ᠲᠠᠪᠤ ᠂ ᠴᠠᠭᠠᠨ ᠡᠪᠦᠭᠡᠨ
ᠬᠡᠦᠬᠡᠳ ᠤᠨ ᠴᠢᠷᠮᠠᠢ᠌ᠯᠭᠠ ᠶᠢ ᠳᠠᠮᠵᠢᠵᠤ ᠳᠤᠰᠠᠯᠠᠬᠤ ᠭᠦᠮᠤᠨ ᠵᠠᠬᠠ ᠡᠴᠡ ᠠᠪᠤᠨ ᠣᠯᠠᠨ ᠪᠠᠢ᠌ᠯᠠ᠃ ᠠᠬᠠᠮᠠᠤᠨ ᠭᠦᠮᠦᠰ ᠤᠨ ᠵᠢᠭᠠᠵᠤ ᠦᠭᠭᠦ ᠶᠢ ᠯᠠᠪᠳᠠᠭᠤᠨ ᠭᠢᠨᠠᠮᠠᠭᠠᠢ ᠪᠠᠷ ᠲᠠᠭᠠᠨ ᠰᠤᠷᠤᠯᠴᠠᠵᠤ᠂ ᠨᠢᠭᠡᠳ ᠨᠢᠭᠡ ᠪᠠᠷ ᠭᠦᠢᠴᠡᠳᠭᠡᠵᠤ ᠠᠪᠬᠤ ᠶᠢ ᠭᠢᠴᠢᠶᠠᠵᠤ ᠪᠠᠢ᠌ᠪᠠ ᠰᠢᠤ ︕
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠤᠭᠤᠷ ᠰᠤᠷᠬᠤ ᠭᠦᠮᠤᠨ ᠬᠠᠷᠠ ᠦᠷᠯᠦᠭᠡ ᠦᠨᠳᠦᠷ ᠮᠠᠩᠬᠠᠨ ᠤ ᠣᠷᠤᠢ ᠳᠡᠭᠡᠷᠡ ᠰᠠᠭᠤᠵᠤ ᠪᠠᠢ᠌ᠭᠠᠤᠨ ᠳᠠᠳᠠᠪᠠᠯ ᠣᠳᠠᠬᠤ ᠦᠭᠡᠶ ᠰᠤᠷᠴᠢᠬᠠᠨᠠ ᠭᠡᠵᠤ ᠪᠠᠷᠠᠭᠤᠨ ᠭᠡᠷ ᠤᠨ ᠠᠪᠠᠭᠠ ᠨᠢ ᠭᠡᠯᠡᠭᠦᠯᠡᠷ ᠳᠠᠷᠠ ᠦᠨᠡᠮᠰᠢᠵᠤ ᠮᠠᠷᠭᠠᠰᠢ ᠦᠷᠯᠦᠭᠡ ᠨᠢ ᠳᠠᠷᠤᠢ ᠳᠦᠷᠦᠭᠦᠤ ᠳᠠᠭᠢᠶᠠᠨ ᠤ ᠳᠠᠭᠤᠨ ᠶᠢᠡᠷ ᠭᠦᠶᠤᠨ ᠪᠣᠰᠴᠤ ᠠᠢ᠌ᠯ ᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠰᠡᠭᠦᠢᠨ ᠰᠥᠡᠳᠡᠷᠯᠡᠭᠦ ᠦᠨᠳᠦᠷ ᠴᠠᠭᠠᠨ ᠮᠠᠩᠬᠠᠨ ᠤ ᠣᠷᠤᠢ ᠳᠤ ᠮᠠᠴᠤᠨ ᠭᠠᠷᠴᠤ ᠲᠦᠪ ᠰᠠᠢ᠌ᠬᠠᠨ ᠵᠠᠪᠢᠯᠠᠨ ᠰᠠᠭᠤᠵᠤ ᠳᠠᠳᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲ᠋ᠡᠷᠭᠡᠯ ᠰᠠᠷᠠᠨ ᠤ ᠳᠤᠶᠠᠭᠠᠨ ᠳᠤᠤᠷᠠ᠂ ᠭᠤᠤᠯ ᠭᠤᠷᠤᠬᠠ ᠶᠢᠨ ᠭᠦᠪᠠᠭᠡᠨ ᠳᠤ ᠰᠠᠭᠤᠵᠤ ᠳᠠᠳᠠᠪᠠᠯ ᠰᠤᠷᠬᠤ ᠨᠢ ᠬᠤᠷᠳᠤᠨ ᠭᠡᠵᠤ ᠵᠡᠭᠦᠨ ᠭᠡᠷ ᠤᠨ ᠠᠬᠠ ᠠᠷᠭᠠ ᠵᠢᠭᠠᠭᠰᠠᠨ ᠳᠤ ᠳᠠᠷᠠ ᠮᠦᠨ ᠭᠤᠤᠯ ᠤᠨ ᠭᠦᠪᠠᠭᠡᠨ ᠳᠤ ᠣᠴᠢᠵᠤ ᠦᠪᠣᠢ᠌ᠵᠤ ᠰᠠᠭᠤᠭᠠᠤᠨ ᠰᠦᠨᠢ ᠲᠦᠯᠢ ᠪᠣᠯᠳᠠᠯᠠ ᠬᠠᠯᠠᠰᠢᠷᠠᠯ ᠦᠭᠡᠶ ᠳᠠᠳᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢᠳᠡᠭᠦᠨ ᠤ ᠰᠦᠨᠢ ᠵᠤᠤᠬᠠᠨ ᠪᠣᠯᠤᠩ ᠳᠤ ᠰᠠᠭᠤᠵᠤ᠂ ᠬᠤᠭᠤᠷ ᠤᠨ ᠳᠤᠮᠪᠣ ᠪᠠᠨ ᠳᠤᠭᠤᠭᠰᠢ ᠪᠠᠨ ᠬᠠᠠᠳᠤᠭᠤᠯᠵᠤ ᠳᠠᠳᠠᠪᠠᠯ ᠴᠢᠳᠭᠦᠷ ᠢᠷᠠᠵᠤ ᠵᠢᠭᠠᠵᠤ ᠦᠭᠭᠦᠨᠡ ᠭᠡᠨᠡ ᠭᠡᠵᠤ ᠠᠢ᠌ᠯ ᠤᠨ ᠭᠦᠮᠤᠨ ᠡᠴᠡ ᠰᠤᠨᠤᠰᠤᠭᠰᠠᠨ ᠰᠦᠨ ᠯᠢᠶᠠᠩ ᠮᠦᠨ ᠵᠢᠯ ᠤᠨ ᠪᠢᠳᠡᠭᠦᠨ ᠤ ᠰᠦᠨᠢ ᠶᠢᠨ ᠫᠠᠤᠨ ᠬᠠᠷᠠᠩᠭ᠋ᠤᠢ ᠳᠤ ᠵᠤᠤᠬᠠᠨ ᠤ ᠳᠡᠭᠡᠷᠡ ᠭᠠᠷᠴᠤ ᠪᠣᠭᠵᠣᠢ᠌ᠵᠤ ᠰᠠᠭᠤᠠᠭᠠᠤᠨ ᠴᠢᠳᠭᠦᠷ ᠢᠷᠠᠵᠤ ᠵᠢᠭᠠᠵᠤ ᠦᠭᠭᠦ ᠶᠢ ᠨᠢᠭᠡ ᠰᠦᠨᠢ ᠭᠦᠯᠢᠶᠡᠭ᠍ᠰᠡᠨ ᠶᠤᠮ᠃
ᠬᠤᠭᠤᠷ ᠭᠡᠳᠡᠭ᠌ ᠴᠢᠨᠢ ᠬᠠᠴᠢᠨ ᠰᠤᠨᠢᠨ ᠶᠠᠭᠤᠮᠠ ᠭᠡᠯᠳᠡᠢ᠃ ᠳᠠᠷᠠ ᠴᠢᠨᠢ ᠴᠢᠳᠠᠳᠠᠭ ᠭᠦᠮᠤᠨ ᠳᠤ ᠪᠠᠨ ᠵᠢᠷᠤᠭᠠ ᠶᠢᠨ ᠵᠢᠷᠤᠭᠠ ᠮᠤᠷᠢ ᠰᠢᠭ ᠣᠷᠤᠰᠤᠮᠠ ᠰᠠᠢ᠌ᠬᠠᠨ ᠭᠦᠭᠯᠡᠳᠡᠭ᠌ ᠴᠤ ᠴᠢᠳᠠᠬᠤ ᠦᠭᠡᠶ ᠨᠢᠭᠡ ᠳᠤ ᠪᠠᠨ ᠡᠮᠨᠢᠭ᠌ ᠦᠷᠢᠶᠠ ᠰᠢᠭ᠌ ᠦᠰᠦᠷᠴᠤ ᠲᠤᠢ᠌ᠯᠠᠭᠠᠤᠨ ᠳᠤᠭᠰᠢᠨ ᠭᠡᠳᠡᠭ᠌ ᠨᠢ ᠳᠤᠩ ᠭᠡᠴᠡᠭᠦᠤ ᠡ ︕ ᠪᠠᠶᠠ ᠡᠴᠡ ᠪᠠᠨ ᠳᠤᠮᠤ ᠬᠤᠭᠤᠷ ᠨᠢ ᠳᠡᠭᠦᠨ ᠤ ᠰᠠᠨᠠᠭᠠ ᠪᠠᠷ ᠣᠷᠤᠬᠤ ᠶᠤᠮ ᠪᠢᠰᠢ᠃ ᠪᠢᠴᠢᠬᠠᠨ ᠭᠠᠷ ᠨᠢ ᠬᠤᠭᠤᠷ ᠤᠨ ᠠᠷᠠᠯ ᠪᠠ ᠣᠳᠠᠰᠤᠨ ᠳᠤ ᠭᠦᠷᠭᠦ ᠦᠭᠡᠶ᠂ ᠠᠷᠭᠠ ᠪᠠᠨ ᠪᠠᠷᠠᠭᠰᠠᠨ ᠳᠠᠷᠠ ᠪᠠᠷ ᠬᠤᠭᠤᠷ ᠤᠨ ᠠᠷᠠᠯ ᠢ ᠪᠢᠴᠢᠬᠠᠨ ᠳᠤᠬᠤᠢ ᠳᠤ ᠪᠠᠨ ᠬᠠᠪᠴᠢᠵᠤ ᠳᠠᠳᠠᠭᠰᠠᠨ ᠴᠢᠨᠢ ᠵᠥᠭᠡᠷ ᠪᠣᠯᠵᠠᠢ᠃ ᠬᠤᠷᠤᠭᠤ ᠨᠤᠭᠤᠳ ᠨᠢ ᠬᠤᠭᠤᠷ ᠤᠨ ᠣᠳᠠᠰᠤᠨ ᠳᠤ ᠪᠠᠷᠳᠠᠮ ᠭᠦᠷᠭᠦ ᠪᠣᠯᠤᠭᠰᠠᠨ ᠶᠤᠮ᠃
ᠲ᠋ᠠᠷᠠ ᠦᠪᠡᠷᠤᠨ ᠪᠠᠶᠠ ᠳᠤ ᠪᠠᠨ ᠳᠤᠭᠢᠷᠠᠭᠰᠠᠨ ᠨᠢᠭᠡ ᠵᠢᠵᠢᠭ᠌ ᠬᠤᠭᠤᠷ ᠲᠡᠶ ᠪᠣᠯᠬᠤ ᠰᠠᠨ ᠭᠡᠭᠦ ᠭᠦᠰᠡᠯ ᠨᠢ ᠡᠳᠦᠷ ᠤᠨ ᠪᠣᠳᠤᠯ ᠰᠦᠨᠢ ᠶᠢᠨ ᠵᠡᠭᠦᠳᠤ ᠪᠣᠯᠤᠯᠠ᠃ ᠭᠡᠪᠠᠴᠤ ᠭᠡᠷ ᠶᠠᠳᠠᠭᠤ ᠬᠤᠭᠤᠷ ᠵᠤᠬᠢᠶᠠᠯᠭᠠᠬᠤ ᠵᠤᠭᠤᠰ ᠬᠠᠮᠢᠭᠠ ᠪᠠᠢ᠌ᠬᠤ ᠪᠣᠢ ︕ ᠠᠪᠣ ᠶᠢᠨ ᠬᠤᠭᠤᠷ ᠢ ᠳᠤᠷᠠ ᠪᠠᠷ ᠠᠪᠴᠤ ᠳᠠᠳᠠᠵᠤ ᠪᠣᠯᠬᠤ ᠦᠭᠡᠶ᠃ ᠠᠪᠣ ᠳᠤ ᠮᠡᠳᠡᠭ᠍ᠳᠡᠪᠠᠯ ᠠᠪᠣ ᠠᠭᠤᠷᠯᠠᠨᠠ᠃ ᠨᠢᠭᠡ ᠣᠳᠠᠭᠠ ᠠᠪᠣ ᠶᠢᠨ ᠬᠤᠭᠤᠷ ᠢ ᠠᠪᠴᠤ ᠳᠠᠳᠠᠵᠤ ᠪᠠᠢ᠌ᠭᠠᠤᠨ ᠪᠠᠷᠢᠭᠳᠠᠵᠤ ᠭᠡᠴᠡᠭᠦᠤ ᠵᠤᠳᠤᠭᠳᠠᠭᠰᠠᠨ ᠶᠢᠡᠨ ᠣᠳᠤ ᠪᠣᠯᠳᠠᠯᠠ ᠮᠠᠷᠳᠠᠭᠠ ᠦᠭᠡᠶ᠃
ᠲ᠋ᠠᠷᠠ ᠣᠳᠠᠭᠠ ᠠᠪᠣ ᠨᠢ ᠠᠭᠤᠷᠯᠠᠭᠠᠤᠨ ᠪᠣᠷᠭᠠᠰᠤ ᠰᠤᠭᠤᠯᠤᠨ ᠬᠤᠶᠠᠷ ᠭᠤᠶᠠᠳᠠᠬᠤ ᠳᠤ ᠳᠠᠷᠠ ᠰᠠᠠᠳᠤᠷᠤᠨ ᠬᠤᠭᠤᠷ ᠶᠢᠡᠨ ᠪᠠᠷᠢᠭᠠᠤᠨ ᠭᠡᠷ ᠤᠨ ᠣᠷᠤᠢ ᠳᠡᠭᠡᠷᠡ ᠭᠦᠶᠦᠭᠡᠳ ᠭᠠᠷᠤᠭᠰᠠᠨ ᠪᠢᠯᠠ ︕ ᠳᠠᠷᠠ ᠵᠠᠯᠭᠠᠭᠠᠤᠨ ᠳᠠᠳᠠᠨᠠ᠃ ᠣᠳᠠᠰᠤᠨ ᠳᠠᠳᠤᠢ ᠴᠤ ᠭᠡᠰᠡᠨ ᠳᠡᠭ᠍ᠷᠢ ᠡᠴᠡ ᠤᠢ᠌ᠷᠡ ᠪᠣᠯᠤᠭᠰᠠᠨ ᠤ ᠭᠢ ᠴᠤ ᠶᠤᠮ ᠦᠦ ︕ ᠬᠤᠭᠤᠷ ᠤᠨ ᠡᠭᠡᠰᠢᠭ᠌ 《ᠭᠢ ︕ ᠭᠨ ︕》 ᠭᠡᠵᠤ ᠪᠠᠢ᠌ᠭᠰᠠᠭᠠᠷ ᠶᠡᠭᠡ ᠰᠢᠯᠤᠭᠤᠬᠠᠨ ᠰᠠᠢ᠌ᠬᠠᠨ ᠠᠶᠠ ᠭᠠᠷᠬᠤ ᠰᠢᠭ ᠪᠣᠯᠤᠯᠠ᠃ ᠳᠠᠷᠠ ᠣᠯᠠᠮ ᠬᠠᠯᠠᠮᠰᠢᠵᠤ ᠢᠳᠠᠳᠠᠢ ᠳᠠᠳᠠᠭᠰᠠᠭᠠᠷ ᠨᠢᠭᠡ ᠮᠡᠳᠡᠭ᠍ᠰᠡᠨ ᠴᠢᠨᠢ ᠪᠦᠭᠦ ᠪᠠᠶᠠ ᠨᠢ ᠪᠠᠳᠠᠭᠠᠨᠠ ᠳᠤ ᠵᠠᠭᠤᠭᠳᠠᠭᠠᠤᠨ ᠡ᠊ᠨᠳᠡ ᠨᠢ ᠣᠪᠣᠭᠤᠷ ᠂ ᠳᠠᠠᠳᠠ ᠨᠢ ᠳᠤᠪᠣᠭᠤᠷ ᠪᠣᠯᠤᠭᠠᠤᠨ ᠡᠷᠡᠭᠦᠯ ᠭᠠᠵᠡᠷ ᠥᠯᠡᠳᠡᠭ᠍ᠰᠡᠨ ᠥᠭᠡᠢ᠃ ᠳᠡᠭᠦᠨ ᠡᠴᠡ ᠬᠣᠢ᠌ᠨᠠ ᠠᠪᠣ ᠡᠵᠢ ᠡᠴᠡ ᠪᠠᠨ ᠨᠢᠭᠤᠨ ᠳᠠᠯᠳᠠᠯᠠᠵᠤ ᠭᠡᠭᠡᠷᠡ ᠭᠡᠳᠡᠨᠡ ᠭᠠᠷᠴᠤ ᠳᠠᠳᠠᠬᠤ᠂ ᠭᠠᠬᠠᠢ ᠶᠢᠨ ᠡᠭᠦᠷ ᠲᠤ ᠨᠢᠭᠤᠵᠤ ᠳᠠᠳᠠᠬᠤ᠂ ᠡᠰᠡᠭᠦᠯᠡ ᠬᠠᠷᠡᠩᠭ᠋ᠦᠢ ᠰᠦᠨᠢ ᠭᠤᠷᠪᠠᠯᠵᠢᠨ ᠵᠠᠮ ᠤᠨ ᠠᠭᠤᠯᠵᠠᠷ ᠲᠤ ᠣᠴᠢᠵᠤ ᠳᠠᠳᠠᠬᠤ ᠣᠳᠠᠭᠠ ᠴᠤ ᠭᠠᠷᠴᠤ ᠪᠠᠢ᠌ᠭᠰᠠᠨ ᠶᠤᠮ᠃ ᠮᠤᠩᠭ᠋ᠤᠯ ᠠᠷᠠᠤᠨ ᠤᠨ ᠳᠤᠮᠳᠠ ᠭᠦᠭ᠍ᠵᠢᠮ ᠰᠤᠷᠬᠤ ᠳᠤᠬᠠᠢ ᠡᠢ᠌ᠮᠤ ᠨᠢᠭᠡᠨ ᠣᠯᠠᠮᠵᠢᠯᠠᠯ ᠶᠠᠷᠢᠶᠠ ᠪᠠᠢ᠌ᠬᠤ ᠶᠢ ᠰᠦᠨ ᠯᠢᠶᠠᠩ ᠪᠠᠳᠤ ᠴᠡᠭᠡᠵᠢᠯᠡᠵᠤ ᠪᠠᠢ᠌ᠪᠠ᠃
ᠬᠤᠭᠤᠷ ᠰᠤᠷᠬᠤ ᠭᠦᠮᠤᠨ ᠬᠠᠷᠠᠩᠭ᠋ᠤᠢ ᠰᠦᠨᠢ ᠭᠤᠷᠪᠠᠨ ᠵᠠᠮ ᠤᠨ ᠠᠭᠤᠯᠵᠠᠷ ᠳᠡᠭᠡᠷᠡ ᠣᠴᠢᠭᠠᠤᠨ ᠬᠤᠪᠠᠬᠠᠢ ᠮᠤᠷᠢᠨ ᠳᠤᠯᠤᠭᠠᠢ ᠶᠢ ᠪᠣᠷᠤᠭᠤ ᠬᠠᠷᠠᠭᠤᠯᠵᠤ ᠣᠨᠤᠭᠠᠤᠨ ᠬᠤᠭᠤᠷ ᠶᠢᠡᠨ ᠳᠤᠷᠤᠭᠰᠢ ᠬᠠᠠᠳᠤᠭᠤᠯᠤᠨ ᠪᠠᠷᠢᠵᠤ ᠰᠠᠭᠤᠨᠠ᠃ ᠡᠨᠡ ᠦᠶᠡ ᠳᠤ ᠨᠢᠭᠡ ᠴᠢᠳᠭᠦᠷ ᠭᠡᠨᠡᠳᠲᠡ ᠢᠷᠠᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠨᠠᠳᠠ ᠳᠤ ᠶᠠᠭᠤ ᠦᠭᠭᠦᠨᠡ ᠪᠣᠢ ︖ ᠨᠢᠭᠡ ᠨᠢᠳᠤ ᠪᠠᠨ᠂ ᠨᠢᠭᠡ ᠭᠦᠯ ᠶᠢᠡᠨ᠂ ᠡᠰᠡᠭᠦᠯᠡ ᠭᠦᠯ ᠤᠨ ᠬᠤᠷᠤᠭᠤ ᠪᠠᠨ ᠦᠭᠭᠦᠨᠡ ᠦᠦ ︖ ᠭᠡᠵᠤ ᠠᠰᠠᠭᠤᠳᠠᠭ ᠭᠡᠨᠡ᠃
ᠡᠨᠡ ᠦᠶᠡ ᠳᠤ ᠬᠤᠭᠤᠷ ᠰᠤᠷᠬᠤ ᠭᠦᠮᠤᠨ ᠠᠶᠤᠨ ᠰᠦᠷᠳᠠᠵᠤ ᠪᠣᠯᠬᠤ ᠦᠭᠡᠶ᠃ ᠵᠠᠪᠠᠯ ᠨᠢᠭᠡ ᠳᠤᠳᠤᠷᠬᠠᠢ ᠬᠠᠷᠢᠭᠤᠯᠳᠠ ᠦᠭᠭᠦ ᠭᠡᠷᠡᠭ᠍ᠳᠡᠢ ᠪᠠᠢ᠌ᠯᠠ᠃ ᠭᠡᠷᠪᠡ ᠨᠢᠳᠤ ᠪᠠᠨ ᠦᠭᠭᠦᠶᠡ ᠭᠡᠪᠠᠯ ᠦᠷᠦᠭᠡᠰᠤᠨ ᠨᠢᠳᠤ ᠨᠢ ᠰᠤᠬᠤᠷᠠᠨᠠ᠃ ᠭᠡᠷᠪᠡ ᠬᠤᠶᠠᠷ ᠨᠢᠳᠤ ᠪᠠᠨ ᠠᠮᠠ ᠠᠯᠳᠠᠪᠠᠯ ᠬᠤᠤᠰ ᠮᠠᠯᠮᠠᠢ ᠪᠠᠨ ᠠᠯᠳᠠᠵᠤ ᠳᠠᠭ ᠰᠤᠬᠤᠷ ᠪᠣᠯᠳᠠᠭ᠃ ᠭᠡᠷᠪᠡ ᠭᠦᠯ ᠦᠭᠭᠦᠶᠡ ᠭᠡᠪᠠᠯ ᠳᠠᠷᠤᠢ ᠳᠤᠭᠤᠯᠠᠩ ᠳᠡᠢ᠌ᠷᠡᠭ᠌ ᠪᠣᠯᠤᠨᠠ᠃ ᠢᠩᠭᠢᠪᠠᠯ ᠳᠠᠷᠠ ᠠᠮᠠᠷᠬᠠᠨ ᠬᠤᠭᠤᠷ ᠰᠤᠷᠴᠢᠨᠠ ᠭᠡᠳᠡᠭ᠌᠃
ᠭᠡᠳᠥᠢᠪᠠᠷ ᠶᠠᠮᠠᠷ ᠴᠤ ᠡᠰᠢ ᠪᠠᠷᠢᠮᠳᠠ ᠦᠭᠡᠶ ᠣᠯᠠᠮᠵᠢᠯᠠᠯ ᠶᠠᠷᠢᠶᠠ ᠳᠠᠳᠤᠢ ᠪᠣᠯᠪᠠᠴᠤ ᠡᠭᠦᠨ ᠳᠤ ᠨᠢᠭᠡ ᠶᠤᠰᠤ ᠣᠴᠢᠷ ᠢ ᠬᠠᠷᠠᠭᠤᠯᠵᠤ ᠪᠠᠢ᠌ᠭᠠ ᠶᠤᠮ᠃ ᠮᠤᠩᠭ᠋ᠤᠯᠴᠤᠳ ᠬᠤᠭᠤᠷ ᠢ ᠳᠡᠭᠡᠵᠤ ᠶᠡᠭᠡ ᠬᠠᠢ᠌ᠷᠠᠯᠠᠳᠠᠭ᠃ ᠬᠤᠭᠤᠷ ᠰᠤᠷᠬᠤ ᠶᠢᠨ ᠲᠦᠯᠦᠭᠡ ᠦᠪᠡᠷ ᠤᠨ ᠨᠢᠳᠤᠨ ᠤ ᠴᠡᠴᠡᠭᠡᠢ ᠪᠠᠨ᠂ ᠪᠠᠶᠠ ᠶᠢᠨ ᠠᠯᠢ ᠨᠢᠭᠡᠨ ᠡᠷᠭᠡᠳᠡᠨ ᠶᠢᠡᠨ ᠵᠤᠷᠢᠭᠤᠯᠬᠤ ᠡᠴᠡ ᠬᠣᠢ᠌ᠰᠢ ᠦᠭᠡᠶ ᠪᠠᠢ᠌ᠳᠠᠭ ᠵᠤᠷᠢᠭ ᠰᠠᠨᠠᠭᠠ ᠨᠢ ᠢᠯᠡᠭᠡᠨ ᠪᠠᠢ᠌ᠨᠠ᠃ ᠨᠥᠭᠦᠭᠡ ᠳᠠᠯᠠ ᠪᠠᠷ᠂ ᠴᠤᠭᠤᠷ ᠢ ᠪᠣᠷᠬᠠᠨ ᠪᠦᠳᠦᠭᠡᠵᠤ ᠬᠤᠭᠤᠷ ᠢ ᠴᠢᠳᠭᠦᠷ ᠪᠦᠳᠦᠭᠡᠯᠡ ᠭᠡᠭᠦ ᠳᠤᠮᠤᠭ ᠶᠠᠷᠢᠶᠠ ᠪᠠᠢ᠌ᠳᠠᠭ ᠡᠴᠡ ᠬᠤᠭᠤᠷ ᠰᠤᠷᠬᠤ ᠭᠦᠮᠤᠨ ᠡᠷᠭᠡᠪᠰᠢ ᠴᠢᠳᠭᠦᠷ ᠰᠢᠮᠨᠤᠰ ᠤᠨ ᠭᠦᠳᠡᠯᠭᠡᠭᠡᠨ ᠭᠢᠳᠡᠭ᠌ ᠰᠦᠨᠢ ᠬᠠᠷᠠᠩᠭ᠋ᠤᠢ ᠳᠤ ᠳᠠᠳᠠᠪᠠᠯ ᠰᠠᠶᠢ ᠠᠮᠠᠷᠬᠠᠨ ᠰᠤᠷᠴᠤ ᠳᠡᠢ᠌ᠯᠳᠡᠭ᠌ ᠭᠡᠨᠡ᠃
ᠨᠢᠭᠡ ᠭᠦᠮᠤᠨ ᠤ ᠰᠠᠴᠠᠨ ᠮᠡᠷᠭᠡᠨ ᠨᠢ ᠦᠪᠡᠷ ᠤᠨ ᠠᠮᠢᠳᠤᠷᠠᠯ ᠤᠨ ᠵᠠᠮ ᠶᠢᠠᠨ ᠥᠪᠠᠷᠳᠡᠭᠡᠨ ᠵᠦᠪ ᠰᠤᠩᠭ᠋ᠤᠵᠤ ᠴᠢᠳᠠᠬᠤ ᠡᠰᠡᠭᠦ᠂ ᠰᠤᠩᠭ᠋ᠤᠭᠰᠠᠨ ᠵᠠᠮ ᠶᠢᠡᠷ ᠶᠢᠡᠨ ᠵᠦᠪ ᠶᠠᠪᠣᠵᠤ ᠴᠢᠳᠠᠬᠤ ᠡᠰᠡᠭᠦ᠂ ᠬᠠᠯᠠᠰᠢᠷᠠᠯ ᠦᠭᠡᠶ ᠵᠠᠮᠨᠠᠵᠤ ᠳᠡᠢ᠌ᠯᠭᠦ ᠡᠰᠡᠭᠦ ᠳᠤ ᠣᠷᠤᠰᠢᠨᠠ᠃
ᠭᠦᠮᠤᠨ ᠳᠦᠷᠤᠯᠭᠢᠳᠠᠨ ᠡᠴᠡ ᠠᠷᠠᠰᠤ᠂ ᠶᠠᠰᠤ᠂ ᠮᠤᠳᠤ᠂ ᠬᠤᠯᠤᠰᠤ ᠮᠠᠳᠤ ᠶᠢᠨ ᠠᠮᠢᠳᠠᠨ ᠣᠷᠭᠤᠮᠠᠯ ᠤᠨ ᠪᠠᠶᠠ ᠳᠡᠭᠡᠷᠡᠭᠢ ᠡᠰ ᠮᠠᠲ᠋ᠸᠷᠢᠶᠠᠯ ᠶᠢᠡᠷ ᠭᠦᠭ᠍ᠵᠢᠮ ᠤᠨ ᠵᠡᠪᠰᠡᠭ᠌ ᠦᠢᠯᠡᠳᠬᠦ ᠪᠣᠯᠤᠭᠰᠠᠨ ᠨᠢ ᠵᠡᠷᠯᠢᠭ᠌ ᠪᠠᠯᠠᠮᠠᠤᠨ ᠪᠠᠯᠠᠷᠯᠢᠭ ᠡᠷᠡᠨ ᠡᠴᠡ ᠪᠣᠳᠠᠰ ᠤᠨ ᠪᠣᠯᠪᠠᠰᠤᠨ ᠤ ᠪᠣᠱᠤᠭᠠ ᠶᠢ ᠠᠯᠬᠤᠭᠰᠠᠨ ᠰᠢᠨᠠ ᠱᠠᠳᠤ ᠦᠶᠡ ᠳᠤ ᠣᠷᠤᠭᠰᠠᠨ ᠤ ᠭᠢᠨᠢ ᠪᠠᠯᠭᠡ ᠳᠡᠮᠳᠡᠭ᠌ ᠪᠣᠯᠤᠭᠰᠠᠨ ᠭᠡᠯᠳᠡᠢ ᠃ ᠭᠡᠭᠦ ᠳᠤ ᠭᠠᠭᠴᠠᠬᠠᠨ ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ ᠤᠨ ᠪᠠᠶᠠ ᠳᠡᠭᠡᠷᠡ ᠠᠷᠠᠰᠤ᠂ ᠶᠠᠰᠤ᠂ ᠮᠤᠳᠤ᠂ ᠬᠤᠯᠤᠰᠤ ᠵᠡᠷᠭᠡ ᠳᠦᠷᠪᠡᠨ ᠡᠯᠧᠮᠧᠨ᠋ᠲ ᠢ᠌ ᠪᠦᠷᠢᠯᠳᠦᠭᠦᠯᠦᠭ᠍ᠰᠡᠨ ᠪᠣᠯᠬᠤᠷ ᠢᠷᠠᠭᠤ ᠡᠭᠡᠰᠢᠭ᠌ ᠶᠢᠡᠷ ᠶᠢᠡᠨ ᠬᠤᠷᠸᠠ ᠵᠢᠨ ᠣᠢ᠌ᠯᠡ ᠶᠢ᠌ ᠭᠦᠦᠷᠨᠢᠵᠤ ᠡᠭᠢᠯᠡᠭᠦ ᠳᠤ᠂ ᠣᠩᠭ᠋ᠤᠳ ᠰᠢᠳᠦᠭᠡᠨ ᠣᠷᠤᠰᠢᠭᠰᠠᠨ ᠮᠠᠳᠤ ᠰᠦᠨ ᠯᠢᠶᠠᠩ ᠤᠨ ᠪᠠᠶᠠ ᠳᠤ ᠯᠠ ᠪᠠᠢ᠌ᠳᠠᠭ ᠨᠢᠭᠡ ᠵᠣᠢ᠌ᠯ ᠤᠨ ᠳᠦᠷᠤᠯᠭᠢ ᠠᠪᠢᠶᠠᠰ ᠴᠤᠬᠣᠢ᠌ᠨ ᠦᠨᠳᠠᠯᠵᠠᠵᠤ ᠪᠠᠢ᠌ᠨᠠ᠃
ᠳᠦᠷᠪᠡᠨ ᠣᠳᠠᠰᠤᠳᠤ ᠬᠤᠭᠤᠷ ᠪᠣᠯ ᠬᠤᠷᠴᠢᠨ ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠭᠦᠮᠤᠨ ᠪᠠᠢ᠌ᠭᠠᠯᠢ ᠶᠢᠨ ᠰᠢᠳᠦᠯᠴᠡᠭᠡ᠂ ᠭᠦᠳᠡᠯᠮᠦᠷᠢ ᠳᠠᠮᠠᠴᠠᠯ ᠤᠨ ᠥᠢᠯᠡᠳᠦᠯᠭᠡ ᠶᠢᠨ ᠳᠡᠦᠭᠡᠨ ᠶᠠᠪᠣᠴᠠ ᠳ᠋ᠤ ᠪᠣᠢ ᠪᠣᠯᠤᠭᠰᠠᠨ ᠰᠤᠶᠤᠯ ᠣᠷᠠᠯᠢᠭ ᠤᠨ ᠪᠠᠭᠠᠵᠢ ᠪᠣᠯᠬᠤ ᠮᠦᠷᠳᠡᠭᠡᠨ ᠭᠦᠮᠤᠨ ᠳᠦᠷᠤᠯᠭᠢᠳᠠᠨ ᠤ ᠪᠣᠯᠪᠠᠰᠤᠨ ᠤ ᠪᠣᠳᠠᠳᠤ ᠢᠯᠡᠷᠡᠭᠦᠨ ᠮᠦᠨ᠃ ᠳᠡᠭᠦᠨ ᠤ ᠭᠦᠭ᠍ᠵᠢᠮ ᠤᠨ ᠳᠦᠷᠢ ᠭᠡᠵᠤ ᠭᠦᠭ᠍ᠵᠢᠮ ᠤᠨ ᠥᠭᠡ ᠭᠡᠯᠡ ᠨᠤᠲ᠋᠂ ᠡᠭᠡᠰᠢᠭ᠌᠂ ᠠᠢ᠌ᠵᠢᠮ᠂ ᠥᠩᠭᠡ᠂ ᠭᠡᠮᠵᠢᠶᠡ ᠵᠡᠷᠭᠡ ᠣᠯᠠᠨ ᠳᠠᠯᠠ ᠶᠢᠨ ᠠᠭᠤᠯᠭᠠ ᠲᠡᠶ ᠪᠠᠷ ᠳᠠᠮᠵᠢᠵᠤ ᠶᠠᠮᠠᠷ ᠨᠢᠭᠡᠨ ᠭᠤᠤᠯ ᠰᠠᠳᠤᠪ ᠢ ᠳᠤᠪᠣᠢ᠌ᠯᠭᠠᠬᠤ ᠶᠢ ᠭᠡᠯᠡᠳᠡᠭ᠌᠃ ᠳᠠᠷᠠ ᠨᠢ ᠣᠷᠠᠨ ᠵᠢᠷᠤᠭ ᠤᠨ ᠥᠩᠭᠡ ᠪᠣᠳᠤᠭ ᠰᠢᠭ ᠨᠢᠳᠤᠨ ᠳᠤ ᠥᠵᠡᠭ᠍ᠳᠡᠭᠦ ᠶᠠᠭᠤᠮᠠ ᠪᠢᠰᠢ᠂ ᠬᠠᠷᠢᠨ ᠰᠤᠨᠤᠷ ᠶᠢᠡᠨ ᠳᠠᠮᠵᠢᠨ ᠰᠢᠭᠤᠳ ᠰᠠᠷᠠᠯ ᠳᠤ ᠰᠡᠷᠡᠭ᠍ᠳᠡᠭᠦ ᠳᠠᠭᠤᠳᠤ ᠣᠷᠠᠯᠢᠭ ᠪᠣᠯᠬᠤ ᠶᠤᠮ᠃ ᠮᠠᠨ ᠤ ᠣᠯᠤᠰ ᠤᠨ ᠡᠷᠳᠡᠨ ᠤ ᠭᠦᠭ᠍ᠵᠢᠮ ᠤᠨ ᠠᠯᠳᠠᠷᠳᠤ ᠵᠤᠬᠢᠶᠠᠯ 《ᠭᠦᠭ᠍ᠵᠢᠮ ᠤᠨ ᠳᠡᠮᠳᠡᠭᠯᠡᠯ》 ᠳ᠋ᠤ 《ᠳᠠᠭᠤᠤ ᠭᠦᠭ᠍ᠵᠢᠮ ᠪᠣᠯ ᠨᠢᠭᠡᠨ ᠵᠣᠢ᠌ᠯ ᠤᠨ ᠳᠠᠭᠤᠨ ᠡᠭᠡᠰᠢᠭ᠌ ᠤᠨ ᠣᠷᠠᠯᠢᠭ ᠶᠤᠮ》 ᠭᠡᠰᠡᠨ ᠰᠢᠭ᠌ ᠶᠢᠡᠷ ᠭᠦᠭ᠍ᠵᠢᠮ ᠤᠨ ᠳᠦᠷᠢ ᠨᠢ ᠶᠠᠭᠤᠨ ᠤ ᠡᠮᠦᠨᠡ ᠳᠠᠭᠤᠨ ᠡᠭᠡᠰᠢᠭ᠌ ᠶᠢᠡᠷ ᠪᠣᠰᠬᠠᠭᠳᠠᠳᠠᠭ᠃ ᠡᠢ᠌ᠮᠤ ᠡᠴᠡ ᠭᠦᠭ᠍ᠵᠢᠮ ᠨᠢ ᠮᠦᠨ ᠴᠤ ᠣᠤᠠᠬᠠ ᠵᠤᠬᠢᠶᠠᠯ ᠲᠡᠶ ᠠᠳᠠᠯᠢ ᠪᠠᠷ ᠳᠦᠷᠢ ᠪᠦᠳᠦᠭᠡᠯᠭᠡ ᠲᠡᠶ ᠳᠤᠯᠠ ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ ᠨᠢ ᠭᠦᠮᠤᠨ ᠲᠦᠷᠦᠯᠭᠢᠳᠠᠨ ᠤ ᠦᠢ᠌ ᠣᠯᠠᠨ ᠭᠦᠭ᠍ᠵᠢᠮ ᠤᠨ ᠪᠠᠭᠠᠵᠢ ᠶᠢᠨ ᠭᠦᠮᠦᠷᠭᠡ ᠡᠴᠡ ᠢᠯᠡᠷᠡᠭ᠍ᠰᠡᠨ ᠨᠢᠭᠡ ᠲ᠋ᠦᠮᠤ ᠭᠡᠷᠡᠯᠳᠤ ᠰᠤᠪᠣᠤᠨ ᠪᠣᠯᠬᠤ ᠶᠤᠮ᠃
ᠳᠦᠷᠪᠡᠨ ᠣᠳᠠᠰᠤᠳᠤ ᠬᠤᠭᠤᠷ ᠨᠢ ᠣᠤᠯ ᠨᠢ ᠭᠡᠳᠥᠢᠪᠠᠷ ᠣᠭᠢ ᠰᠢᠯᠢᠳᠡᠭ᠌ ᠭᠦᠭ᠍ᠵᠢᠮ ᠤᠨ ᠪᠠᠭᠠᠵᠢ ᠪᠠᠢ᠌ᠭᠰᠠᠨ ᠦᠭᠡᠶ ᠪᠣᠯᠪᠠᠴᠤ ᠮᠤᠩᠭ᠋ᠤᠯ ᠭᠦᠮᠤᠨ ᠤ ᠦᠶᠡ ᠶᠢᠨ ᠦᠶᠡ᠂ ᠠᠴᠢ ᠶᠢᠨ ᠠᠴᠢ ᠳᠤ ᠳᠡᠭᠡᠳᠦᠯᠡᠭ᠍ᠳᠡᠵᠤ᠂ ᠵᠠᠯᠭᠠᠮᠵᠢᠯᠠᠭᠳᠠᠭᠰᠠᠭᠠᠷ ᠢᠷᠡᠭ᠍ᠰᠡᠨ ᠨᠢᠭᠡᠨ ᠭᠦᠭ᠍ᠵᠢᠮ ᠤᠨ ᠪᠠᠭᠠᠵᠢ ᠶᠤᠮ᠃ ᠬᠤᠭᠤᠷ ᠤᠨ ᠭᠦᠩᠭᠢᠨᠡᠮᠡ ᠰᠠᠢ᠌ᠬᠠᠨ ᠠᠶᠠ ᠨᠢ ᠮᠤᠩᠭ᠋ᠤᠯ ᠠᠮᠢᠳᠤᠷᠠᠯ ᠤᠨ ᠭᠦᠭ᠌ ᠠᠢ᠌ᠵᠢᠮ ᠪᠣᠯᠵᠤ ᠢᠳᠡᠭᠡᠰᠢᠭᠡᠳ ᠳᠡᠷᠡᠭᠦ ᠢᠷᠠᠭᠤ ᠣᠶᠠᠩᠭ᠋ᠠᠯᠢᠭ ᠳᠠᠭᠤᠨ ᠠᠶᠠᠰ ᠡᠴᠡ ᠨᠠᠪᠴᠢᠵᠤ ᠭᠠᠷᠤᠭᠠ ᠣᠶᠠᠨ ᠬᠠᠳᠠᠨ ᠰᠢᠠᠵᠢ᠂ ᠠᠭᠤᠵᠢᠮ ᠪᠠᠭᠳᠠᠭᠠᠮᠵᠢᠳᠤ ᠴᠢᠨᠠᠷ ᠨᠢ ᠰᠦᠨ ᠯᠢᠶᠠᠩ ᠤᠨ ᠰᠡᠳᠭᠢᠯ ᠵᠢᠷᠦᠭᠡᠨ ᠡᠴᠡ ᠳᠠᠳᠠᠵᠤ ᠴᠢᠩᠭ᠋ᠠᠭᠠᠵᠤ ᠪᠠᠢ᠌ᠬᠤ ᠰᠢᠭ᠂ ᠡᠭᠡᠰᠢᠭ᠌ ᠳᠠᠭᠤ ᠨᠢ 《ᠨᠠᠮ ᠵᠢᠮ ᠢ ᠰᠡᠳᠭᠢᠭᠦᠯᠵᠤ᠂ ᠨᠠᠭᠠᠠᠨᠠ ᠴᠠᠭᠠᠨᠠ ᠶᠢ ᠪᠣᠳᠤᠭᠤᠯᠬᠤ》 ᠰᠢᠳᠢ ᠣᠪᠠᠳᠢᠰ ᠲᠡᠶ ᠶᠤᠮ ᠰᠢᠭ ᠰᠦᠨ ᠯᠢᠶᠠᠩ ᠤᠨ ᠰᠠᠷᠠᠯ ᠰᠡᠳᠭᠢᠭᠦᠢ ᠳᠤ ᠬᠤᠷᠳᠤᠨ ᠳᠦᠷᠭᠡᠨ ᠮᠦᠷᠳᠡᠭᠡᠨ ᠣᠭᠵᠢᠮ ᠣᠢ᠌ᠯᠳᠠ ᠡᠭᠦᠰᠭᠡᠨ᠂ ᠬᠤᠭᠤᠷ ᠤᠨ ᠳᠡᠷᠡᠭᠦ ᠲᠤᠢ᠌ᠯ ᠳᠤ ᠪᠠᠨ ᠳᠤᠯᠤᠭᠰᠠᠨ ᠢᠯᠡᠳᠭᠡᠭᠦ ᠴᠢᠳᠠᠪᠭᠢ ᠪᠦᠭᠦᠢ ᠠᠶᠠᠰ ᠠᠢ᠌ᠵᠢᠮ ᠡᠴᠡ ᠳᠠᠭᠤᠳᠠᠨ ᠣᠷᠢᠶᠠᠯᠠᠬᠤ ᠰᠡᠳᠬᠢᠯᠭᠡ ᠣᠷᠭᠢᠯᠤᠨ ᠪᠣᠷᠭᠢᠯᠤᠨ ᠪᠠᠢ᠌ᠨᠠ᠃
ᠰᠦᠨ ᠯᠢᠶᠡᠩ ᠨᠢᠭᠡᠨ ᠰᠡᠢ᠌ᠨ ᠬᠤᠭᠤᠷᠴᠢ ᠪᠣᠯᠬᠤ ᠶᠢᠨ ᠲᠦᠯᠦᠭᠡ ᠳᠤᠮᠤᠭ ᠲᠤ ᠭᠠᠷᠳᠠᠭ ᠰᠢᠭ ᠪᠠᠶᠠ ᠶᠢᠨ ᠨᠢᠭᠡ ᠡᠷᠭᠡᠳᠡᠨ ᠶᠢᠡᠨ ᠵᠤᠷᠢᠭᠤᠯᠬᠤ ᠡᠴᠡ ᠪᠣᠴᠠᠬᠤ ᠦᠭᠡᠶ ᠭᠡᠮᠡᠷ ᠵᠤᠷᠢᠭᠯᠠᠵᠤ ᠪᠠᠢ᠌ᠯᠠ᠃
ᠪᠢᠴᠢᠬᠠᠨ ᠬᠡᠦᠬᠡᠳ ᠤᠨ ᠶᠠᠪᠣᠳᠠᠯ ᠭᠡᠵᠤ ᠨᠢᠭᠡ ᠶᠠᠭᠤᠮᠠ ᠶᠢ ᠰᠤᠨᠤᠰᠪᠠᠯ ᠥᠭᠦᠨ ᠢᠳᠡᠭᠡᠴᠢᠭᠡᠭᠦ ᠶᠤᠮ ᠪᠠᠢ᠌ᠨᠠ᠃ ᠨᠢᠭᠡᠨ ᠬᠠᠷᠠ ᠡᠭᠦᠯᠠ ᠨᠡᠳᠥᠢᠭ᠍ᠰᠡᠨ ᠫᠡᠳ ᠬᠠᠷᠠᠩᠭ᠋ᠤᠢ ᠰᠦᠨᠢ ᠪᠣᠯᠤᠯᠠ ᠃ ᠰᠦᠨ ᠯᠢᠶᠠᠩ ᠠᠪᠣ ᠶᠢᠨ ᠶᠢᠡᠨ ᠬᠤᠭᠤᠷ ᠢ ᠰᠡᠮᠡᠭᠡᠷ ᠠᠪᠴᠤ ᠭᠠᠷᠤᠭᠠᠤᠨ ᠠᠢ᠌ᠯ ᠤᠨ ᠵᠡᠭᠦᠨ ᠡᠮᠦᠨᠡ ᠭᠤᠷᠪᠠᠨ ᠵᠠᠮ ᠤᠨ ᠠᠭᠤᠯᠵᠠᠷ ᠳᠡᠭᠡᠷᠡ ᠬᠤᠪᠠᠬᠠᠢ ᠶᠠᠰᠤᠨ ᠮᠤᠷᠢᠨ ᠳᠤᠯᠤᠭᠠᠢ ᠶᠢ ᠪᠣᠷᠤᠭᠤ ᠬᠠᠷᠠᠭᠤᠯᠤᠨ ᠣᠨᠤᠵᠤ᠂ ᠬᠤᠭᠤᠷ ᠶᠢᠡᠨ ᠳᠤᠩᠭ᠋ᠤᠷᠠᠭᠤᠯᠤᠨ ᠪᠠᠷᠢᠵᠤ᠂ ᠨᠢᠳᠤ ᠪᠠᠨ ᠳᠠᠭ ᠠᠨᠢᠵᠤ ᠰᠠᠭᠤᠵᠠᠢ᠃
ᠭᠡᠵᠢᠶᠡ ᠨᠢᠭᠡᠨ ᠴᠢᠳᠭᠦᠷ ᠢᠷᠠᠵᠤ ᠳᠡᠭᠦᠨ ᠤ ᠨᠢᠳᠤ ᠪᠣᠶᠤ ᠭᠦᠯ ᠤᠨ ᠭᠢᠨᠢ ᠠᠯᠢ ᠶᠢ ᠨᠢ ᠠᠪᠬᠤ ᠭᠡᠭᠦ ᠪᠣᠯ ︕ ᠭᠡᠵᠤ ᠪᠣᠳᠤᠨ ᠬᠠᠯᠠᠰᠢᠷᠠᠯ ᠦᠭᠡᠶ ᠭᠦᠯᠢᠶᠡᠵᠤ ᠰᠠᠭᠤᠯᠠ᠃
ᠰᠠᠶᠢ ᠡᠭᠢᠯᠡᠭᠦ ᠳᠤ ᠪᠠᠨ 《ᠮᠢᠨᠤ ᠭᠦᠤ ᠰᠤᠬᠤᠷ ᠪᠢᠰᠢ᠂ ᠳᠤᠭᠤᠯᠠᠩ ᠴᠤ ᠪᠢᠰᠢ ︕ ᠳᠡᠭᠦᠨ ᠢ ᠰᠤᠷᠤᠭᠠᠤᠨ ᠶᠠᠭᠠᠭᠢᠬᠤ ᠭᠡᠰᠡᠨ ᠶᠤᠮ ︕》 ᠭᠡᠰᠡᠨ ᠠᠪᠣ ᠶᠢᠨ ᠭᠢᠨᠢ ᠰᠠᠨᠠᠭᠠᠨ ᠳᠤ ᠦᠭᠡᠶ ᠭᠡᠯᠡᠭ᠍ᠰᠡᠨ ᠥᠭᠡ ᠨᠢ ᠨᠠᠮ ᠵᠢᠮ ᠰᠦᠨᠢ ᠶᠢᠨ ᠵᠥᠭᠡᠯᠡᠨ ᠰᠠᠯᠭᠢᠨ ᠤ ᠠᠶᠠ ᠪᠠᠷ ᠴᠢᠭᠢᠨ ᠤ ᠰᠤᠨᠤᠷ ᠢ ᠴᠢᠪᠬᠠᠳᠠᠨ ᠢᠷᠡᠭᠦ ᠰᠢᠭ᠌ ᠪᠣᠯᠬᠤ ᠪᠠᠷ ᠨᠢ 《ᠡᠨ᠂ ᠰᠤᠬᠤᠷ ᠳᠤᠭᠤᠯᠠᠩ ᠭᠦᠮᠤᠨ ᠪᠣᠯ ᠰᠠᠶᠢ ᠬᠤᠭᠤᠷ ᠰᠤᠷᠴᠤ ᠪᠣᠯᠤᠨᠠ》 ᠭᠡᠵᠤ ᠥᠨᠡᠮᠰᠢᠭᠡᠳ᠂ ᠭᠡᠷᠪᠡ ᠡᠨᠡ ᠰᠦᠨᠢ ᠪᠢ ᠨᠢᠳᠤ ᠪᠠᠨ᠂ ᠡᠰᠡᠭᠦᠯᠡ ᠭᠦᠯ ᠶᠢᠡᠨ ᠠᠯᠳᠠᠬᠤ ᠶᠤᠮ ᠪᠣᠯ ᠶᠤᠰᠤᠳᠠᠢ ᠰᠤᠬᠤᠷ ᠳᠤᠭᠤᠯᠠᠩ ᠪᠣᠯᠬᠤ ᠶᠤᠮ ᠴᠢᠨᠢ ᠠᠪᠣ ᠡᠵᠢ ᠴᠤ ᠮᠢᠨᠤ ᠬᠤᠭᠤᠷ ᠰᠤᠷᠬᠤ ᠶᠢ ᠡᠰᠡᠷᠭᠦᠴᠡᠭᠦ ᠦᠭᠡᠶ ᠪᠣᠯᠤᠨᠠ ᠳ᠋ᠠ ᠭᠡᠵᠤ ᠪᠣᠳᠤᠪᠠᠯ ᠣᠯᠠᠮ ᠵᠤᠷᠢᠭᠵᠢᠵᠤ ᠶᠠᠭᠤᠨ ᠡᠴᠡ ᠴᠤ ᠠᠶᠤᠬᠤ ᠦᠭᠡᠶ ᠪᠣᠯᠵᠠᠢ᠃
ᠭᠡᠳᠡᠯᠡ ᠳ᠋ᠠᠮᠪᠠᠷᠢᠠᠴᠢᠨ ᠪᠠᠭᠰᠢ ᠪᠠᠰᠠ ᠵᠡᠮᠳᠡᠭ᠌ ᠪᠢᠰᠢ ᠳ᠋ᠠ ︕ ᠭᠡᠵᠤ ᠪᠣᠳᠤᠵᠤ ᠠᠮᠵᠢᠭᠰᠠᠨ ᠳᠠᠷᠠ ᠪᠠᠷ ᠣᠯᠠᠮ ᠣᠬᠠᠭᠠᠨ ᠳᠦᠭᠦᠭᠡ ᠶᠢ ᠨᠢ ᠣᠯᠬᠤ ᠦᠭᠡᠶ ᠪᠣᠯᠪᠠ᠃
ᠣᠷᠴᠢᠨ ᠳᠤᠭᠤᠷᠢᠨ ᠨᠢᠳᠤ ᠴᠢᠴᠢᠮᠠ ᠬᠠᠷᠠᠩᠭ᠋ᠤᠢ᠃
ᠢᠯᠤᠮ ᠵᠢᠯᠤᠮ᠃
ᠡᠨᠡᠳᠢ ᠳᠠᠨᠠᠳᠠᠢ ᠠᠢ᠌ᠯ ᠡᠴᠡ ᠡᠭᠦᠷᠭᠡ ᠭᠦᠯᠢᠶᠡᠭ᠍ᠰᠡᠨ ᠨᠤᠬᠠᠳ ᠤᠨ ᠬᠤᠴᠠᠬᠤ ᠳᠠᠭᠤᠨ ᠪᠠᠢ᠌ᠨ ᠪᠠᠢ᠌ᠨ ᠳᠤᠭᠤᠯᠳᠠᠨᠠ᠃ ᠪᠠᠶᠠ ᠶᠢᠨ ᠬᠣᠢ᠌ᠭᠤᠷ ᠣᠷᠳᠤᠭᠤᠷ ᠬᠤᠯᠵᠢᠨ ᠥᠨᠡᠭᠡᠨ ᠤ ᠬᠤᠯᠤᠭᠠᠨᠠ ᠵᠤᠷᠠᠮᠠ ᠪᠠᠷᠢᠵᠤ ᠭᠠᠰᠠᠯᠭᠠᠬᠤ ᠳᠠᠭᠤᠨ ᠂ ᠣᠭᠤᠯᠢ ᠰᠢᠪᠠᠭᠤᠨ ᠤ ᠣᠭᠢᠯᠠᠬᠤ ᠳᠠᠭᠤᠨ ᠵᠡᠷᠭᠡ ᠨᠢ ᠡᠡᠯᠦᠰ ᠤᠨ ᠠᠯᠤᠰ ᠡᠴᠡ ᠰᠤᠨᠤᠰᠳᠠᠬᠤ ᠣᠭᠳᠤᠷ ᠴᠢᠨ᠋ᠸᠠ ᠶᠢᠨ ᠣᠯᠢᠬᠤ ᠳᠠᠭᠤᠨ ᠲ᠋ᠠᠢ ᠨᠡᠢ᠌ᠯᠡᠭᠡᠳ ᠳᠠᠯᠠ ᠨᠤᠳᠤᠭ ᠤᠨ ᠰᠦᠨᠢ ᠶᠢᠨ ᠨᠠᠮ ᠵᠢᠮ ᠳᠤ ᠭᠦᠭ᠌ ᠠᠢᠵᠢᠮ ᠡᠷᠭᠦᠨᠡ᠃
ᠡ᠊ᠨᠳᠡ ᠳᠠᠠᠳᠠ ᠥᠰᠦᠷᠭᠦ ᠭᠠᠯᠳᠤ ᠬᠤᠷᠤᠬᠠᠢ ᠰᠢᠭ ᠨᠢᠭᠡ ᠶᠠᠭᠤᠮᠠ ᠪᠠᠢ᠌ᠨ ᠪᠠᠢ᠌ᠨ ᠬᠠᠷᠠᠭᠳᠠᠬᠤ ᠨᠢ ᠠᠯᠪᠢᠨ ᠴᠢᠳᠭᠦᠷ ᠤᠨ ᠰᠦᠨᠠᠰᠤ ᠪᠣᠯᠬᠤ ᠶᠢ ᠰᠦᠨ ᠯᠢᠶᠠᠩ ᠠᠢ᠌ᠯ ᠤᠨ ᠠᠪᠠᠭᠠ ᠡᠴᠡ ᠰᠤᠨᠤᠰᠴᠤ ᠪᠠᠢ᠌ᠭᠰᠠᠨ ᠪᠣᠯᠬᠤᠷ ᠳᠡᠭᠦᠨ ᠡᠴᠡ ᠠᠶᠤᠬᠤ ᠦᠭᠡᠶ᠃
ᠡᠳᠦᠷ ᠤᠨ ᠠᠵᠢᠯ ᠳᠤ ᠪᠠᠨ ᠡᠭᠦᠷᠳᠦᠭ᠍ᠰᠡᠨ ᠭᠦᠮᠦᠰ ᠣᠳᠤ ᠶᠠᠭ ᠳᠤᠭ ᠨᠣᠢ᠌ᠷ ᠲᠤ ᠪᠠᠨ ᠣᠷᠤᠭᠠᠤᠨ ᠨᠢᠭᠡᠮᠦᠰᠤᠨ ᠣᠠᠳᠠᠵᠤ ᠣᠷᠭᠢᠵᠠᠢ᠃
ᠰᠦᠨ ᠯᠢᠶᠠᠩ ᠶᠠᠮᠠᠷ ᠨᠢᠭᠡᠨ ᠴᠢᠳᠭᠦᠷ ᠢᠷᠠᠵᠤ ᠳᠡᠭᠦᠨ ᠤ ᠠᠯᠢ ᠡᠷᠭᠡᠳᠡᠨ ᠢ ᠨᠢ ᠠᠪᠠᠴᠢᠬᠤ ᠭᠡᠭᠦ ᠪᠣᠯ ︕ ᠭᠡᠵᠤ ᠪᠣᠳᠤᠪᠠᠯ ᠪᠠᠰᠠ ᠠᠶᠤᠳᠠᠰᠤ ᠭᠦᠷᠦᠨᠡ᠃ ᠠᠪᠣ ᠡᠵᠢ᠂ ᠠᠬᠠ ᠶᠢᠨ ᠶᠢᠡᠨ ᠡᠷᠦᠭᠡ ᠭᠡᠷ᠂ ᠠᠳᠠᠯ ᠠᠮᠢᠳᠤᠷᠠᠯ ᠭᠡᠳ ᠣᠢ᠌ᠯᠠ ᠪᠠᠨ ᠪᠠᠷᠠᠵᠤ᠂ ᠦᠰᠦ ᠪᠠᠨ ᠳᠤᠭᠠᠯᠠᠨ ᠵᠦᠳᠠᠵᠤ ᠪᠠᠢ᠌ᠭᠠ ᠶᠢ ᠪᠣᠳᠤᠪᠠᠯ ᠳᠠᠭᠢᠨ ᠪᠠᠰᠠ ᠡᠷᠳᠡᠭᠡᠨ ᠬᠤᠭᠤᠷ ᠰᠤᠷᠴᠤ ᠳᠤᠰᠠ ᠳᠤ ᠣᠷᠤᠭᠠᠤᠨ ᠪᠠᠭᠠ ᠰᠠᠭᠠ ᠴᠤ ᠭᠡᠰᠡᠨ ᠢᠳᠡᠭᠦ ᠪᠣᠳᠠᠭᠠ᠂ ᠱᠦᠯᠦᠨ ᠤ ᠬᠤᠨᠢ ᠣᠯᠵᠤ ᠡᠴᠢᠭᠡ ᠡᠭᠡ ᠳᠤ ᠪᠠᠨ ᠠᠴᠢᠯᠠᠯ ᠭᠦᠢᠴᠡᠳᠭᠡᠨᠡ ᠭᠡᠵᠤ ᠪᠣᠳᠤᠬᠤᠯᠠᠷ ᠠᠶᠤᠵᠤ ᠡᠮᠢᠶᠡᠭᠦ ᠨᠢ ᠨᠠᠮᠳᠠᠵᠤ ᠰᠠᠢ᠌ᠨ ᠰᠤᠷᠬᠤ ᠶᠢᠨ ᠡᠷᠡᠴᠢ ᠵᠤᠷᠢᠭ ᠶᠢᠡᠷ ᠰᠤᠯᠢᠭᠳᠠᠵᠤ ᠢᠷᠠᠨᠠ᠃
ᠲ᠋ᠠᠷᠠ ᠬᠤᠯᠠ ᠤᠢ᠌ᠷᠡ ᠳᠤ ᠪᠠᠨ ᠠᠯᠳᠠᠷᠳᠠᠢ ᠨᠢᠭᠡᠨ ᠰᠠᠢ᠌ᠨ ᠬᠤᠭᠤᠷᠴᠢ ᠪᠣᠯᠴᠢᠬᠠᠭᠠᠤᠨ ᠪᠠᠭᠠᠳᠤᠷ ᠪᠠᠶᠠᠨ ᠤ ᠭᠢᠨ ᠳᠤ ᠨᠢᠭᠡ ᠰᠦᠨᠢ ᠬᠤᠭᠤᠷ ᠳᠡᠳᠡᠵᠤ ᠦᠭᠭᠦᠭᠡᠳ ᠨᠢᠭᠡ ᠬᠤᠨᠢᠨ ᠤ ᠭᠦᠯᠦᠰᠤ ᠣᠯᠵᠤ᠂ ᠪᠠᠵᠤᠤᠷ ᠨᠤᠶᠠᠨ ᠤ ᠭᠢᠨ ᠳᠤ ᠨᠢᠭᠡ ᠡᠳᠦᠷ ᠭᠦᠭ᠍ᠵᠢᠮ ᠪᠠᠷᠢᠭᠠᠳ ᠨᠢᠭᠡ ᠳ᠋ᠸᠤ ᠠᠮᠤ ᠵᠢᠨ ᠣᠯᠭᠤᠮᠵᠢ ᠭᠦᠷᠳᠡᠭᠡᠳ ᠥᠶᠦᠭ᠌ ᠳᠠᠪᠠᠳᠠᠢ ᠠᠮᠢᠳᠤᠷᠠᠵᠤ ᠡᠭᠢᠯᠡᠭ᠍ᠰᠡᠨ ᠪᠦᠭᠡᠳ ᠵᠠᠪ ᠲᠤᠬᠢᠶᠠᠯ ᠶᠢᠡᠨ ᠠᠰᠢᠭᠯᠡᠵᠤ᠂ ᠠᠢ᠌ᠯ ᠠᠢ᠌ᠮᠠᠭ ᠤᠨ ᠶᠠᠳᠠᠭᠤ ᠵᠥᠳᠡᠭᠦᠤ ᠠᠬᠠ ᠳᠡᠭᠦᠤ ᠨᠡᠷ ᠲᠡᠶ ᠪᠠᠨ ᠬᠤᠭᠤᠷ ᠭᠦᠭ᠍ᠵᠢᠮ ᠶᠢᠡᠨ ᠳᠠᠭᠠᠷᠠᠭᠤᠯᠵᠤ᠂ ᠭᠦᠡᠳᠤ ᠭᠦᠳᠡᠯᠮᠦᠷᠢ ᠶᠢᠨ ᠪᠠᠶᠠ ᠶᠢᠨ ᠶᠠᠳᠠᠷᠠᠭᠠ᠂ ᠭᠦᠴᠢᠷ ᠠᠮᠢᠳᠤᠷᠠᠯ ᠤᠨ ᠰᠡᠳᠭᠢᠯ ᠤᠨ ᠵᠥᠳᠡᠷᠡᠭᠡ ᠪᠠᠨ ᠣᠷᠠᠯᠢᠭ ᠤᠨ ᠰᠢᠳᠢ ᠪᠠᠷ ᠳᠠᠢ᠌ᠯᠵᠤ ᠶᠠᠪᠣᠨᠠ ᠭᠡᠵᠤ ᠭᠡᠢ ᠰᠠᠨᠠᠨᠠ᠃
ᠲ᠋ᠠᠢ᠌ᠮᠤ ᠡ᠂ ᠭᠦᠮᠤᠨ ᠤ ᠠᠮᠢᠳᠤᠷᠠᠯ ᠤᠨ ᠲ᠋ᠤᠮᠳᠠ ᠪᠠᠶᠡᠯᠡᠭ᠍ᠳᠡᠭᠦ ᠢᠷᠠᠭᠤ ᠰᠠᠢ᠌ᠬᠠᠨ ᠭᠦᠰᠡᠯᠡᠩ ᠨᠢ ᠶᠠᠷᠤᠨᠢ ᠭᠡᠢ ᠭᠦᠰᠡᠯ ᠶᠢᠡᠷ ᠡᠭᠦᠰᠭᠦ ᠣᠴᠢᠷᠳᠠᠢ ᠪᠠᠢ᠌ᠳᠠᠭ ᠰᠠᠨ ︕
ᠪᠢᠴᠢᠬᠠᠨ ᠰᠦᠨ ᠯᠢᠶᠠᠩ ᠬᠠᠷᠠᠩᠭ᠋ᠤᠢ ᠰᠥᠨᠢ᠂ ᠡᠵᠡᠭᠦᠢ ᠭᠡᠭᠡᠷᠡ ᠭᠦᠰᠡᠯᠡᠩ ᠤᠨ ᠰᠠᠢ᠌ᠬᠠᠨ ᠳᠤ ᠪᠠᠨ ᠰᠤᠭᠳᠤᠭᠤᠷᠠᠵᠤ᠂ ᠭᠦᠷᠭᠦ ᠶᠢᠨ ᠢᠷᠡᠭᠡᠳᠦᠢ ᠪᠠᠨ ᠵᠢᠷᠤᠭᠯᠠᠭᠰᠠᠭᠠᠷ ᠦᠷᠭᠡᠯᠡᠵᠤ ᠡᠭᠢᠯᠡᠯᠡ᠃
ᠨᠢᠭᠡᠨ ᠴᠠᠭᠠᠨ ᠰᠠᠬᠠᠯᠳᠤ ᠡᠪᠦᠭᠡᠨ ᠡᠪᠠᠰᠤᠨ ᠤ ᠳᠡᠭᠡᠭᠦᠷ᠂ ᠵᠡᠷᠭᠡᠯᠭᠡᠨ ᠤ ᠳᠤᠮᠳᠠᠭᠤᠷ ᠵᠢᠷᠪᠢᠯᠵᠠᠨ ᠶᠠᠪᠣᠭᠰᠠᠭᠠᠷ ᠨᠠᠭᠠᠰᠢ ᠠᠢ᠌ᠰᠤᠢ ᠃ ᠣᠷᠢᠶᠠᠮᠠᠯ ᠯᠤᠤᠳᠤ ᠳᠠᠶᠠᠭ ᠢ ᠪᠠᠷᠠᠭᠤᠨ ᠭᠠᠷ ᠲᠤ ᠪᠠᠨ ᠪᠠᠷᠢᠵᠤ᠂ ᠴᠠᠭᠠᠨ ᠭᠢᠯᠭᠠᠰᠤᠨ ᠭᠦᠪᠢᠭᠦᠷ ᠢ ᠵᠡᠭᠦᠨ ᠮᠦᠷᠤᠨ ᠳᠡᠭᠡᠷᠡ ᠪᠠᠨ ᠳᠡᠭᠦᠵᠢᠯᠡᠭᠡᠳ ᠭᠠᠷ ᠰᠠᠵᠢᠯᠠᠭᠠᠤᠨ ᠶᠠᠪᠣᠬᠤ ᠠᠨᠤ ᠥᠨᠡᠭᠡᠷ ᠰᠠᠯᠭᠢᠨ ᠭᠦᠯᠦᠭᠯᠡᠵᠤ ᠪᠠᠢ᠌ᠬᠤ ᠮᠠᠳᠤ᠃ ᠳᠠᠷᠠ ᠨᠢ ᠬᠡᠦᠬᠡᠳ ᠤᠨ ᠮᠢᠬᠠ ᠶᠢ᠌ ᠢᠳᠡᠳᠡᠭ᠌ ᠠᠷᠪᠠᠨ ᠬᠤᠶᠠᠷ ᠳᠤᠯᠤᠭᠠᠢ ᠲᠡᠶ ᠠᠷᠵᠠᠭ ᠮᠠᠩᠭ᠋ᠤᠰ ᠪᠢᠰᠢ᠂ ᠠᠷᠪᠠᠯᠵᠢ ᠰᠠᠷᠪᠠᠯᠵᠢ ᠭᠠᠷ ᠲᠡᠶ ᠠᠷᠳᠠᠭ ᠳᠤᠭᠰᠢᠨ ᠴᠢᠳᠭᠦᠷ ᠴᠤ ᠪᠢᠰᠢ᠂ ᠬᠠᠷᠢᠨ ᠣᠯᠠᠨ ᠤ ᠡᠪᠦᠭᠡ ᠭᠦᠮᠤᠨ ᠤ ᠳᠠᠢ᠌ᠮᠤ ᠡᠶᠡᠯᠳᠡᠭ᠌ ᠡᠶᠡᠪᠠᠷᠭᠦ ᠳᠦᠷᠢ ᠲᠦᠯᠤᠪ᠂ ᠳᠡᠢ᠌ᠮᠤ ᠯᠠᠡᠭ᠍ᠱᠡᠨ ᠳᠤᠩᠭ᠋ᠠᠯᠠᠭ ᠵᠢᠰᠤ ᠴᠢᠷᠠᠢ ᠲᠡᠶ ᠪᠠᠢ᠌ᠬᠤ ᠳᠤ ᠰᠦᠨ ᠯᠢᠶᠠᠩ ᠭᠡᠷᠭᠢᠨ ᠠᠶᠤᠬᠤ ᠰᠡᠳᠬᠢᠯ ᠲ᠋ᠦᠷᠦᠭ᠍ᠳᠡᠭᠦ ᠪᠤᠢ ︕ ᠣᠴᠢᠷ ᠨᠢ ᠳᠠᠷᠠ ᠴᠠᠭᠠᠨ ᠡᠪᠦᠭᠡᠨ ᠤ ᠭᠦᠮᠤᠨ ᠠᠷᠠᠤᠨ ᠲᠤ ᠳᠤᠰᠠ ᠳᠡᠮᠵᠢᠯᠭᠡ ᠪᠣᠯᠤᠭᠰᠠᠨ ᠲ᠋ᠤᠬᠠᠢ ᠣᠯᠠᠨ ᠠᠷᠪᠢᠨ ᠥᠯᠢᠭᠡᠷ ᠳᠤᠮᠤᠭ ᠢ ᠰᠤᠨᠤᠰᠴᠤ ᠪᠠᠢ᠌ᠭᠰᠠᠨ ᠪᠣᠯᠬᠤᠷ ᠦᠨᠦᠳᠤᠷ ᠳᠠᠷᠠ ᠴᠠᠭᠠᠨ ᠡᠪᠦᠭᠡᠨ ᠢ ᠥᠵᠡᠭᠡᠳ ᠶᠤᠰᠤᠳᠠᠢ ᠦᠪᠡᠷ ᠤᠨ ᠳᠦᠷᠦᠭ᠍ᠰᠡᠨ ᠡᠪᠦᠭᠡ ᠪᠠᠨ ᠥᠵᠡᠭ᠍ᠰᠡᠨ ᠰᠢᠭ᠌ ᠪᠠᠶᠠᠷᠯᠠᠬᠤ ᠥᠭᠡᠢ ᠶᠠᠭᠠᠭᠢᠬᠤ ᠪᠣᠢ ︕
ᠴᠠᠭᠠᠨ ᠡᠪᠦᠭᠡᠨ ᠪᠣᠯ ᠭᠠᠴᠢᠭᠳᠠᠭᠰᠠᠨ ᠢ ᠬᠠᠮᠠᠭᠠᠯᠠᠵᠤ᠂ ᠭᠠᠵᠢᠭᠤ ᠶᠢ ᠳᠠᠷᠤᠳᠠᠭ ᠠᠭᠤᠯᠠ ᠣᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠪᠣᠯᠬᠤ ᠶᠤᠮ᠃
ᠨᠢᠭᠡ ᠣᠳᠠᠭᠠ ᠰᠦᠨ ᠯᠢᠶᠠᠩ ᠤᠨ ᠡᠴᠢᠭᠡ ᠨᠢ ᠳᠤᠭᠳᠤᠩᠭ᠋ᠠ ᠭᠤᠸᠠᠢ ᠮᠠᠯ ᠤᠨ ᠡᠷᠢᠯ ᠳᠤ ᠭᠠᠷᠴᠤ ᠰᠦᠨᠢ ᠣᠷᠤᠢ ᠪᠣᠯᠳᠠᠯᠠ ᠡᠷᠢᠭᠡᠳ ᠣᠯᠤᠭᠰᠠᠨ ᠦᠭᠡᠶ ᠣᠷᠮᠠ ᠮᠠᠭᠤᠳᠠᠢ ᠶᠠᠪᠣᠵᠤ ᠪᠠᠢ᠌ᠭᠰᠠᠭᠠᠷ ᠳᠦᠭᠡᠷᠡᠴᠢᠭᠡᠵᠡᠢ᠃ ᠥᠨᠡᠨᠳᠡᠭᠡᠨ ᠡᠨᠡ ᠭᠠᠵᠠᠷ ᠪᠣᠯ ᠳᠡᠭᠦᠨ ᠤ ᠳᠠᠨᠢᠯ ᠳᠠᠰᠤᠯ ᠪᠣᠯᠬᠤ ᠮᠠᠯ ᠤᠨ ᠪᠠᠯᠴᠢᠭᠡᠷ ᠪᠣᠯᠬᠤᠷ ᠳᠦᠭᠡᠷᠡᠭᠦ ᠶᠤᠰᠤ ᠦᠭᠡᠶ ᠶᠤᠮ᠃ ᠭᠡᠳᠡᠯᠡ ᠳᠠᠷᠠ ᠶᠠᠭᠠᠭᠢᠵᠤ ᠶᠠᠪᠣᠭᠰᠠᠨ ᠴᠤ ᠭᠡᠷ ᠲᠤ ᠪᠠᠨ ᠭᠦᠷᠴᠤ ᠳᠡᠢ᠌ᠯᠭᠦ ᠦᠭᠡᠶ᠂ ᠡᠷᠭᠢᠵᠤ ᠳᠤᠭᠤᠷᠢᠭᠰᠠᠭᠠᠷ ᠪᠠᠢ᠌ᠪᠠᠯ ᠪᠠᠰᠠᠯᠠ ᠣᠭ ᠣᠷᠤᠨ ᠳᠤ ᠪᠠᠨ ᠡᠷᠭᠢᠭᠡᠳ ᠢᠷᠡᠴᠢᠭᠡᠨᠡ᠃ ᠭᠡᠪᠠᠴᠤ ᠵᠤᠷᠢᠭ ᠰᠦᠰᠦ ᠲᠡᠶ᠂ ᠳᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠲᠡᠶ ᠳᠤᠭᠳᠤᠩᠭ᠋ᠠ ᠭᠤᠸᠠᠢ ᠳᠠᠮᠠᠢ ᠠᠶᠤᠵᠤ ᠰᠠᠠᠳᠤᠷᠤᠭᠰᠠᠨ ᠦᠭᠡᠶ᠂ ᠨᠢᠭᠡ ᠳᠤᠪᠣᠷᠬᠠᠭ ᠰᠢᠭ ᠭᠠᠵᠠᠷ ᠣᠯᠵᠤ ᠡᠮᠦᠨᠡ ᠨᠢ ᠰᠠᠭᠤᠴᠢᠬᠠᠭᠠᠤᠨ ᠭᠡᠭᠡ ᠣᠷᠤᠬᠤ ᠶᠢ ᠯᠠ ᠭᠦᠯᠢᠶᠡᠯᠡ ᠃ ᠤᠴᠢᠷ ᠨᠢ ᠭᠦᠮᠤᠨ ᠳᠦᠭᠡᠷᠢᠭᠦᠯᠭᠦ ᠴᠢᠳᠭᠦᠷ ᠭᠡᠭᠡ ᠭᠡᠷᠡᠯ ᠢ ᠥᠵᠡᠭ᠍ᠰᠡᠭᠡᠷ ᠠᠶᠤᠭᠠᠳ ᠵᠢᠯᠢ᠌ᠴᠢᠭᠡᠨᠡ ᠭᠡᠳᠡᠭ᠌ ᠶᠦᠮ ᠭᠡᠵᠤ ᠪᠣᠳᠤᠨ ᠰᠠᠭᠤᠵᠤ ᠭᠦᠯᠢᠶᠡᠭ᠍ᠰᠡᠭᠡᠷ ᠳᠤᠭᠭᠢᠵᠤ ᠠᠪᠣᠯᠠ᠃ ᠨᠢᠭᠡᠨ ᠴᠠᠭᠠᠨ ᠰᠠᠬᠠᠯᠳᠤ ᠡᠪᠦᠭᠡᠨ ᠬᠠᠵᠠᠭᠤ ᠳᠤ ᠨᠢ ᠢᠷᠡᠭᠡᠳ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠦᠭᠡᠷᠦᠭᠦᠢ᠂ ᠭᠦᠤ ᠮᠢᠨᠢ ᠳᠦᠭᠡᠷᠡᠴᠢᠭᠡᠭ᠍ᠰᠡᠨ ᠪᠠ ︕ ᠡᠨᠡ ᠮᠠᠭᠤ ᠶᠠᠭᠤᠮᠠᠰ ᠤᠳ ᠳᠠᠩᠳᠠ ᠭᠦᠮᠤᠨ ᠮᠠᠯ ᠢ ᠢᠩᠭᠢᠵᠤ ᠵᠤᠪᠠᠭᠠᠳᠠᠭ ᠶᠤᠮ ︕ ᠣᠳᠤ ᠬᠠᠮᠢᠶᠠ ᠦᠭᠡᠶ ᠪᠣᠯᠵᠠᠢ ︕ ᠴᠢ ᠡᠮᠦᠨᠡ ᠭᠢᠯᠠᠢ᠌ᠵᠤ ᠪᠠᠢ᠌ᠭᠠ ᠵᠥᠭ᠌ ᠲᠤ ᠰᠢᠭᠤᠳ ᠶᠠᠪᠣᠪᠠᠯ ᠭᠡᠷ ᠲᠤ ᠪᠠᠨ ᠭᠦᠷᠴᠢᠭᠡᠨᠡ ᠭᠡᠵᠤ ᠯᠤᠤ ᠶᠢᠨ ᠳᠤᠯᠤᠭᠠᠢ ᠲᠡᠶ ᠳᠠᠶᠠᠭ ᠶᠢᠡᠷ ᠶᠢᠡᠨ ᠡᠮᠦᠨᠡᠰᠢ ᠵᠢᠭᠠᠵᠤ ᠭᠡᠯᠡᠭ᠍ᠡᠤᠨ ᠬᠠᠷᠠᠭᠳᠠᠬᠤ ᠦᠭᠡᠶ ᠪᠣᠯᠵᠠᠢ᠃
ᠴᠠᠭᠠᠨ ᠡᠪᠦᠭᠡᠨ ᠤ ᠭᠡᠯᠡᠭ᠍ᠰᠡᠨ ᠵᠥᠭ᠌ ᠲᠤ ᠨᠢᠳᠤ ᠡᠷᠭᠦᠨ ᠬᠠᠷᠠᠬᠤ ᠳᠤ ᠥᠨᠡᠭᠡᠷ ᠳᠤᠰᠬᠤᠨ ᠤ ᠳ᠋ᠸᠩ ᠤᠨ ᠭᠡᠷᠡᠯ ᠪᠦᠦᠷ ᠳᠤᠢᠤᠷ ᠰᠦᠮᠠᠯᠵᠠᠨ ᠬᠠᠷᠠᠭᠳᠠᠨᠠ᠃ ᠳᠡᠭᠡᠭᠡᠳ ᠳᠠᠷᠠ ᠮᠥᠨᠦᠭᠡᠨ ᠪᠢ ᠪᠠᠰᠠ ᠳᠦᠷᠪᠠᠨ ᠵᠥᠭ᠌ ᠨᠢ᠋ᠮᠠᠨ ᠵᠤᠪᠭᠢᠰ ᠲᠤ ᠪᠦᠷ ᠨᠢᠳᠤ ᠳᠠᠯᠪᠢᠨ ᠬᠠᠷᠠᠭᠰᠠᠨ ᠰᠢᠳᠠ ︕ ᠶᠠᠭᠠᠭᠢᠭᠠᠤᠨ ᠡᠨᠡ ᠭᠡᠷᠡᠯ ᠭᠡᠭᠡ ᠶᠢ ᠣᠯᠵᠤ ᠬᠠᠷᠠᠭᠰᠠᠨ ᠦᠭᠡᠶ ᠶᠤᠮ ᠳ᠋ᠠ ︕ ᠭᠡᠵᠤ ᠪᠣᠳᠤᠨ ᠶᠠᠪᠣᠭᠰᠠᠭᠠᠷ ᠳᠠᠮᠠᠢ ᠣᠳᠠᠭᠰᠠᠨ ᠦᠭᠡᠶ ᠭᠡᠷ ᠲᠤ ᠪᠠᠨ ᠭᠦᠷᠴᠤ ᠢᠷᠠᠵᠠᠢ᠃
ᠡᠢ᠌ᠮᠦᠷᠭᠦ ᠰᠤᠨᠢᠨ ᠣᠴᠠᠷᠠᠯ ᠶᠢᠡᠨ ᠳᠤᠭᠳᠤᠩᠭ᠋ᠠ ᠭᠤᠸᠠᠢ ᠦᠶᠡ ᠬᠤᠷᠠᠭ ᠤᠨ ᠭᠦᠮᠦᠰ ᠲᠤ ᠪᠠᠨ ᠨᠢᠭᠡ ᠪᠢᠰᠢ ᠣᠳᠠᠭᠠ ᠶᠠᠷᠢᠵᠤ ᠪᠠᠢ᠌ᠭᠰᠠᠨ ᠨᠢ ᠪᠢᠴᠢᠬᠠᠨ ᠰᠦᠨ ᠯᠢᠶᠠᠩ ᠳᠤ ᠴᠠᠭᠠᠨ ᠡᠪᠦᠭᠡᠨ ᠢ ᠦᠪᠡᠷ ᠤᠨ ᠡᠪᠦᠭᠡ ᠡᠴᠡ ᠨᠢ ᠲ᠋ᠤᠤᠷᠠ ᠦᠭᠡᠶ ᠳᠤᠳᠤᠨᠤ ᠪᠠᠢ᠌ᠷᠢ ᠲᠡᠶ ᠪᠣᠯᠭᠠᠭᠰᠠᠨ ᠶᠤᠮ᠃
ᠮᠤᠩᠭ᠋ᠤᠯᠴᠤᠳ ᠴᠠᠭᠠᠨ ᠡᠪᠦᠭᠡᠨ ᠢ ᠮᠠᠯ ᠰᠦᠷᠦᠭ᠌ ᠢ ᠦᠨᠢᠷ ᠥᠰᠭᠡᠭ᠍ᠴᠢ᠂ ᠭᠦᠮᠤᠨ ᠵᠤᠨ ᠢ ᠠᠶᠤᠯ ᠡᠴᠡ ᠭᠡᠳᠦᠯᠭᠡᠭ᠍ᠴᠢ ᠨᠤᠳᠤᠭ ᠣᠰᠤᠨ ᠤ ᠰᠠᠭᠢᠭᠤᠯᠰᠤᠨ ᠶᠢᠡᠷ ᠥᠵᠡᠳᠡᠭ᠌ ᠪᠠᠢ᠌ᠵᠠᠢ᠃ ᠳᠡᠭᠦᠨ ᠤ
ᠠᠭᠤᠯᠠ ᠶᠢᠨ ᠣᠷᠤᠢ ᠳᠤ ᠨᠤᠳᠤᠭ ᠲᠡᠶ ᠪᠢ
ᠡᠷᠭᠡᠳᠤ ᠳᠡᠭ᠍ᠷᠢ ᠣᠷᠤᠢ ᠳᠤ ᠮᠢᠨᠢ ᠣᠷᠤᠰᠢᠵᠤ
ᠡᠳᠦᠭᠡᠨ ᠡᠭᠡ ᠦᠯᠮᠠᠢ ᠳᠤᠤᠷᠠ ᠮᠢᠨᠢ ᠪᠠᠢ᠌ᠳᠠᠭ
ᠠᠷᠢᠶᠠᠳᠠᠨ ᠵᠢᠭᠦᠷᠳᠡᠨ ᠬᠤᠤᠷᠳᠤ ᠮᠤᠭᠠᠢ
ᠭᠦᠮᠤᠨ ᠮᠠᠯ ᠤᠨ ᠭᠠᠵᠠᠷ ᠤᠨ ᠰᠠᠭᠢᠭᠤᠰᠤ᠂ ᠣᠰᠤᠨ ᠤ ᠨᠠᠪᠳᠠᠭ
ᠭᠦᠷ ᠣᠯᠤᠰ ᠤᠨ ᠬᠤᠷᠢᠨ ᠳᠦᠷᠪᠠᠨ ᠵᠥᠭ᠌ ᠤᠨ ᠡᠵᠡᠳ ᠰᠠᠭᠢᠭᠤᠰᠤ
ᠥᠵᠡᠭ᠍ᠳᠡᠭᠦ ᠳᠤᠭᠠ ᠨᠢ ᠭᠡᠴᠢᠨᠡᠨ ᠣᠯᠠᠨ ᠪᠠᠢ᠌ᠭᠰᠠᠨ ᠴᠤ
ᠦᠢᠯᠡᠳᠬᠦ ᠣᠢ᠌ᠯᠠ ᠨᠢ ᠭᠡᠴᠢᠨᠡᠨ ᠳᠠᠷᠰ ᠪᠠᠢ᠌ᠭᠰᠠᠨ ᠴᠤ
ᠡᠨᠡ ᠪᠦᠭᠦᠨ ᠢ ᠳᠠᠷᠤᠬᠤ ᠴᠢᠳᠠᠯ ᠨᠠᠳᠠ ᠳᠤ ᠪᠣᠢ
ᠦᠨᠳᠦᠷ ᠠᠭᠤᠯᠠᠠᠨ ᠤ ᠣᠷᠭᠢᠯ ᠳᠤ ᠪᠢ
ᠠᠭᠤᠯᠠ ᠣᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠪᠣᠯᠳᠠᠭ
ᠦᠷᠭᠡᠨ ᠳᠡᠨᠢᠭᠡᠷ ᠳᠠᠯᠠ ᠳᠤ ᠪᠣᠯ ᠪᠢ
ᠲ᠋ᠠᠷᠢᠭᠰᠠᠨ ᠳᠠᠷᠢᠶᠠ ᠣᠷᠤᠰᠬᠤ ᠣᠰᠤᠨ ᠪᠣᠯᠳᠠᠭ
ᠭᠦᠮᠤᠨ ᠠᠷᠠᠤᠨ ᠤᠨ ᠳᠤᠮᠳᠠ ᠪᠣᠯ ᠪᠢ
ᠰᠦᠮᠡ ᠬᠢᠭᠡᠳ ᠣᠰᠤ ᠴᠠᠰᠤᠨ ᠤ ᠡᠵᠡᠨ
ᠬᠤᠳᠠ ᠪᠠᠯᠭᠠᠤᠨ ᠤᠨ ᠳᠤᠳᠤᠷᠠ ᠪᠣᠯ ᠪᠢ
ᠭᠦᠮᠤᠨ ᠤ ᠰᠠᠭᠤᠬᠤ ᠣᠷᠤᠨ
ᠣᠤᠭᠤᠬᠤ ᠣᠰᠤᠨ ᠤ ᠡᠵᠡᠨ ᠪᠣᠯᠳᠠᠭ ᠭᠡᠵᠤ ᠴᠠᠭᠠᠨ ᠡᠪᠦᠭᠡᠨ ᠪᠠᠶᠠ ᠪᠠᠨ ᠳᠠᠨᠢᠯᠴᠠᠭᠤᠯᠳᠠᠭ ᠭᠡᠨᠡ᠃
ᠴᠠᠭᠠᠨ ᠡᠪᠦᠭᠡᠨ ᠤ ᠳᠤᠬᠠᠢ ᠡᠢ᠌ᠮᠤ ᠨᠢᠭᠡᠨ ᠣᠯᠠᠮᠵᠢᠯᠠᠯ ᠥᠯᠢᠭᠡᠷ ᠪᠠᠢ᠌ᠳᠠᠭ ᠢ ᠰᠦᠨ ᠯᠢᠶᠠᠩ ᠮᠦᠨ ᠮᠠᠷᠳᠠᠭᠠ ᠦᠭᠡᠶ᠃ ᠨᠢᠭᠡᠨ ᠡᠳᠦᠷ ᠠᠯᠳᠠ ᠪᠠᠷ ᠪᠦᠳᠦᠭ᠍ᠰᠡᠨ ᠪᠣᠷᠬᠠᠨ ᠪᠠᠭᠰᠢ ᠠᠨᠠᠠᠳᠠ᠂ ᠪᠠᠳᠢᠷ ᠤᠨ ᠯᠠᠮᠠ᠂ ᠪᠣᠳᠢᠰᠤᠩ᠂ ᠭᠡᠭᠡᠨ ᠬᠤᠪᠢᠯᠭᠠᠤᠨ ᠲᠡᠶ ᠴᠤᠭᠭᠠᠷ ᠴᠡᠴᠡᠭ᠌ ᠵᠢᠮᠢᠰᠳᠤ ᠠᠭᠤᠯᠠᠨ ᠳᠤ ᠦᠵᠡᠮᠵᠢ ᠰᠤᠨᠢᠷᠬᠠᠨ ᠲ᠋ᠤᠭᠤᠷᠢᠵᠤ ᠶᠠᠪᠣᠭᠰᠠᠭᠠᠷ ᠦᠰᠦ ᠰᠠᠬᠠᠯ ᠨᠢ ᠪᠣᠭᠤᠷᠤᠯᠳᠤᠭᠰᠠᠨ᠂ ᠴᠠᠭᠠᠨ ᠭᠦᠷᠮᠡ ᠡᠮᠦᠰᠦᠭ᠍ᠰᠡᠨ᠂ ᠯᠤᠤᠳᠤ ᠳᠠᠶᠠᠭ ᠳᠤᠯᠤᠭᠰᠠᠨ ᠥᠳᠡᠭᠦᠰ ᠡᠪᠦᠭᠡᠨ ᠲᠡᠶ ᠬᠠᠷᠭᠤᠵᠠᠢ᠃ ᠪᠣᠷᠬᠠᠨ ᠪᠠᠭᠰᠢ ᠠᠨᠠᠠᠳᠠ ᠳᠡᠭᠦᠨ ᠡᠴᠡ 《ᠡᠪᠦᠭᠡᠨ ᠳᠠ ᠶᠠᠭᠤᠨ ᠤ ᠣᠴᠢᠷ ᠲᠤ ᠡᠨᠡ ᠠᠭᠯᠠᠭ ᠠᠭᠤᠯᠠᠨ ᠳᠤ ᠭᠠᠭᠴᠠᠭᠠᠷ ᠰᠠᠭᠤᠭᠠ ᠪᠣᠢ ︖》 ᠭᠡᠵᠤ ᠠᠰᠠᠭᠤᠵᠠᠢ᠃ ᠴᠠᠭᠠᠨ ᠡᠪᠦᠭᠡᠨ 《ᠪᠢ ᠪᠣᠯ ᠭᠠᠴᠢᠭᠳᠠᠭᠰᠠᠨ ᠢ ᠬᠠᠮᠠᠭᠠᠯᠠᠵᠤ᠂ ᠭᠠᠵᠢᠭᠤ ᠶᠢ ᠳᠠᠷᠤᠳᠠᠭ ᠠᠭᠤᠯᠠ ᠣᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠮᠦᠨ》 ᠭᠡᠭᠦ ᠳᠤ ᠠᠯᠳᠠᠨ ᠪᠠᠶᠠᠳᠤ ᠪᠣᠷᠬᠠᠨ ᠪᠠᠭᠰᠢ ᠮᠠᠰᠢ ᠪᠠᠶᠠᠷᠯᠠᠵᠤ 《ᠰᠠᠢ᠌ᠨ ᠪᠣᠯᠠᠢ ︕ ᠰᠠᠢ᠌ᠨ ᠪᠣᠯᠠᠢ ︕ ᠡᠷᠭᠢᠮ ᠢᠵᠠᠭᠤᠷᠳᠤ ᠭᠦᠪᠠᠭᠦᠨ ᠮᠢᠨᠤ᠂ ᠴᠢ ᠨᠠᠳᠠ ᠳᠤ ᠡᠭᠦᠷᠢᠳᠡ ᠲᠦᠮᠡᠨ ᠠᠮᠢᠳᠠᠨ ᠢ ᠠᠶᠤᠯ ᠡᠴᠡ ᠭᠡᠳᠦᠯᠭᠡᠭᠦ ᠳᠠᠩᠭ᠋ᠠᠷᠢᠭ ᠦᠭᠭᠦᠭᠡᠷᠡᠢ᠁》 ᠭᠡᠪᠡ᠃ ᠪᠣᠷᠬᠠᠨ ᠪᠠᠭᠰᠢ᠂ ᠴᠠᠭᠠᠨ ᠡᠪᠦᠭᠡᠨ ᠤ ᠳᠠᠩᠭ᠋ᠠᠷᠢᠭ ᠤᠨ ᠥᠭᠡ ᠶᠢ ᠰᠤᠨᠤᠰᠤᠭᠠᠳ ᠲ᠋ᠡᠭᠦᠨ ᠤ ᠣᠷᠤᠰᠢᠵᠤ ᠪᠣᠯᠬᠤ ᠶᠢ ᠵᠥᠪᠰᠢᠶᠡᠷᠡᠭ᠍ᠰᠡᠨ ᠪᠦᠭᠡᠳ 《ᠵᠠ᠂ ᠴᠢ ᠡᠨᠡ ᠳᠦᠷᠤᠯ ᠳᠤ ᠪᠠᠨ ᠭᠡᠳᠥᠢᠪᠠᠷ ᠡᠪ ᠡᠩ ᠤᠨ ᠨᠢᠭᠡ ᠪᠠᠭᠰᠢ ᠪᠣᠯᠪᠠᠴᠤ ᠡᠷᠭᠢᠭᠦ ᠳᠦᠷᠤᠯ ᠳᠤ ᠪᠠᠨ 〈ᠰᠠᠴᠠᠨ ᠡᠪᠦᠭᠡᠨ〉 ᠭᠡᠮᠡᠭᠦ ᠪᠣᠷᠬᠠᠨ ᠪᠣᠯᠵᠤ ᠳᠦᠷᠦᠭᠡᠳ ᠴᠠᠰᠤ ᠴᠠᠭᠠᠨ ᠡᠪᠦᠭᠡᠨ ᠤ ᠳᠦᠷᠢ ᠪᠠᠷ ᠢᠯᠠᠷᠠᠵᠤ᠂ ᠯᠤᠤᠳᠤ ᠳᠠᠶᠠᠭ ᠪᠠᠷᠢᠵᠤ ᠴᠡᠴᠡᠭ᠌ ᠵᠢᠮᠢᠰᠳᠤ ᠠᠭᠤᠯᠠᠨ ᠤ ᠡᠵᠡᠨ ᠪᠣᠯᠤᠭᠠᠤᠨ ᠭᠦᠮᠤᠨ ᠮᠠᠯ ᠤᠨ ᠡᠵᠡᠨ ᠪᠣᠯ᠁》 ᠭᠡᠵᠤ ᠵᠠᠭᠢᠭᠰᠠᠨ ᠪᠢᠯᠠ ︕ ᠳᠤᠰ ᠥᠯᠢᠭᠡᠷ ᠳᠤ ᠭᠡᠳᠥᠢᠪᠠᠷ ᠮᠤᠩᠭ᠋ᠤᠯᠴᠤᠳ ᠤᠨ ᠳᠤᠮᠳᠠ ᠣᠵᠤᠭᠤᠷ ᠦᠶᠡ ᠡᠴᠡ ᠣᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭ᠍ᠰᠡᠨ ᠭᠦᠮᠤᠨ ᠮᠠᠯ ᠤᠨ ᠡᠵᠡᠨ ᠰᠠᠭᠢᠭᠤᠯᠰᠤᠨ᠂ ᠪᠦᠭᠡ ᠶᠢᠨ ᠱᠠᠰᠢᠨ ᠤ ᠴᠠᠭᠠᠨ ᠡᠪᠦᠭᠡᠨ ᠢ ᠯᠠᠮᠠ ᠶᠢᠨ ᠱᠠᠰᠢᠨ ᠤ ᠰᠠᠭᠢᠭᠤᠯᠰᠤᠨ ᠪᠣᠯᠭᠠᠵᠤ᠂ ᠬᠤᠶᠠᠷ ᠱᠠᠰᠢᠨ ᠤ ᠣᠶᠠᠯᠳᠤᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠪᠣᠯᠪᠠᠴᠤ ᠴᠠᠭᠠᠨ ᠡᠪᠦᠭᠡᠨ ᠪᠣᠯ ᠬᠠᠰᠢᠯᠠ ᠴᠠᠭᠠᠨ ᠥᠩᠭᠡ ᠪᠠᠨ ᠬᠠᠯᠠᠵᠤ ᠳᠡᠢ᠌ᠯᠦᠭ᠍ᠰᠡᠨ ᠦᠭᠡᠶ ᠭᠦᠮᠤᠨ ᠤ ᠶᠢᠷᠳᠢᠠᠴᠤ ᠶᠢᠨ ᠥᠭᠦᠭᠦ ᠠᠮᠢᠳᠤᠷᠠᠬᠤ ᠶᠢᠨ ᠡᠵᠡᠮᠳᠡᠭ᠍ᠴᠢ ᠰᠠᠭᠢᠭᠤᠯᠰᠤᠨ ᠮᠦᠨ᠃
ᠣᠳᠤ ᠴᠢᠳᠭᠦᠷ ᠱᠤᠯᠦᠮ ᠢ ᠭᠦᠯᠢᠶᠡᠵᠤ ᠰᠠᠭᠤᠭᠰᠠᠨ ᠪᠢᠴᠢᠬᠠᠨ ᠰᠦᠨ ᠯᠢᠶᠠᠩ ᠬᠠᠷᠢᠨ ᠦᠪᠡᠷ ᠤᠨ ᠰᠢᠳᠤᠨ ᠪᠢᠰᠢᠷᠡᠳᠡᠭ᠌ ᠴᠠᠭᠠᠨ ᠡᠪᠦᠭᠡᠨ ᠢ ᠣᠭᠳᠤᠨ ᠠᠪᠴᠢᠷᠠᠭᠰᠠᠨ ᠳᠤ ᠪᠠᠨ ᠪᠠᠶᠠᠷᠯᠠᠭᠠᠤᠨ ᠨᠢᠳᠤ ᠡᠷᠭᠦᠨ ᠯᠠᠪᠯᠠᠨ ᠦᠵᠡᠯᠠ᠃ ᠴᠠᠯ ᠪᠣᠭᠤᠷᠤᠯ ᠳᠤᠯᠤᠭᠠᠢ ᠲᠡᠶ᠂ ᠴᠠᠪᠠᠷ ᠳᠤᠩᠭ᠋ᠠᠯᠠᠭ ᠨᠢᠳᠤ ᠲᠡᠶ᠂ ᠳᠡᠨᠢᠭᠡᠷ ᠦᠷᠭᠡᠨ ᠮᠡᠩᠨᠡᠢ ᠲᠡᠶ᠂ ᠳᠡᠭ᠍ᠰᠢ ᠡᠡᠷᠢᠭᠤᠨ ᠭᠦᠮᠦᠰᠭᠡ ᠲᠡᠶ᠂ ᠯᠠᠭᠱᠠᠨ ᠪᠢᠯᠢᠭ᠍ᠳᠤ ᠴᠢᠷᠠᠢ ᠲᠡᠶ᠂ ᠯᠠᠪᠠᠢ ᠴᠠᠭᠠᠨ ᠰᠢᠳᠤ ᠲᠡᠶ᠂ ᠰᠠᠬᠠᠯ ᠤᠨ ᠣᠷᠳᠤ ᠡᠪᠴᠢᠭᠦᠤ ᠳᠠᠪᠠᠭᠠᠤᠨ ᠰᠠᠯᠭᠢᠨ ᠤ ᠠᠶᠠ ᠪᠠᠷ ᠬᠠᠵᠠᠭᠤᠰᠢ ᠪᠠᠨ ᠨᠠᠮᠢᠷᠠᠨᠠ᠃ ᠭᠠᠷ ᠲᠤ ᠪᠠᠨ ᠪᠠᠷᠢᠭᠰᠠᠨ ᠯᠤᠤ ᠶᠢᠨ ᠳᠤᠯᠤᠭᠠᠢ ᠲᠡᠶ ᠳᠠᠶᠠᠭ ᠡᠴᠡ ᠰᠦᠨᠢ ᠶᠢᠨ ᠬᠠᠷᠠᠩᠭ᠋ᠤᠢ ᠳᠤ ᠦᠯᠦ ᠮᠡᠳᠡᠭ᠌ ᠭᠡᠷᠡᠯ ᠳᠠᠳᠠᠨᠠ᠃ ᠡᠢ᠌ᠮᠤ ᠡᠪᠦᠭᠡᠨ ᠶᠠᠭᠠᠭᠢᠨ ᠭᠦᠮᠤᠨ ᠤ ᠨᠢᠳᠤ ᠶᠢ ᠤᠬᠤᠵᠤ᠂ ᠭᠦᠯ ᠢ ᠣᠭᠳᠤᠯᠬᠤ ᠪᠢᠯᠠ ︕ ᠬᠠᠷᠢᠨ ᠦᠪᠡᠷ ᠤᠨ ᠡᠪᠦᠭᠡ ᠥᠭᠡᠷᠡ ᠦᠭᠡᠶ ᠡᠯᠢᠭᠡᠰᠦᠭ᠌ ᠳᠤᠳᠤᠨᠤ ᠪᠠᠷ ᠰᠦᠨ ᠯᠢᠶᠠᠩ ᠳᠤ ᠢᠷᠡᠭᠦᠯᠡᠷ ᠭᠦᠢᠳᠡᠨ ᠳᠡᠭ᠍ᠷᠢ ᠶᠢᠨ ᠣᠳᠤ ᠰᠢᠭ ᠭᠢᠯᠠᠭᠴᠠᠵᠤ ᠪᠠᠢ᠌ᠭᠰᠠᠨ ᠰᠦᠨ ᠯᠢᠶᠠᠩ ᠤᠨ ᠬᠤᠶᠠᠷ ᠨᠢᠳᠤ ᠨᠢ ᠣᠷᠤ ᠣᠷᠤᠨ ᠳᠤ ᠪᠠᠨ ᠣᠷᠤᠵᠤ᠂ ᠳᠦᠭ᠍ᠰᠢᠵᠤ ᠪᠠᠢ᠌ᠭᠰᠠᠨ ᠪᠣᠷᠤ ᠵᠢᠷᠦᠭᠡ ᠨᠢ ᠴᠤ ᠣᠪᠣᠯᠵᠠᠬᠤ ᠪᠠᠨ ᠪᠣᠯᠢᠪᠠ᠃
ᠡᠪᠦᠭᠡᠨ ᠰᠠᠭᠢᠭᠤᠯᠰᠤᠨ ᠪᠠᠭᠰᠢ ᠰᠦᠨ ᠯᠢᠶᠠᠩ ᠤᠨ ᠪᠣᠷᠵᠢᠭᠢᠷ ᠪᠢᠴᠢᠬᠠᠨ ᠳᠤᠯᠤᠭᠠᠢ ᠶᠢ ᠪᠣᠮᠪᠠᠢ᠌ᠯᠠᠨ ᠢᠯᠪᠢᠭᠡᠳ 《ᠥᠨᠡᠭᠡᠷ ᠰᠠᠴᠠᠨ ᠰᠡᠷᠭᠦᠯᠡᠩ᠂ ᠣᠷᠠᠨ ᠠᠪᠢᠶᠠᠰᠤᠯᠢᠭ᠂ ᠰᠦᠰᠦ ᠵᠤᠷᠢᠭᠳᠠᠢ ᠭᠦᠤ ᠪᠠᠢ᠌ᠨᠠ᠃ ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ ᠢ ᠴᠢᠨᠢ ᠢᠩᠭᠢᠵᠤ ᠲ᠋ᠠᠳᠠᠳᠠᠭ ᠶᠤᠮ ᠰᠢᠤ ︕》 ᠭᠡᠵᠤ ᠡᠶᠡᠯᠳᠡᠭ᠌ ᠶᠢᠡᠷ ᠭᠡᠯᠡᠭᠡᠳ ᠲ᠋ᠦᠩᠭ᠋ᠦᠷᠦᠤ ᠠᠳᠬᠤᠵᠤ ᠪᠠᠢ᠌ᠭᠰᠠᠨ ᠢ ᠨᠢ ᠪᠣᠰᠬᠠᠵᠤ ᠪᠠᠷᠢᠭᠤᠯᠤᠭᠠᠤᠨ ᠵᠢᠭᠠᠵᠤ ᠰᠤᠷᠭᠠᠵᠤ ᠡᠭᠢᠯᠡᠯᠡ᠃
ᠰᠦᠨ ᠯᠢᠶᠠᠩ ᠪᠠᠭᠰᠢ ᠶᠢᠨ ᠶᠢᠡᠨ ᠵᠢᠭᠠᠬᠤ ᠶᠤᠰᠤ ᠪᠠᠷ ᠠᠪ ᠠᠰᠬᠠᠨ ᠰᠠᠭᠤᠵᠤ᠂ ᠵᠡᠭᠦᠨ ᠭᠤᠶᠠ ᠳᠡᠭᠡᠷᠡ ᠪᠠᠨ ᠬᠤᠭᠤᠷ ᠤᠨ ᠳᠤᠮᠪᠣ ᠪᠠᠨ ᠯᠠᠪᠳᠠᠭᠤᠨ ᠳᠠᠯᠪᠢᠵᠠᠢ᠃ ᠬᠤᠭᠤᠷ ᠤᠨ ᠨᠤᠮᠤ ᠪᠠᠨ ᠳᠠᠪ ᠳᠡᠭ᠍ᠰᠢᠭᠡᠨ ᠲᠦᠯᠭᠢᠵᠤ ᠳᠠᠳᠠᠯᠠ᠃ ᠳᠤᠯᠤᠪᠣᠷ ᠬᠤᠷᠤᠭᠤ᠂ ᠳᠤᠮᠳᠠ ᠬᠤᠷᠤᠭᠤ᠂ ᠢᠳᠠᠮ ᠬᠤᠷᠤᠭᠤ ᠶᠢᠨ ᠶᠢᠡᠨ ᠳᠡᠭᠡᠷᠡ ᠦᠶᠡ ᠪᠠ ᠰᠢᠭᠡᠵᠢ ᠬᠤᠷᠤᠭᠤ ᠶᠢᠨ ᠶᠢᠡᠨ ᠥᠡᠳᠡᠭᠡ ᠪᠠᠷ ᠬᠤᠭᠤᠷ ᠤᠨ ᠣᠳᠠᠰᠤ ᠪᠠᠨ ᠳᠠᠮᠳᠠᠢ ᠳᠠᠷᠤᠪᠠ᠃ ᠭᠠᠷ ᠤᠨ ᠳᠤᠬᠤᠢ ᠪᠠᠨ ᠳᠡᠭᠡᠭ᠍ᠰᠢ ᠳᠤᠷᠤᠭᠰᠢ ᠡᠷᠦᠢ ᠬᠤᠷᠤᠢ ᠦᠭᠡᠶ ᠭᠦᠳᠡᠯᠭᠡᠭ᠍ᠰᠡᠨ ᠦᠭᠡᠶ᠃ ᠳᠤᠯᠤᠭᠠᠢ ᠪᠠᠨ ᠡᠰᠢ ᠳᠠᠰᠢ ᠪᠠᠨ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠶ ᠳᠤᠩᠬᠤᠯᠵᠠᠬᠤ ᠶᠢ ᠴᠡᠭᠡᠷᠯᠡᠭᠦ ᠭᠡᠷᠡᠭ᠍ᠳᠡᠢ ᠭᠡᠵᠤ ᠪᠠᠭᠰᠢ ᠨᠢ ᠣᠠᠴᠠᠭᠠᠢ᠌ᠯᠠᠨ ᠵᠢᠭᠠᠭᠰᠠᠨ ᠶᠤᠮ᠃ ᠢᠩᠭᠢᠵᠤ ᠬᠤᠭᠤᠷᠴᠢ ᠭᠦᠮᠤᠨ ᠤ ᠬᠠᠮᠤᠭ ᠦᠨᠳᠦᠰᠦᠨ ᠪᠣᠯᠪᠠᠰᠤᠷᠠᠯ ᠢ ᠵᠢᠭᠠᠵᠤ ᠳᠡᠭᠦᠰᠳᠡᠯᠡ ᠳᠦᠷᠦᠭᠦᠤ ᠳᠠᠭᠢᠶᠠ ᠳᠤᠤᠭᠠᠷᠬᠤ ᠪᠠᠷ ᠨᠢ ᠡᠪᠦᠭᠡᠨ ᠪᠠᠭᠰᠢ ᠮᠠᠷᠭᠠᠰᠢ ᠰᠦᠨᠢ ᠪᠠᠰᠠ ᠡ᠊ᠨᠳᠡ ᠪᠠᠨ ᠢᠷᠡᠭᠡᠷᠡᠢ︕ ᠭᠡᠵᠤ ᠪᠣᠯᠵᠤᠭᠠ ᠳᠤᠭᠳᠠᠭᠠᠤᠨ ᠬᠠᠷᠠᠭᠳᠠᠬᠤ ᠪᠠᠨ ᠪᠣᠯᠢᠵᠠᠢ᠃
ᠵᠠᠮ ᠳ᠋ᠤᠨᠢ ᠣᠷᠤᠭᠰᠠᠨ ᠰᠦᠨ ᠯᠢᠶᠠᠩ ᠮᠠᠷᠭᠠᠰᠢ ᠣᠷᠤᠢ ᠨᠢ ᠪᠦᠷᠦᠢ ᠪᠣᠯᠬᠤ ᠲᠡᠶ ᠵᠡᠷᠭᠡ ᠪᠠᠷ ᠣᠷᠤᠨ ᠳᠤ ᠪᠠᠨ ᠢᠷᠡᠭᠡᠳ ᠪᠠᠭᠰᠢ ᠪᠠᠨ ᠭᠦᠯᠢᠶᠡᠵᠤ ᠰᠠᠭᠤᠵᠠᠢ᠃ ᠣᠳᠤ ᠪᠠᠭᠰᠢ ᠨᠢ ᠰᠦᠨ ᠯᠢᠶᠠᠩ ᠤᠨ ᠪᠢᠴᠢᠬᠠᠨ ᠭᠠᠷ ᠢ ᠨᠢ ᠠᠳᠬᠤᠵᠤ ᠪᠠᠢ᠌ᠭᠠᠤᠨ ᠨᠠᠷᠢᠨ ᠵᠢᠭᠠᠵᠠᠢ᠃ ᠣᠷᠢᠳᠠᠪᠠᠷ ᠵᠡᠭᠦᠨ ᠭᠠᠷ ᠤᠨ ᠳᠦᠷᠪᠠᠨ ᠬᠤᠷᠤᠭᠤ ᠶᠢ ᠨᠢ ᠮᠤᠷᠢᠨ ᠰᠡᠭᠦᠯ ᠤᠨ ᠭᠢᠯᠭᠠᠰᠤ ᠪᠠᠷ ᠳᠠᠮᠤᠭᠰᠠᠨ ᠨᠠᠷᠢᠨ ᠳᠡᠭᠡᠰᠤ ᠪᠠᠷ ᠣᠶᠠᠭᠠᠤᠨ ᠳᠠᠳᠠᠭᠤᠯᠵᠠᠢ᠃ ᠵᠤᠭᠢᠬᠤ ᠭᠡᠮᠵᠢᠶᠡ ᠪᠣᠯᠤᠭᠰᠠᠨ ᠤ ᠰᠡᠭᠦᠡᠯᠷ ᠳᠠᠭᠢᠨ ᠣᠶᠠᠳᠠᠰᠤ ᠶᠢ ᠨᠢ ᠠᠯᠳᠠᠷᠭᠠᠭᠠᠤᠨ ᠨᠢᠭᠡ ᠨᠢᠭᠡ ᠪᠠᠷ ᠳᠠᠷᠤᠭᠤᠯᠪᠠ᠃ ᠡᠨᠡ ᠦᠶᠡ ᠳᠤ ᠳᠡᠭᠦᠨ ᠳᠤ ᠪᠣᠯᠪᠠᠰᠤᠩᠭ᠋ᠤᠢ ᠰᠠᠢ᠌ᠬᠠᠨ ᠳᠠᠳᠠᠵᠤ ᠴᠢᠩᠭ᠋ᠠᠬᠤ᠂ ᠨᠢᠰᠤᠯᠵᠤ ᠴᠤᠭᠢᠬᠤ᠂ ᠭᠤᠬᠠᠳᠠᠵᠤ ᠰᠢᠪᠳᠤᠷᠬᠤ ᠮᠠᠳᠤ ᠨᠠᠷᠢᠨ ᠵᠣᠢ᠌ᠯᠠᠰ ᠤᠨ ᠡᠷᠳᠡᠮ ᠢ ᠨᠢᠮᠪᠠᠢ᠌ᠯᠠᠨ ᠵᠢᠭᠠᠵᠤ ᠡᠭᠢᠯᠡᠭ᠍ᠰᠡᠨ ᠶᠤᠮ᠃ ᠨᠤᠮᠤ ᠪᠠᠷ ᠬᠤᠭᠤᠷ ᠤᠨ ᠳᠤᠯᠤᠭᠠᠢ ᠶᠢ ᠶᠠᠭᠠᠭᠢᠵᠤ ᠳᠤᠭᠰᠢᠪᠠᠯ ᠠᠢ᠌ᠵᠢᠮ ᠴᠤᠭᠢᠯᠭᠠ ᠨᠢ ᠳᠤᠳᠤ ᠪᠤᠯᠵᠤ᠂ ᠳᠡᠯᠡᠳᠦᠭᠦᠷ ᠭᠦᠭ᠍ᠵᠢᠮ ᠤᠨ ᠣᠢ᠌ᠯᠠᠳᠤᠯ ᠢ ᠭᠠᠷᠭᠠᠬᠤ᠂ ᠭᠢᠮᠤᠰᠤ ᠪᠠᠷ ᠶᠠᠭᠠᠭᠢᠵᠤ ᠨᠢᠰᠠᠯᠪᠠᠯ ᠴᠢᠪᠠᠭᠳᠠᠰᠤ ᠴᠢᠮᠭᠢᠯᠡᠭᠦᠷ ᠭᠦᠭ᠍ᠵᠢᠮ ᠤᠨ ᠳᠤᠰᠠ ᠶᠢ ᠥᠵᠡᠭᠦᠯᠭᠦ ᠵᠡᠷᠭᠡ ᠶᠢᠨ ᠣᠠᠴᠠᠭᠠᠢ ᠡᠷᠳᠡᠮ ᠢ ᠭᠦᠷᠳᠡᠯᠡ ᠪᠦᠷ ᠵᠢᠭᠠᠪᠠ᠃
ᠡᠪᠦᠭᠡᠨ ᠪᠠᠭᠰᠢ ᠦᠷᠡ ᠱᠠᠪᠢ ᠶᠢᠨ ᠶᠢᠡᠨ ᠨᠠᠯᠢᠶᠠᠤᠨ ᠵᠠᠮ ᠳ᠋ᠤᠨᠢ ᠣᠷᠤᠭᠰᠠᠨ ᠪᠠᠢ᠌ᠳᠠᠯ ᠢ ᠥᠵᠡᠭᠡᠳ ᠠᠷᠠᠤᠨ ᠤᠨ ᠳᠠᠭᠤᠤ ᠶᠢ ᠭᠢᠩᠰᠢᠵᠤ ᠡᠭᠢᠯᠡᠯᠡ᠃ ᠰᠠᠴᠠᠨ ᠰᠡᠷᠭᠦᠯᠡᠩ ᠰᠥᠨ ᠯᠢᠶᠡᠩ ᠭᠡᠳᠥᠢᠨᠡᠢ ᠪᠠᠭᠰᠢ ᠶᠢᠨ ᠵᠢᠠᠨ ᠰᠠᠨᠠᠭᠠ ᠶᠢ ᠮᠠᠳᠠᠵᠤ ᠠᠶᠠ ᠶᠢ ᠳᠠᠭᠠᠵᠤ ᠬᠤᠭᠤᠷᠳᠠᠵᠤ ᠪᠠᠢ᠌ᠪᠠ᠃ ᠪᠠᠭᠰᠢ ᠨᠢᠭᠡ ᠠᠶᠠ ᠭᠢᠩᠰᠢᠪᠠᠯ ᠱᠠᠪᠢ ᠨᠢ ᠳᠠᠭᠠᠭᠠᠤᠨ ᠨᠢᠭᠡ ᠠᠶᠠ ᠶᠢ ᠳᠠᠳᠠᠭᠰᠠᠭᠠᠷ ᠣᠭᠳᠤᠬᠠᠨ ᠴᠤ ᠣᠰᠤᠯᠳᠤᠬᠤ ᠦᠭᠡᠶ ᠪᠣᠯᠪᠠ᠃
ᠭᠤᠷᠪᠠᠳᠤᠭᠠᠷ ᠰᠦᠨᠢ ᠨᠢ ᠡᠪᠦᠭᠡᠨ ᠪᠠᠭᠰᠢ ᠳᠡᠭᠦᠨ ᠳᠤ ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ ᠤᠨ ᠡᠷᠳᠡᠨ ᠤ ᠣᠯᠠᠮᠵᠢᠯᠠᠯᠳᠤ 《ᠨᠢ᠋ᠮᠠᠨ ᠠᠶᠠᠯᠭᠤ》 ᠶ᠋ᠢ ᠶᠠᠭᠠᠭᠢᠵᠤ ᠣᠯᠠᠷᠢᠭᠤᠯᠤᠨ ᠬᠤᠪᠢᠰᠬᠠᠵᠤ᠂ ᠳᠡᠭᠦᠯᠳᠡᠷᠵᠢᠭᠦᠯᠤᠨ ᠭᠦᠭ᠍ᠵᠢᠭᠦᠯᠭᠦ ᠳᠤᠬᠠᠢ ᠨᠢᠭᠡ ᠰᠦᠨᠢ ᠵᠢᠭᠠᠭᠠᠳ ᠰᠡᠳᠭᠢᠯ ᠬᠠᠨᠤᠮᠵᠢᠳᠠᠢ ᠳᠤᠯᠤᠭᠠᠢ ᠳᠤᠭᠢᠵᠤ ᠯᠠ ᠪᠠᠢ᠌ᠯᠠ᠃
ᠰᠠᠶᠢ ᠰᠤᠷᠴᠤ ᠪᠠᠢ᠌ᠭᠠ ᠶᠤᠮ ᠴᠢᠨᠢ ᠭᠢᠮᠤᠰᠤᠨ ᠳᠠᠳᠤᠢ ᠠᠮᠵᠢᠯᠳᠠ ᠴᠤ ᠬᠤᠷᠸᠠ ᠪᠠᠭᠳᠠᠮᠠ ᠪᠠᠶᠠᠷ ᠪᠠᠬᠠᠳᠤᠯ ᠢ ᠠᠪᠴᠢᠷᠠᠵᠤ ᠥᠭ᠍ᠳᠡᠭ᠌ ᠣᠴᠢᠷᠳᠠᠢ ᠪᠠᠢ᠌ᠵᠠᠢ᠃ ᠡᠨᠡ ᠮᠠᠳᠤ ᠪᠠᠷ ᠵᠢᠭᠠᠯᠭᠠ ᠪᠠ ᠰᠤᠷᠤᠯᠭᠠ ᠮᠠᠰᠢ ᠰᠢᠯᠤᠭᠤᠬᠠᠨ ᠶᠠᠪᠣᠭᠳᠠᠬᠤᠯᠠᠷ᠂ ᠪᠢᠴᠢᠬᠠᠨ ᠰᠦᠨ ᠯᠢᠶᠠᠩ ᠢ ᠨᠠᠩ ᠢᠯᠡᠭᠦᠤ ᠣᠷᠮᠠᠰᠢᠭᠤᠯᠵᠤ᠂ ᠣᠷᠠ ᠠᠪᠢᠶᠠᠰ ᠢ ᠨᠢ ᠣᠯᠠᠮ ᠭᠦᠭ᠍ᠵᠢᠭᠡᠯᠡ ᠃
ᠲ᠋ᠠᠨᠢᠬᠤ ᠦᠭᠡᠶ ᠨᠢᠭᠡ ᠨᠠᠰᠤᠳᠠᠨ ᠡᠴᠡ ᠳᠣᠢ᠌ᠮᠤ ᠦᠭᠡᠶ ᠣᠯᠠᠨ ᠡᠷᠳᠡᠮ ᠢ ᠰᠤᠷᠤᠭᠰᠠᠨ ᠳᠤ ᠪᠠᠨ ᠪᠢᠴᠢᠬᠠᠨ ᠰᠦᠨ ᠯᠢᠶᠠᠩ ᠭᠡᠮᠵᠢᠶᠡᠯᠡᠰᠢ ᠦᠭᠡᠶ ᠪᠠᠶᠠᠷᠯᠠᠨ ᠪᠠᠭᠰᠢ ᠡ︕ ᠭᠡᠵᠤ ᠬᠠᠰᠭᠢᠷᠤᠨ ᠭᠤᠷᠪᠠᠠᠳᠠ ᠮᠦᠷᠭᠦᠵᠤ᠂ ᠳᠤᠯᠤᠭᠠᠢ ᠡᠷᠭᠦᠨ ᠬᠠᠷᠠᠬᠤ ᠳᠤ ᠶᠠᠭᠤᠨᠠᠢ ᠴᠠᠭᠠᠨ ᠰᠠᠬᠠᠯᠳᠤ ᠡᠪᠦᠭᠡᠨ ᠪᠠᠢ᠌ᠬᠤ ᠠᠵᠢ᠃ ᠬᠠᠷᠠ ᠡᠭᠦᠯᠡ ᠠᠷᠢᠯᠵᠤ᠂ ᠬᠠᠰ ᠤᠨ ᠰᠠᠷᠠᠨ ᠮᠡᠯᠳᠡᠢ᠌ᠭᠡᠳ᠂ ᠣᠭᠳᠠᠷᠭᠤᠢ ᠳᠦᠭᠦᠷᠡᠩ ᠠᠨᠢᠪᠠᠯᠵᠡᠨ ᠪᠠᠢ᠌ᠭᠰᠠᠨ ᠣᠳᠤᠨ ᠮᠠᠴᠢᠳ ᠳᠠᠷᠬᠠᠨ ᠡᠭᠦᠷᠭᠡ ᠪᠠᠨ ᠪᠠᠶᠡᠯᠡᠭᠦᠯᠦᠭᠡᠳ ᠬᠠᠷᠠᠭᠤᠯ ᠤᠨ ᠡᠭᠡᠯᠵᠢ ᠡᠴᠡ ᠪᠠᠨ ᠪᠠᠭᠤᠬᠤ ᠭᠢᠯᠢ ᠶᠢᠨ ᠪᠠᠢ᠌ᠯᠳᠤᠭᠴᠢᠳ ᠰᠢᠭ ᠠᠮᠠᠷᠠᠭᠰᠠᠨ ᠪᠠᠢ᠌ᠬᠤ ᠳᠤ ᠭᠠᠭᠴᠠ ᠴᠤᠯᠮᠤᠨ ᠣᠳᠤ ᠯᠠ ᠥᠯᠡᠳᠡᠭᠡᠳ ᠶᠠᠭ ᠡᠷᠳᠡᠮ ᠰᠤᠷᠴᠤ ᠮᠡᠳᠡᠯᠭᠡ ᠡᠵᠡᠮᠰᠢᠭ᠍ᠰᠡᠨ ᠪᠢᠴᠢᠬᠠᠨ ᠰᠦᠨ ᠯᠢᠶᠠᠩ ᠳᠤ ᠪᠠᠶᠠᠷ ᠭᠦᠷᠭᠡᠵᠤ ᠪᠠᠢ᠌ᠭᠠ ᠰᠢᠭ ᠠᠨᠢᠪᠠᠯᠵᠠᠨ ᠭᠢᠯᠠᠯᠵᠠᠵᠤ ᠪᠠᠢ᠌ᠪᠠ᠃
ᠵᠡᠭᠦᠨ ᠡᠮᠦᠨᠡ ᠡᠴᠡ ᠦᠷ ᠤᠨ ᠭᠡᠭᠡ ᠰᠤᠪᠣᠷᠠᠬᠤ ᠪᠠᠷ ᠦᠪᠡᠷ ᠤᠨ ᠨᠢᠭᠡᠯᠡ ᠰᠦᠨᠢ ᠶᠢᠨ ᠵᠡᠭᠦᠳᠤᠨ ᠳᠤ ᠪᠠᠨ ᠭᠤᠷᠪᠠᠨ ᠰᠦᠨᠢ ᠵᠢᠨ ᠰᠤᠷᠤᠯᠭᠠ ᠶᠢᠨ ᠡᠭᠦᠷᠭᠡ ᠶᠢ ᠪᠠᠶᠡᠯᠡᠭᠦᠯᠦᠭ᠍ᠰᠡᠨ ᠶᠢᠡᠨ ᠰᠠᠶᠢ ᠣᠬᠠᠵᠤ᠂ ᠳᠡᠭᠡᠭ᠍ᠰᠢ ᠬᠠᠷᠠᠨ ᠡᠭᠦᠯᠡᠨ ᠤ ᠳᠠᠯᠳᠠ ᠡᠴᠡ ᠭᠠᠷᠴᠤ ᠢᠷᠡᠭᠡᠳ ᠢᠰᠪᠠᠯᠵᠡᠨ ᠮᠡᠭᠡᠢ᠌ᠷᠡᠭᠦ ᠳᠡᠷᠭᠡᠯ ᠰᠠᠷᠠᠨ ᠡᠴᠡ ᠴᠠᠭᠠᠨ ᠡᠪᠦᠭᠡ ᠮᠢᠨᠢ ᠬᠠᠮᠢᠭᠠᠰᠢ ᠶᠠᠪᠣᠪᠠ ︖ ᠨᠠᠷᠠ ᠨᠢ ᠭᠡᠨ ᠭᠡᠳᠡᠭ᠌ ᠪᠢᠯᠠ ︕ ᠭᠡᠵᠤ ᠰᠠᠨᠠᠮᠰᠠᠷ ᠦᠭᠡᠶ᠂ ᠳᠤᠮᠤᠭᠠ ᠥᠭᠡᠢ ᠠᠰᠠᠭᠤᠵᠤ ᠠᠮᠵᠢᠯᠠ᠃
ᠦᠪᠡᠷ ᠶᠢᠡᠨ ᠪᠣᠳᠤᠵᠤ ᠦᠵᠡ ︕ ᠭᠡᠰᠡᠨ ᠮᠠᠶᠢᠭᠳᠠᠢ ᠰᠠᠷᠠᠨ ᠠᠪᠠᠬᠠᠢ ᠨᠡᠭᠦᠳᠡᠯᠯᠡᠭᠦ ᠡᠭᠦᠯᠡᠰ ᠤᠨ ᠴᠠᠭᠠᠨᠠ ᠬᠠᠭᠠᠰ ᠬᠠᠴᠠᠷ ᠶᠢᠡᠨ ᠳᠠᠯᠳᠠᠯᠠᠪᠠ᠃
ᠰᠦᠨ ᠯᠢᠶᠠᠩ ᠳᠡᠭᠡᠭ᠍ᠰᠢ ᠬᠠᠷᠠᠵᠤ ᠭᠡᠪᠳᠡᠭᠡᠳ ᠰᠠᠷᠠᠨ ᠤ ᠳᠤᠳᠤᠷᠠᠭᠢ ᠽᠠᠠᠳᠠᠨ ᠮᠤᠳᠤ ᠶᠢ ᠰᠢᠷᠳᠡᠭ᠍ᠰᠡᠭᠡᠷ ᠭᠡᠨᠡᠳᠲᠡ ᠰᠡᠭᠡᠰᠭᠢᠨ ᠡᠳᠦᠷ ᠤᠨ ᠪᠣᠳᠤᠯ᠂ ᠰᠦᠨᠢ ᠵᠢᠨ ᠵᠡᠭᠦᠳᠦᠨ ᠳᠤ ᠪᠠᠨ ᠪᠢᠰᠢᠷᠠᠵᠤ ᠪᠠᠬᠠᠷᠬᠠᠵᠤ ᠪᠠᠢ᠌ᠭᠰᠠᠨ ᠰᠢᠳᠦᠭᠡᠨ ᠳᠡᠡᠽᠡᠡᠨᠢᠮᠡ ᠪᠠᠭᠰᠢ ᠯᠠᠪᠳᠠᠢ ᠮᠦᠨ ᠭᠡᠵᠤ ᠪᠠᠳᠤᠯᠠᠵᠤ᠂ 《ᠳᠡᠮᠡᠤᠯᠡᠭ᠍ᠰᠡᠨ ᠢ ᠳᠡᠭ᠍ᠷᠢ ᠭᠤᠮᠤᠳᠠᠭᠠᠬᠤ ᠥᠭᠡᠢ 》 ᠭᠡᠳᠡᠭ᠍ᠴᠢᠯᠡᠨ ᠪᠣᠷᠬᠠᠨ ᠪᠣᠯᠤᠭᠠᠤᠨ ᠳᠦᠴᠢᠨᠠᠨ ᠵᠢᠯ ᠪᠣᠯᠵᠤ ᠪᠠᠢ᠌ᠭᠠ ᠰᠠᠭᠢᠭᠤᠯᠰᠤᠨ ᠪᠠᠭᠰᠢ ᠮᠢᠨᠢ ᠳᠡᠭ᠍ᠷᠢ ᠶᠢᠨ ᠵᠠᠭᠢᠶᠠ ᠪᠠᠷ ᠵᠠᠯᠠᠷᠠᠵᠤ ᠢᠷᠡᠭᠡᠳ ᠡᠷᠳᠡᠮ ᠶᠢᠡᠨ ᠦᠷᠡ ᠱᠠᠪᠢ ᠳᠤ ᠪᠠᠨ ᠣᠯᠠᠮᠵᠢᠯᠠᠵᠤ ᠪᠠᠢ᠌ᠨᠠ ᠭᠡᠵᠤ ᠰᠡᠳᠭᠢᠭᠡᠳ ᠰᠠᠷᠠᠨ ᠤ ᠵᠥᠭ᠌ ᠲᠤ ᠬᠠᠠᠳᠤᠨ ᠭᠤᠷᠪᠠᠠᠳᠠ ᠮᠦᠷᠭᠦᠵᠡᠢ᠃
ᠡᠨ᠂ ᠵᠡᠭᠦᠳᠤ ᠪᠠᠷ ᠡᠷᠳᠡᠮ ᠰᠤᠷᠤᠨᠠ ᠭᠡᠳᠡᠭ᠌ ᠴᠢᠨᠢ ᠦᠨᠡᠨ ᠭᠡᠷᠡᠭ᠌ ᠪᠠᠢ᠌ᠵᠤ ᠰᠢᠳᠠ ︕ ᠳ᠋ᠠᠮᠪᠠᠷᠢᠠᠴᠢᠨ ᠪᠠᠭᠰᠢ ᠶᠢᠨ ᠭᠡᠯᠡᠭᠦ 《ᠳᠠᠩ ᠣᠯᠤᠰ ᠤᠨ ᠥᠯᠢᠭᠡᠷ》 ᠲᠤ ᠭᠢ ᠴᠸᠩ ᠶᠤᠤ ᠶᠢᠨ ᠤ ᠵᠡᠭᠦᠳᠤ ᠪᠠᠷ ᠶᠢᠡᠨ《ᠭᠤᠷᠪᠠᠨ ᠰᠥᠭᠡᠨ ᠤ ᠡᠷᠳᠡᠮ》 ᠰᠤᠷᠤᠯᠠ ᠭᠡᠳᠡᠭ᠌ ᠨᠢ ᠡᠢ᠌ᠮᠤ ᠯᠠ ᠭᠡᠷᠡᠭ᠌ ᠪᠠᠢ᠌ᠵᠠᠢ ᠭᠡᠵᠤ ᠣᠬᠠᠮᠰᠠᠷᠠᠭᠰᠠᠨ ᠰᠦᠨ ᠯᠢᠶᠠᠩ ᠦᠪᠡᠷ ᠤᠨ ᠵᠡᠭᠦᠳᠤ ᠪᠠᠷ ᠶᠢᠡᠨ ᠡᠷᠳᠡᠮ ᠰᠤᠷᠤᠭᠰᠠᠨ ᠵᠢᠠᠨ ᠨᠠᠩᠳᠠ ᠰᠡᠵᠢᠭᠯᠡᠭᠦ ᠦᠭᠡᠶ ᠪᠣᠯᠤᠭᠠᠤᠨ ᠪᠠᠭᠰᠢ ᠶᠢᠨ ᠵᠢᠭᠠᠭᠰᠠᠨ ᠶᠤᠰᠤ ᠪᠠᠷ ᠡᠳᠦᠷ ᠰᠦᠨᠢ ᠶᠢᠨ ᠬᠤᠪᠢᠨ ᠳᠤ ᠪᠣᠯᠪᠠᠰᠤᠷᠠᠵᠤ ᠡᠭᠢᠯᠡᠵᠡᠢ᠃
《ᠭᠤᠷᠪᠠᠨ ᠭᠦᠮᠤᠨ ᠶᠠᠪᠣᠪᠠᠰᠤ ᠡᠷᠭᠡᠪᠰᠢ ᠮᠢᠨᠤ ᠪᠠᠭᠰᠢ ᠪᠠᠢ᠌ᠮᠤᠢ》 ᠭᠡᠵᠤ ᠳᠠᠷᠤᠤ ᠭᠢᠴᠢᠶᠡᠩᠭᠦᠢ ᠣᠪᠣᠷ ᠶᠢᠡᠷ ᠰᠤᠷᠤᠯᠴᠠᠬᠤ ᠵᠠᠩ ᠲᠡᠶ ᠰᠦᠨ ᠯᠢᠶᠠᠩ ᠪᠡᠷ ᠵᠡᠭᠦᠳᠤ ᠪᠠᠷ ᠰᠤᠷᠤᠭᠰᠠᠨ ᠤ ᠪᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠨᠤᠳᠤᠭ ᠣᠰᠤᠨ ᠤ ᠪᠠᠨ ᠠᠯᠳᠠᠷᠳᠤ ᠠᠬᠠᠮᠠᠤᠨ ᠬᠤᠭᠤᠷᠴᠢᠳ ᠡᠴᠡ ᠪᠠᠨ ᠣᠯᠠᠮ ᠠᠷᠪᠢᠨ᠂ ᠨᠠᠷᠢᠨ ᠨᠢᠭᠳᠠ ᠡᠷᠳᠡᠮ ᠮᠡᠷᠭᠡᠵᠢᠯ ᠢ ᠡᠵᠡᠮᠰᠢᠭᠦ ᠪᠠᠷ ᠴᠢᠷᠮᠠᠢ᠌ᠭᠰᠠᠨ ᠪᠠᠢ᠌ᠨᠠ᠃ ᠵᠡᠭᠦᠨ ᠠᠢ᠌ᠯ ᠤᠨ ᠢᠰᠢᠩᠭ᠋ᠠ ᠪᠠᠭᠰᠢ ᠶᠢᠨ ᠭᠡᠳᠡᠷᠭᠦ ᠨᠤᠮᠤ ᠭᠡᠷᠡᠭᠯᠡᠭᠦ᠂ ᠣᠳᠠᠰᠤ ᠨᠢᠰᠠᠯᠠᠬᠤ ᠪᠠ ᠮᠤᠷᠢ ᠢᠠᠴᠠᠭᠠᠬᠤ ᠶᠢ ᠭᠠᠷᠭᠠᠬᠤ ᠠᠷᠭᠠ ᠶᠢ ᠰᠤᠷᠴᠤ᠂ ᠡᠮᠦᠨᠡ ᠳᠤᠰᠬᠤᠨ ᠤ ᠨᠠᠮᠵᠢᠯ ᠰᠢᠶᠠᠠᠱᠸᠩ ᠡᠴᠡ ᠠᠶᠠᠯᠭᠤ ᠶᠢ ᠣᠨᠤᠪᠴᠢᠳᠠᠢ᠂ ᠠᠢ᠌ᠵᠢᠮ ᠢ ᠭᠤᠶᠤ᠂ ᠨᠤᠮᠤ ᠶᠢ ᠭᠦᠴᠦᠳᠡᠢ ᠵᠠᠷᠤᠬᠤ ᠡᠷᠳᠡᠮ ᠢ ᠡᠵᠡᠮᠰᠢᠭ᠍ᠰᠡᠨ ᠪᠠ ᠨᠠᠳᠮᠢᠳ ᠵᠠᠯᠠᠨ ᠤ ᠠᠳᠬᠤᠭᠤᠯᠢ ᠰᠢᠯᠵᠢᠭᠦᠯᠭᠦ᠂ ᠠᠳᠬᠤᠭᠤᠯᠢ ᠳᠤᠭᠳᠠᠪᠣᠷᠢᠵᠢᠭᠤᠯᠬᠤ ᠠᠷᠭᠠ ᠪᠣᠯᠤᠨ ᠴᠢᠭ᠍ᠷᠡᠳᠡᠰᠤ ᠨᠤᠭᠤᠯᠪᠣᠷᠢ ᠣᠳᠠᠰᠤ ᠨᠤᠬᠤᠯᠭᠢᠯᠠᠬᠤ ᠠᠷᠭᠠ ᠶᠢ ᠡᠵᠡᠮᠰᠢᠨ ᠠᠪᠣᠭᠰᠠᠨ ᠵᠡᠷᠭᠡ ᠶᠢᠨ ᠡᠷᠳᠡᠮ ᠤᠨ ᠠᠩ᠂ ᠮᠡᠳᠡᠯᠭᠡ ᠶᠢᠨ ᠠᠪᠠ ᠶᠢ ᠭᠠᠠᠵᠤᠭᠠ ᠳᠦᠭᠦᠷᠡᠩ ᠣᠯᠵᠠᠯᠠᠭᠰᠠᠨ ᠳᠡᠦᠭᠡ ᠲᠡᠶ᠃ ᠳᠠᠩᠭ᠋ᠠᠷᠢᠭ ᠤᠨ ᠰᠦᠮᠡ ᠶᠢᠨ ᠬᠤᠸᠠᠩᠵᠠᠢ ᠮᠠᠮᠠ ᠪᠠᠰᠠ ᠣᠯᠠᠨ ᠠᠶᠠᠭᠠ ᠶᠢᠨ ᠳᠤᠳᠤᠷᠠ ᠡᠴᠡ ᠬᠠᠮᠤᠭ ᠰᠠᠢ᠌ᠨ ᠳᠤᠤᠭᠠᠷᠳᠠᠭ ᠨᠢᠭᠡ ᠶᠢ ᠰᠤᠩᠭ᠋ᠤᠵᠤ ᠠᠪᠣᠭᠠᠤᠨ ᠰᠠᠪᠬᠠ ᠪᠠᠷ ᠳᠤᠩᠰᠢᠵᠤ 《ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ ᠤᠨ ᠶᠢᠡᠨ ᠭᠠᠳᠠᠷ ᠣᠳᠠᠰᠤ ᠶᠢ ᠡᠨᠡ ᠠᠶᠠᠭᠠ ᠶᠢ ᠳᠤᠩᠰᠢᠵᠤ ᠪᠠᠢ᠌ᠭᠠᠤᠨ ᠳᠠᠭᠠᠷᠠᠭᠤᠯ ᠡ ︕》 ᠭᠡᠰᠡᠨ ᠪᠠ ᠬᠤᠯᠪᠣᠭᠠᠰᠤ ᠨᠤᠮᠤ ᠵᠠᠷᠤᠬᠤ ᠠᠷᠭᠠ᠂ ᠬᠤᠪᠢᠶᠠᠷᠢ ᠨᠤᠮᠤ ᠭᠡᠷᠡᠭᠯᠡᠭᠦ ᠠᠷᠭᠠ᠂ ᠳᠡᠭᠡᠭ᠍ᠰᠢ ᠳᠤᠷᠤᠭᠰᠢ ᠱᠤᠳᠤᠷᠬᠤ᠂ ᠬᠣᠢ᠌ᠯᠠᠷᠠᠭᠤᠯᠤᠨ ᠱᠤᠳᠤᠷᠬᠤ ᠳᠠᠷᠤᠳᠠᠯ᠂ ᠳᠠᠪᠬᠤᠴᠠᠬᠤ ᠳᠠᠭᠤᠨ ᠭᠠᠷᠭᠠᠬᠤ ᠠᠷᠭᠠ ᠪᠠᠷᠢᠯ ᠵᠡᠷᠭᠡ ᠡᠷᠳᠡᠮ ᠢ ᠬᠠᠮᠵᠢᠶᠠ ᠰᠡᠳᠭᠢᠯ ᠡᠪᠦᠷᠯᠡᠵᠤ᠂ ᠬᠠᠯᠠᠭᠤᠨ ᠭᠠᠷ ᠶᠢᠡᠨ ᠰᠤᠩᠭ᠋ᠠᠭᠠᠤᠨ ᠵᠠᠭᠢᠵᠤ ᠰᠤᠷᠭᠠᠭᠰᠠᠨ ᠨᠢ ᠰᠦᠨ ᠯᠢᠶᠠᠩ ᠳᠤ ᠭᠡᠵᠢᠶᠡᠳᠡ ᠮᠠᠷᠳᠠᠭᠳᠠᠰᠢ ᠦᠭᠡᠶ᠃
ᠦᠷᠭᠦᠯᠵᠢᠯᠡᠯ ᠪᠤᠢ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠱᠸᠪᠠᠷᠳᠤ ᠮᠤᠩᠭ᠋ᠤᠯ ᠦᠨᠳᠦᠰᠦᠳᠠᠨ ᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠲᠠᠩᠨᠤᠳ ᠬᠠᠢ᠌ᠬᠤ
ᠳᠠᠷᠤᠮ᠄ 2466
ᠴᠠᠭ᠄ 2012 ᠤᠨ ᠤ 11 ᠰᠠᠷᠠ ᠶᠢᠨ 06