☆ ᠳᠦᠷᠪᠡᠳ ᠡᠷᠳᠡᠨᠢᠪᠠᠶᠡᠷ
ᠴᠢᠩᠭᠢᠰ ᠤᠨ ᠪᠣᠷᠤᠭᠠ
ᠣᠯᠠᠭᠠᠨ ᠵᠡᠷᠭᠡᠯᠭᠡᠨ ᠳᠤ
ᠠᠳᠤᠭᠤ ᠣᠭᠤᠭᠢᠵᠤ ᠨᠥᠭᠡᠯᠡᠨᠡ
ᠣᠰᠤᠨ ᠤ ᠠᠮᠢᠰᠬᠤᠭᠠ ᠣᠠᠳᠠᠷᠠᠨᠠ
ᠣᠶᠠᠭᠠᠨ ᠳᠡᠭᠡᠷᠡ
ᠭᠦᠯᠦᠭ᠌ ᠤᠨ ᠵᠡᠭᠦᠳᠤ ᠬᠠᠭᠰᠠᠨᠠ
ᠴᠢᠭᠢᠭ᠌ ᠤᠨ ᠠᠮᠢᠰᠬᠤᠭᠠ ᠳᠠᠰᠤᠷᠠᠨᠠ
ᠳᠤᠯᠭᠠ ᠶᠢᠨ ᠭᠠᠯ
ᠢᠯᠴᠢ ᠵᠢᠭᠡᠯᠡᠨ ᠢᠴᠢᠵᠤ
ᠰᠢᠩᠭᠡᠨ ᠣᠳᠤᠭᠠ ᠵᠠᠮᠬᠠᠷᠠᠨᠠ
ᠳᠤᠭᠤᠯ ᠤᠨ ᠳᠠᠳᠠᠭᠠ
ᠭᠢᠯᠭᠠᠰᠤ ᠨᠠᠮᠠᠬᠠᠨ ᠭᠦᠪᠰᠥᠢᠵᠤ
ᠰᠦᠨ ᠤ ᠦᠨᠦᠷ ᠡᠷᠢᠨᠡ
ᠠᠶᠠᠭᠠᠨ ᠪᠠᠯᠴᠢᠭᠡᠷ ᠰᠢᠭ᠌ ᠡᠮᠵᠡᠭ᠍ᠭᠡᠨ
ᠭᠠᠭᠴᠠ ᠬᠤᠤᠠᠳᠤᠭ
ᠳᠡᠯᠡᠭᠡᠢ ᠶᠢᠨ ᠳᠠᠷᠢᠭᠢᠨ ᠳᠤ
ᠠᠳᠤᠭᠤᠨ ᠳᠠᠭᠢ ᠰᠢᠭ ᠣᠢ᠌ᠤᠠᠬᠠᠷ ᠲᠡᠶ
ᠬᠠᠭᠤᠷᠠᠢ ᠡᠭᠦᠯᠡᠰ
ᠠᠯᠤᠰ ᠤᠨ ᠵᠢᠯ ᠳᠤ
ᠡᠵᠢ ᠶᠢᠨ ᠠᠭᠠᠷᠤ
ᠣᠰᠤᠵᠤ
ᠬᠡᠭᠡᠷᠡᠴᠢᠭᠡᠪᠠᠤ︖ ᠭᠡᠵᠤ ᠴᠢᠩᠨᠠᠨᠠ
ᠡᠭᠡᠪᠦᠷ ᠤᠨ ᠠᠷᠭᠠᠯ
ᠣᠩᠰᠠᠵᠤ
ᠨᠤᠴᠤᠴᠢᠬᠠᠪᠠᠤ ᠭᠡᠵᠤ ᠰᠡᠵᠢᠭᠯᠡᠨᠡ
ᠣᠷᠭᠤᠭᠠ ᠪᠠᠢ᠌ᠬᠤ ᠳᠠᠭᠠᠨ
ᠣᠰᠤ ᠳᠠᠳᠠᠯᠠ ᠭᠡᠵᠤ
ᠠᠪᠣ ᠣᠷᠭᠠ ᠪᠠᠨ ᠲᠦᠰᠢᠨᠠ
ᠣᠷᠭᠠ ᠪᠣᠯᠤᠭᠠᠤᠨ
ᠠᠳᠤᠭᠤ ᠳᠠᠳᠠᠯᠠ ᠭᠡᠵᠤ
ᠣᠷᠭᠠ ᠠᠪᠣ ᠶᠢ ᠰᠢᠷᠳᠠᠨᠠ
ᠣᠷᠭᠠ ᠪᠠᠨ ᠳᠡᠭᠡᠳᠦᠯᠡᠭ᠍ᠰᠡᠨ
(ᠶᠡᠭᠡ ᠵᠠᠰᠠᠭ)
ᠣᠰᠤᠨ ᠳᠡᠭ᠍ᠷᠢ ᠶᠢ
ᠣᠷᠠᠬᠠ ᠪᠠᠨ ᠴᠡᠭᠡᠷᠯᠡᠭ᠍ᠰᠡᠨ
ᠣᠷᠳᠤ ᠶᠢᠨ ᠳᠠᠭᠤᠤ
ᠯᠤᠤᠰ ᠤᠨ ᠣᠷᠳᠤ ᠲᠡᠶ
ᠭᠡᠡᠵᠢᠨ ᠢᠰᠢᠭᠡ
ᠰᠡᠭᠦᠳᠡᠷ ᠠᠮᠢᠰᠬᠤᠭᠠᠵᠤ
ᠰᠠᠭᠠᠮᠠᠭᠨᠠᠨᠠ
ᠭᠡᠭᠡᠷᠡ ᠶᠢᠨ ᠭᠦᠢᠯᠡᠰᠤ
ᠮᠦᠴᠢᠷ ᠠᠷᠭᠠᠳᠠᠨ
ᠬᠠᠢ᠌ᠯᠤᠨᠠ
ᠭᠤᠷᠴᠣᠢ᠌ᠭᠰᠠᠨ ᠴᠢᠳᠤᠷ ᠰᠢᠭ᠌
ᠨᠤᠬᠠᠢ
ᠭᠠᠵᠠᠷ ᠣᠬᠤᠨ ᠭᠠᠰᠤᠯᠤᠨᠠ
ᠭᠤᠩᠭ᠋ᠠᠨᠢᠬᠤ ᠪᠣᠳᠤᠭᠤ ᠰᠢᠭ
ᠬᠤᠭᠤᠷ ᠤᠨ
ᠴᠢᠭᠢ ᠪᠣᠴᠠᠨ ᠭᠢᠬᠤᠨᠠᠨᠠ
ᠠᠠᠵᠢᠰᠤᠨ ᠬᠤᠰᠢᠭᠤᠨ ᠳᠤ
ᠳᠤᠰᠤᠯ ᠣᠰᠤ ᠰᠠᠳᠠᠷᠠᠨᠠ
ᠭᠦᠮᠤᠨ ᠤ ᠰᠠᠨᠠᠭᠠ
ᠠᠭᠤᠯᠠ ᠨᠡᠭᠦᠯᠭᠡᠭ᠍ᠰᠡᠳ
ᠳᠡᠨᠡᠭ᠌ ᠡᠯᠡᠰᠤᠨ ᠳᠤ ᠳᠠᠷᠤᠭᠳᠠᠨᠠ
ᠵᠤᠨ ᠤ ᠣᠯᠠᠭᠠ
ᠪᠣᠷᠤᠭᠠᠨ ᠭᠡᠵᠤ
ᠳᠡᠭ᠍ᠷᠢ ᠵᠥᠭ᠌ ᠲᠦᠳᠦᠨᠡᠨᠠ
ᠳᠡᠭ᠍ᠷᠢ ᠰᠠᠨᠠᠭᠠ ᠠᠯᠳᠠᠨᠠ
ᠪᠣᠷᠬᠠᠨ ᠭᠡᠵᠤ
ᠡᠵᠡᠨ ᠴᠢᠩᠭᠢᠰ ᠲᠤ ᠰᠥᠭᠦᠳᠦᠨᠡ
ᠡᠵᠡᠨ ᠮᠢᠨᠢ ᠴᠢᠮᠡᠭᠡ ᠦᠭᠡᠶ
ᠴᠢᠩᠭᠢᠰ ᠬᠠᠭᠠᠨ ᠤ ᠪᠣᠷᠤᠭᠠ
ᠴᠡᠭᠡᠵᠢᠨ ᠳᠤ ᠱᠠᠭᠢᠨᠠ
ᠰᠠᠤᠠᠭᠢᠯ ᠭᠠᠩᠳᠠᠭᠠ ᠦᠭᠡᠶ ᠪᠠᠢ᠌ᠵᠠᠢ ᠳ᠋ᠠ
ᠰᠠᠤᠠᠭᠢᠯ ᠤᠨ ᠮᠢᠨᠢ ᠥᠭᠡ
ᠵᠢᠷᠦᠭᠡᠨ ᠳᠤ ᠬᠤᠷᠠᠯᠳᠤᠨᠠ
ᠭᠡᠯᠡ ᠮᠢᠨᠢ ᠳᠠᠰᠤᠷᠤᠭᠰᠠᠨ ᠪᠠᠢ᠌ᠵᠠᠢ ᠳ᠋ᠠ
ᠡᠭᠦᠯᠡᠰ ᠤᠨ ᠰᠥᠷᠦᠭ᠌
ᠵᠥᠭ᠌ ᠵᠥᠭ᠌ ᠲᠤ ᠪᠠᠨ ᠵᠢᠭᠤᠳᠠᠨᠠ
ᠨᠡᠢ᠌ᠯᠡᠭᠦ ᠶᠢ ᠮᠡᠳᠡᠭᠦ ᠦᠭᠡᠶ
ᠦᠯᠮᠠᠢ ᠡᠴᠡ ᠨᠢ
ᠬᠤᠤᠷ ᠤᠨ ᠰᠠᠯᠭᠢ ᠦᠯᠢᠶᠠᠨᠠ
ᠡᠢ᠌ᠯᠭᠦ ᠶᠢ ᠯᠠ ᠮᠠᠳᠠᠨᠠ
ᠶᠡᠭᠡ ᠳᠠᠯᠠ ᠪᠣᠯ
ᠮᠠᠨ ᠤ ᠨᠢᠭᠤᠴᠠ ᠳᠤᠪᠴᠢᠶᠠᠨ
ᠡᠷᠳᠡᠨ ᠤ ᠰᠠᠢ᠌ᠬᠠᠨ ᠯᠠ ᠪᠣᠯᠵᠠᠢ
ᠶᠡᠭᠡ ᠳᠠᠯᠠᠢ ᠪᠣᠯ
ᠮᠠᠨ ᠤ ᠣᠯᠤᠭᠰᠠᠨ ᠦᠭᠡᠶ ᠰᠦᠯᠳᠡ
ᠳᠤᠮᠳᠠᠳᠤ ᠵᠠᠭᠤᠨ ᠤ ᠮᠥᠷᠦᠭᠡᠳᠦᠯ
ᠬᠤᠯᠠ ᠶᠢᠨ ᠠᠭᠤᠯᠠᠨ ᠳᠤ
ᠴᠢᠩᠭᠢᠰ ᠤᠨ ᠪᠣᠷᠤᠭᠠ ᠱᠠᠭᠢᠨᠠ
ᠮᠠᠷ ᠮᠠᠷ ᠠᠮᠢᠰᠬᠤᠯ ᠡᠷᠢᠨᠡ
ᠣᠯᠠ ᠶᠢᠨ ᠳᠤᠤᠷᠠ
ᠳᠡᠯᠡᠭᠡᠢ ᠶᠢᠨ ᠠᠮᠢᠰᠬᠤᠭᠠ ᠭᠦᠳᠦᠯᠵᠡᠨᠡ
ᠰᠠᠷ ᠰᠠᠷ ᠣᠬᠠᠭᠠᠨ ᠡᠭᠢᠯᠡᠨᠡ
ᠵᠤᠬᠢᠶᠠᠭᠴᠢ ᠶᠢᠨ ᠳᠤᠬᠠᠢ᠄ ᠳᠦᠷᠪᠠᠳ ᠡᠷᠳᠡᠨᠢᠪᠠᠶᠡᠷ᠂ 2002 ᠣᠨ ᠳᠤ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠡᠴᠡ ᠳᠡᠭᠦᠰᠴᠤ ᠣᠳᠤ ᠣᠯᠠᠭᠠᠠᠬᠠᠳᠠ ᠬᠤᠳᠠ ᠶᠢᠨ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠴᠢᠪᠠᠭᠠ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠵᠤ ᠪᠠᠢ᠌ᠨᠠ
ᠵᠤᠬᠢᠶᠠᠭᠴᠢ᠄ ᠳᠦᠷᠪᠡᠳ ᠡᠷᠳᠡᠨᠢᠪᠠᠶᠡᠷ
ᠢᠷᠡᠯᠲᠡ᠄ ᠰᠠᠮᠪᠠᠷᠠ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 4522
ᠴᠠᠭ᠄ 2007 ᠤᠨ ᠤ 09 ᠰᠠᠷᠠ ᠶᠢᠨ 11
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ