠤᠳᠤᠰ ᠡᠴᠡ ᠭᠦᠮᠤᠨ ᠢᠷᠡᠭᠦ ᠶᠢ ᠪᠢ ᠬᠠᠷᠠᠭᠠ ᠦᠭᠡᠶ︕ ᠪᠢᠳᠠ ᠭᠦᠮᠤᠨ ᠤ ᠳᠦᠯᠦᠭᠡ ᠬᠤᠯᠠᠭᠠᠢ ᠭᠢᠵᠤ ᠪᠠᠷᠢᠭᠳᠠᠭᠠᠤᠨ ᠮᠠᠠᠵᠤ ᠶᠢᠨ ᠬᠠᠷᠠ ᠳᠠᠰᠢᠭᠤᠷ ᠲᠤ ᠬᠤᠩᠭ᠋ᠤᠨ ᠤ ᠪᠠᠨ ᠮᠢᠬᠠ ᠶᠢ ᠭᠡᠴᠢᠨᠡᠨ ᠣᠷᠠᠭᠤᠯᠪᠠᠴᠤ ᠶᠠᠳᠠᠭᠤᠰ ᠲᠤ ᠣᠯᠠᠮ ᠬᠠᠢ᠌ᠷᠠᠳᠠᠢ ᠪᠣᠯᠵᠤ ᠶᠠᠪᠣᠭᠰᠠᠨ ᠡ︕ ᠁ ᠬᠠᠷᠢᠨ ᠴᠢ ᠶᠠᠭᠠᠭᠢᠵᠤ ᠪᠠᠢ᠌ᠨᠠ︕ ᠁ ᠮᠠᠠᠵᠤ ᠶᠢᠨ ᠬᠠᠭᠠᠨ ᠤ ᠮᠦᠷᠤᠨ ᠳᠡᠭᠡᠭᠦᠷ ᠶᠢᠡᠨ ᠰᠢᠳᠠᠵᠤ ᠦᠭᠭᠦᠭ᠍ᠰᠡᠨ ᠪᠠᠭᠠᠰᠤ ᠲᠡᠶ ᠳᠠᠮᠠᠭᠠ ᠶᠢ ᠴᠢᠰᠤᠳᠠᠢ ᠪᠣᠯᠳᠠᠯᠠ ᠨᠢ ᠪᠣᠯᠢᠶᠠᠴᠠᠯᠳᠤᠵᠤ᠂ ᠳᠠᠷᠢᠭᠠᠩᠭ᠋ᠠ ᠶᠢᠨ ᠨᠤᠶᠠᠤᠨ ᠳᠡᠢ᠌ᠯᠦᠭ᠍ᠰᠡᠨ ᠨᠢ ᠳᠡᠯᠳᠡᠢ᠌ᠭ᠍ᠰᠡᠨ ᠢ ᠪᠠᠨ ᠠᠯᠠᠵᠤ ᠪᠠᠢ᠌ᠨᠠ ᠭᠡᠵᠤ ᠬᠤᠰᠢᠭᠤ ᠬᠤᠯᠵᠢᠭᠠᠵᠤ᠂ ᠠᠢ᠌ᠮᠠᠭ ᠠᠯᠭᠠᠰᠠᠭᠠᠵᠤ᠂ ᠭᠦᠷᠤᠨ ᠭᠦᠶᠦᠯᠭᠡᠵᠤ ᠴᠤᠤᠷᠬᠠᠭᠤᠯᠤᠯᠠ︕ ᠴᠢ ᠢᠩᠭᠢᠵᠤ ᠪᠠᠢ᠌ᠨᠠ᠃ ᠴᠢ ᠬᠤᠪᠢ ᠪᠠᠨ ᠪᠣᠳᠤᠵᠤ ᠬᠣᠢ᠌ᠰᠢ ᠪᠠᠨ ᠣᠷᠤᠭᠰᠢ ᠪᠠᠨ ᠬᠤᠶᠠᠷ ᠭᠤᠷᠪᠠᠨ ᠬᠤᠨᠤᠭ ᠤᠨ ᠭᠠᠵᠠᠷ ᠪᠠᠢ᠌ᠭᠠ ᠡᠨᠡ ᠬᠤᠰᠢᠭᠤᠨ ᠤ ᠨᠠᠷᠠ ᠨᠢᠭᠤᠷ ᠶᠢᠡᠷ ᠳᠤᠭᠯᠠᠪᠠ︕ ᠭᠡᠵᠤ ᠪᠠᠽᠠᠷ ᠳᠡᠭᠡᠭᠦ ᠳᠤ ᠰᠤᠨᠤᠮᠳᠤᠪᠳᠤᠨ ᠳᠤ ᠰᠥᠷᠡᠭᠡᠢ ᠠᠭᠰᠤᠮ ᠳᠠᠯᠪᠢᠵᠤ ᠪᠢᠯᠠ᠃ ᠰᠤᠨᠤᠮᠳᠤᠪᠳᠤᠨ ᠪᠠᠶᠠᠨ ᠭᠠᠯᠵᠠᠭᠤᠷᠠᠬᠤ ᠰᠢᠬᠠᠵᠤ ᠣᠯᠠᠭᠤᠯᠠ ᠡᠯᠪᠠᠨ ᠬᠠᠩᠭ᠋ᠠᠢ ᠪᠠᠽᠠᠷ ᠢ ᠰᠢᠷᠠ ᠢᠰᠡᠭᠡᠢ ᠳᠤ ᠪᠣᠭᠤᠵᠤ ᠣᠰᠤ ᠭᠢᠯᠭᠡᠭᠡᠤᠨ ᠭᠡᠷ ᠤᠨ ᠰᠡᠭᠦᠳᠡᠷ ᠲᠤ ᠬᠠᠶᠠᠵᠠᠢ᠃
ᠣᠷᠤᠢ ᠳᠠᠰᠢ ᠪᠠᠨ ᠪᠠᠽᠠᠷ ᠤᠨ ᠠᠷᠢᠭᠢ ᠨᠠᠯᠢᠶᠠᠤᠨ ᠭᠠᠷᠴᠤ᠂ ᠰᠤᠨᠤᠮᠳᠤᠪᠳᠤᠨ ᠢ ᠬᠠᠵᠠᠭᠤ ᠳᠠᠭᠠᠨ ᠳᠠᠭᠤᠳᠠᠵᠤ ᠢᠷᠡᠭᠦᠯᠦᠭᠡᠤᠨ ᠨᠠᠰᠤ ᠶᠢ ᠨᠢ ᠪᠣᠳᠤᠨ ᠭᠦᠡᠳᠦᠦᠡᠭᠡᠭᠦᠢᠴᠡ ᠪᠣᠯᠵᠤ 《ᠴᠢ》 ᠭᠡᠯᠭᠦᠢ᠂ ᠵᠥᠪᠭᠡᠨ ᠭᠠᠭᠴᠠᠭᠠᠷ ᠳᠤᠨᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠ ᠰᠤᠨᠤᠰ᠂ ᠪᠢ ᠰᠤᠭᠳᠤᠭᠰᠠᠨ ᠳᠠᠭᠠᠨ ᠪᠢᠰᠢ᠂ ᠭᠡᠯᠡᠭᠦ ᠭᠡᠰᠡᠨ ᠳᠡᠭᠡᠨ ᠭᠡᠯᠡᠭ᠍ᠰᠡᠨ ᠶᠤᠮ᠃ ᠮᠢᠨᠤ ᠳᠤᠳᠤᠷ ᠪᠣᠯ ᠡᠷᠡ ᠭᠦᠮᠤᠨ ᠤ ᠳᠤᠳᠤᠷ᠂ ᠬᠠᠷᠢᠨ ᠳᠠᠨ ᠤ ᠳᠤᠳᠤᠷ ᠥᠨᠡᠭᠡ᠂ ᠴᠢᠨ᠋ᠸᠠ᠂ ᠭᠦᠮᠤᠨ ᠤ ᠠᠳᠠᠭ ᠭᠤᠷᠪᠠ ᠶᠢᠨ ᠳᠤᠳᠤᠷ︕ ᠪᠢ ᠳᠠᠨ ᠲᠡᠶ ᠠᠳᠠᠯᠢ ᠠᠮᠢᠨ ᠭᠡᠷᠡᠭ᠌ ᠭᠠᠷᠭᠠᠬᠤ ᠦᠭᠡᠶ᠂ ᠨᠠᠮᠢ᠋ᠢ ᠣᠳᠤ ᠰᠤᠯᠠᠯᠠᠵᠤ ᠥᠭ᠌︕ ᠭᠡᠵᠡᠢ᠃
ᠰᠤᠨᠤᠮᠳᠤᠪᠳᠤᠨ ᠪᠠᠽᠠᠷ ᠲᠤ ᠭᠡᠴᠢᠨᠡᠨ ᠶᠡᠭᠡ ᠬᠤᠷᠤᠰᠴᠤ ᠪᠠᠢ᠌ᠭᠰᠠᠨ ᠪᠣᠯᠪᠠᠴᠤ ᠬᠤᠷᠴᠠ ᠣᠬᠠᠭᠠᠨ᠂ ᠬᠠᠳᠠᠨ ᠵᠤᠷᠢᠭ ᠡᠴᠡ ᠨᠢ ᠡᠮᠢᠶᠡᠭᠦ ᠳᠡᠭᠡᠨ ᠳᠡᠨᠢ᠌ᠯᠭᠡᠭ᠍ᠰᠡᠨ ᠠᠯᠠᠭᠠ ᠰᠢᠭ ᠢᠯᠠ ᠴᠠᠭᠠᠨ᠂ ᠭᠡᠨᠡᠨ ᠳᠡᠨᠡᠭ᠌ ᠠᠪᠣᠷᠢᠯᠠᠵᠤ ᠪᠠᠢ᠌ᠭᠠ ᠶᠢ ᠨᠢ ᠰᠠᠨᠠᠭᠤᠯᠤᠨ ᠠᠶᠠ ᠵᠠᠰᠠᠭᠰᠠᠨ ᠨᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠴᠢᠮᠢ᠋ᠢ ᠰᠤᠯᠠᠯᠠᠶᠠ︕ ᠳᠡᠭᠡᠭᠦ ᠳᠡᠭᠡᠨ ᠳᠡᠭᠦᠤ ᠭᠦᠤ ᠴᠢ ᠰᠤᠨᠤᠰ᠂ 《ᠭᠦᠮᠤᠨ ᠤ ᠡᠷᠢᠶᠡᠨ ᠳᠤᠳᠤᠷᠠ ᠪᠠᠨ᠂ ᠮᠤᠭᠠᠢ ᠶᠢᠨ ᠡᠷᠢᠶᠡᠨ ᠭᠠᠳᠠᠨᠠ ᠪᠠᠨ》 ᠭᠡᠳᠡᠭ᠌ ᠶᠤᠮ᠃ ᠴᠢ ᠭᠦᠮᠤᠨ ᠪᠣᠯᠬᠤ ᠳᠤᠯᠠ ᠳᠤᠳᠤᠷᠠ ᠪᠠᠨ ᠪᠠᠰᠠ ᠯᠠ ᠡᠷᠢᠶᠡᠨ ᠲᠡᠶ ᠪᠠᠢ᠌ᠬᠤ ᠶᠤᠰᠤᠳᠠᠢ ᠳ᠋ᠠ︕ ᠴᠢ ᠨᠠᠮᠢ᠋ᠢ ᠭᠡᠯᠡᠵᠤ ᠪᠣᠯᠤᠨᠠ᠃ ᠭᠡᠳᠡᠯᠡ ᠶᠠᠭᠤᠮᠠ ᠪᠣᠯᠭᠠᠨ ᠳᠤ ᠭᠡᠮᠵᠢᠶᠡ ᠪᠣᠢ ᠰᠢᠤ︕ ᠭᠡᠵᠡᠢ᠃
ᠪᠠᠽᠠᠷ ᠰᠠᠢ᠌ᠨ ᠴᠤ ᠮᠠᠭᠤ ᠴᠤ ᠥᠭᠡ ᠳᠤᠤᠭᠠᠷᠤᠭᠰᠠᠨ ᠦᠭᠡᠶ᠃ ᠴᠢᠩᠭᠢᠵᠤ ᠡᠰᠡ ᠳᠤᠭᠤᠮᠰᠤᠷᠯᠠᠭᠰᠠᠨ ᠳᠤ ᠨᠢ ᠰᠤᠨᠤᠮᠳᠤᠪᠳᠤᠨ ᠭᠢᠯᠢᠩᠨᠠᠵᠤ᠄ 《ᠴᠠᠯᠴᠢᠭᠰᠠᠨ ᠤ ᠴᠢᠨᠢ ᠬᠠᠷᠢᠭᠤ ᠳᠤ ᠨᠢᠭᠡ ᠯᠠ ᠡᠳᠦᠷ ᠰᠤᠮᠤ ᠪᠠᠨ ᠳᠠᠯᠪᠢᠭᠠᠤᠨ ᠨᠤᠮᠤ ᠪᠠᠨ ᠨᠢᠭᠤᠨᠠ ᠳ᠋ᠠ︕》 ᠭᠡᠵᠤ ᠠᠠᠳᠠᠭᠠᠢ᠌ᠯᠠᠨ ᠪᠣᠳᠤᠵᠠᠢ᠁
ᠠᠷᠭᠠᠯ ᠰᠠᠯᠪᠠᠵᠤ ᠪᠠᠤᠠᠮᠠ ᠭᠡᠦᠭᠡᠨ ᠤ ᠪᠠᠳᠠᠷᠠᠭᠠᠨ ᠳᠦᠷᠡᠯᠵᠡᠭᠦᠯᠵᠤ ᠪᠣᠢ ᠭᠤᠯᠤᠮᠳᠠ ᠶᠢᠨ ᠬᠤᠶᠠᠷ ᠳᠠᠯᠠ ᠳᠤ ᠵᠠᠪᠢᠯᠠᠨ ᠴᠠᠢ ᠣᠤᠭᠤᠵᠤ ᠪᠠᠢ᠌ᠬᠤ ᠵᠠᠭᠤᠷᠠ ᠰᠤᠨᠤᠮᠳᠤᠪᠳᠤᠨ ᠪᠠᠶᠠᠨ᠂ ᠬᠠᠩᠭ᠋ᠠᠢ ᠪᠠᠽᠠᠷ ᠬᠤᠶᠠᠷ ᠳᠡᠭᠡᠷᠡ ᠥᠭᠦᠯᠡᠭ᠍ᠰᠡᠨ ᠶᠠᠪᠣᠳᠠᠯ ᠢ ᠳᠤᠳᠤᠷᠠ ᠳᠤᠳᠤᠷᠠ ᠪᠠᠨ ᠡᠭᠡᠨ ᠳᠤᠷᠠᠰᠴᠤ᠂ ᠦᠪᠡᠷ ᠦᠪᠡᠷ ᠢ ᠪᠠᠨ ᠵᠥᠪᠳᠡᠭᠡᠨ ᠰᠠᠭᠤᠵᠠᠢ᠃
ᠵᠤᠬᠢᠶᠠᠭᠴᠢ᠄ ᠳ·ᠮᠠᠮᠠ
ᠳᠠᠷᠤᠮ᠄ 7439
ᠴᠠᠭ᠄ 2007 ᠤᠨ ᠤ 03 ᠰᠠᠷᠠ ᠶᠢᠨ 21