☆ ᠳ·ᠬᠦᠬᠡᠮᠦ᠋ᠷᠡᠨ᠄
《ᠭᠡᠷᠢᠶᠡᠰ》ᠲᠠᠪᠤ
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠤᠶᠠᠨ ᠤ ᠬᠡᠦᠬᠡᠳ ᠮᠠᠭᠤ ᠴᠠᠭ ᠲᠤ ᠳᠦᠷᠤᠪᠠᠯ ᠨᠤᠬᠠᠢ ᠶᠢᠨ ᠭᠦᠯᠦᠭᠡ ᠶᠢ ᠭᠦᠢᠴᠡᠭᠦ ᠦᠭᠡᠶ᠂ ᠳᠠᠢ᠌ᠵᠢ ᠶᠢᠨ ᠬᠡᠦᠬᠡᠳ ᠮᠠᠭᠤ ᠴᠠᠭ ᠲᠤ ᠳᠦᠷᠤᠪᠠᠯ ᠳᠠᠭᠢᠶᠠᠨ ᠴᠤᠷᠪᠠᠭᠠ ᠶᠢ ᠭᠦᠢᠴᠡᠭᠦ ᠦᠭᠡᠶ᠂ ᠵᠢᠩᠰᠠᠳᠠᠨ ᠤ ᠬᠡᠦᠬᠡᠳ ᠮᠠᠭᠤ ᠴᠠᠭ ᠲᠤ ᠳᠦᠷᠤᠪᠠᠢ᠂ ᠵᠡᠭᠦᠨ ᠪᠠᠷᠠᠭᠤᠨ ᠶᠢᠡᠨ ᠮᠡᠳᠡᠭᠦ ᠦᠭᠡᠶ᠂ ᠣᠳᠤᠭᠳᠠᠨ ᠤ ᠬᠡᠦᠬᠡᠳ ᠮᠠᠭᠤ ᠴᠠᠭ ᠲᠤ ᠳᠦᠷᠤᠪᠠᠢ᠂ ᠡᠮᠦᠨᠡ ᠬᠣᠢ᠌ᠨᠠ ᠪᠠᠨ ᠮᠡᠳᠡᠭᠦ ᠦᠭᠡᠶ᠃ ᠭᠦᠭᠡ ᠣᠯᠠᠭᠠᠨ ᠣᠳᠤᠭ ᠲᠡᠶ ᠳᠤᠭᠤᠷᠴᠤᠭ ᠶᠢᠡᠨ ᠡᠮᠦᠰᠤᠨ ᠳᠠᠢ᠌ᠵᠢ ᠶᠢᠨ ᠠᠮᠢᠳᠤᠷᠠᠯ ᠶᠢᠡᠨ ᠥᠩᠭᠡᠷᠡᠭᠦᠯᠭᠦ ᠳᠤ ᠳᠡᠭᠦᠨ ᠡᠴᠡ ᠢᠯᠡᠭᠦᠤ ᠵᠢᠷᠭᠠᠯ ᠭᠡᠵᠤ ᠠᠯᠠᠭᠠ᠂ ᠭᠦᠳᠡᠭᠡ ᠪᠠᠷ ᠳᠦᠭᠦᠷᠡᠩ ᠮᠠᠯ ᠢ ᠨᠢ ᠬᠤᠷᠢᠶᠠᠭᠠᠤᠨ ᠭᠦᠵᠦᠭᠦᠤ ᠣᠷᠤᠭᠤ ᠨᠢ ᠳᠠᠰᠢᠭᠤᠷ ᠪᠠᠭᠤᠨ᠂ ᠭᠡᠯᠡ ᠠᠮᠠ ᠡᠴᠡ ᠨᠢ ᠭᠦᠯ ᠭᠠᠷ ᠳᠤᠨᠢ ᠳᠤᠯᠳᠠᠯᠠ ᠭᠢᠡᠵᠢᠯᠡᠭᠦ ᠳᠤ ᠳᠡᠭᠦᠨ ᠡᠴᠡ ᠢᠯᠡᠭᠦᠤ ᠵᠤᠪᠠᠯᠠᠩ ᠭᠡᠵᠤ ᠳᠠᠳᠠᠨ ᠳᠤ ᠥᠭᠡᠷᠡ ᠠᠯᠠᠭᠠ᠃
《ᠡᠪᠦᠭᠡ ᠶᠢᠨ ᠰᠤᠷᠭᠠᠯ》 ᠡᠴᠡ ᠡᠰᠢᠯᠡᠪᠡ᠃
ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠡᠴᠡ ᠪᠠᠶᠠᠷ ᠤᠨ ᠠᠭᠤᠷ ᠮᠠᠠᠳᠤᠨ ᠵᠠᠷᠤᠴᠠ ᠬᠡᠦᠬᠡᠳ ᠨᠠᠰᠢ ᠴᠠᠰᠢ ᠵᠦᠷᠢᠯᠳᠤᠨ ᠪᠠᠷᠠᠭᠤᠨ ᠫᠣᠤᠯᠤ ᠶᠢᠨ ᠭᠠᠳᠠᠨᠠ ᠰᠢᠨᠠ ᠪᠠᠷᠢ ᠶᠢᠨ ᠳᠡᠷᠭᠡ ᠣᠭᠳᠤᠬᠤ ᠪᠠᠷ ᠵᠠᠷᠤᠴᠠ ᠬᠡᠦᠬᠡᠳ ᠬᠤᠶᠠᠷ ᠭᠠᠷᠯᠠᠨ ᠵᠤᠭᠰᠤᠵᠤ᠂ ᠠᠯᠤᠰ ᠡᠴᠡ ᠢᠷᠡᠭᠦ ᠰᠢᠨᠠ ᠪᠠᠷᠢ ᠶᠢ ᠣᠭᠳᠤᠨ ᠠᠪᠣᠨᠠ᠃
ᠷᠤᠯᠭᠠᠷᠮᠠ ᠰᠤᠪᠣᠤᠨ ᠤᠨ ᠭᠡᠯᠭᠢᠶᠡ ᠲᠡᠶ ᠮᠠᠨᠤ ᠰᠢᠷᠤ ᠣᠷᠢᠶᠠᠯᠳᠤᠭᠰᠠᠨ ᠵᠠᠰᠠᠯ ᠢ ᠵᠡᠭᠦᠨ᠂ ᠳᠡᠷᠢᠭᠦᠨ ᠳᠡᠭᠡᠷᠡ ᠪᠠᠨ ᠣᠯᠠᠭᠠᠨ ᠳᠤᠷᠭᠠ ᠶᠢ ᠨᠦᠮᠦᠷᠢᠨ᠂ ᠵᠡᠭᠡᠷᠳᠡ ᠮᠤᠷᠢᠨ ᠳᠤᠷ ᠮᠤᠷᠳᠠᠨ᠂ ᠬᠠᠵᠠᠭᠤ ᠳᠤ ᠨᠢ ᠨᠠᠮᠰᠠᠷᠠᠢ ᠪᠠᠶᠠᠨ ᠪᠠ ᠪᠢᠴᠢᠭᠡᠴᠢ ᠳᠦᠭᠦᠷᠡᠩᠰᠡᠩ ᠲᠦᠰᠢᠶᠠ ᠪᠣᠯᠤᠨ ᠳᠠᠭᠠᠭᠠᠤᠨ᠂ ᠪᠠᠷᠠᠭᠤᠨ ᠫᠣᠤᠯᠤ ᠪᠠᠷ ᠣᠷᠤᠵᠤ ᠢᠷᠠᠨ᠂ ᠰᠢᠨᠠ ᠪᠠᠷᠢ ᠶᠢ ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠤ ᠪᠠᠷᠠᠭᠤᠨ ᠦᠷᠦᠭᠡᠨ ᠳᠤ ᠪᠠᠭᠤᠯᠭᠠᠪᠠ᠃
ᠰᠢᠨᠠ ᠭᠦᠷᠭᠡᠨ ᠮᠤᠯᠤᠮ ᠣᠭᠳᠤᠯᠭᠠ ᠶᠢᠨ ᠶᠤᠰᠤ ᠶᠢ ᠭᠦᠢᠴᠡᠳᠭᠡᠨ᠂ ᠬᠤᠷᠢᠮ ᠳᠤᠷ ᠰᠠᠭᠠᠳᠠᠭᠰᠠᠨ ᠪᠦᠭᠦᠨ ᠳᠤ ᠶᠤᠰᠤ ᠣᠴᠢᠷ ᠢ ᠭᠦᠢᠴᠡᠳᠭᠡᠨ ᠳᠤᠳᠤᠭᠰᠢ ᠪᠠᠨ ᠪᠦᠳᠦᠭᠦᠨ ᠬᠤᠷᠢᠮ ᠤᠨ ᠰᠢᠷᠡᠭᠡ ᠵᠠᠰᠠᠭᠰᠠᠨ ᠳᠠᠩᠭᠢᠮ ᠳᠤ ᠣᠷᠤᠭᠤᠯᠤᠨ ᠰᠠᠭᠤᠯᠭᠠᠪᠠ᠃ ᠳᠦᠷᠦᠭᠦᠤ ᠰᠢᠷᠡᠭᠡᠨ ᠳᠤ ᠨᠠᠮᠰᠠᠷᠠᠢ ᠪᠠᠶᠠᠨ ᠪᠠ ᠭᠡᠡᠵᠦᠦᠷ ᠪᠠᠶᠠᠨ᠂ ᠰᠸᠷᠠᠪ ᠪᠠᠶᠠᠨ᠂ ᠪᠣᠢ᠌ᠳᠠ ᠴᠡᠪᠠᠭ᠍ᠵᠡᠪ᠂ ᠳᠦᠭᠦᠷᠡᠩᠰᠡᠩ ᠨᠡᠷ ᠰᠠᠭᠠᠳᠤᠨ᠂ ᠵᠠᠯᠭᠠᠭᠠᠤᠨ ᠠᠯᠢ ᠣᠯᠠᠨ ᠣᠷᠢᠯᠭᠠ ᠶᠢᠨ ᠭᠦᠮᠦᠰ ᠦᠷᠦᠭᠡ ᠪᠠᠭᠳᠠᠮᠠ ᠰᠠᠭᠤᠯᠴᠠᠨᠠ᠃ ᠶᠡᠭᠡ ᠲᠦᠯᠤᠪ ᠣᠷᠢᠯᠭᠠ ᠶᠢᠨ ᠭᠦᠮᠦᠰ ᠪᠦᠷᠢᠳᠦᠭ᠍ᠰᠡᠨ ᠤ ᠰᠡᠭᠦᠯᠡᠷ ᠪᠢᠴᠢᠭᠡᠴᠢ ᠳᠦᠭᠦᠷᠡᠩᠰᠡᠩ ᠣᠯᠠᠨ ᠤ ᠡᠮᠦᠨᠡ ᠭᠠᠷᠴᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ︕ ᠠᠯᠢ ᠣᠯᠠᠨ ᠨᠤᠳᠤᠭ ᠨᠢᠷᠤᠭᠤᠨ ᠤ ᠠᠬᠠ ᠳᠡᠭᠦᠤ ᠨᠡᠷ ᠡ︕ ᠮᠤᠷᠢᠯᠠᠨ ᠢᠷᠡᠭ᠍ᠰᠡᠨ ᠨᠤᠶᠠᠤᠨ ᠪᠠᠶᠠᠤᠨ ᠨᠡᠷ ᠡ︕ ᠦᠨᠦᠳᠤᠷ ᠤᠨ ᠮᠤᠯᠤᠮ ᠪᠠ ᠷᠤᠯᠭᠠᠷᠮᠠ ᠶᠢᠨ ᠬᠤᠷᠢᠮ ᠤᠨ ᠶᠤᠰᠤᠯᠠᠯ ᠳᠤ ᠮᠤᠷᠢᠯᠠᠨ ᠰᠠᠭᠠᠳᠤᠭᠰᠠᠨ ᠳᠠ ᠨᠡᠷ ᠤᠨ ᠰᠠᠢ᠌ᠨ ᠰᠠᠢ᠌ᠬᠠᠨ᠂ ᠠᠯᠢᠪᠠ ᠶᠢᠨ ᠥᠭᠡᠳᠡ ᠡᠰᠡᠷᠡᠭ ᠢ ᠪᠠᠯᠭᠡᠳᠡᠨ ᠢᠷᠦᠭᠡᠵᠤ ᠳᠤᠤᠷᠠ ᠰᠢᠨᠠ ᠪᠠᠷᠢ ᠰᠢᠨᠠ ᠭᠦᠷᠭᠡᠨ ᠢ ᠳᠠ ᠣᠯᠠᠨ ᠳᠡᠭᠡᠨ ᠳᠠᠨᠢᠯᠴᠠᠭᠤᠯᠤᠶᠠ︕ ᠭᠡᠵᠤ ᠮᠤᠯᠤᠮ ᠪᠠ ᠷᠤᠯᠭᠠᠷᠮᠠ ᠶᠢ ᠣᠯᠠᠨ ᠤ ᠡᠮᠦᠨᠡ ᠵᠤᠭᠰᠤᠭᠠᠨ᠂ ᠰᠢᠨᠠ ᠭᠦᠷᠭᠡᠨ ᠮᠤᠯᠤᠮ ᠪᠣᠯ ᠣᠤᠯ ᠤᠨ ᠰᠠᠮᠫᠢᠯ ᠨᠤᠶᠠᠨ ᠤ ᠪᠢᠴᠢᠭᠡᠴᠢ ᠫᠣᠩᠰᠤᠭ ᠤᠨ ᠣᠤᠭᠠᠨ ᠭᠦᠪᠠᠭᠦᠨ ᠪᠣᠯᠤᠨᠠ᠃ ᠨᠠᠮᠰᠠᠷᠠᠢ ᠪᠠᠶᠠᠨ ᠫᠣᠩᠰᠤᠭ ᠢ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠳᠠᠷᠬᠠᠨ ᠤ ᠴᠠᠢ᠌ᠳᠠᠮ ᠡᠴᠡ ᠮᠤᠯᠤᠮ ᠶᠢ ᠠᠪᠴᠤ ᠢᠷᠠᠨ ᠡᠳᠦᠢ ᠪᠣᠯᠳᠠᠯᠠ ᠣᠯᠠᠨ ᠳᠤ ᠮᠡᠳᠡᠭᠦᠯᠦᠭ᠍ᠰᠡᠨ ᠦᠭᠡᠶ᠂ ᠣᠴᠢᠷ ᠨᠢ ᠳᠢᠶᠠᠨᠬᠦᠤ ᠶᠢᠨ ᠳᠡᠭᠡᠷᠡᠮ ᠡᠴᠡ ᠰᠡᠷᠭᠡᠢ᠌ᠯᠡᠨ ᠭᠢᠴᠢᠶᠡᠭ᠍ᠰᠡᠨ ᠡᠴᠡ ᠶᠤᠮ᠃ ᠷᠤᠯᠭᠠᠷᠮᠠ ᠪᠣᠯ ᠨᠠᠮᠰᠠᠷᠠᠢ ᠪᠠᠶᠠᠨ ᠤ ᠦᠷᠡ ᠶᠢᠨ ᠭᠠᠭᠴᠠ ᠦᠬᠢᠨ ᠪᠣᠯᠤᠨᠠ᠃ ᠦᠨᠦᠳᠤᠷ ᠮᠤᠯᠤᠮ ᠪᠠ ᠷᠤᠯᠭᠠᠷᠮᠠ ᠶᠢᠨ ᠬᠤᠷᠢᠮ ᠤᠨ ᠡᠳᠦᠷ ᠪᠣᠯᠤᠨᠠ᠃ ᠶᠠᠭᠤᠨ ᠤ ᠡᠮᠦᠨᠡ ᠰᠢᠨᠠ ᠭᠦᠷᠭᠡᠨ ᠰᠢᠨᠠ ᠪᠠᠷᠢ ᠪᠠᠨ ᠳᠡᠭ᠍ᠷᠢ ᠪᠣᠷᠬᠠᠠᠨ ᠳᠤ ᠪᠠᠨ ᠮᠦᠷᠭᠦᠯᠦᠶᠡ︕ ᠁
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠭᠢᠨ ᠠᠪᠣ ᠳᠡᠭᠡᠳᠦᠰ ᠲᠡᠭᠡᠨ ᠮᠦᠷᠭᠦᠯᠦᠶᠡ︕ ᠭᠡᠵᠤ ᠮᠦᠷᠭᠦᠯᠤᠨ ᠳᠠᠭᠤᠰᠠᠭᠠᠤᠨ ᠳᠦᠭᠦᠷᠡᠩᠰᠡᠩ ᠰᠢᠨᠠ ᠭᠦᠷᠭᠡᠨ ᠰᠢᠨᠠ ᠪᠠᠷᠢ ᠶᠢᠨ ᠬᠤᠷᠢᠮ ᠤᠨ ᠢᠷᠦᠭᠡᠯ ᠢ ᠰᠤᠶᠤᠷᠬᠠᠪᠠ᠃ ᠳᠠᠷᠠ ᠢᠷᠦᠭᠡᠯ ᠤᠨ ᠥᠭᠡ ᠨᠢ᠄
ᠠᠪᠣᠷᠭᠤ ᠽᠠᠠᠳᠠᠨ ᠮᠤᠳᠤᠨ ᠳᠤ
ᠠᠶᠠ ᠳᠠᠪᠠ ᠪᠡᠷ ᠵᠢᠷᠭᠠᠭᠴᠢ
ᠠᠩ ᠡᠷᠢᠭ᠍ᠴᠢ ᠰᠢᠪᠠᠭᠤᠨ ᠤ
ᠠᠩᠭ᠋ᠠᠬᠠᠢ ᠵᠤᠯᠵᠠᠭᠠ ᠪᠣᠯᠪᠠᠴᠤ
ᠦᠳᠦ ᠰᠤᠳᠤ ᠨᠢ ᠪᠦᠷᠢᠳᠤᠨ
ᠡᠭᠦᠷ ᠶᠤᠭᠡᠨ ᠣᠷᠭᠢᠨ
ᠠᠭᠠᠷ ᠲᠤ ᠨᠢᠰᠤᠨ ᠣᠤᠠᠬᠤ
ᠠᠷᠭᠠ ᠦᠭᠡᠶ ᠨᠢᠭᠡᠨ ᠶᠤᠰᠤᠨ ᠪᠣᠢ︕
ᠭᠠᠯᠪᠢᠷ ᠽᠠᠠᠳᠠᠨ ᠮᠤᠳᠤᠨ ᠳᠤ
ᠭᠠᠭᠴᠠ ᠦᠭᠡᠶ ᠨᠤᠳᠤᠭᠯᠠᠭᠴᠢ
ᠭᠠᠷᠤᠳᠠᠢ ᠨᠠᠷᠠᠳᠠᠢ ᠰᠢᠪᠠᠭᠤᠨ ᠤ
ᠭᠠᠷᠤᠭᠰᠠᠨ ᠵᠤᠯᠵᠠᠭᠠ ᠨᠢ ᠪᠣᠯᠪᠠᠴᠤ
ᠭᠠᠩ ᠵᠢᠭᠦᠷ ᠨᠢ ᠪᠦᠷᠢᠳᠤᠨ
ᠭᠠᠭᠴᠠ ᠡᠭᠡ ᠪᠡᠨ ᠣᠷᠭᠢᠨ
ᠭᠠᠯᠠᠪ ᠳᠤ ᠨᠢᠰᠤᠨ ᠣᠤᠠᠬᠤ
ᠭᠠᠢ᠌ᠬᠠᠮᠰᠢᠭᠳᠤ ᠨᠢᠭᠡᠨ ᠣᠴᠢᠷ ᠪᠣᠢ
ᠭᠦᠮᠤᠨ ᠤ ᠣᠷᠴᠢᠯᠠᠩ ᠳᠤ ᠵᠠᠶᠠᠭᠠᠭᠰᠠᠨ
ᠭᠡᠦᠭᠡᠨ ᠦᠷᠡ ᠭᠡᠭ᠍ᠴᠢ
ᠭᠦᠡᠳᠦᠳᠤ ᠡᠭᠡ ᠡᠴᠡ ᠪᠠᠨ ᠰᠠᠯᠤᠭᠠᠤᠨ
ᠭᠦᠷᠭᠡᠨ ᠳᠤ ᠮᠤᠷᠳᠠᠠᠬᠤ ᠣᠴᠢᠷ ᠪᠣᠢ︕
ᠨᠢᠭᠡᠨ ᠭᠦᠮᠤᠨ ᠤ ᠵᠠᠩᠰᠢᠯ ᠪᠢᠰᠢ
ᠨᠠᠢ᠌ᠳᠠ ᠣᠯᠠᠨ ᠤ ᠵᠠᠩᠰᠢᠯ ᠶᠤᠮ
ᠭᠠᠭᠴᠠ ᠭᠦᠮᠤᠨ ᠤ ᠵᠠᠩᠰᠢᠯ ᠪᠢᠰᠢ
ᠪᠦᠭᠦ ᠮᠤᠩᠭ᠋ᠤᠯ ᠤᠨ ᠵᠠᠩᠰᠢᠯ ᠶᠤᠮ᠃
ᠡᠷᠡᠯᠭᠡᠭ᠌ ᠮᠤᠩᠭ᠋ᠤᠯ ᠤᠨ ᠵᠠᠩᠰᠢᠯ ᠶᠢᠡᠷ
ᠡᠷᠳᠡᠨ ᠤ ᠰᠠᠢ᠌ᠬᠠᠨ ᠳᠠᠳᠬᠠᠯ ᠢ
ᠡᠴᠢᠭᠡ ᠳᠡᠭᠡᠳᠤ ᠶᠢᠨ ᠦᠶᠡ ᠶᠢᠨ
ᠡᠷᠭᠢᠮ ᠠᠷᠢᠭᠤᠨ ᠣᠳᠤᠮᠰᠢᠯ ᠶᠢᠡᠷ
ᠲᠦᠮᠡᠨ ᠦᠯᠵᠡᠢ ᠶᠢᠨ ᠴᠤᠭ ᠣᠴᠠᠷᠠᠯᠳᠤ ᠪᠦᠷᠢᠳᠦᠭ᠍ᠰᠡᠨ
ᠲᠦᠪᠰᠢᠨ ᠵᠢᠷᠭᠠᠯ ᠳᠦᠭᠡᠮᠡᠯ ᠪᠠᠶᠠᠷ ᠤᠨ ᠡᠨᠡ ᠡᠳᠦᠷ
ᠲᠦᠷᠤ ᠶᠢᠨ ᠭᠡᠯᠭᠢᠶᠡ ᠦᠷᠡ ᠶᠢᠨ ᠪᠠᠷᠢᠯᠳᠤᠯᠭᠠ ᠶᠢ
ᠳᠦᠭ᠍ᠵᠢᠯᠡᠨ ᠭᠦᠢᠴᠡᠳᠭᠡᠵᠤ ᠶᠤᠰᠤᠨ ᠳᠤᠷ ᠨᠡᠢ᠌ᠴᠡᠭᠦᠯᠤᠨ
ᠡᠩᠭᠦᠷᠡᠢ ᠬᠤᠶᠠᠷ ᠦᠷᠡ ᠶᠢᠨ ᠵᠢᠠᠨ
ᠡᠩᠭᠡ ᠮᠠᠠᠳᠤ ᠶᠢ ᠵᠦᠩᠨᠠᠨ
ᠡ᠊ᠨᠳᠡ ᠡᠴᠡ ᠭᠦᠰᠡᠨ ᠢᠷᠦᠭᠡᠶᠡ︕ ᠭᠡᠮᠡᠨ
ᠰᠢᠨᠠ ᠭᠦᠷᠭᠡᠨ ᠰᠢᠨᠠ ᠪᠠᠷᠢ ᠶᠢ ᠢᠷᠦᠭᠡᠨ ᠳᠠᠭᠤᠰᠪᠠ᠃
ᠲ᠋ᠠᠭᠢᠭᠠᠤᠨ ᠮᠤᠯᠤᠮ ᠪᠠ ᠷᠤᠯᠭᠠᠷᠮᠠ ᠨᠡᠷ ᠣᠯᠠᠨ ᠳᠤ ᠬᠤᠠᠳᠠᠭᠠᠳᠤ ᠰᠠᠷᠬᠤᠤᠨ ᠢ ᠪᠠᠷᠢᠨ ᠰᠢᠷᠡᠭᠡ ᠡᠷᠭᠢᠨ ᠨᠠᠢ᠌ᠷᠯᠠᠯᠳᠤᠵᠤ ᠨᠢᠭᠡ ᠮᠡᠳᠡᠭᠦ ᠳᠤ ᠨᠠᠷᠠᠨ ᠰᠢᠩᠭᠡᠵᠤ ᠣᠷᠤᠢ ᠪᠣᠯᠪᠠ᠃ ᠢᠷᠡᠭ᠍ᠰᠡᠨ ᠵᠤᠴᠢᠳ ᠪᠣᠴᠠᠨ᠂ ᠬᠤᠷᠢᠮ ᠥᠡᠳᠦᠷᠯᠡᠭ᠍ᠰᠡᠨ ᠤ ᠳᠠᠷᠠᠭᠠ ᠨᠠᠮᠰᠠᠷᠠᠢ ᠪᠠᠶᠠᠨ ᠶᠡᠭᠡᠳᠡ ᠪᠠᠶᠠᠷᠯᠠᠨ ᠠᠷᠢᠭᠢᠨ ᠳᠤ ᠰᠤᠭᠳᠤᠵᠤ᠂ ᠬᠠᠵᠠᠭᠤ ᠶᠢᠨ ᠦᠷᠦᠭᠡᠨ ᠳᠤ ᠣᠷᠤ ᠵᠠᠰᠠᠨ ᠣᠠᠳᠠᠭᠤᠯᠪᠠ᠃ ᠮᠤᠯᠤᠮ ᠪᠠ ᠷᠤᠯᠭᠠᠷᠮᠠ ᠭᠡᠷ ᠲᠤ ᠣᠷᠤᠵᠤ ᠰᠦᠨᠢ ᠶᠢᠨ ᠠᠮᠠᠷᠠᠯᠳᠠ ᠭᠢᠪᠠ᠃
ᠨᠢᠭᠡᠨ ᠬᠤᠤᠰ ᠭᠦᠮᠤᠨ ᠤ ᠬᠠᠯᠠᠭᠤᠨ ᠢᠨᠠᠭ ᠭᠡᠵᠤ ᠥᠯᠢᠭᠡᠷᠯᠡᠭᠦ ᠶᠢᠨ ᠠᠷᠭᠠ ᠦᠭᠡᠶ ᠶᠤᠮᠰᠠᠨ᠃ ᠡᠰᠡ ᠪᠢᠴᠢᠪᠠᠰᠤ ᠥᠯᠢᠭᠡᠷ ᠤᠨ ᠢᠳᠠ ᠰᠢᠳᠢ ᠶᠢ ᠪᠠᠭᠤᠷᠠᠭᠤᠯᠬᠤ ᠶᠠᠭᠤᠨ ᠭᠡᠮᠡᠵᠤ ᠳᠤᠤᠷᠠ ᠭᠡᠰᠡᠭ᠌ ᠳᠡᠮᠳᠡᠭᠯᠡᠨ ᠰᠡᠢ᠌ᠷᠡᠭᠦᠯᠪᠡ᠃
ᠭᠦᠨ ᠭᠡᠷ ᠤᠨ ᠳᠤᠳᠤᠷᠠ ᠨᠠᠮ ᠵᠢᠮ ᠪᠠᠢ᠌ᠭᠰᠠᠨ ᠡᠴᠡ ᠣᠯᠠᠪᠳᠤᠷ ᠯᠠᠪ ᠤᠨ ᠭᠡᠷᠡᠯ ᠳᠤ ᠬᠤᠶᠠᠷ ᠵᠠᠯᠠᠭᠤ ᠶᠢᠨ ᠬᠤᠤᠰ ᠠᠯᠠᠭ ᠨᠢᠳᠤ ᠬᠠᠷᠢᠯᠴᠠᠨ ᠰᠢᠷᠳᠡᠯᠴᠡᠭ᠍ᠰᠡᠭᠡᠷ᠂ ᠣᠳᠠᠯ ᠦᠭᠡᠶ ᠢᠨᠠᠭ ᠤᠨ ᠭᠠᠯ ᠳᠦᠷᠡᠯᠵᠡᠭ᠍ᠰᠡᠭᠡᠷ ᠣᠷᠭᠢᠯ ᠳᠠᠭᠠᠨ ᠳᠤᠯᠤᠭᠰᠠᠨ ᠪᠠᠢ᠌ᠵᠤᠬᠤᠢ᠃ ᠳᠡᠭᠦᠨ ᠤ ᠥᠭᠡ ᠪᠠᠷ ᠭᠡᠯᠡᠪᠠᠯ ᠡᠭᠦᠳᠡ ᠰᠡᠭᠦᠭᠡᠵᠤ ᠦᠪᠡᠷᠠ ᠣᠷᠴᠢᠯᠠᠩ ᠳᠤ ᠣᠷᠤᠭᠰᠠᠨ ᠰᠢᠭ ᠰᠡᠳᠭᠢᠯ ᠭᠦᠪᠪᠦᠵᠤ᠂ ᠶᠠᠷᠤᠨᠢ ᠶᠠᠷᠢᠳᠢᠠᠴᠤ ᠶᠢᠨ ᠳᠡᠭᠡᠷᠡᠭᠢ ᠵᠢᠷᠭᠠᠯ ᠭᠡᠵᠤ ᠡᠨᠡ ᠪᠢᠯᠢᠤ ⁈ ᠭᠡᠵᠤ ᠪᠣᠳᠤᠭᠳᠠᠭᠤᠯᠤᠭᠰᠠᠨ ᠪᠠᠢ᠌ᠭᠠ᠃
ᠨᠢᠭᠡᠨ ᠊ᠭ᠍ᠱᠡᠨ ᠤ ᠦᠨᠦᠰᠤᠯᠳᠠ ᠡᠴᠡ ᠳᠦᠷᠠᠯᠵᠠᠨ ᠨᠤᠴᠤᠭᠰᠠᠨ ᠭᠠᠯ ᠬᠠᠯᠠᠭᠤᠨ ᠢᠨᠠᠭ ᠤᠨ ᠰᠢᠮᠠ ᠳᠦᠳᠠᠯ ᠦᠭᠡᠶ ᠮᠤᠯᠤᠮ ᠡᠴᠡ ᠷᠤᠯᠭᠠᠷᠮᠠ ᠳᠤ ᠰᠢᠩᠭᠡᠷᠡᠨ ᠡᠨᠡ ᠬᠤᠷᠸᠠ ᠣᠷᠴᠢᠯᠠᠩ ᠳᠤ ᠡᠴᠢᠨᠡ ᠭᠤᠶᠤ᠂ ᠠᠮᠠᠷᠠᠭ ᠬᠠᠯᠠᠭᠤᠨ ᠶᠠᠭᠤᠮᠠᠨ ᠥᠭᠡᠷᠡ ᠦᠭᠡᠶ ᠰᠢᠭ᠌ ᠰᠠᠨᠠᠭᠳᠠᠭᠤᠯᠤᠭᠰᠠᠨ ᠪᠢᠯᠠ︕ ᠣᠰᠤᠨ ᠡᠭᠦᠯᠡᠨ ᠡᠴᠡ ᠬᠤᠷᠠ ᠪᠠᠭᠤᠭᠰᠠᠨ ᠰᠢᠭ᠌ ᠣᠴᠢᠷᠳᠤ ᠬᠤᠶᠠᠷ ᠵᠠᠯᠠᠭᠤᠰ ᠨᠢᠭᠡᠨ ᠦᠶᠡ ᠶᠢᠨ ᠬᠠᠯᠠᠭᠤᠷᠠᠯ ᠡᠴᠡ ᠰᠡᠷᠭᠦᠭᠦ ᠦᠶᠡ ᠳᠤ ᠨᠢᠭᠡᠨᠲᠡ ᠭᠦᠭᠡ ᠳᠡᠭ᠍ᠷᠢ ᠴᠡᠯᠮᠡᠭ᠍ᠰᠢᠭ᠍ᠰᠡᠨ ᠰᠢᠭ᠌ ᠰᠠᠨᠠᠭᠳᠠᠭᠤᠯᠤᠨᠠ᠃ ᠡᠴᠦᠰ ᠳᠡᠭᠡᠨ ᠡᠮᠵᠡᠭᠯᠡᠵᠤ ᠡᠪᠠᠳᠦᠭ᠍ᠰᠡᠨ ᠪᠠᠶᠠ ᠡᠴᠡ ᠥᠩᠭᠡ ᠶᠢᠨ ᠴᠡᠴᠡᠭ᠌ ᠳᠡᠯᠭᠡᠷᠡᠨ ᠴᠠᠭᠠᠨ ᠳᠡᠪᠢᠰᠭᠡᠷ ᠣᠯᠠᠭᠠᠨ ᠶᠢᠡᠷ ᠪᠣᠳᠤᠭᠯᠠᠨ ᠴᠠᠪᠠᠷ ᠣᠷᠴᠢᠨ ᠳᠤ ᠢᠴᠢᠯ ᠪᠠᠶᠠᠰᠤᠯ ᠬᠤᠯᠢᠯᠳᠤᠨᠠ᠃
ᠡᠪᠠᠦᠡᠭᠦ ᠡᠨᠡᠷᠢᠯ ᠬᠤᠶᠠᠷ ᠡᠴᠡ ᠡᠢ᠌ᠮᠦᠷᠭᠦ ᠵᠢᠷᠭᠠᠯ ᠤᠨ ᠭᠠᠯ ᠳᠦᠷᠡᠯᠵᠡᠭ᠍ᠰᠡᠭᠡᠷ ᠣᠨ ᠣᠳᠠᠭᠰᠠᠨ ᠪᠣᠳᠤᠯ ᠤᠨ ᠴᠠᠭᠠᠨᠠ ᠡᠴᠡ ᠣᠯᠠᠨ ᠣᠯᠠᠨ ᠰᠡᠳᠭᠢᠯ ᠤᠨ ᠦᠷᠡ ᠴᠤᠪᠣᠷᠤᠯᠳᠤᠨ᠂ ᠡᠨᠡ ᠬᠤᠶᠠᠷ ᠤᠨ ᠬᠠᠢ᠌ᠷᠠ ᠶᠢ ᠦᠮᠠᠠᠴᠢᠯᠠᠨ ᠣᠳᠤᠯᠠ᠁
ᠭᠡᠳᠤᠨ ᠡᠳᠦᠷ ᠪᠣᠯᠤᠭᠰᠠᠨ ᠤ ᠳᠠᠷᠠᠭᠠ ᠮᠤᠯᠤᠮ ᠷᠤᠯᠭᠠᠷᠮᠠ ᠳᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠦᠶᠢ︕ ᠮᠠᠨ ᠤ ᠬᠤᠶᠠᠷ ᠤᠨ ᠪᠠᠶᠠᠷ ᠤᠨ ᠴᠢᠮᠡᠭᠡ ᠶᠢ ᠨᠠᠮᠠᠬᠠᠢ ᠠᠬᠠ ᠳᠤ ᠰᠤᠨᠤᠰᠬᠠᠶᠠ ᠭᠡᠪᠠᠯ ᠷᠤᠯᠭᠠᠷᠮᠠ ᠮᠠᠰᠢᠳᠠ ᠪᠠᠶᠠᠰᠤᠨ ᠳᠠᠷᠠ ᠳᠤᠤᠷᠠ ᠪᠠᠨ ᠪᠢᠷ ᠠᠪᠴᠤ ᠨᠢᠭᠡᠨ ᠬᠠᠭᠤᠳᠠᠰᠤ ᠵᠠᠭᠢᠳᠠᠯ ᠢ ᠡᠷᠢᠶᠡᠴᠢᠪᠡ᠃ ᠳᠠᠷᠠ ᠵᠠᠭᠢᠳᠠᠯ ᠤᠨ ᠥᠭᠡ ᠨᠢ᠄
ᠡᠷᠭᠢᠮ ᠤᠨ ᠠᠬᠠ ᠨᠠᠮᠠᠬᠠᠢ ᠳᠠᠨᠠ᠄
ᠶᠠᠭᠤᠨ ᠤ ᠡᠮᠦᠨᠡ ᠡᠷᠭᠢᠮ ᠤᠨ ᠠᠬᠠ ᠳᠠᠨ ᠤ ᠪᠠᠶᠠ ᠮᠠᠬᠠᠪᠣᠤᠨ ᠤᠨ ᠡᠷᠡᠭᠦᠯ ᠴᠢᠭᠢᠷᠠᠭ ᠢ ᠭᠦᠰᠡᠨ ᠳᠠᠭᠢᠨ ᠳᠠᠨ ᠤ ᠨᠤᠮ ᠤᠨ ᠴᠢᠨᠠᠷ ᠪᠠᠳᠤᠳᠠ ᠪᠣᠯᠳᠤᠭᠠᠢ ᠭᠡᠵᠤ ᠡ᠊ᠨᠳᠡ ᠡᠴᠡ ᠨᠠᠮᠠᠠᠴᠢᠯᠠᠶᠠ︕
ᠠᠬᠠ ᠮᠢᠨᠢ ᠳᠠ ᠶᠠᠪᠣᠭᠰᠠᠨ ᠤ ᠬᠤᠢᠨᠠ ᠨᠤᠳᠤᠭ ᠣᠰᠤᠨ ᠳᠤ ᠮᠢᠨᠢ ᠶᠡᠭᠡᠳᠡ ᠬᠤᠪᠢᠷᠠᠯᠳᠠ ᠭᠠᠷᠴᠤ᠂ ᠮᠠᠨᠤᠰ ᠳᠢᠶᠠᠨᠬᠦᠤ ᠶᠢᠨ ᠳᠡᠭᠡᠷᠡᠮ ᠢ ᠪᠣᠳᠠ ᠴᠤᠭᠢᠵᠤ ᠣᠳᠤ ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠢ ᠭᠠᠯᠳᠠᠨ ᠰᠠᠮᠫᠢᠯ ᠨᠤᠶᠠᠨ ᠤ ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠳᠤ ᠰᠠᠭᠤᠵᠤ ᠪᠠᠢ᠌ᠨᠠ᠂ ᠠᠪᠣ ᠶᠢᠨ ᠪᠠᠶᠠ ᠠᠮᠤᠷ ᠰᠠᠢ᠌ᠨ᠂ ᠮᠦᠨ ᠴᠤ ᠠᠪᠣ ᠶᠢᠨ ᠵᠠᠭᠢᠶᠠ ᠪᠠᠷ ᠮᠤᠯᠤᠮ ᠲᠡᠶ ᠪᠢᠳᠠ ᠬᠤᠶᠠᠷ ᠠᠳᠠᠯ ᠠᠮᠢᠳᠤᠷᠠᠯ ᠶᠢᠡᠨ ᠪᠣᠰᠬᠠᠨ᠂ ᠰᠢᠨᠡᠭᠡᠨ ᠬᠤᠷᠢᠮ ᠭᠢᠨ ᠳᠠᠨ ᠳᠤ ᠪᠠᠶᠠᠷ ᠤᠨ ᠴᠢᠮᠡᠭᠡ ᠪᠣᠯᠭᠠᠨ ᠢᠯᠡᠭᠡᠪᠡ᠃
ᠬᠤᠯᠠ ᠶᠠᠪᠣᠭᠰᠠᠨ ᠠᠬᠠ ᠴᠢᠮᠠ ᠶᠢ ᠨᠡᠭᠡᠷᠡᠨ ᠰᠠᠨᠠᠬᠤ ᠶᠢᠨ ᠶᠡᠭᠡ ᠪᠠᠷ ᠰᠠᠨᠠᠨ᠂ ᠭᠡᠷᠪᠡ ᠴᠠᠭ ᠰᠡᠯᠡᠭᠦᠤ ᠲᠡᠶ ᠪᠣᠯ ᠨᠠᠰᠢ ᠪᠠᠨ ᠨᠢᠭᠡ ᠬᠤᠪᠢ ᠬᠠᠷᠢᠭᠤ ᠵᠠᠭᠢᠳᠠᠯ ᠶᠠᠪᠣᠭᠤᠯᠬᠤ ᠶᠢ ᠭᠦᠰᠡᠨᠡ᠃
ᠠᠯᠢᠪᠠ ᠣᠴᠢᠷ ᠢ ᠳᠠᠨ ᠲᠡᠶ ᠨᠢᠭᠤᠷ ᠵᠤᠯᠭᠠᠨ ᠶᠠᠷᠢᠯᠴᠠᠶᠠ︕ ᠮᠠᠩᠬᠠᠳᠤ ᠶᠢᠨ ᠪᠠᠭᠤᠷᠢ ᠪᠠᠷ ᠪᠣᠯᠵᠤᠭᠠᠨ ᠭᠠᠵᠠᠷ ᠪᠣᠯᠭᠠᠨ ᠠᠬᠠ ᠳᠠᠨ ᠢ ᠭᠦᠯᠢᠶᠡᠶᠡ ︕
ᠡᠭᠦᠨᠡ᠄
ᠮᠤᠯᠤᠮ
ᠷᠤᠯᠭᠠᠷᠮᠠ ᠡᠴᠡ ᠶᠤᠰᠤᠯᠠᠪᠠ᠃
ᠵᠠᠭᠢᠳᠠᠯ ᠢ ᠪᠢᠴᠢᠨ ᠳᠠᠭᠤᠰᠬᠠᠵᠤ ᠵᠠᠷᠤᠴᠠ ᠣᠨᠢᠭᠠᠷ ᠢ ᠳᠠᠭᠤᠳᠠᠨ ᠠᠯᠤᠰ ᠬᠤᠯᠠ ᠪᠠᠭᠡᠵᠢᠩ ᠤᠨ ᠶᠦᠩ ᠾᠧ ᠭᠦᠩ ᠵᠥᠭ᠌ ᠮᠤᠷᠳᠠᠭᠤᠯᠪᠠ᠃ ᠣᠨᠢᠭᠠᠷ ᠨᠢᠭᠡᠨ ᠡᠳᠦᠷ ᠶᠦᠩ ᠾᠧ ᠭᠦᠩ ᠳᠤ ᠭᠦᠷᠴᠤ ᠨᠠᠮᠠᠬᠠᠢ ᠳᠤ ᠵᠠᠭᠢᠳᠠᠯ ᠢ ᠭᠠᠷᠳᠠᠭᠤᠯᠤᠨ ᠳᠠᠭᠢᠨ ᠨᠠᠮᠠᠬᠠᠢ ᠶᠢᠨ ᠨᠢᠭᠡᠨ ᠬᠠᠭᠤᠳᠠᠰᠤ ᠵᠠᠭᠢᠳᠠᠯ ᠢ ᠠᠪᠴᠤ ᠨᠤᠳᠤᠭ ᠵᠥᠭ᠌ ᠶᠢᠡᠨ ᠪᠣᠴᠠᠭᠰᠠᠨ ᠴᠤ ᠴᠠᠭ ᠳᠦᠷᠤ ᠶᠢᠨ ᠥᠢᠮᠡᠭᠡᠨ ᠡᠴᠡ ᠪᠣᠯᠵᠤ ᠳᠠᠢ᠌ᠨ ᠤ ᠭᠦᠯ ᠣᠯᠠ ᠳᠤ ᠬᠠᠮᠤᠷᠠᠭᠳᠠᠨ ᠣᠨᠢᠭᠠᠷ ᠠᠮᠢ ᠪᠠᠨ ᠠᠯᠳᠠᠵᠤ᠂ ᠨᠠᠮᠠᠬᠠᠢ ᠶᠢᠨ ᠵᠠᠭᠢᠳᠠᠯ ᠴᠤ ᠪᠠᠷᠠ ᠦᠭᠡᠶ ᠪᠣᠯᠪᠠ᠃ ᠭᠡᠪᠠᠴᠤ ᠡᠭᠦᠨ ᠢ ᠮᠤᠯᠤᠮ ᠪᠠ ᠷᠤᠯᠭᠠᠷᠮᠠ ᠭᠡᠷᠭᠢᠨ ᠮᠠᠳᠠᠨᠠ︖ ᠭᠡᠵᠢᠶᠡ ᠬᠣᠢ᠌ᠨᠠ ᠮᠤᠯᠤᠮ ᠮᠠᠨᠢ ᠳᠤᠭᠰᠢᠨ ᠪᠣᠷᠤᠭᠠᠨ ᠰᠢᠷᠦᠭᠦᠨ ᠰᠠᠯᠭᠢᠨ ᠢ ᠳᠤᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠨᠠᠮᠠᠬᠠᠢ ᠲᠡᠶ ᠵᠤᠯᠭᠠᠨ ᠮᠡᠳᠡᠭ᠍ᠰᠡᠨ ᠶᠤᠮ᠃
ᠭᠠᠵᠠᠷ ᠭᠠᠵᠠᠷ ᠳᠠᠢ᠌ᠨ ᠤ ᠣᠳᠤᠭᠠ ᠠᠶᠠᠠᠳᠠᠭᠠᠨ ᠣᠰᠠᠳᠴᠤ᠂ ᠹᠧᠤᠳᠠᠯ ᠤᠨ ᠬᠠᠷᠠ ᠰᠢᠷᠠ ᠨᠤᠶᠠᠤᠨ ᠪᠠᠶᠠᠤᠨ ᠤᠨ ᠦᠶᠡ ᠰᠦᠯᠵᠢᠶᠠ ᠳᠠᠭᠤᠰᠤᠨ᠂ ᠮᠢᠩᠭ᠋ᠠ ᠶᠢᠰᠤᠨ ᠵᠠᠭᠤ ᠳᠦᠴᠢ ᠶᠢᠰᠤᠨ ᠣᠨ ᠤ ᠠᠷᠪᠠᠨ ᠰᠠᠷᠠ ᠶᠢᠨ ᠨᠢᠭᠡᠨ ᠳᠤ ᠰᠢᠨᠠ ᠳᠤᠮᠳᠠᠳᠤ ᠣᠯᠤᠰ ᠪᠠᠢ᠌ᠭᠤᠯᠤᠭᠳᠠᠨ ᠳᠤᠷᠤᠨᠠ ᠡᠴᠡ ᠮᠠᠠᠳᠤᠭᠰᠠᠨ ᠮᠠᠤ ᠵᠦᠰᠢ ᠭᠡᠮᠡᠨ ᠪᠦᠭᠦ ᠣᠯᠤᠰ ᠲᠤ ᠳᠤᠳᠤᠭᠠᠳᠤ ᠶᠢᠨ ᠳᠠᠢ᠌ᠨ ᠢ ᠵᠤᠭᠰᠤᠭᠠᠵᠤ᠂ ᠬᠠᠷᠢ ᠶᠢᠨ ᠳᠦᠷᠢᠮᠡᠭᠡᠢ᠌ᠯᠡᠭ᠍ᠴᠢᠳ ᠤᠨ ᠺᠤᠯᠤᠨᠢ ᠣᠷᠤᠨ ᠪᠣᠴᠠᠭᠠᠭᠳᠠᠨ᠂ ᠠᠷᠠᠤᠨ ᠲᠦᠮᠡᠨ ᠳᠤ ᠡᠷᠭᠡ ᠴᠢᠯᠦᠭᠡ ᠣᠷᠤᠨ᠂ ᠭᠦᠮᠤᠨ ᠪᠦᠭᠦᠨ ᠪᠠᠶᠠᠷ ᠤᠨ ᠮᠠᠩᠨᠠᠢ ᠳᠠᠨᠢᠢᠨ᠂ ᠥᠭᠡᠢ᠌ᠭᠦᠤ ᠠᠩᠭᠢ ᠶᠢᠨ ᠡᠪ ᠬᠠᠮᠳᠤ ᠶᠢᠨ ᠨᠡᠢ᠌ᠭᠡᠮ ᠳᠤ ᠳᠠᠪᠰᠢᠨ ᠰᠢᠨᠠ ᠭᠦᠳᠡᠯᠭᠡᠭᠡᠨ᠂ ᠰᠢᠨᠠ ᠬᠤᠪᠢᠰᠬᠠᠯ ᠮᠠᠠᠳᠤᠨ ᠦᠵᠡᠳᠠᠯᠠ ᠭᠤᠪᠢ ᠳᠠᠯᠠ ᠡᠴᠡ ᠠᠭᠤᠯᠠ ᠵᠢᠯᠠᠭᠠ ᠳᠤ ᠭᠦᠷᠳᠡᠯᠡ ᠬᠤᠪᠢᠰᠬᠠᠯ ᠤᠨ ᠰᠢᠨᠠ ᠠᠶᠠ ᠳᠠᠭᠤᠤ ᠴᠤᠤᠷᠢᠶᠠᠳᠤᠨ ᠠᠷᠠᠤᠨ ᠲᠦᠮᠡᠨ ᠵᠢᠩᠭᠢᠨᠢ ᠪᠠᠷ ᠪᠣᠰᠤᠨ ᠵᠤᠭᠰᠤᠯᠠ ᠁
ᠣᠯᠠᠭᠠᠨ ᠤ ᠬᠤᠪᠢᠰᠬᠠᠯ ᠢᠯᠠᠯᠳᠠ ᠣᠯᠤᠨ᠂ ᠫᠠᠭᠳᠠᠭᠠᠷ ᠳᠡᠭᠡᠷᠡᠮ ᠤᠳ ᠳᠤᠳᠠᠭᠠᠨ ᠭᠠᠷᠤᠭᠰᠠᠨ ᠤ ᠰᠡᠭᠦᠯᠡᠷ ᠳᠠᠢ᠌ᠨ ᠤ ᠬᠠᠷᠠ ᠫᠢᠵᠢ ᠵᠤᠭᠰᠤᠨ ᠠᠷᠠᠤᠨ ᠲᠦᠮᠡᠨ ᠨᠡᠢ᠌ᠭᠡᠮ ᠵᠢᠷᠤᠮᠳᠤ ᠭᠠᠵᠠᠷ ᠳᠠᠷᠢᠶᠠᠨ ᠤ ᠥᠭᠡᠷᠡᠴᠢᠯᠡᠯᠳᠡ ᠭᠢᠵᠤ ᠰᠢᠨᠠ ᠬᠤᠪᠢᠰᠬᠠᠯ ᠡᠭᠢᠯᠡᠯᠡ᠁
ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠤ ᠡᠮᠦᠨᠡ ᠣᠯᠠᠭᠠᠨ ᠳᠤᠭ ᠨᠠᠮᠢᠷᠠᠨ᠂ ᠬᠤᠪᠢᠰᠬᠠᠯ ᠢᠯᠠᠯᠳᠠ ᠣᠯᠤᠭᠰᠠᠨ ᠣᠷᠢᠶᠠ ᠯᠤᠤᠽᠤᠩ ᠭᠡᠷᠡᠮ ᠬᠠᠨᠠ ᠳᠡᠭᠡᠷᠡ ᠨᠠᠭᠠᠨ᠂ ᠰᠢᠨᠠ ᠳᠤᠮᠳᠠᠳᠤ ᠣᠯᠤᠰ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ ᠢ ᠪᠠᠶᠠᠷᠯᠠᠨ ᠪᠠᠯᠭᠡᠯᠡᠨ᠂ ᠭᠤᠪᠢ ᠠᠢ᠌ᠮᠠᠭ ᠢ ᠴᠢᠯᠦᠭᠡᠯᠡᠭ᠍ᠰᠡᠨ ᠳ᠋ᠠᠮᠪᠠ ᠪᠠᠳᠦᠰᠦ᠋ᠭᠡ ᠪᠠ ᠪᠠᠯᠤ ᠳᠠᠷᠤᠭᠠ ᠵᠠᠩ ᠱᠦᠵᠢ ᠨᠡᠷ ᠪᠦᠭᠦ ᠭᠤᠪᠢ ᠠᠢ᠌ᠮᠠᠭ ᠤᠨ ᠣᠯᠠᠨ ᠲᠦᠮᠡᠨ ᠢ ᠴᠤᠭᠯᠠᠭᠤᠯᠤᠨ᠂ ᠣᠯᠠᠨ ᠲᠦᠮᠡᠨ ᠳᠤ ᠦᠵᠡᠯ ᠰᠠᠨᠠᠭᠠᠨ ᠤ ᠭᠦᠮᠦᠵᠢᠯ ᠭᠢᠨ᠂ ᠡᠪ ᠬᠠᠮᠳᠤ ᠶᠤᠰᠤᠨ ᠤ ᠣᠤᠠᠬᠠ ᠴᠢᠨᠠᠷ᠂ ᠳᠤᠮᠳᠠᠳᠤ ᠣᠯᠤᠰ ᠤᠨ ᠴᠢᠯᠦᠭᠡᠯᠡᠯᠳᠡ ᠶᠢᠨ ᠳᠠᠢ᠌ᠨ ᠤ ᠭᠦᠴᠢᠷ ᠪᠠᠷᠭᠡᠰᠢᠶᠡᠯᠲᠤ ᠳᠠᠮᠠᠴᠠᠯ ᠤᠨ ᠱᠠᠳᠤ ᠦᠶᠡ ᠶᠢ ᠰᠤᠨᠤᠰᠬᠠᠨ᠂ ᠤᠷᠢᠳᠤ ᠶᠢᠨ ᠪᠠᠶᠠᠤᠨ ᠨᠤᠶᠠᠤᠨ ᠪᠣᠷᠤᠭᠤ ᠪᠠᠨ ᠬᠠᠯᠠᠨ ᠰᠢᠨᠠ ᠶᠢ ᠳᠠᠭᠠᠵᠤ ᠬᠤᠯᠠ ᠶᠢ ᠬᠠᠷᠠᠨ᠂ ᠠᠷᠠᠤᠨ ᠲᠦᠮᠡᠨ ᠢ ᠪᠣᠳᠤᠬᠤ ᠵᠡᠷᠭᠡ ᠶᠢ ᠣᠢ᠌ᠯᠠᠭᠠᠭᠤᠯᠤᠨ᠂ ᠡᠷᠦᠭᠡ ᠪᠦᠷᠢ ᠮᠠᠤ ᠵᠦᠰᠢ ᠶᠢᠨ ᠰᠡᠭᠦᠳᠡᠷ ᠢ ᠭᠡᠷ ᠲᠡᠭᠡᠨ ᠡᠯᠭᠦᠨ ᠡᠨᠡ ᠭᠦᠮᠤᠨ ᠦᠭᠡᠶ ᠪᠣᠯ ᠪᠢᠳᠠᠨ ᠤ ᠦᠨᠦᠳᠤᠷ ᠪᠠᠢ᠌ᠵᠤ ᠴᠢᠳᠠᠬᠤ ᠦᠭᠡᠶ᠂ ᠮᠠᠤ ᠵᠦᠰᠢ ᠲᠦᠮᠡᠨ ᠨᠠᠰᠤᠯᠠᠳᠤᠭᠠᠢ᠂ ᠲᠦᠮᠡᠨ ᠲᠦᠮᠡᠨ ᠨᠠᠰᠤᠯᠳᠤᠭᠠᠢ ᠭᠡᠵᠤ ᠬᠤᠭᠤᠯᠠ ᠢᠳᠡᠭᠦ ᠡᠴᠡ ᠡᠮᠦᠨᠡ ᠭᠡᠯᠡᠭᠦ ᠳᠤᠩ ᠰᠠᠢ᠌ᠬᠠᠨ ᠵᠠᠩᠰᠢᠯ ᠢ ᠪᠣᠢ ᠪᠣᠯᠭᠠᠭᠰᠠᠨ ᠪᠠᠢ᠌ᠨᠠ᠃
ᠲ᠋ᠠᠭᠢᠭᠠᠤᠨ ᠪᠠᠶᠠᠤᠨ ᠨᠤᠶᠠᠤᠨ ᠤᠨ ᠭᠠᠵᠠᠷ ᠳᠠᠷᠢᠶᠠ ᠶᠢ ᠬᠤᠷᠢᠶᠠᠨ ᠠᠪᠴᠤ᠂ ᠠᠷᠠᠤᠨ ᠲᠦᠮᠡᠨ ᠳᠤ ᠬᠤᠪᠢᠶᠠᠨ ᠥᠭ᠍ᠴᠤ ᠪᠠᠶᠠᠤᠨ ᠨᠤᠶᠠᠤᠨ᠂ ᠭᠠᠵᠠᠷ ᠤᠨ ᠡᠵᠡᠨ ᠤ ᠡᠷᠭᠡ ᠶᠢ ᠠᠪᠤᠨ᠂ ᠣᠯᠠᠨ ᠲᠦᠮᠡᠨ ᠳᠤ ᠪᠣᠷᠤᠭᠤ ᠭᠦᠯᠢᠶᠡᠨ ᠦᠪᠡᠷ ᠤᠨ ᠶᠠᠯᠠ ᠪᠠᠨ ᠦᠪᠠᠰᠤᠪᠠᠨ ᠶᠠᠷᠢᠨ᠂ ᠣᠯᠠᠨ ᠲᠦᠮᠡᠨ ᠡᠴᠡ ᠠᠭᠤᠴᠢᠯᠠᠯ ᠭᠦᠰᠡᠭᠦ ᠶᠢ ᠭᠤᠶᠤᠯᠭᠠᠨᠠ ᠭᠡᠵᠤ ᠵᠠᠷᠯᠢᠭ ᠪᠠᠭᠤᠪᠠ᠃ ᠪᠦᠭᠦ ᠳᠤᠮᠳᠠᠳᠤ ᠣᠯᠤᠰ ᠲᠤ ᠡᠨᠡ ᠮᠠᠳᠤ ᠰᠢᠨᠠ ᠬᠤᠪᠢᠰᠬᠠᠯ ᠡᠭᠢᠯᠡᠭ᠍ᠰᠡᠨ ᠦᠶᠡ ᠳᠤ ᠵᠡᠭᠡᠷᠭᠡᠡᠳᠤ ᠶᠢᠨ ᠵᠢᠮᠪᠠ ᠦᠨᠦᠷ ᠠᠪᠣᠭᠰᠠᠨ ᠴᠢᠨ᠋ᠸᠠ ᠱᠢᠭ ᠬᠦᠬᠡᠨᠠᠭᠤᠷ ᠵᠥᠭ᠌ ᠵᠢᠯᠢᠢᠨ ᠴᠠᠢ᠌ᠳᠠᠮ ᠤᠨ ᠴᠠᠢ᠌ᠳᠠᠮ ᠪᠠᠶᠠᠨ ᠴᠠᠭ ᠤᠨ ᠪᠠᠢ᠌ᠳᠠᠯ ᠤᠨ ᠣᠷᠤᠭᠠ ᠪᠣᠰᠬᠠᠭᠠ ᠶᠢ ᠦᠵᠡᠨ ᠮᠤᠯᠤᠷ ᠢ ᠳᠤᠳᠤᠷ ᠭᠠᠵᠠᠷ ᠭᠢᠳᠠᠤᠨ ᠤᠨ ᠡᠮᠦᠨᠡ ᠣᠷᠤᠨ ᠵᠥᠭ᠌ ᠠᠷᠠᠯᠵᠢᠶᠠ ᠮᠠᠢ᠌ᠮᠠᠢ ᠭᠢᠭᠦ ᠮᠠᠶᠢᠭ ᠶᠢᠡᠷ ᠶᠠᠪᠣᠭᠤᠯᠤᠭᠰᠠᠨ ᠡᠴᠡ ᠬᠤᠪᠢᠰᠬᠠᠯ ᠤᠨ ᠬᠠᠯᠠᠭᠤᠷᠠᠯ ᠳᠤ ᠴᠠᠢ᠌ᠳᠠᠮ ᠨᠠᠰᠤ ᠪᠠᠷᠠᠵᠤ ᠮᠤᠯᠤᠷ ᠳᠠᠷᠠ ᠵᠢᠯ ᠠᠬᠠ ᠪᠠᠨ ᠥᠵᠡᠭᠦ ᠪᠠᠷ ᠢᠷᠡᠭ᠍ᠰᠡᠨ ᠡᠴᠡ ᠳᠠᠭᠢᠭᠠᠤᠨ ᠮᠤᠯᠤᠷ ᠤᠨ ᠪᠠᠷᠠ ᠰᠤᠷᠠᠭ ᠦᠭᠡᠶ᠁ ᠥᠯᠢᠭᠡᠷ ᠤᠨ ᠭᠤᠤᠯ ᠣᠢ᠌ᠯᠠ ᠶᠠᠪᠣᠳᠠᠯ ᠣᠳᠤ ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠡᠴᠡ ᠡᠭᠦᠰᠦᠨᠡ ⁈
ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠤ ᠡᠮᠦᠨᠡᠭᠦᠷ ᠬᠣᠢ᠌ᠭᠤᠷ ᠬᠤᠶᠠᠷ ᠫᠠᠢ᠌ᠰᠠ ᠰᠢᠪᠠᠷ ᠭᠡᠷ ᠣᠷᠳᠤ ᠭᠡᠷ ᠪᠣᠰᠤᠨ ᠳᠡᠭᠡᠷᠡᠭᠢ ᠣᠳᠤᠷᠢᠳᠤᠯᠭᠠ ᠪᠠ ᠡᠷᠦᠭᠡ ᠶᠢᠨ ᠴᠡᠷᠢᠭ᠌ ᠤᠨ ᠳᠠᠷᠤᠭᠠ ᠨᠡᠷ ᠰᠠᠭᠤᠨ᠂ ᠭᠦᠳᠡᠭᠡ ᠳᠤᠰᠬᠤᠨ ᠤ ᠭᠠᠵᠠᠷ ᠳᠠᠷᠢᠶᠠᠨ ᠤ ᠥᠭᠡᠷᠴᠢᠯᠡᠯᠳᠡ ᠵᠢᠩᠭᠢᠨᠢ ᠪᠠᠷ ᠡᠭᠢᠯᠡᠪᠡ᠃ ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠤ ᠨᠠᠷᠠ ᠶᠢ ᠬᠠᠯᠠᠵᠤ ᠭᠡᠭᠡᠨ ᠣᠷᠳᠤ ᠭᠡᠪᠡ᠃ ᠤᠢ᠌ᠷᠡ ᠬᠠᠪᠢ ᠶᠢᠨ ᠠᠷᠠᠤᠨ ᠲᠦᠮᠡᠨ ᠢ ᠨᠡᠢ᠌ᠯᠡᠭᠦᠯᠤᠨ ᠭᠦᠳᠡᠭᠡ ᠳᠤᠰᠬᠤᠨ ᠤ ᠵᠠᠰᠠᠭ ᠵᠠᠭᠢᠷᠠᠭᠠ ᠶᠢ ᠪᠠᠢ᠌ᠭᠤᠯᠤᠨ ᠳᠡᠭ᠍ᠷᠢ ᠭᠠᠵᠠᠷ ᠣᠷᠪᠠᠭᠰᠠᠨ ᠶᠡᠭᠡ ᠬᠤᠪᠢᠷᠠᠯᠳᠠ ᠭᠠᠷᠪᠠ᠃
ᠭᠡᠳᠤᠨ ᠡᠳᠦᠷ ᠤᠨ ᠳᠠᠷᠠᠭᠠ ᠠᠷᠪᠠ ᠢᠯᠡᠭᠦᠤ ᠡᠷᠦᠭᠡ ᠶᠢᠨ ᠴᠡᠷᠢᠭ᠌ ᠪᠠ ᠳᠡᠷᠭᠡ ᠭᠦᠰᠭᠡ ᠶᠢ ᠳᠠᠭᠠᠭᠤᠯᠤᠨ ᠳ᠋ᠠᠮᠪᠠ ᠳᠠᠷᠤᠭᠠ ᠮᠠᠩᠬᠠᠳᠤ ᠶᠢᠨ ᠨᠠᠮᠰᠠᠷᠠᠢ ᠶᠢᠨ ᠶᠤᠭᠤᠷ ᠲᠤ ᠪᠠᠭᠤᠪᠠ᠃ ᠡᠪᠦᠭᠡᠨ ᠨᠠᠮᠰᠠᠷᠠᠢ ᠰᠠᠷᠠ ᠢᠯᠡᠭᠦᠤ ᠶᠢᠨ ᠣᠬᠠᠭᠤᠯᠭᠠ ᠪᠠ ᠭᠢᠴᠢᠶᠡᠯ ᠭᠦᠮᠦᠵᠢᠯ ᠢ ᠭᠦᠷᠳᠡᠭᠡᠳ ᠬᠤᠪᠢᠰᠬᠠᠯ ᠤᠨ ᠡᠮᠦᠨᠡ ᠡᠪᠦᠳᠦᠭ᠌ ᠰᠥᠭᠦᠷᠡᠨ ᠰᠥᠭᠦᠳᠴᠤ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠭᠡᠳᠡᠭ᠌ ᠠᠷᠢᠶᠠᠯᠪᠣᠤ ᠪᠣᠷᠬᠠᠨ ᠡᠴᠡ ᠢᠯᠡᠭᠦᠤ ᠭᠡᠳ ᠦᠨᠡᠨ ᠰᠡᠳᠭᠢᠯ ᠡᠴᠡ ᠪᠠᠨ ᠪᠢᠰᠢᠷᠠᠨ ᠳ᠋ᠠᠮᠪᠠ ᠳᠠᠷᠤᠭᠠ ᠡᠭᠦᠳᠡᠨ ᠳᠤ ᠢᠷᠡᠭᠦ ᠲᠡᠶ ᠵᠡᠷᠭᠡ ᠡᠪᠦᠭᠡᠨ ᠨᠠᠮᠰᠠᠷᠠᠢ ᠡᠮᠦᠨᠡ ᠭᠡᠳᠤᠨ ᠡᠳᠦᠷ ᠡᠴᠡ ᠪᠡᠯᠡᠳᠭᠡᠨ ᠪᠠᠢ᠌ᠭᠰᠠᠨ ᠳᠠᠩᠰᠠ ᠬᠠᠷᠠ ᠪᠦᠭᠦᠨ ᠶᠢᠡᠨ ᠳᠤᠰᠢᠶᠠᠨ ᠮᠤᠷᠢᠨ ᠱᠤᠩ ᠤᠨ ᠳᠡᠷᠭᠡᠳᠡ ᠳ᠋ᠠᠮᠪᠠ ᠳᠠᠷᠤᠭᠠ ᠶᠢᠨ ᠮᠤᠷᠢᠨ ᠴᠤᠯᠪᠣᠭᠤᠷ ᠢ ᠠᠳᠬᠤᠨ ᠵᠤᠭᠰᠤᠨᠠ᠃ ᠡᠨᠡ ᠥᠨᠡᠭᠡᠷ᠄
ᠦᠴᠦᠭᠡᠳᠦᠷ ᠰᠠᠶᠢ ᠨᠡᠭᠡᠢ ᠳᠠᠪᠠᠯ ᠲᠡᠶ ᠴᠠᠴᠠᠷᠠᠨ ᠳᠠᠭᠵᠠᠢ᠌ᠨ ᠠᠳᠠᠯᠠ
ᠦᠨᠦᠳᠤᠷ ᠬᠠᠷᠢᠨ ᠯᠤᠤᠳᠤ ᠮᠠᠩᠨᠤᠭ ᠲᠤᠷ ᠰᠡᠳᠭᠢᠯ ᠦᠯᠦ ᠬᠠᠨᠤᠮᠤᠢ᠃
ᠭᠡᠳᠡᠭ᠍ᠴᠢᠯᠡᠨ ᠳᠤᠷᠭᠠᠨ ᠳᠠᠪᠠᠯ ᠡᠮᠦᠰᠤᠨ᠂ ᠳᠤᠰᠤᠨ ᠳᠡᠭᠡᠷᠡ ᠭᠤᠯᠭᠤᠨ ᠳᠤᠤᠷᠠᠭᠢ ᠬᠡᠦᠬᠡᠳ ᠢ ᠵᠠᠩᠳᠤᠨ ᠳᠡᠭᠡᠷᠡᠩᠭᠦᠢᠯᠡᠵᠤ ᠪᠠᠢ᠌ᠭᠰᠠᠨ ᠪᠠᠶᠠᠨ ᠨᠢᠭᠡᠨ ᠦᠳᠡᠰᠢ ᠶᠢᠨ ᠳᠤᠳᠤᠷᠠ ᠳᠤᠤᠷᠠ ᠣᠷᠤᠨ ᠣᠷᠤᠭᠤ ᠣᠷᠤᠰᠴᠤ᠂ ᠮᠤᠷᠢᠨ ᠱᠤᠩ ᠤᠨ ᠳᠡᠷᠭᠡᠳᠡ ᠮᠤᠷᠢ ᠠᠳᠬᠤᠨ ᠵᠤᠭᠰᠤᠬᠤ ᠭᠡᠳᠡᠭ᠌ ᠪᠣᠯ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠠᠰᠤᠷᠤ ᠳᠤᠮᠤ ᠭᠦᠴᠤᠨ ᠴᠢᠳᠠᠯ ᠢ ᠢᠯᠡᠳᠭᠡᠵᠤ ᠪᠠᠢ᠌ᠬᠤ ᠨᠢ ᠳᠠᠮᠵᠢᠭ ᠦᠭᠡᠶ᠂ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠭᠤᠪᠢ ᠵᠤ᠋ ᠥᠯᠡᠳᠡᠭᠡᠯ ᠦᠭᠡᠶ ᠣᠯᠠᠭᠠᠨ ᠭᠠᠯ ᠰᠢᠭ᠌ ᠣᠯᠠᠪᠠᠯᠵᠠᠨ ᠨᠤᠴᠤᠨᠠ᠃
ᠳᠠᠮᠪᠠ ᠠᠷᠪᠠ ᠢᠯᠡᠭᠦᠤ ᠡᠷᠦᠭᠡ ᠶᠢᠨ ᠴᠡᠷᠢᠭ᠌ ᠢ ᠵᠠᠩᠳᠤᠷᠤᠨ ᠨᠠᠮᠰᠠᠷᠠᠢ ᠶᠢᠨ ᠠᠯᠢ ᠣᠯᠠᠨ ᠵᠣᠢ᠌ᠯ ᠢ ᠳᠤᠭᠠ ᠪᠦᠷᠢᠳᠭᠡᠨ ᠳᠠᠩᠰᠠ ᠬᠠᠷᠠ ᠲᠡᠶ ᠨᠡᠢ᠌ᠯᠡᠭᠦᠯᠤᠨ ᠭᠠᠳᠠᠨᠠ ᠳᠡᠷᠭᠡᠨ ᠳᠤ ᠳᠡᠭᠡᠭᠡᠵᠤ ᠠᠳᠤᠭᠤ ᠮᠠᠯ ᠠᠷᠭᠠᠯ ᠬᠤᠮᠤᠤᠯ ᠳᠤ ᠳᠤᠯᠳᠠᠯᠠ ᠥᠯᠡᠳᠡᠭᠡᠯ ᠦᠭᠡᠶ ᠪᠦᠳᠤᠨ ᠳᠠᠪᠤᠨ ᠡᠳᠦᠷ ᠤᠨ ᠴᠦᠯᠪᠠᠯᠳᠠ ᠪᠠᠷ ᠨᠠᠮᠰᠠᠷᠠᠢ ᠪᠠᠶᠠᠨ ᠤ ᠳᠦᠷᠪᠠᠯᠵᠢᠨ ᠭᠦᠷᠢᠶᠡ᠂ ᠬᠤᠶᠠᠷ ᠳᠠᠯᠠ ᠳᠠᠭᠠᠨ ᠫᠣᠤᠯᠤ ᠲᠡᠶ ᠭᠦᠷᠢᠶᠡᠨ ᠳᠤᠳᠤᠷᠠ ᠰᠦᠷᠯᠢᠭ᠌ ᠪᠠᠷᠢᠭᠰᠠᠨ ᠭᠦᠭᠡ ᠸᠠᠭᠠᠷ ᠤᠨ ᠪᠠᠢ᠌ᠰᠢᠩ᠂ ᠳᠠᠪᠤᠨ ᠵᠠᠯᠠᠨ ᠵᠤᠴᠢᠳ ᠪᠠᠭᠤᠳᠠᠯᠯᠠᠬᠤ ᠭᠡᠷ᠂ ᠬᠤᠭᠤᠯᠠ ᠪᠠᠵᠠᠭᠠᠬᠤ ᠭᠡᠷ᠂ ᠠᠷᠤ ᠳᠤᠬᠤᠨ ᠭᠡᠷ ᠲᠤ ᠳᠤᠯᠳᠠᠯᠠ ᠣᠳᠠᠷᠠᠵᠤ ᠨᠢᠴᠠᠯᠠᠨ ᠳᠤᠭᠤᠰᠭᠠ ᠴᠢᠯᠠᠭᠤ ᠶᠢ ᠨᠢ ᠪᠠᠭᠤᠯᠭᠠᠨ ᠠᠪᠴᠤ᠂ ᠡᠪᠳᠡᠷᠭᠡᠢ ᠪᠠᠢ᠌ᠰᠢᠭ᠌ ᠬᠠᠭᠠᠷᠬᠠᠢ ᠡᠭᠦᠳᠡ ᠲᠡᠶ ᠥᠯᠡᠳᠡᠭᠡᠨ ᠡᠪᠦᠭᠡᠨ ᠨᠠᠮᠰᠠᠷᠠᠢ ᠶᠢ ᠮᠤᠷᠢᠨ ᠤ ᠡᠮᠦᠨᠡ ᠭᠦᠭᠡᠭᠡᠵᠤ ᠶᠠᠪᠠᠭᠠᠨ ᠶᠢᠡᠷ ᠭᠡᠭᠡᠨ ᠣᠷᠳᠤᠨ ᠵᠥᠭ᠌ ᠳᠠᠭᠤᠨᠠ᠃
ᠲ᠋ᠠᠪᠢ ᠥᠩᠭᠡᠷᠡᠭ᠍ᠰᠡᠨ ᠨᠠᠮᠰᠠᠷᠠᠢ ᠡᠪᠦᠭᠡᠨ ᠠᠷᠭᠠ ᠦᠭᠡᠶ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠳᠤᠤᠷᠠ ᠨᠢᠷᠤᠭᠤ ᠪᠦᠭᠦᠢᠨ ᠮᠤᠷᠢᠨ ᠤ ᠡᠮᠦᠨᠡ ᠱᠤᠭᠰᠢᠨ ᠭᠦᠶᠦᠨᠡ᠃ ᠪᠦᠳᠤᠨ ᠡᠳᠦᠷ ᠤᠨ ᠭᠦᠶᠦᠭᠡ ᠪᠠᠷ ᠭᠡᠭᠡᠨ ᠣᠷᠳᠤᠨ ᠤ ᠰᠢᠨᠡᠭᠡᠨ ᠪᠠᠷᠢᠭᠰᠠᠨ ᠭᠦᠭᠡ ᠸᠠᠭᠠᠷ ᠤᠨ ᠬᠤᠪᠢᠰᠬᠠᠯ ᠤᠨ ᠡᠷᠭᠢᠯᠡᠭᠦ ᠠᠯᠪᠠᠨ ᠭᠡᠷ ᠲᠤ ᠢᠷᠠᠨ ᠨᠠᠮᠰᠠᠷᠠᠢ ᠶᠢ ᠣᠴᠣᠢ᠌ᠨ ᠰᠠᠭᠤᠯᠭᠠᠪᠠ᠃ ᠳᠠᠮᠠᠢ ᠣᠳᠠᠯ ᠦᠭᠡᠶ ᠦᠶᠡ ᠬᠤᠷᠠᠭ ᠤᠨ ᠭᠢᠨ ᠭᠡᠡᠵᠦᠦᠷ ᠪᠠᠶᠠᠨ᠂ ᠰᠸᠷᠠᠪ ᠪᠠᠶᠠᠨ᠂ ᠪᠣᠢ᠌ᠳᠠ ᠴᠡᠪᠠᠭ᠍ᠵᠡᠪ᠂ ᠳᠠᠳᠠᠨ ᠤ ᠡᠭᠡᠨᠡᠷ ᠬᠡᠦᠬᠡᠳ ᠢ ᠠᠪᠴᠤ ᠢᠷᠠᠨ ᠬᠣᠢ᠌ᠨᠠ ᠬᠣᠢ᠌ᠨᠠ ᠡᠴᠡ ᠪᠠᠨ ᠣᠴᠣᠢ᠌ᠨ ᠰᠠᠭᠤᠯᠭᠠᠪᠠ᠃ ᠬᠤᠪᠢᠰᠬᠠᠯ ᠡᠷᠭᠢᠯᠡᠭᠦ ᠠᠯᠪᠠᠨ ᠭᠡᠷ ᠤᠨ ᠭᠠᠳᠠ ᠡᠷᠦᠭᠡ ᠶᠢᠨ ᠴᠡᠷᠢᠭ᠌ ᠬᠤᠶᠠᠷ ᠬᠤᠶᠠᠷ ᠶᠢᠡᠷ ᠫᠣᠤ ᠪᠠᠷᠢᠨ ᠵᠤᠭᠰᠤᠨ᠂ ᠠᠯᠢ ᠣᠯᠠᠨ ᠪᠠᠶᠠᠤᠨ ᠨᠤᠶᠠᠤᠨ ᠤᠨ ᠡᠳ᠋ ᠬᠤᠭᠰᠢᠯ ᠢ ᠰᠢᠨᠡᠭᠡᠨ ᠪᠠᠷᠢᠵᠤ ᠪᠠᠢ᠌ᠭᠠ ᠭᠡᠷ ᠲᠤ ᠣᠷᠤᠭᠤᠯᠤᠨ ᠳᠤᠭᠠ ᠳᠠᠩᠰᠠ ᠶᠢ ᠨᠢ ᠪᠠᠳᠦᠰᠦ᠋ᠭᠡ ᠪᠢᠴᠢᠨᠠ᠃
ᠣᠳᠠᠯ ᠦᠭᠡᠶ ᠷᠧ ᠾᠧ ᠮᠤᠵᠢ ᠶᠢᠨ ᠳᠡᠭᠡᠳᠤ ᠵᠠᠰᠠᠭ ᠵᠠᠭᠢᠷᠠᠭᠠ ᠡᠴᠡ ᠴᠢᠮᠡᠭᠡ ᠢᠷᠠᠨ ᠵᠢᠩᠭᠢᠨᠢ ᠪᠠᠷ ᠭᠤᠪᠢ ᠠᠢ᠌ᠮᠠᠭ ᠤᠨ ᠳᠠᠷᠤᠭᠠ ᠶᠢ ᠳ᠋ᠠᠮᠪᠠ ᠪᠠᠷ ᠳᠤᠮᠢᠯᠠᠨ᠂ ᠳᠠᠭᠢᠨ ᠡᠷᠦᠭᠡ ᠶᠢᠨ ᠴᠡᠷᠢᠭ᠌ ᠤᠨ ᠳᠠᠷᠤᠭᠠ ᠶᠢ ᠪᠣᠤᠱᠠᠨ ᠶᠢᠡᠷ ᠳᠤᠮᠢᠯᠠᠨ᠂ ᠰᠤᠷᠳᠠᠯ ᠣᠬᠠᠭᠤᠯᠬᠤ ᠺᠤᠮᠢᠰ ᠢ ᠰᠢᠨᠠ ᠪᠠᠷ ᠪᠠᠢ᠌ᠭᠤᠯᠤᠨ ᠮᠤᠯᠤᠮ᠂ ᠷᠤᠯᠭᠠᠷᠮᠠ᠂ ᠢᠳᠡᠪᠭᠢ ᠨᠡᠷ ᠢ ᠳᠤᠮᠢᠯᠠᠨ ᠨᠠᠮ ᠤᠨ ᠡᠭᠦᠷ ᠤᠨ ᠱᠦᠵᠢ ᠶᠢ ᠸᠠᠩ ᠵᠢᠶᠠᠨ ᠢ ᠳᠤᠮᠢᠯᠠᠪᠠ᠃ ᠪᠠᠳᠦᠰᠦ᠋ᠭᠡ᠂ ᠳᠠᠮᠤᠷᠠ ᠨᠡᠷ ᠢ ᠴᠤ ᠳᠤᠰ ᠳᠤᠰ ᠣᠤᠯ ᠤᠨ ᠳᠤᠰᠢᠶᠠᠯ ᠢ ᠨᠢ ᠡᠭᠦᠷᠭᠡᠯᠡᠭᠦᠯᠪᠡ᠃
ᠭᠤᠪᠢ ᠠᠢ᠌ᠮᠠᠭ ᠤᠨ ᠭᠦᠳᠡᠭᠡ ᠳᠤᠰᠬᠤᠨ ᠤ ᠵᠠᠰᠠᠭ ᠵᠠᠭᠢᠷᠠᠭᠠᠨ ᠤ ᠺᠤᠮᠢᠰ ᠨᠢᠭᠡᠨᠲᠡ ᠪᠦᠷᠢᠯᠳᠤᠨ ᠲᠦᠯᠤᠪᠰᠢᠷᠠᠨ᠂ ᠣᠯᠠ ᠮᠦᠷ ᠶᠢᠡᠨ ᠣᠯᠵᠤ᠂ ᠭᠠᠵᠠᠷ ᠳᠠᠷᠢᠶᠠᠨ ᠤ ᠥᠭᠡᠷᠡᠴᠢᠯᠡᠯᠳᠡ ᠶᠢᠨ ᠳᠦᠷᠢᠮ ᠨᠠᠢ᠌ᠳᠠᠪᠣᠷᠢᠳᠠᠢ ᠶᠠᠪᠣᠭᠳᠠᠨ ᠵᠢᠯ ᠤᠨ ᠡᠴᠦᠰ ᠪᠣᠯᠬᠤ ᠳᠤ ᠪᠦᠭᠦ ᠭᠤᠪᠢ ᠠᠢ᠌ᠮᠠᠭ ᠤᠨ ᠠᠷᠠᠤᠨ ᠲᠦᠮᠡᠨ ᠢ ᠴᠤᠭᠯᠠᠭᠤᠯᠤᠨ ᠨᠠᠮ ᠤᠨ ᠡᠭᠦᠷ ᠤᠨ ᠱᠦᠵᠢ ᠸᠠᠩ ᠵᠢᠶᠠᠨ ᠡᠴᠡ ᠶᠠᠷᠢᠶᠠ ᠳᠠᠯᠪᠢᠨ ᠣᠤᠯ ᠤᠨ ᠠᠯᠢ ᠣᠯᠠᠨ ᠪᠠᠶᠠᠤᠨ ᠨᠤᠶᠠᠤᠨ᠂ ᠹᠧᠤᠳᠠᠯ ᠤᠨ ᠭᠠᠵᠠᠷ ᠤᠨ ᠡᠵᠡᠨ ᠢ ᠪᠦᠭᠦᠢᠴᠡᠯᠭᠡᠭᠦ ᠭᠦᠳᠡᠯᠭᠡᠭᠡᠨ ᠦᠷᠨᠢᠵᠠᠢ᠃
ᠣᠤᠯ ᠤᠨ ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠢ ᠨᠤᠷᠠᠭᠠᠵᠤ ᠰᠠᠭᠤᠷᠢᠨ ᠳᠡᠭᠡᠷᠡ ᠨᠢ ᠰᠢᠨᠠ ᠪᠠᠷ ᠭᠦᠭᠡ ᠸᠠᠭᠠᠷ ᠤᠨ ᠠᠷᠠᠤᠨ ᠤᠨ ᠵᠠᠰᠠᠭ ᠤᠨ ᠣᠷᠳᠤᠨ ᠢ ᠪᠠᠢ᠌ᠭᠤᠯᠵᠤ᠂ ᠵᠠᠰᠠᠭ ᠤᠨ ᠣᠷᠳᠤᠨ ᠤ ᠭᠦᠷᠢᠶᠡᠨ ᠳᠤᠮᠳᠠ ᠠᠰ ᠶᠢᠡᠷ ᠪᠦᠳᠦᠭᠦᠨ ᠳᠠᠢ᠌ᠰᠠ ᠵᠤᠬᠢᠶᠠᠨ᠂ ᠳᠠᠢ᠌ᠰᠠᠨ ᠤ ᠳᠡᠭᠡᠷᠡ ᠳᠠᠯᠠ ᠳᠤ ᠨᠢᠭᠡ ᠮᠦᠷ ᠣᠳᠤᠷᠢᠳᠬᠤ ᠭᠦᠮᠦᠰ ᠰᠠᠭᠤᠨ ᠳᠠᠢ᠌ᠰᠠᠨ ᠤ ᠳᠤᠤᠷᠠ ᠨᠢᠭᠡ ᠮᠦᠷ ᠡᠷᠦᠭᠡ ᠶᠢᠨ ᠴᠡᠷᠢᠭ᠌ ᠵᠤᠭᠰᠤᠵᠤ ᠳᠠᠭᠢᠨ ᠪᠠᠶᠠᠤᠨ ᠨᠤᠶᠠᠤᠨ ᠭᠠᠵᠠᠷ ᠤᠨ ᠡᠵᠡᠨ ᠢ ᠮᠦᠷᠯᠡᠭᠦᠯᠤᠨ ᠵᠢᠩᠭᠢᠨᠢ ᠪᠠᠷ ᠪᠦᠭᠦᠢᠴᠡᠯᠭᠡᠭᠦ ᠭᠦᠳᠡᠯᠭᠡᠭᠡᠨ ᠡᠭᠢᠯᠡᠭ᠍ᠰᠡᠨ ᠪᠠᠢ᠌ᠨᠠ᠃
ᠬᠤᠶᠠᠷ ᠡᠷᠦᠭᠡ ᠶᠢᠨ ᠴᠡᠷᠢᠭ᠌ ᠨᠠᠮᠰᠠᠷᠠᠢ ᠶᠢᠨ ᠬᠤᠶᠠᠷ ᠭᠠᠷ ᠢ ᠬᠣᠢ᠌ᠰᠢ ᠭᠦᠯᠢᠨ ᠮᠦᠷᠤ ᠶᠢ ᠨᠢ ᠣᠷᠤᠭᠰᠢ ᠪᠠᠨ ᠲᠦᠯᠭᠢᠨ ᠳᠠᠢ᠌ᠰᠠᠨ ᠤ ᠳᠤᠮᠳᠠ ᠠᠪᠴᠢᠷᠠᠨ ᠪᠦᠭᠦᠢᠴᠡᠯᠭᠡᠨ ᠵᠤᠭᠰᠤᠭᠠᠵᠤ ᠣᠯᠠᠨ ᠲᠦᠮᠡᠨ ᠳᠤ ᠪᠣᠷᠤᠭᠤ ᠪᠠᠨ ᠭᠡᠯᠡ︕ ᠭᠡᠳ ᠵᠡᠨᠭ᠍ᠳᠦᠷᠡᠨ ᠬᠠᠰᠭᠢᠷᠤᠨᠠ᠃ ᠳᠠᠢ᠌ᠰᠠᠨ ᠤ ᠳᠡᠭᠡᠷᠡ ᠭᠤᠤᠯ ᠳᠤᠮᠳᠠ ᠨᠢ ᠰᠠᠭᠤᠭᠰᠠᠨ ᠨᠢ ᠨᠠᠮ ᠤᠨ ᠡᠭᠦᠷ ᠤᠨ ᠱᠦᠵᠢ ᠸᠠᠩ ᠵᠢᠶᠠᠨ᠂ ᠳᠡᠭᠦᠨ ᠦ ᠳᠠᠷᠠᠭᠠ ᠠᠢ᠌ᠮᠠᠭ ᠤᠨ ᠳᠠᠷᠤᠭᠠ ᠳ᠋ᠠᠮᠪᠠ ᠪᠠ ᠰᠤᠷᠳᠠᠯ ᠣᠬᠠᠭᠤᠯᠬᠤ ᠭᠡᠯᠳᠡᠰ ᠤᠨ ᠳᠠᠷᠤᠭᠠ ᠸᠠᠩ ᠬᠤᠩ ᠳᠠᠭᠢᠭᠠᠤᠨ ᠮᠤᠯᠤᠮ᠂ ᠷᠤᠯᠭᠠᠷᠮᠠ᠂ ᠪᠠᠳᠦᠰᠦ᠋ᠭᠡ᠂ ᠳᠡᠮᠦᠷᠡ᠂ ᠢᠳᠡᠪᠭᠢ ᠨᠡᠷ ᠰᠠᠭᠤᠵᠠᠭᠠᠵᠤ ᠪᠠᠶᠠᠤᠨ ᠨᠤᠶᠠᠤᠨ ᠤᠨ ᠶᠠᠯᠠ ᠨᠢᠭᠦᠯ ᠶᠢ ᠨᠢ ᠳᠤᠭᠠᠴᠢᠭᠤᠯᠤᠨᠠ᠃
ᠭᠦᠭᠡᠷᠦᠭᠦᠢ︕ ᠨᠠᠮᠰᠠᠷᠠᠢ ᠪᠠᠶᠠᠨ ᠨᠤᠳᠤᠭ ᠨᠢᠷᠤᠭᠤᠨ ᠤ ᠣᠯᠠᠨ ᠲᠦᠮᠡᠨ ᠤ ᠡᠮᠦᠨᠡ ᠡᠪᠦᠳᠦᠭ᠌ ᠨᠤᠭᠤᠯᠠᠨ ᠪᠦᠭᠦᠢᠴᠡᠨ ᠰᠥᠭᠦᠳᠴᠤ ᠴᠤᠬᠤᠮ ᠶᠠᠭᠤ ᠭᠡᠵᠤ ᠭᠡᠯᠡᠭᠦ ᠪᠢᠯᠠ ⁈ ᠭᠡᠵᠤ ᠭᠡᠯᠡᠭᠦ ᠥᠭᠡ ᠪᠠᠨ ᠣᠯᠵᠤ ᠶᠠᠳᠠᠨ ᠳᠤᠯᠤᠭᠠᠢ ᠭᠡᠭᠦᠯᠵᠡᠨᠡ᠃ ᠳᠠᠪᠢᠭᠠᠤᠨ ᠵᠢᠯ ᠤᠨ ᠰᠠᠯᠭᠢᠨ ᠪᠣᠷᠤᠭᠠᠨ ᠢ ᠥᠩᠭᠡᠷᠡᠭᠦᠯᠤᠨ᠂ ᠠᠪᠣ ᠶᠢᠨ ᠶᠢᠡᠨ ᠪᠣᠶᠠᠨ ᠢ ᠵᠠᠯᠭᠠᠮᠵᠢᠯᠠᠨ ᠠᠳᠤᠭᠤ ᠮᠠᠯ ᠶᠢᠡᠨ ᠦᠨᠢᠷ ᠥᠰᠭᠡᠵᠤ ᠵᠠᠷᠤᠴᠠ ᠬᠡᠦᠬᠡᠳ ᠶᠢᠡᠨ ᠭᠠᠴᠢᠵᠤ ᠶᠠᠪᠣᠭᠰᠠᠨ ᠦᠭᠡᠶ ᠰᠢᠤ ᠭᠡᠳ ᠪᠣᠳᠤᠯ ᠳᠠᠭᠠᠨ ᠪᠣᠳᠤᠭᠠᠤᠨ ᠭᠡᠯᠡᠶᠡ ᠭᠡᠳ ᠭᠡᠯᠡ ᠪᠣᠯᠳᠠᠢ᠌ᠪᠠᠴᠤ᠂ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠭᠡᠳᠡᠭ᠌ ᠠᠷᠤ ᠡᠴᠡ ᠮᠢᠨᠢ ᠱᠠᠭᠠᠢ᠌ᠭᠰᠠᠨ ᠬᠤᠷᠳᠤᠨ ᠫᠣᠤ ᠭᠡᠳᠡᠭ᠌ ᠢ ᠪᠣᠳᠤᠬᠤ ᠲᠡᠶ ᠵᠡᠷᠭᠡ ᠳᠠᠷᠠ ᠪᠦᠭᠦᠨ ᠨᠢ ᠰᠠᠷᠨᠢᠨ᠂ ᠬᠤᠶᠠᠷ ᠨᠢᠳᠤᠨ ᠡᠴᠡ ᠨᠢ ᠭᠠᠯ ᠪᠣᠳᠠᠷᠠᠨ ᠭᠤᠶᠠᠳᠠᠨ ᠣᠨᠠᠪᠠ᠃ ᠠᠷᠤ ᠳᠤ ᠨᠢ ᠵᠤᠭᠰᠤᠭᠰᠠᠨ ᠬᠤᠶᠠᠷ ᠡᠷᠦᠭᠡ ᠶᠢᠨ ᠴᠡᠷᠢᠭ᠌ ᠦᠨᠳᠦᠷ ᠳᠠᠭᠤᠨ ᠶᠢᠡᠷ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠤᠷᠳᠤᠨ ᠦᠪᠡᠷ ᠤᠨ ᠶᠠᠪᠣᠭᠰᠠᠨ ᠶᠢᠡᠨ ᠡᠭᠢᠨ ᠡᠴᠡ ᠨᠢ ᠠᠳᠠᠭ ᠲᠤ ᠨᠢ ᠳᠤᠯᠳᠠᠯᠠ ᠭᠡᠯᠡᠭᠦ ᠦᠭᠡᠶ ᠶᠠᠭᠤ ᠶᠢ ᠭᠦᠯᠢᠶᠡᠨ ᠬᠠᠭᠤᠷᠮᠠᠭ ᠭᠡᠪᠳᠡᠨᠡ︖ ᠭᠡᠵᠤ ᠨᠠᠮᠰᠠᠷᠠᠢ ᠶᠢ ᠢᠰᠭᠦᠯᠤᠨ ᠪᠣᠰᠬᠠᠵᠤ ᠳᠠᠭᠢᠨ ᠰᠥᠭᠦᠳᠭᠡᠪᠡ᠃
ᠡᠪᠦᠭᠡᠨ ᠨᠠᠮᠰᠠᠷᠠᠢ ᠳᠦᠩᠭᠡᠵᠢ ᠠᠮᠠ ᠨᠡᠭᠡᠭᠡᠨ ᠥᠭᠡ ᠭᠡᠯᠡᠶᠡ ᠭᠡᠳᠡᠯᠡ ᠠᠷᠤ ᠶᠢᠨ ᠬᠤᠶᠠᠷ ᠴᠡᠷᠢᠭ᠌ ᠠᠳᠬᠤᠭᠰᠠᠨ ᠫᠣᠤ ᠶᠢᠨ ᠡᠰᠢ ᠪᠠᠷ ᠭᠤᠤᠯ ᠨᠢᠷᠤᠭᠤ ᠣᠷᠤᠭᠤ ᠳᠠᠭᠠᠭᠤᠯᠤᠨ ᠴᠤᠭᠢᠬᠤ ᠲᠡᠶ ᠳᠠᠭᠠᠷᠠᠯᠳᠤᠨ ᠨᠢᠱ ᠭᠡᠰᠡᠨ ᠳᠠᠭᠤᠨ ᠳᠤ ᠪᠣᠯᠳᠠᠯᠵᠠᠭᠰᠠᠨ ᠭᠡᠯᠡ ᠪᠠᠨ ᠳᠠᠰᠤ ᠬᠠᠵᠠᠨ ᠣᠯᠠᠭᠠᠨ ᠴᠢᠰᠤ ᠠᠮᠠᠨ ᠡᠴᠡ ᠨᠢ ᠣᠷᠤᠰᠤᠪᠠ᠃ ᠳ᠋ᠠᠮᠪᠠ ᠳᠠᠷᠤᠭᠠ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠨᠡ ᠭᠠᠢ᠌ᠬᠠᠯ ᠰᠢᠠᠳᠠᠰᠤ ᠲᠡᠶ ᠡᠷᠡ ᠭᠡᠳ ᠣᠭᠰᠣᠢ᠌ᠵᠤ ᠪᠠᠢ᠌ᠨᠠ᠂ ᠭᠢᠯᠭᠠᠰᠤᠨ ᠳᠡᠭᠡᠰᠤ ᠶᠢ ᠣᠰᠤᠨ ᠳᠤ ᠳᠡᠪᠳᠡᠭᠡᠨ ᠠᠪᠴᠤ ᠢᠷᠠ︕ ᠡᠢ᠌ᠮᠤ ᠭᠦᠮᠤᠨ ᠳᠤ ᠬᠠᠳᠠᠭᠤ ᠣᠷᠤᠬᠤ ᠦᠭᠡᠶ ᠪᠣᠯ ᠦᠨᠡᠨ ᠶᠢᠡᠨ ᠭᠡᠯᠡᠭᠦ ᠦᠭᠡᠶ ᠶᠤᠮ ᠭᠡᠵᠤ ᠳᠤᠤᠷᠠᠭᠢ ᠴᠡᠷᠢᠭ᠌ ᠢ ᠵᠠᠷᠯᠢᠭᠳᠠᠵᠤ ᠳᠤᠮᠫᠠᠨ ᠳᠤ ᠣᠰᠤ ᠭᠢᠵᠤ ᠥᠭᠡᠷ ᠤᠨ ᠪᠠᠷᠢᠶᠠ ᠶᠢ ᠳᠡᠪᠳᠡᠭᠡᠨ ᠨᠠᠮᠰᠠᠷᠠᠢ ᠶᠢ ᠮᠠᠨᠠᠷᠳᠠᠯᠠ ᠴᠤᠭᠢᠪᠠ᠃
ᠭᠦᠮᠦᠰ ᠨᠠᠮᠰᠠᠷᠠᠢ ᠶᠢᠨ ᠮᠠᠨᠠᠷᠠᠭᠰᠠᠨ ᠢ ᠥᠵᠡᠭᠡᠳ ᠵᠢᠷᠦᠭᠡ ᠨᠢ ᠴᠠᠴᠠᠷᠨᠠ᠃ ᠠᠷᠤ ᠪᠠᠷ ᠰᠠᠭᠤᠵᠤ ᠪᠠᠢ᠌ᠭᠰᠠᠨ ᠮᠤᠯᠤᠮ ᠪᠠ ᠷᠤᠯᠭᠠᠷᠮᠠ ᠣᠷᠤᠨ ᠳᠤ ᠪᠠᠨ ᠰᠠᠭᠤᠵᠤ ᠶᠠᠳᠠᠨ ᠦᠵᠡᠳᠠᠯᠠ ᠠᠪᠣ ᠶᠢ ᠨᠢ ᠭᠦᠮᠤᠨ ᠤ ᠮᠡᠳᠡᠭᠡ ᠦᠭᠡᠶ ᠪᠣᠯᠭᠠᠪᠠ᠃ ᠡᠨᠡ ᠦᠶᠡ ᠳᠤ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠡᠰᠡᠷᠭᠦ ᠭᠡᠨ ᠭᠦᠮᠤᠨ ᠭᠠᠭᠴᠠ ᠨᠢᠭᠡ ᠥᠭᠡ ᠶᠠᠷᠢᠵᠤ ᠴᠢᠳᠠᠨᠠ᠃ ᠠᠷᠭᠠ ᠦᠭᠡᠶ ᠴᠠᠭ ᠳᠦᠷᠤ ᠶᠢᠨ ᠥᠢᠮᠡᠭᠡᠨ ᠭᠡᠳᠡᠭ᠌ ᠡᠢ᠌ᠮᠤ ᠯᠠ ᠶᠤᠮ ᠴᠢᠨᠢ ᠭᠦᠭᠡᠷᠦᠭᠦᠢ ᠨᠠᠮᠰᠠᠷᠠᠢ ᠮᠠᠨᠢ ᠶᠠᠭᠤ ᠪᠠᠨ ᠬᠡᠯᠡᠭᠦ ᠪᠠᠨ ᠣᠯᠵᠤ ᠶᠠᠳᠠᠨ ᠬᠤᠶᠠᠷ ᠣᠳᠠᠭᠠ ᠮᠠᠨᠠᠷᠳᠠᠯᠠ ᠴᠤᠭᠢᠭᠳᠠᠭᠰᠠᠨ ᠢ ᠥᠵᠡᠭᠡᠳ ᠳᠤᠤᠷᠠ ᠵᠤᠭᠰᠤᠭᠰᠠᠨ ᠰᠸᠷᠠᠪ ᠪᠠᠶᠠᠨ ᠨᠢᠭᠡ ᠯᠠ ᠠᠮᠢᠰᠬᠤᠭᠠ ᠪᠠᠷ ᠳᠠᠰᠤ ᠪᠣᠳᠤᠨ ᠢᠩᠭᠢᠵᠤ ᠳᠠᠮᠤᠯᠠᠭᠳᠠᠨ ᠪᠠᠢ᠌ᠭᠠᠤᠨ ᠥᠭᠦᠭ᠍ᠰᠡᠨ ᠤ ᠣᠷᠤᠨ ᠳᠤ ᠰᠢᠭᠤᠳ ᠥᠭᠦᠭ᠍ᠰᠡᠨ ᠢ ᠭᠦᠢᠴᠡᠭᠦ ᠦᠭᠡᠶ ᠭᠡᠮᠡᠨ ᠳᠠᠢ᠌ᠰᠠᠨ ᠤ ᠬᠠᠵᠠᠭᠤ ᠶᠢᠨ ᠪᠦᠳᠦᠭᠦᠨ ᠴᠢᠯᠠᠭᠤ ᠶᠢ ᠮᠦᠷᠭᠦᠨ ᠳᠤᠯᠤᠭᠠᠢ ᠬᠠᠭᠠᠷᠠᠵᠤ ᠡᠨᠡ ᠨᠠᠰᠤ ᠪᠠᠨ ᠪᠠᠷᠠᠪᠠ᠃ ᠦᠵᠡᠳᠠᠯᠠ ᠨᠢᠭᠡ ᠭᠦᠮᠤᠨ ᠤ ᠠᠮᠢᠨ ᠭᠡᠷᠡᠭ᠌ ᠭᠠᠷᠴᠤ ᠨᠠᠮᠰᠠᠷᠠᠢ ᠪᠠᠰᠠ ᠥᠭᠡ ᠳᠤᠤᠭᠠᠷᠬᠤ ᠦᠭᠡᠶ ᠳᠤ ᠸᠠᠩ ᠵᠢᠶᠠᠨ ᠪᠠ ᠳ᠋ᠠᠮᠪᠠ ᠵᠦᠪᠳᠠᠯᠴᠠᠨ ᠮᠠᠷᠭᠠᠰᠢ ᠵᠠᠯᠭᠠᠨ ᠪᠦᠭᠦᠢᠴᠡᠯᠭᠡᠭᠦ ᠪᠠᠷ ᠳᠤᠭᠳᠠᠨ ᠡᠨᠡ ᠡᠳᠦᠷ ᠤᠨ ᠬᠤᠷᠠᠯ ᠵᠤᠭᠰᠤᠨ ᠮᠠᠷᠭᠠᠰᠢ ᠦᠳᠡ ᠳᠤ ᠡᠭᠢᠯᠡᠭᠦ ᠪᠠᠷ ᠣᠯᠠᠨ ᠳᠤ ᠳᠠᠷᠬᠠᠭᠠᠪᠠ᠃
ᠮᠤᠯᠤᠮ ᠪᠠ ᠷᠤᠯᠭᠠᠷᠮᠠ ᠭᠦᠶᠤᠨ ᠢᠷᠠᠵᠤ ᠡᠴᠢᠭᠡ ᠨᠠᠮᠰᠠᠷᠠᠢ ᠶᠢ ᠥᠵᠡᠭᠦ ᠳᠤ ᠭᠡᠳᠦᠡᠳᠡ ᠬᠠᠷᠠᠩᠭ᠋ᠣᠢ᠌ᠳᠠᠨ ᠣᠨᠠᠵᠤ ᠴᠢᠷᠠᠢ ᠨᠢ ᠰᠢᠷᠠᠯᠠᠨ ᠠᠮᠠᠨ ᠡᠴᠡ ᠨᠢ ᠭᠤᠭᠤᠵᠢᠭᠰᠠᠨ ᠴᠢᠰᠤ ᠳᠠᠢ᠌ᠰᠠ ᠤ ᠳᠡᠭᠡᠷᠡ ᠳᠤᠰᠤᠯᠠᠨ ᠭᠦᠯᠳᠡᠭᠡᠳ᠂ ᠭᠡᠯᠡ ᠪᠠᠨ ᠬᠠᠵᠠᠭᠰᠠᠨ ᠡᠴᠡ ᠪᠣᠯᠵᠤ ᠨᠠᠮᠰᠠᠷᠠᠢ ᠥᠭᠡ ᠭᠡᠯᠡᠵᠤ ᠳᠡᠢ᠌ᠯᠭᠦ ᠦᠭᠡᠶ ᠪᠣᠯᠵᠤ 《ᠡ᠂ ᠡᠨ》 ᠭᠡᠵᠤ ᠪᠠᠷᠭᠢᠷᠠᠨ ᠬᠤᠶᠠᠷ ᠨᠢᠳᠤᠨ ᠡᠴᠡ ᠨᠢ ᠨᠢᠯᠪᠣᠰᠤ ᠪᠦᠮᠪᠦᠷᠢᠨᠡ᠃ ᠡᠴᠢᠭᠡ ᠶᠢᠨ ᠶᠢᠡᠨ ᠨᠢᠭᠡᠨᠲᠡ ᠭᠡᠯᠡ ᠦᠭᠡᠶ ᠪᠣᠯᠤᠭᠰᠠᠨ ᠢ ᠥᠵᠡᠭᠡᠳ ᠷᠤᠯᠭᠠᠷᠮᠠ ᠭᠡᠷᠭᠢᠨ ᠳᠠᠰᠴᠤ ᠪᠣᠯᠤᠨᠠ᠃ ᠡᠭᠡᠷ ᠳᠠᠳᠠᠨ ᠣᠭᠢᠯᠠᠪᠠᠴᠤ ᠳᠡᠭᠦᠨ ᠢ ᠳᠠᠷᠠ ᠦᠶᠡ ᠳᠤ ᠭᠡᠨ ᠦᠷᠤ ᠡᠪᠡᠳᠴᠤ ᠠᠪᠣᠷᠠᠨᠠ᠃ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠰᠢᠷᠦᠭᠦᠨ ᠭᠦᠳᠡᠯᠭᠡᠭᠡᠨ ᠢ ᠡᠨᠡ ᠦᠶᠡᠰ ᠭᠡᠨ ᠡᠰᠷᠭᠦᠴᠡᠵᠤ ᠴᠢᠳᠠᠨᠠ ⁈ ᠳᠤᠤᠭᠠᠷᠤᠭᠰᠠᠨ ᠭᠦᠮᠤᠨ ᠭᠡᠷᠡᠭ᠌ ᠲᠤ ᠬᠠᠪᠴᠢᠭᠳᠠᠨ ᠳᠠᠭᠤ ᠦᠭᠡᠶ ᠶᠠᠪᠣᠭᠰᠠᠨ ᠭᠦᠮᠤᠨ ᠡᠴᠡ ᠭᠡᠷᠡᠭ᠌ ᠡᠷᠢᠭᠦ ᠡᠨᠡᠭᠦ ᠳᠡᠦᠭᠡᠨ ᠰᠢᠯᠵᠢᠯᠳᠠ ᠶᠢᠨ ᠴᠠᠭ ᠦᠶᠡ ᠳᠤ ᠳᠦᠷᠤᠵᠤ ᠥᠰᠦᠭ᠍ᠰᠡᠨ ᠣᠯᠠᠭᠠᠨ ᠭᠦᠯᠳᠡᠨ ᠤᠳ ᠯᠠ ᠡᠭᠦᠨ ᠢ ᠳᠤᠳᠤᠷᠠᠬᠠᠢ ᠣᠯᠵᠤ ᠮᠡᠳᠡᠭᠦ ᠶᠤᠮ᠃
ᠡᠷᠦᠭᠡ ᠶᠢᠨ ᠴᠡᠷᠢᠭ᠌ ᠤᠳ ᠢᠷᠠᠨ ᠨᠠᠮᠰᠠᠷᠠᠢ ᠶᠢ ᠬᠤᠶᠠᠷ ᠭᠠᠷ ᠡᠴᠡ ᠨᠢ ᠴᠢᠷᠤᠨ᠂ ᠠᠯᠢ ᠣᠯᠠᠨ ᠭᠦᠮᠦᠰ ᠲᠡᠶ ᠬᠠᠮᠳᠤ ᠰᠤᠯᠠ ᠬᠤᠷᠢᠵᠤ ᠪᠠᠢ᠌ᠭᠠ ᠬᠤᠷᠢᠭᠤᠯ ᠤᠨ ᠭᠡᠷ ᠲᠤ ᠠᠪᠠᠴᠢᠵᠤ ᠬᠠᠶᠠᠪᠠ᠃ ᠬᠤᠪᠢᠰᠬᠠᠯ ᠳᠤ ᠣᠷᠤᠯᠴᠠᠭᠰᠠᠨ ᠮᠤᠯᠤᠮ ᠪᠠ ᠷᠤᠯᠭᠠᠷᠮᠠ ᠠᠷᠭᠠ ᠦᠭᠡᠶ᠂ ᠨᠠᠰᠤ ᠶᠠᠪᠣᠭᠰᠠᠨ ᠡᠴᠢᠭᠡ ᠨᠢ ᠦᠵᠡᠳᠠᠯᠠ ᠬᠤᠪᠢᠰᠬᠠᠯ ᠤᠨ ᠭᠦᠯ ᠳᠤ ᠭᠢᠰᠭᠢᠭ᠍ᠳᠡᠨ ᠭᠡᠯᠡ ᠠᠮᠠ ᠦᠭᠡᠶ ᠪᠣᠯᠤᠭᠰᠠᠨ ᠴᠤ ᠳᠠᠳᠠ ᠬᠤᠶᠠᠭᠤᠯᠠ ᠬᠤᠪᠢᠰᠬᠠᠯ ᠤᠨ ᠡᠰᠡᠷᠭᠦ ᠠᠮᠢᠰᠬᠤᠬᠤ ᠵᠤᠷᠢᠭ ᠪᠠᠢ᠌ᠭᠰᠠᠨ ᠦᠭᠡᠶ᠃
ᠨᠤᠳᠤᠭ ᠨᠢᠷᠤᠭᠤ ᠪᠠᠨ ᠵᠤᠪᠠᠭᠠᠨ ᠠᠷᠠᠤᠨ ᠲᠦᠮᠡᠨ ᠢ ᠭᠢᠬᠠᠨ ᠮᠥᠯᠵᠢᠭ᠍ᠰᠡᠨ ᠭᠠᠵᠠᠷ ᠤᠨ ᠡᠵᠡᠨ ᠪᠠᠶᠠᠠᠴᠤᠳ ᠢ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠦᠨᠳᠦᠰᠦ ᠲᠡᠶ ᠨᠢ ᠮᠠᠯᠳᠠᠬᠤ ᠠᠷᠢᠭᠤᠳᠬᠠᠨ ᠪᠣᠳᠤᠬᠤ ᠭᠦᠳᠡᠯᠭᠡᠭᠡᠨ᠂ ᠭᠤᠪᠢ ᠳᠠᠯᠠ ᠶᠢᠨ ᠭᠦᠨ ᠳᠤ ᠢᠴᠡᠭᠡᠯᠡᠨ ᠭᠦᠯᠳᠡᠵᠤ ᠬᠠᠭᠠᠰ ᠰᠠᠷᠠ ᠶᠢᠨ ᠰᠢᠭᠦᠯᠳᠡ ᠪᠠ ᠦᠪᠡᠷ ᠤᠨ ᠰᠢᠭᠦᠮᠵᠢᠯᠡᠯ ᠶᠢᠡᠷ ᠦᠷᠭᠦᠯᠵᠢᠯᠡᠯᠳᠤᠨ ᠴᠠᠭᠠᠨ ᠰᠠᠷᠠ ᠡᠴᠡ ᠡᠮᠦᠨᠡ ᠬᠤᠶᠠᠷ ᠡᠳᠦᠷ ᠪᠦᠭᠦ ᠬᠤᠷᠢᠭᠤᠯ ᠤᠨ ᠭᠦᠮᠦᠰ ᠢ ᠳᠠᠯᠪᠢᠨ ᠴᠠᠭᠠᠨ ᠰᠠᠷᠠ ᠳᠤᠳᠤᠷᠠ ᠡᠳᠡᠨᠦᠰ ᠬᠤᠪᠢ ᠬᠤᠪᠢᠨ ᠤ ᠠᠯᠳᠠᠭᠠ ᠪᠣᠷᠤᠭᠤ ᠪᠠᠨ ᠪᠢᠴᠢᠨ ᠨᠠᠮ ᠪᠠ ᠳᠦᠷᠤ᠂ ᠠᠷᠠᠤᠨ ᠤᠨ ᠵᠠᠰᠠᠭ ᠪᠠ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠳᠤ ᠦᠨᠡᠨ ᠶᠢᠡᠨ ᠭᠡᠯᠡᠵᠤ ᠠᠷᠠᠤᠨ ᠲᠦᠮᠡᠨ ᠡᠴᠡ ᠠᠭᠤᠴᠢᠯᠠᠯ ᠭᠤᠶᠤᠬᠤ ᠭᠡᠷᠡᠭ᠍ᠳᠡᠢ ᠭᠡᠵᠤ ᠵᠠᠭᠢᠨ ᠶᠠᠪᠣᠭᠤᠯᠪᠠ᠃
ᠨᠠᠮᠰᠠᠷᠠᠢ ᠳᠤ ᠣᠷᠤᠬᠤ ᠡᠴᠡ ᠭᠡᠷ ᠬᠠᠮᠢᠭᠠ ᠪᠠᠢ᠌ᠨᠠ︖ ᠣᠤᠭᠤᠴᠢᠬᠤ ᠡᠴᠡ ᠠᠶᠠᠭᠠ ᠬᠠᠮᠢᠭᠠ ᠪᠠᠢ᠌ᠨᠠ︖ ᠮᠤᠯᠤᠮ ᠪᠠ ᠷᠤᠯᠭᠠᠷᠮᠠ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠳᠤ ᠣᠷᠤᠯᠴᠠᠨ ᠭᠡᠭᠡᠨ ᠣᠷᠳᠤ ᠶᠢᠨ ᠴᠢᠯᠦᠭᠡᠯᠡᠯᠳᠡ ᠳᠤ ᠭᠦᠯᠦᠰᠤ ᠴᠢᠰᠤ ᠪᠠᠨ ᠣᠷᠤᠰᠬᠠᠭᠰᠠᠨ ᠭᠡᠮᠡᠨ ᠣᠤᠯ ᠤᠨ ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠤ ᠪᠠᠷᠠᠭᠤᠨ ᠡᠮᠦᠨᠡ ᠪᠠᠢ᠌ᠭᠠ ᠳᠡᠭᠡᠷᠮᠡ ᠶᠢᠨ ᠬᠠᠵᠠᠭᠤ ᠶᠢᠨ ᠬᠤᠶᠠᠷ ᠳᠠᠰᠤᠯᠭᠠ ᠰᠢᠪᠠᠷ ᠪᠠᠢ᠌ᠰᠢᠭ᠌ ᠢ ᠦᠭᠭᠦᠭ᠍ᠰᠡᠨ ᠡᠴᠡ ᠣᠳᠤ ᠪᠣᠯᠳᠠᠯᠠ ᠰᠠᠭᠤᠨ ᠠᠪᠣ ᠶᠢ ᠪᠠᠨ ᠬᠤᠷᠢᠭᠤᠯ ᠡᠴᠡ ᠭᠠᠷᠴᠤ ᠢᠷᠡᠭ᠍ᠰᠡᠨ ᠢ ᠰᠤᠨᠤᠰᠤᠨ ᠶᠡᠭᠡᠳᠡ ᠪᠠᠶᠠᠰᠤᠨ ᠮᠠᠭᠤᠬᠠᠢ ᠴᠤ ᠭᠡᠰᠡᠨ ᠭᠡᠷ ᠲᠡᠶ᠂ ᠮᠠᠯᠠᠭᠠᠢ ᠪᠠᠨ ᠳᠠᠯᠪᠢᠬᠤ ᠳᠠᠯᠪᠢᠭᠤᠷ ᠲᠡᠶ ᠪᠣᠯᠬᠤᠷ ᠬᠠᠭᠠᠰ ᠵᠢᠯ ᠢᠯᠡᠭᠦᠤ ᠶᠢᠨ ᠡᠷᠡᠭᠦᠤ ᠰᠢᠳᠭᠡᠯ ᠬᠤᠷᠢᠭᠤᠯ ᠤᠨ ᠬᠠᠯᠠ ᠳᠠᠮᠤ ᠶᠢ ᠠᠮᠰᠠᠭᠰᠠᠨ ᠠᠪᠣ ᠪᠠᠨ ᠡᠭᠦᠷᠴᠤ ᠳᠠᠮᠨᠠᠨ ᠭᠡᠷ ᠲᠡᠭᠡᠨ ᠠᠪᠴᠢᠷᠪᠠ᠃
ᠡᠪᠦᠭᠡᠨ ᠨᠠᠮᠰᠠᠷᠠᠢ ᠭᠡᠳᠤ ᠣᠳᠠᠭᠠᠨ ᠤ ᠬᠠᠳᠠᠭᠤ ᠬᠠᠯᠠ ᠳᠤ ᠣᠨᠤᠭᠳᠠᠨ ᠮᠠᠳᠠᠷᠠᠯ ᠨᠢ ᠮᠠᠭᠤᠳᠠᠵᠤ᠂ ᠭᠡᠯᠡ ᠠᠮᠠ ᠦᠭᠡᠶ ᠪᠣᠯᠵᠤ᠂ ᠠᠷᠭᠠ ᠦᠭᠡᠶ ᠠᠮᠢᠳᠤ ᠶᠢᠨ ᠳᠠᠷᠴᠢᠯᠭᠠᠯ ᠳᠤ ᠣᠨᠠᠨ᠂ ᠭᠦᠮᠤᠨ ᠤ ᠣᠷᠴᠢᠯᠠᠩ ᠤᠨ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠭᠡᠳᠡᠭ᠌ ᠢ ᠥᠭᠦᠨ ᠥᠭᠦᠳᠡᠯᠡ ᠵᠢᠷᠦᠭᠡᠨ ᠳᠡᠭᠡᠨ ᠳᠤᠭᠳᠠᠭᠠᠨ᠂ ᠴᠠᠭ ᠳᠦᠷᠤ ᠶᠢᠨ ᠥᠢᠮᠡᠭᠡᠨ᠂ ᠳᠡᠦᠭᠡᠨ ᠰᠢᠯᠵᠢᠯᠳᠠ ᠶᠢᠨ ᠣᠷᠤᠭᠠ ᠪᠣᠰᠬᠠᠭᠠ ᠶᠢ ᠣᠢ᠌ᠯᠠᠭᠠᠨ᠂ ᠡᠳᠦᠷᠵᠢᠨ ᠭᠡᠷ ᠲᠡᠭᠡᠨ ᠰᠠᠭᠤᠭᠰᠠᠨ ᠴᠤ ᠬᠤᠷᠤᠭᠤ ᠠᠯᠠᠭᠠ ᠪᠠᠨ ᠳᠡᠯᠭᠡᠨ ᠬᠠᠭᠠᠰ ᠳᠤᠳᠠᠭᠤ ᠭᠡᠯᠡ ᠪᠡᠷ 《ᠮᠠᠤ ᠵᠦᠰᠢ ᠸᠠᠨ ᠰᠦᠢ᠌》 ᠭᠡᠳ ᠵᠠᠯᠪᠢᠷᠠᠨ ᠪᠠᠢ᠌ᠨ ᠪᠠᠢ᠌ᠨ ᠰᠦᠨᠢ ᠳᠤᠵᠢ ᠣᠠᠳᠠᠵᠤ ᠴᠢᠳᠠᠬᠤ ᠦᠭᠡᠶ 《ᠳ᠋ᠦ᠋ᠩ ᠹᠠᠩ ᠾᠦᠩ》 ᠳᠠᠭᠤᠯᠠᠨᠠ᠃ ᠡᠨᠡ ᠮᠠᠳᠤ ᠨᠠᠮᠰᠠᠷᠠᠢ ᠪᠠᠶᠠᠨ ᠬᠠᠭᠠᠰ ᠳᠤᠳᠠᠭᠤ ᠮᠠᠳᠠᠷᠠᠯ ᠤᠨ ᠡᠪᠡᠳᠴᠢᠨ ᠣᠯᠵᠤ ᠭᠡᠯᠡᠭᠡᠢ ᠶᠠᠪᠠ ᠪᠠᠷ ᠡᠳᠦᠷ ᠬᠤᠨᠤᠭ ᠢ ᠨᠥᠭ᠍ᠴᠢᠭᠡᠨᠡ᠃
ᠡᠨᠡ ᠦᠶᠡ ᠶᠢᠨ ᠴᠠᠭᠠᠨ ᠰᠠᠷᠠ ᠭᠡᠵᠤ ᠳᠠᠭᠤ ᠴᠢᠮᠡᠭᠡ ᠦᠭᠡᠶ ᠴᠠᠭᠠᠨ ᠰᠠᠷᠠ ᠶᠤᠮ᠃ ᠬᠤᠯᠠ ᠤᠢ᠌ᠷᠡ ᠶᠢᠨ ᠰᠠᠳᠤᠨ ᠤᠳ ᠬᠤᠭᠤᠷᠤᠠᠳᠤ ᠪᠠᠨ ᠣᠷᠤᠵᠤ ᠭᠠᠷᠬᠤ ᠦᠭᠡᠶ ᠪᠣᠯᠤᠨ᠂ ᠳᠤᠷᠤᠭᠰᠢ ᠬᠠᠷᠠᠨ ᠠᠯᠬᠤᠨ ᠪᠢ ᠭᠦᠮᠤᠨ ᠤ ᠳᠤ ᠣᠴᠢᠬᠤ ᠦᠭᠡᠶ᠂ ᠴᠢ ᠮᠢᠨᠤ ᠳᠤ ᠪᠣᠤ ᠢᠷᠠ ᠭᠡᠮᠡᠨ ᠡᠭᠦᠳᠡ ᠡᠭᠦᠳᠡ ᠪᠠᠨ ᠳᠦᠭ᠍ᠵᠢᠨ ᠴᠠᠭᠠᠨ ᠰᠠᠷᠠ ᠶᠢ ᠥᠩᠭᠡᠷᠡᠭᠦᠯᠦᠨᠡ᠃ ᠦᠨᠡᠨ ᠳᠡᠭᠡᠨ ᠡᠨᠡ ᠴᠠᠭᠠᠨ ᠰᠠᠷᠠ ᠪᠣᠯ ᠰᠠᠶᠢ ᠬᠠᠷᠠ ᠨᠢᠯᠪᠣᠰᠤ ᠲᠡᠶ ᠴᠠᠭᠠᠨ ᠰᠠᠷᠠ ᠪᠣᠯᠬᠤ ᠶᠤᠮ᠃
ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠠᠤᠨ ᠠᠷᠠᠢ ᠪᠠᠷᠠᠭᠠᠳᠤᠢ ᠪᠠᠷ ᠭᠦᠮᠦᠰ ᠤᠨ ᠴᠢᠭᠢᠨ ᠳᠤ 《ᠵᠠᠰᠠᠭ ᠤᠨ ᠣᠷᠳᠤᠨ ᠳᠤ ᠳᠢᠶᠠᠨᠬᠦᠤ ᠶᠢ ᠠᠪᠴᠢᠷᠠᠪᠠ》 ᠭᠡᠰᠡᠨ ᠴᠢᠮᠡᠭᠡ ᠳᠤᠭᠤᠯᠠᠨ ᠨᠠᠷᠠ ᠣᠨᠠᠬᠤ ᠶᠢᠨ ᠠᠯᠳᠠ ᠪᠠᠷ ᠡᠷᠦᠭᠡ ᠶᠢᠨ ᠴᠡᠷᠢᠭ᠌ ᠤᠳ ᠡᠷᠦᠭᠡ ᠪᠣᠯᠭᠠᠨ ᠳᠤ 《ᠠᠷᠪᠠᠨ ᠳᠠᠪᠤᠨ ᠳᠤ ᠠᠷᠠᠤᠨ ᠤᠨ ᠵᠠᠰᠠᠭ ᠤᠨ ᠣᠷᠳᠤᠨ ᠳᠤ ᠣᠯᠠᠨ ᠲᠦᠮᠡᠨ ᠴᠤᠭᠯᠠᠷᠠᠨ ᠪᠦᠭᠦᠴᠡᠯᠭᠡᠭᠦ ᠳᠠᠢ᠌ᠰᠠᠨ ᠳᠤ ᠳᠢᠶᠠᠨᠬᠦᠤ ᠶᠢ ᠰᠢᠳᠭᠡᠨᠡ》 ᠭᠡᠰᠡᠨ ᠴᠢᠮᠡᠭᠡ ᠣᠯᠠᠮᠵᠢᠯᠠᠪᠠ᠃
ᠴᠠᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠳᠠᠪᠤᠨ ᠤ ᠦᠷᠯᠦᠭᠡ ᠨᠠᠷᠠ ᠮᠠᠠᠳᠤᠨ ᠦᠪᠴᠢ ᠳᠡᠯᠡᠭᠡᠢ ᠶᠢ ᠣᠤᠯ ᠤᠨ ᠶᠤᠰᠤᠭᠠᠷ ᠭᠡᠢ᠌ᠭᠦᠯᠤᠨ ᠭᠡᠭᠡᠨ ᠣᠷᠳᠤᠨ ᠤ ᠠᠷᠠᠤᠨ ᠲᠦᠮᠡᠨ ᠴᠤᠭᠯᠠᠷᠠᠨ ᠭᠤᠷᠪᠠᠨ ᠦᠶᠡ ᠶᠢᠨ ᠳᠠᠢ᠌ᠰᠤᠨ ᠪᠣᠯᠤᠭᠰᠠᠨ ᠳᠢᠶᠠᠨᠬᠦᠤ ᠶᠢ ᠰᠢᠭᠦᠭᠦ ᠶᠢ ᠦᠵᠡᠨᠠ᠃
ᠳᠢᠶᠠᠨᠬᠦᠤ ᠶᠢ ᠳᠠᠢ᠌ᠰᠠᠨ ᠤ ᠳᠡᠭ᠌ ᠳᠤᠮᠳᠠ ᠨᠢ ᠰᠥᠭᠦᠳᠭᠡᠨ ᠭᠠᠷ ᠢ ᠨᠢ ᠬᠣᠢ᠌ᠰᠢ ᠬᠠᠠᠳᠤᠭᠤᠯᠤᠨ ᠭᠦᠯᠢᠵᠤ᠂ ᠬᠠᠵᠠᠭᠤ ᠳᠤ ᠨᠢ ᠬᠤᠶᠠᠷ ᠴᠡᠷᠢᠭ᠌ ᠫᠣᠤ ᠳᠤᠯᠭᠠᠨᠠ᠃ ᠮᠤᠯᠤᠮ ᠪᠠ ᠪᠠᠳᠦᠰᠥ᠋ᠭᠡ ᠨᠡᠷ ᠳᠠᠢ᠌ᠰᠠᠨ ᠳᠤ ᠰᠠᠭᠤᠨ᠂ ᠳᠤᠮᠳᠠ ᠨᠢ ᠸᠠᠩ ᠱᠦᠵᠢ ᠰᠠᠭᠠᠳᠠᠨ᠂ ᠳ᠋ᠠᠮᠪᠠ ᠳᠠᠷᠤᠭᠠ ᠣᠯᠠᠨ ᠤ ᠡᠰᠡᠷᠭᠦ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠤᠳᠤᠭ ᠤᠨ ᠠᠬᠠ ᠳᠡᠭᠦᠤ᠂ ᠠᠷᠠᠤᠨ ᠲᠦᠮᠡᠨ᠂ ᠨᠥᠭᠦᠤᠨ ᠨᠡᠷ ᠡ︕ ᠦᠨᠦᠳᠤᠷ ᠪᠣᠯ ᠮᠠᠨ ᠤ ᠭᠡᠭᠡᠨ ᠣᠷᠳᠤᠨ ᠤ ᠭᠤᠷᠪᠠᠨ ᠦᠶᠡ ᠶᠢᠨ ᠳᠠᠢ᠌ᠰᠤᠨ ᠪᠣᠯᠤᠭᠰᠠᠨ ᠳᠢᠶᠠᠨᠬᠦᠤ ᠶᠢ ᠰᠢᠳᠭᠡᠭᠦ ᠡᠳᠦᠷ ᠪᠣᠯᠬᠤ ᠶᠤᠮ᠃ ᠡᠨᠡ ᠳᠡᠭᠡᠷᠡᠮ ᠢ ᠶᠠᠭᠠᠭᠢᠵᠤ ᠰᠢᠳᠭᠡᠭᠦ ᠶᠢ ᠳᠠ ᠨᠠᠷ ᠡᠵᠡᠨ ᠮᠡᠳᠡᠭ᠍ᠳᠤᠨ᠂ ᠳᠢᠶᠠᠨᠬᠦᠤ ᠭᠡᠳᠡᠭ᠌ ᠠᠯᠢ ᠣᠵᠤᠭᠤᠷ ᠮᠠᠨ ᠤ ᠨᠤᠳᠤᠭ ᠢ ᠥᠢᠮᠡᠭᠦᠯᠤᠨ ᠠᠷᠠᠤᠨ ᠲᠦᠮᠡᠨ ᠤ ᠡᠳ᠋ ᠬᠤᠭᠰᠢᠯ ᠢ ᠪᠣᠯᠢᠶᠠᠨ᠂ ᠦᠬᠢᠳ ᠡᠮᠡᠰ ᠢ ᠪᠣᠵᠠᠷᠯᠠᠨ᠂ ᠠᠳᠤᠭᠤ ᠮᠠᠯ ᠢ ᠳᠠᠭᠤᠵᠤ᠂ ᠭᠦᠮᠤᠨ ᠠᠯᠠᠵᠤ ᠭᠠᠯ ᠳᠠᠯᠪᠢᠨ᠂ ᠦᠢᠯᠡᠳᠬᠦ ᠦᠭᠡᠶ ᠮᠠᠭᠤ ᠭᠡᠷᠡᠭ᠌ ᠢ ᠣᠢ᠌ᠯᠠᠳᠤᠨ ᠶᠠᠪᠣᠭᠰᠠᠨ ᠨᠤᠳᠤᠭ ᠤᠨ ᠵᠠᠯᠢᠬᠠᠢ᠂ ᠦᠨᠦᠳᠤᠷ ᠮᠠᠤ ᠵᠦᠰᠢ ᠮᠠᠨ ᠳᠤ ᠳᠢᠶᠠᠨᠬᠦᠤ ᠶᠢ ᠶᠠᠭᠠᠭᠢᠵᠤ ᠰᠢᠳᠭᠡᠶᠡ ᠭᠡᠪᠠᠯ ᠶᠠᠭᠠᠭᠢᠵᠤ ᠰᠢᠳᠭᠡᠭᠦ ᠡᠷᠭᠡ ᠶᠢ ᠦᠭᠭᠦᠭ᠍ᠰᠡᠨ ᠶᠤᠮ᠂ ᠶᠠᠭᠠᠭᠢᠵᠤ ᠰᠢᠳᠭᠡᠨᠡ︖
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠯᠠᠨᠠ᠂ ᠠᠯᠠᠬᠤ ᠭᠡᠷᠡᠭ᠍ᠳᠡᠢ ᠭᠡᠵᠤ ᠠᠭᠤᠯᠠ ᠳᠠᠯᠠ ᠳᠤᠯᠭᠢᠰᠳᠠᠯᠠ ᠪᠠᠷᠭᠢᠷᠠᠨᠠ᠃
ᠳ᠋ᠠᠮᠪᠠ ᠪᠣᠯ ᠶᠠᠭ ᠰᠠᠮᠫᠢᠯ ᠨᠤᠶᠠᠨ ᠤ ᠭᠡᠭᠡᠨ ᠣᠪᠣᠭᠠᠨ ᠤ ᠳᠠᠭᠢᠯᠭᠠ ᠳᠡᠭᠡᠷᠡ ᠪᠠᠯᠤ ᠶᠢ ᠵᠠᠯᠠᠨ ᠠᠪᠴᠢᠷᠠᠵᠤ ᠳᠢᠶᠠᠨᠬᠦᠤ ᠶᠢ ᠣᠰᠠᠳᠬᠠᠬᠤ ᠠᠷᠭᠠ ᠶᠢ ᠭᠡᠯᠡᠨ ᠭᠢᠠᠳᠠᠨ ᠳᠤ ᠣᠷᠤᠵᠤ ᠨᠤᠳᠤᠭ ᠤᠨ ᠨᠢᠭᠤᠷ ᠢ ᠪᠠᠷᠠᠭᠰᠠᠨ ᠭᠡᠮᠡᠨ ᠶᠠᠯᠠ ᠳᠤᠯᠭᠠᠵᠤ ᠳᠠᠷᠴᠢᠯᠭᠠᠭᠳᠠᠨ ᠳᠠᠭᠢᠨ ᠮᠤᠯᠤᠮ ᠳᠢᠶᠠᠨᠬᠦᠤ ᠶᠢ ᠪᠣᠳᠠ ᠴᠤᠭᠢᠨ ᠭᠢᠠᠳᠠᠨ ᠢ ᠰᠤᠯᠠᠯᠠᠭᠰᠠᠨ ᠤ ᠳᠠᠷᠠᠭᠠ ᠰᠠᠶᠢ ᠣᠯᠵᠤ ᠠᠮᠢᠳᠤᠷᠠᠭᠰᠠᠨ ᠶᠢᠡᠨ ᠪᠣᠳᠤᠨ᠂ ᠬᠣᠢ᠌ᠰᠢ ᠬᠠᠷᠠᠨ ᠮᠤᠯᠤᠮ ᠢ ᠨᠢᠭᠡ ᠰᠢᠡᠵᠢᠭᠡᠳ᠂ ᠪᠢ ᠴᠢᠨᠤ ᠠᠴᠢ ᠶᠢ ᠰᠠᠨᠠᠨ ᠠᠪᠣ ᠶᠢ ᠴᠢᠨᠢ ᠠᠯᠠᠭᠰᠠᠨ ᠳᠡᠭᠡᠷᠡᠮ ᠢ ᠦᠨᠦᠳᠤᠷ ᠪᠢ ᠣᠷᠤᠯᠠᠨ ᠰᠢᠳᠭᠡᠵᠤ ᠦᠭᠭᠦᠨᠡ ᠳ᠋ᠠ︕ ᠭᠡᠰᠡᠨ ᠰᠢᠭ᠌ ᠰᠢᠷᠪᠢᠨ ᠳᠠᠭᠢᠨ ᠣᠯᠠᠨ ᠲᠦᠮᠡᠨ ᠤ ᠡᠰᠡᠷᠭᠦ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠷᠠᠤᠨ ᠲᠦᠮᠡᠨ ᠮᠢᠨᠢ ᠡ︕ ᠮᠠᠨᠤᠰ ᠡᠨᠡ ᠳᠢᠶᠠᠨᠬᠦᠤ ᠶᠢ ᠮᠠᠨ ᠤ ᠮᠤᠩᠭ᠋ᠤᠯ ᠤᠨ ᠡᠷᠳᠡᠨ ᠤ ᠳᠦᠷᠢᠮ ᠶᠢᠡᠷ ᠳᠡᠭᠡᠳᠦᠰ ᠢ ᠳᠠᠭᠢᠵᠤ᠂ ᠳᠠᠭᠢᠨ ᠡᠭᠦᠨ ᠳᠤ ᠠᠯᠠᠭᠳᠠᠭᠰᠠᠨ ᠣᠯᠠᠨ ᠲᠦᠮᠡᠨ ᠳᠤ ᠠᠮᠢᠳᠤ ᠵᠤᠯᠠ ᠪᠣᠯᠭᠠᠨ ᠪᠠᠷᠢᠶᠠ︕ ᠭᠡᠵᠤ ᠣᠯᠠᠨ ᠢ ᠬᠠᠷᠠᠨ ᠳᠠᠭᠢᠨ ᠡᠭᠦᠨ ᠢ ᠭᠡᠭᠡᠨ ᠣᠪᠣᠭᠠᠨ ᠤ ᠳᠡᠷᠭᠡᠳᠡ ᠠᠪᠠᠴᠢᠨ ᠠᠮᠢᠳᠤ ᠵᠤᠯᠠ ᠪᠣᠯᠭᠠᠶᠠ ᠭᠡᠳ ᠣᠯᠠᠨ ᠲᠦᠮᠡᠨ ᠢ ᠣᠷᠢᠶᠠᠯᠠᠨ ᠳᠤᠤᠷᠠ ᠪᠠᠢ᠌ᠭᠰᠠᠨ ᠭᠦᠮᠦᠰ ᠳᠠᠢ᠌ᠰᠠᠨ ᠤ ᠳᠡᠭᠡᠷᠡ ᠰᠢᠬᠠᠯᠳᠤᠨ ᠭᠠᠷᠴᠤ ᠢᠷᠠᠨ ᠰᠥᠭᠦᠳᠴᠤ ᠪᠠᠢ᠌ᠭᠰᠠᠨ ᠳᠢᠶᠠᠨᠬᠦᠤ ᠶᠢ ᠢᠰᠭᠦᠯᠤᠨ ᠦᠰᠦᠴᠢᠵᠤ ᠳᠠᠢ᠌ᠰᠠᠨ ᠡᠴᠡ ᠥᠩᠭᠦᠷᠢᠳᠡᠭᠦᠯᠤᠨ ᠪᠠᠭᠤᠯᠭᠠᠵᠤ ᠳᠤᠮᠳᠠ ᠪᠠᠨ ᠢᠰᠭᠦᠯᠤᠨ ᠴᠤᠭᠢᠵᠤ ᠭᠡᠭᠡᠨ ᠣᠪᠣᠭᠠᠨ ᠤ ᠳᠡᠷᠭᠡᠳᠡ ᠠᠪᠴᠢᠷᠪᠠ᠃ ᠳᠡᠭᠡᠭᠡᠳ ᠳᠢᠶᠠᠨᠬᠦᠤ ᠶᠢ ᠭᠦᠪᠦᠩ ᠶᠢᠡᠷ ᠣᠷᠢᠶᠠᠨ ᠳᠡᠭᠡᠷᠡ ᠨᠢ ᠰᠢᠷᠠ ᠳᠤᠰᠤ ᠴᠢᠳᠬᠤᠨ ᠮᠤᠳᠤ ᠲᠡᠶ ᠬᠠᠮᠳᠤ ᠪᠠᠷᠢᠨ ᠣᠶᠠᠵᠤ᠂ ᠭᠠᠵᠠᠷ ᠲᠤ ᠪᠣᠯᠠᠨ ᠭᠡᠭᠡᠨ ᠣᠪᠣᠭᠠᠨ ᠤ ᠡᠮᠦᠨᠡ ᠠᠯᠢ ᠣᠯᠠᠨ ᠥᠭᠦᠭ᠍ᠰᠡᠨ ᠭᠦᠮᠦᠰ ᠲᠤ ᠠᠮᠢᠳᠤ ᠵᠤᠯᠠ ᠪᠣᠯᠭᠠᠨ ᠰᠢᠳᠠᠭᠠᠨᠠ᠃
ᠭᠦᠭᠡᠷᠦᠭᠦᠢ︕ ᠨᠢᠭᠡ ᠦᠶᠡ ᠭᠦᠴᠦᠷᠭᠡᠭ᠍ᠵᠢᠨ ᠮᠠᠠᠳᠤᠭᠠᠤᠨ ᠠᠷᠠᠤᠨ ᠲᠦᠮᠡᠨ ᠢ ᠵᠤᠪᠠᠭᠠᠨ ᠠᠶᠤᠯᠭᠠᠵᠤ ᠪᠠᠢ᠌ᠭᠰᠠᠨ ᠳᠡᠭᠡᠷᠡᠮ ᠤᠨ ᠳᠦᠷᠦᠭᠦᠤ ᠣᠯᠠᠭᠠᠨ ᠰᠠᠬᠠᠯᠳᠤ ᠭᠡᠭᠡᠨ ᠣᠪᠣᠭᠠᠨ ᠤ ᠠᠮᠢᠳᠤ ᠵᠤᠯᠠ ᠪᠣᠯᠬᠤ ᠭᠡᠳᠡᠭ᠌ ᠢ ᠳᠠᠷᠠ ᠭᠡᠷᠭᠢᠨ ᠮᠠᠳᠠᠨᠠ ⁈ ᠭᠡᠩᠰᠢᠭᠦᠤ ᠶᠢᠨ ᠦᠨᠦᠷ ᠭᠠᠷᠴᠤ ᠰᠢᠷᠠ ᠳᠤᠰᠤ ᠲᠡᠶ ᠭᠦᠪᠦᠩ ᠣᠯᠠᠯᠵᠠᠨ ᠨᠤᠴᠠᠬᠤ ᠳᠤ ᠳᠢᠶᠠᠨᠬᠦᠤ ᠶᠢᠨ ᠦᠰᠦ ᠭᠡᠵᠢᠭᠡ ᠡᠭᠢᠯᠡᠨ ᠰᠢᠳᠠᠵᠤ ᠭᠢᠷᠪᠣᠰᠤᠨ ᠥᠨᠦᠷᠳᠡᠭ᠍ᠳᠡᠨᠡ᠃ ᠠᠮᠢᠳᠤ ᠶᠢᠨ ᠳᠠᠮᠤ ᠶᠢ ᠭᠦᠯᠢᠴᠡᠨ ᠳᠡᠢ᠌ᠯᠭᠦ ᠦᠭᠡᠶ ᠳᠢᠶᠠᠨᠬᠦᠤ ᠭᠡᠳᠦᠡᠳᠡ ᠬᠠᠷᠠᠩᠭ᠋ᠣᠢ᠌ᠳᠠᠨ ᠮᠠᠨᠠᠷᠠᠭᠰᠠᠨ ᠢ ᠭᠡᠨ ᠮᠠᠳᠠᠨᠠ︖ ᠬᠠᠭᠠᠰ ᠡᠳᠦᠷ ᠤᠨ ᠰᠢᠳᠠᠯᠭᠠᠭᠠ ᠪᠠᠷ ᠳᠢᠶᠠᠨᠬᠦᠤ ᠶᠢ ᠭᠡᠭᠡᠨ ᠣᠪᠣᠭᠠᠨ ᠤ ᠠᠮᠢᠳᠤ ᠵᠤᠯᠠ ᠪᠣᠯᠭᠠᠪᠠ᠃
ᠳ᠋ᠠᠮᠪᠠ ᠭᠡᠳᠥᠢᠪᠠᠷ ᠰᠠᠨᠠᠭᠠ ᠳᠠᠭᠠᠨ ᠬᠠᠨᠤᠭᠰᠠᠨ ᠴᠤ ᠬᠤᠵᠢᠮ ᠤᠨ ᠡᠳᠦᠷ ᠮᠦᠨ ᠣᠯᠠᠨ ᠲᠦᠮᠡᠨ ᠢ ᠭᠢᠬᠠᠨ ᠵᠤᠪᠠᠭᠠᠭᠰᠠᠨ ᠶᠠᠯᠠ ᠳᠤ ᠣᠷᠤᠵᠤ ᠠᠷᠠᠰᠤ ᠮᠢᠬᠠᠨ ᠤ ᠵᠤᠪᠠᠯᠠᠩ ᠳᠤ ᠣᠴᠠᠷᠠᠬᠤ ᠶᠢ ᠶᠠᠭᠠᠭᠢᠨ ᠮᠠᠳᠠᠨᠠ︕ ᠭᠡᠳᠥᠢᠪᠠᠷ ᠣᠯᠠᠨ ᠲᠦᠮᠡᠨ ᠳᠢᠶᠠᠨᠬᠦᠤ ᠶᠢ ᠠᠮᠢᠳᠤ ᠵᠤᠯᠠ ᠪᠣᠯᠭᠠᠭᠰᠠᠨ ᠴᠤ ᠭᠦᠮᠦᠰ ᠤᠨ ᠨᠢᠳᠤᠨ ᠳᠤ ᠭᠡᠳᠤᠨ ᠡᠳᠦᠷ ᠰᠢᠳᠠᠵᠤ ᠪᠠᠢ᠌ᠭᠠ ᠳᠢᠶᠠᠨᠬᠦᠤ ᠶᠢᠨ ᠳᠠᠯᠴᠢᠯᠠᠪᠣᠷᠢ ᠭᠠᠷᠤᠭᠰᠠᠨ ᠦᠭᠡᠶ᠂ ᠡᠭᠦᠨ ᠢ ᠥᠵᠡᠭ᠍ᠰᠡᠨ ᠭᠠᠵᠠᠷ ᠤᠨ ᠡᠵᠡᠳ᠂ ᠪᠠᠶᠠᠤᠨ ᠨᠤᠶᠠᠤᠨ ᠤᠨ ᠰᠦᠰᠦ ᠨᠢ ᠭᠡᠮᠭᠡᠷᠡᠨ᠂ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠭᠢᠵᠠᠭᠠᠯᠠᠰᠢ ᠦᠭᠡᠶ ᠭᠦᠴᠤᠨ ᠴᠢᠳᠠᠯ ᠢ ᠮᠠᠳᠠᠨ ᠬᠤᠪᠢ ᠬᠤᠪᠢᠨ ᠤ ᠳᠤᠳᠤᠷᠠ ᠪᠠᠨ ᠪᠣᠳᠤᠯ ᠲᠡᠶ ᠶᠠᠪᠣᠬᠤ ᠶᠢ ᠭᠡᠯᠡᠭᠦ ᠦᠭᠡᠶ᠃
ᠬᠠᠪᠣᠷ ᠤᠨ ᠣᠷᠢᠨ ᠳᠤᠯᠠᠭᠠᠨ ᠬᠤᠪᠬᠠᠢ ᠡᠪᠦᠯ ᠤᠨ ᠭᠦᠢᠳᠡᠨ ᠢ ᠳᠠᠭᠤᠨ᠂ ᠭᠡᠭᠡᠷᠡ ᠶᠢᠨ ᠭᠦᠢᠯᠡᠰᠤᠨ ᠤ ᠰᠤᠶᠤᠭᠠ ᠭᠦᠯᠦᠭᠡᠯᠡᠨ ᠰᠤᠶᠤᠵᠢᠵᠤ᠂ ᠳᠠᠪᠢᠨ ᠳᠦᠷᠪᠠᠨ ᠣᠨ ᠤ ᠬᠠᠷᠠᠩᠭ᠋ᠤᠢ ᠡᠳᠦᠷ ᠬᠤᠨᠤᠭ ᠮᠦᠨ ᠡᠭᠢᠯᠡᠨ ᠣᠯᠠᠭᠠᠨ ᠤ ᠬᠤᠪᠢᠰᠬᠠᠯ ᠤᠨ ᠳᠤᠭ ᠭᠠᠵᠠᠷ ᠪᠣᠯᠭᠠᠨ ᠨᠠᠮᠢᠷᠠᠨ ᠠᠷᠢᠭᠤᠳᠬᠠᠨ ᠪᠣᠳᠤᠬᠤ ᠭᠦᠳᠡᠯᠭᠡᠭᠡᠨ ᠮᠦᠨ ᠡᠭᠢᠯᠡᠵᠤ᠂ ᠹᠧᠤᠳᠠᠯ ᠤᠨ ᠬᠠᠷᠠ ᠰᠢᠷᠠ ᠶᠢ ᠠᠷᠢᠯᠭᠠᠬᠤ ᠭᠦᠳᠡᠯᠭᠡᠭᠡᠨ ᠭᠡᠭᠡᠨ ᠣᠷᠳᠤᠨ ᠤ ᠠᠷᠠᠤᠨ ᠤᠨ ᠵᠠᠰᠠᠭ ᠤᠨ ᠣᠷᠳᠤᠨ ᠤ ᠳᠠᠢ᠌ᠰᠠᠨ ᠳᠤ ᠵᠠᠷᠯᠠᠪᠠ᠃
ᠪᠦᠭᠦ ᠠᠷᠠᠤᠨ ᠲᠦᠮᠡᠨ ᠭᠦᠮᠤᠨ ᠪᠦᠷᠢ ᠭᠤᠲ᠋ᠸᠤ ᠵᠡᠭᠡᠳᠡᠤ ᠪᠠᠷᠢᠨ᠂ ᠰᠢᠨᠠ ᠮᠠᠶᠢᠭ ᠤᠨ ᠳ᠋ᠦ᠋ᠩ ᠹᠧᠩ ᠨᠠᠷᠠᠮᠵᠢᠳᠤ ᠴᠢᠴᠧ ᠮᠠᠱᠢᠨ ᠳᠤ ᠰᠠᠭᠤᠨ ᠹᠧᠤᠳᠠᠯ ᠤᠨ ᠬᠠᠷᠠ ᠰᠢᠷᠠ ᠶᠢ ᠠᠷᠢᠯᠭᠠᠬᠤ ᠪᠠᠷ ᠪᠠᠷᠠᠭᠤᠨ ᠬᠣᠢ᠌ᠳᠤ ᠶᠢᠨ ᠮᠤᠷᠢᠨ ᠳᠤᠯᠤᠭᠠᠢ᠌ᠳᠤ ᠶᠢᠨ ᠰᠦᠮᠡ ᠶᠢ ᠳᠠᠯᠠᠭᠳᠠᠬᠤ ᠪᠠᠷ ᠪᠣᠯᠪᠠ᠃ ᠳᠠᠯᠠ ᠶᠢᠨ ᠰᠢᠷᠠ ᠵᠠᠮ ᠶᠢᠡᠷ ᠠᠷᠪᠠ ᠢᠯᠡᠭᠦᠤ ᠴᠢᠴᠧ ᠮᠠᠰᠢᠨ ᠳᠤᠭᠤᠰᠤ ᠪᠣᠳᠠᠷᠠᠭᠤᠯᠤᠨ ᠭᠡᠳᠤᠨ ᠵᠠᠭᠤᠨ ᠣᠨ ᠤ ᠳᠡᠦᠭᠡ ᠲᠡᠶ ᠭᠡᠭᠡᠨ ᠣᠷᠳᠤ ᠶᠢᠨ ᠬᠠᠷᠢᠶᠠᠳᠤ ᠰᠦᠮᠡ ᠶᠢ ᠨᠢᠴᠠᠯᠠᠬᠤ ᠪᠠᠷ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠣᠯᠠᠭᠠᠨ ᠳᠤᠭ ᠳᠠᠷᠠ ᠵᠥᠭ᠌ ᠨᠠᠮᠢᠷᠠᠪᠠ᠃
ᠠᠪᠣ ᠳᠡᠭᠡᠳᠤ ᠶᠢᠨ ᠦᠶᠡ ᠡᠴᠡ ᠪᠠᠨ ᠠᠪᠣᠭᠠᠤᠨ ᠠᠳᠢᠰᠤᠯᠠᠨ ᠰᠢᠳᠤᠵᠤ᠂ ᠰᠠᠷᠵᠢᠮᠯᠠᠨ ᠳᠠᠭᠠᠳᠬᠠᠭᠰᠠᠨ ᠰᠢᠳᠦᠭᠡᠨ ᠤ ᠣᠷᠤᠨ ᠨᠢ ᠠᠷᠢᠶᠠᠯᠪᠣᠤ ᠶᠢᠨ ᠣᠷᠤᠨ ᠡᠴᠡ ᠪᠠᠨ ᠠᠳᠠ ᠴᠢᠳᠭᠦᠷ ᠤᠨ ᠣᠷᠤᠨ ᠪᠣᠯᠵᠤ᠂ ᠪᠠᠯᠪᠠᠴᠢᠨ ᠨᠢᠴᠠᠯᠠᠬᠤ ᠭᠦᠳᠡᠯᠭᠡᠭᠡᠨ ᠤ ᠭᠤᠤᠯ ᠲᠦᠪ ᠪᠣᠯᠬᠤ ᠶᠢ ᠡᠴᠢᠭᠡ ᠳᠡᠭᠡᠳᠦᠰ᠂ ᠡᠭᠡ ᠡᠴᠢᠭᠡ ᠭᠡᠷᠭᠢᠨ ᠮᠠᠳᠠᠨᠠ ⁈
ᠬᠠᠪᠣᠷ ᠤᠨ ᠳᠤᠯᠠᠭᠠᠨ ᠳᠤ ᠵᠡᠷᠭᠡᠯᠭᠡᠡᠳᠤᠨ ᠬᠠᠷᠠᠭᠳᠠᠬᠤ ᠮᠤᠷᠢᠨ ᠳᠤᠯᠤᠭᠠᠢ᠌ᠳᠤ ᠶᠢᠨ ᠰᠦᠮᠡ ᠶᠢᠨ ᠡᠷᠳᠡᠨ ᠤ ᠪᠠᠷᠢᠯᠭᠠ ᠠᠳᠠᠪᠠᠰᠢ ᠰᠤᠨᠢᠨ᠃ ᠪᠦᠳᠦᠭᠦᠨ ᠳᠤᠮᠤ ᠭᠠᠳᠠᠷ ᠭᠦᠷᠢᠶᠡ ᠶᠢ ᠭᠡᠭᠡ ᠳᠤᠭᠤᠰᠭᠠ ᠪᠠᠷ ᠪᠠᠷᠢᠨ᠂ ᠡᠭᠦᠳᠡᠨ ᠤ ᠬᠠᠵᠠᠭᠤ ᠳᠤ ᠬᠤᠶᠠᠷ ᠮᠠᠬᠠᠷᠠᠠᠽᠠ ᠪᠣᠷᠬᠠᠨ ᠢ ᠱᠤᠭᠤᠨ᠂ ᠡᠭᠦᠳᠡᠨ ᠤ ᠳᠡᠭᠡᠷᠡ ᠮᠠᠠᠵᠤ ᠶᠢᠨ ᠪᠢᠴᠢᠭᠯᠡᠯᠳᠤ 《ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠤ ᠬᠠᠷᠢᠶᠠᠳᠤ ᠰᠦᠮᠡ》 ᠭᠡᠵᠤ ᠳᠤᠤᠷᠠ ᠨᠢ 《ᠮᠤᠷᠢᠨ ᠳᠤᠯᠤᠭᠠᠢ᠌ᠳᠤ ᠰᠦᠮᠡ》 ᠭᠡᠵᠤ ᠵᠢᠵᠢᠭᠯᠡᠨ ᠪᠢᠴᠢᠵᠤ᠂ ᠭᠦᠷᠢᠶᠡᠨ ᠳᠤᠳᠤᠷᠠ ᠪᠦᠳᠦᠭᠦᠨ ᠳᠦᠷᠪᠠᠨ ᠳᠤᠤᠭᠠᠩ ᠬᠠᠷᠠᠭᠳᠠᠨ ᠮᠦᠷᠭᠦᠯ ᠭᠢᠭᠦ ᠰᠦᠮᠡ ᠶᠢᠨ ᠡᠭᠦᠳᠡᠨ ᠳᠤ ᠪᠦᠳᠦᠭᠦᠨ ᠭᠦᠯᠢᠰ ᠢ ᠳᠠᠯᠪᠢᠵᠤ᠂ ᠱᠠᠭᠵᠠᠮᠤᠨᠢ ᠪᠣᠷᠬᠠᠨ ᠡᠴᠡ ᠳᠠᠷᠠᠭᠠᠯᠠᠨ ᠪᠠᠷᠠᠭᠤᠨ ᠳᠡᠭ᠍ᠷᠢ ᠶᠢᠨ ᠪᠣᠷᠬᠠᠨ ᠤ ᠭᠦᠷᠦᠭ᠌ ᠢ ᠱᠤᠭᠤᠨ ᠭᠠᠷᠭᠠᠵᠤ᠂ ᠡᠮᠦᠨᠡ ᠨᠢ ᠭᠦᠵᠢᠰ ᠰᠢᠳᠠᠭᠠᠨ ᠯᠠᠮᠠ ᠪᠠᠠᠳᠠᠢ ᠨᠡᠷ ᠨᠤᠮ ᠣᠩᠰᠢᠨ ᠰᠠᠨᠸᠠᠷ ᠭᠦᠢᠴᠡᠳᠭᠡᠨᠡ᠃
ᠥᠭᠦᠮᠡᠯ ᠳᠠᠷᠨᠢ ᠣᠩᠰᠢᠨ ᠦᠪᠡᠷ ᠤᠨ ᠰᠡᠳᠭᠢᠯ ᠶᠢᠡᠨ ᠬᠠᠭᠤᠷᠠᠨ᠂ ᠰᠢᠷᠠ ᠣᠷᠭᠢᠮᠵᠢ ᠶᠢ ᠣᠷᠭᠢᠨ᠂ ᠪᠣᠷᠤ ᠴᠠᠮᠴᠠ ᠶᠢ ᠭᠡᠳᠦᠷᠴᠤ᠂ ᠰᠠᠭᠢᠯ ᠰᠠᠨᠸᠠᠷ ᠭᠡᠮᠡᠨ ᠡᠳᠦᠷ ᠨᠥᠭ᠍ᠴᠢᠭᠡᠨ᠂ ᠠᠷᠠᠤᠨ ᠲᠦᠮᠡᠨ ᠤ ᠰᠥᠰᠦᠭ᠌ ᠪᠢᠰᠢᠷᠠᠯ ᠢ ᠪᠠᠵᠠᠭᠳᠠᠨ ᠠᠳᠬᠤᠭᠰᠠᠨ ᠡᠨᠡ ᠰᠦᠮᠡ ᠳᠤ ᠡᠳᠦᠷ ᠶᠢᠡᠷ ᠴᠢᠰᠤᠨ ᠳᠠᠯᠠᠢ ᠣᠷᠤᠰᠤᠨ᠂ ᠨᠤᠮ ᠣᠩᠰᠢᠬᠤ ᠶᠢ ᠪᠠᠢ᠌ᠳᠤᠭᠠᠢ᠂ ᠡᠳᠦᠷ ᠶᠢᠡᠷ ᠨᠠᠮᠠᠠᠴᠢᠯᠠᠬᠤ ᠭᠦᠮᠤᠨ ᠪᠠᠰᠠ ᠦᠭᠡᠶ ᠪᠣᠯᠬᠤ ᠶᠢ᠂ ᠡᠳᠡᠨᠦᠰ ᠢᠯᠠ ᠳᠠᠯᠳᠠ ᠶᠢ ᠠᠢ᠌ᠯᠠᠳᠬᠠᠨ ᠮᠠᠳᠠᠨᠠ ᠭᠡᠪᠠᠴᠤ ᠡᠭᠦᠨ ᠢ ᠶᠠᠭ ᠮᠡᠳᠡᠭ᠍ᠰᠡᠨ ᠦᠭᠡᠶ᠃
ᠬᠤᠩᠬᠤ ᠳᠠᠮᠠᠷᠤᠤ ᠶᠢᠨ ᠰᠠᠵᠢᠯᠭᠠᠨ ᠤ ᠳᠠᠭᠤᠨ᠂ ᠨᠤᠮ ᠤᠨ ᠠᠢ᠌ᠵᠠᠮ ᠲᠡᠶ ᠣᠩᠰᠢᠯᠭᠠ ᠭᠢᠭᠡᠳ ᠵᠦᠩ ᠤᠨ ᠳᠠᠭᠤᠨ ᠡᠴᠡ ᠭᠠᠳᠠᠨᠠ ᠭᠡᠨᠡᠳᠲᠡ ᠫᠣᠤ ᠶᠢᠨ ᠳᠠᠭᠤᠨ ᠭᠠᠷᠴᠤ᠂ ᠪᠦᠭᠦ ᠨᠤᠮ ᠣᠩᠰᠢᠵᠤ ᠪᠠᠢ᠌ᠭᠰᠠᠨ ᠯᠠᠮᠠ ᠨᠡᠷ ᠰᠤᠴᠢᠨ᠂ ᠶᠠᠭᠤ ᠪᠣᠯᠤᠭᠰᠠᠨ ᠳᠤᠬᠠᠢ ᠮᠡᠳᠡᠭᠦ ᠡᠴᠡ ᠡᠮᠦᠨᠡ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠴᠡᠷᠢᠭ᠌ ᠫᠣᠤ ᠳᠤᠯᠭᠠᠨ ᠰᠦᠮᠡ ᠶᠢᠨ ᠪᠠᠠᠳᠠᠢ ᠡᠴᠡ ᠳᠠᠷᠠᠭᠠᠯᠠᠨ ᠳ᠋ᠠ ᠯᠠᠮᠠ ᠵᠠᠮᠰᠤᠵᠤᠩᠨᠠᠢ᠂ ᠭᠡᠪᠭᠦᠢ ᠫᠠᠯᠵᠠᠢ᠌ᠫᠣᠷᠪᠣ ᠭᠦᠷᠳᠡᠯᠡ ᠪᠦᠭᠦᠳᠡ ᠵᠠᠭᠤ ᠨᠠᠶᠠᠨ ᠳᠤᠯᠤᠭᠠᠨ ᠯᠠᠮᠠ ᠬᠤᠪᠣᠷᠠᠭ ᠢ ᠰᠦᠮᠡ ᠡᠴᠡ ᠭᠠᠳᠠᠨᠠ ᠭᠠᠷᠭᠠᠨ ᠥᠭᠡ ᠳᠠᠭᠤᠨ ᠳᠤᠤᠭᠠᠷᠭᠤᠯᠬᠤ ᠦᠭᠡᠶ ᠪᠠᠷ ᠭᠠᠷ ᠭᠦᠯ ᠢ ᠨᠢ ᠣᠶᠠᠵᠤ᠂ ᠪᠦᠭᠦᠳᠡ ᠶᠢ ᠭᠡᠭᠡᠨ ᠣᠷᠳᠤᠨ ᠤ ᠵᠥᠭ᠌ ᠭᠦᠭᠡᠭᠡᠨ ᠶᠠᠪᠣᠪᠠ᠃
ᠳᠠᠭᠢᠭᠠᠤᠨ ᠳ᠋ᠠᠮᠪᠠ ᠳᠠᠷᠤᠭᠠ ᠣᠯᠠᠨ ᠢ ᠵᠠᠷᠯᠢᠭᠳᠠᠨ ᠰᠦᠮᠡ ᠶᠢᠨ ᠳᠤᠳᠤᠷᠭᠢ ᠠᠯᠢᠪᠠ ᠶᠠᠭᠤᠮᠠ ᠶᠢ ᠵᠥᠭᠡᠭᠡᠨ ᠭᠠᠷᠭᠠᠵᠤ᠂ ᠣᠪᠣᠭᠠᠯᠠᠨ ᠰᠢᠳᠠᠭᠠᠭᠠᠤᠨ᠂ ᠳᠠᠭᠢᠨ ᠪᠦᠭᠦ ᠠᠷᠠᠤᠨ ᠲᠦᠮᠡᠨ ᠢ ᠣᠳᠤᠷᠢᠳᠤᠨ ᠪᠦᠭᠦᠯᠢ ᠭᠤᠷᠪᠠᠨ ᠡᠳᠦᠷ ᠤᠨ ᠴᠥᠯᠪᠠᠯᠭᠡ ᠭᠢᠭᠡᠳ ᠡᠨᠡᠭᠦ ᠭᠡᠳᠤᠨ ᠵᠠᠭᠤᠨ ᠣᠨ ᠤ ᠳᠡᠦᠭᠡ ᠲᠡᠶ ᠠᠷᠢᠭᠤᠨ ᠴᠠᠭᠠᠨ ᠣᠷᠳᠤᠨ ᠤ ᠬᠠᠷᠢᠶᠠᠳᠤ ᠰᠦᠮᠡ ᠶᠢ ᠳᠠᠯᠭᠢᠭᠳᠠᠨ ᠭᠠᠯᠳᠠᠵᠤ ᠰᠠᠭᠤᠷᠢ ᠶᠢ ᠨᠢ ᠦᠨᠡᠰᠤ ᠪᠣᠯᠭᠠᠨ ᠬᠠᠶᠠᠪᠠ᠃ ᠳᠡᠭ᠍ᠷᠢ ᠠᠪᠣ ᠴᠤ ᠰᠡᠳᠭᠢᠯ ᠭᠤᠨᠢᠶᠠᠭᠰᠠᠨ ᠪᠣᠯᠪᠠᠤ ⁈
ᠭᠦᠭᠡᠷᠦᠭᠦᠢ︕ ᠳᠡᠭᠡᠭᠡᠳ ᠦᠨᠳᠦᠰᠦᠳᠠᠨ ᠤ ᠮᠢᠨᠢ ᠦᠪ ᠭᠦᠷᠦᠩᠭᠡ᠂ ᠡᠳ᠋ ᠬᠤᠭᠰᠢᠯ ᠮᠠᠨᠢ ᠢᠩᠭᠢᠵᠤ ᠣᠰᠠᠳᠤᠨ ᠬᠠᠢ᠌ᠯᠵᠤ᠂ ᠶᠠᠭᠤᠮᠠ ᠮᠡᠳᠡᠭᠦ ᠦᠭᠡᠶ ᠭᠦᠮᠤᠨ ᠤ ᠥᠳᠡᠭᠡᠯᠭᠡ ᠪᠠ ᠵᠠᠷᠢᠮ ᠵᠤᠷᠢᠯᠭᠠ ᠲᠡᠶ ᠪᠠᠷ ᠴᠦᠯᠪᠠᠨ ᠳᠡᠭᠡᠷᠡᠮᠳᠡᠵᠤ ᠪᠠᠢ᠌ᠭᠠ ᠨᠠᠷᠠ ᠦᠭᠡᠶ ᠳᠡᠭᠡᠷᠡᠮ ᠤᠨ ᠳᠤᠮᠳᠠ᠂ ᠦᠨᠳᠦᠰᠦᠳᠠᠨ ᠶᠠᠰᠤᠳᠠᠨ ᠤ ᠮᠢᠨᠢ ᠳᠡᠦᠭᠡ ᠰᠤᠳᠤᠷ ᠣᠯᠠ ᠮᠦᠷ ᠵᠠᠮᠬᠠᠷᠠᠨ ᠠᠷᠢᠯᠤᠨᠠ᠃ ᠳᠡᠦᠭᠡ ᠶᠢ ᠠᠷᠠᠤᠨ ᠲᠦᠮᠡᠨ ᠡᠭᠦᠳᠤᠨ ᠪᠦᠳᠦᠭᠡᠨᠡ ᠭᠡᠰᠡᠨ ᠴᠤ ᠳᠡᠦᠭᠡ ᠪᠠᠨ ᠠᠷᠠᠤᠨ ᠲᠦᠮᠡᠨ ᠦᠪᠠᠰᠤᠪᠠᠨ ᠪᠣᠯᠠᠰᠢᠯᠠᠨᠠ ᠭᠡᠳᠡᠭ᠌ ᠨᠢ ᠪᠠᠰᠠ ᠦᠨᠡᠨ ᠪᠠᠢ᠌ᠵᠠᠢ᠃ ᠴᠠᠭ ᠳᠦᠷᠤ ᠶᠢᠨ ᠬᠤᠪᠢᠰᠤᠯ ᠪᠠ ᠣᠷᠤᠭᠠ ᠪᠣᠰᠬᠠᠭᠠ ᠨᠡᠢ᠌ᠭᠡᠮ ᠤᠨ ᠠᠯᠬᠤᠴᠠ ᠡᠴᠡ ᠪᠣᠯᠵᠤ ᠭᠦᠮᠤᠨ ᠳᠦᠷᠤᠯᠭᠢᠳᠠᠨ ᠨᠡᠢ᠌ᠭᠡᠮ ᠡᠴᠡ ᠣᠬᠤᠷᠢᠳᠠᠭ ᠢ ᠭᠡᠨ ᠴᠤ ᠢᠳᠡᠭᠡᠳᠡᠭ᠌ ᠦᠭᠡᠶ ᠶᠤᠮ᠃ ᠭᠡᠪᠠᠴᠤ ᠡᠨᠡ ᠴᠠᠭ ᠡᠷᠡᠨ ᠪᠣᠯ ᠰᠢᠭᠤᠳ ᠨᠡᠢ᠌ᠭᠡᠮ ᠤᠨ ᠣᠬᠤᠷᠢᠯᠳᠠ ᠪᠣᠯᠬᠤ ᠡᠴᠡ ᠪᠢᠰᠢ ᠨᠡᠢ᠌ᠭᠡᠮ ᠤᠨ ᠳᠠᠪᠰᠢᠯᠳᠠ ᠣᠭᠳᠤ ᠪᠢᠰᠢ᠃ ᠶᠠᠭ ᠣᠨᠤᠰᠢᠯᠠᠪᠠᠯ 《ᠳᠠᠭᠠᠳᠬᠠᠨ ᠵᠠᠯᠪᠢᠷᠠᠬᠤ ᠪᠣᠷᠬᠠᠨ ᠦᠭᠡᠶ᠂ ᠳᠠᠪᠠᠵᠤ ᠵᠠᠭᠠᠯᠳᠤᠬᠤ ᠵᠠᠰᠠᠭ ᠦᠭᠡᠶ》 ᠭᠡᠪᠠᠯ ᠬᠠᠮᠤᠭ ᠡᠴᠡ ᠣᠨᠤᠪᠴᠢᠳᠠᠢ᠃ ᠡᠭᠡᠭᠡ ᠯᠠ 《ᠪᠢᠴᠢᠭ᠌ ᠢ ᠰᠢᠳᠠᠭᠠᠵᠤ ᠪᠢᠴᠢᠭ᠍ᠳᠡᠨ ᠢ ᠪᠣᠯᠠᠭᠰᠠᠨ》 ᠡᠴᠡ ᠶᠠᠮᠠᠷ ᠢᠯᠭᠠᠭᠠ ᠪᠠᠢ᠌ᠨᠠ︖
ᠰᠢᠷᠤᠢ ᠳᠤᠭᠤᠰᠭᠠ ᠶᠢ ᠨᠢ ᠣᠷᠪᠠᠭᠤᠯᠵᠤ ᠰᠢᠪᠠᠷ ᠭᠡᠷᠡᠮ ᠢ ᠨᠢ ᠪᠠᠭᠤᠯᠭᠠᠵᠤ᠂ ᠰᠢᠳᠦᠭᠡᠨ ᠪᠣᠷᠬᠠᠨ ᠢ ᠨᠢ ᠪᠠᠯᠪᠠᠴᠢᠵᠤ ᠬᠤᠩᠬᠤ ᠳᠠᠮᠠᠷᠤᠤ ᠶᠢ ᠨᠢ ᠨᠢᠴᠠᠯᠠᠨ᠂ ᠬᠤᠷᠠᠯ ᠴᠤᠭᠯᠠᠭᠠᠨ ᠤ ᠳᠤᠤᠭᠠᠩ ᠢ ᠨᠢ ᠶᠡᠭᠦᠯᠡᠨ᠂ ᠵᠦᠩ ᠢ ᠨᠢ ᠪᠠᠭᠤᠯᠭᠠᠨ ᠵᠡᠭᠦᠳᠤ ᠶᠢ ᠨᠢ ᠰᠠᠷᠨᠢᠭᠤᠯᠤᠨ᠂ ᠬᠤᠯᠠ ᠳᠤ ᠬᠠᠶᠠᠵᠤ ᠭᠦᠳᠡᠭᠡ ᠪᠣᠯᠠᠰᠢᠯᠠᠪᠠ᠃
ᠪᠠᠢ᠌ᠭᠰᠠᠨ ᠶᠢᠡᠨ ᠠᠪᠴᠤ ᠳ᠋ᠠᠮᠪᠠ ᠳᠠᠷᠤᠭᠠ ᠭᠡᠭᠡᠨ ᠣᠷᠳᠤᠨ ᠤ ᠠᠷᠠᠤᠨ ᠤᠨ ᠵᠠᠰᠠᠭ ᠤᠨ ᠣᠷᠳᠤᠨ ᠤ ᠵᠥᠭ᠌ ᠳᠠᠪᠭᠢᠪᠠ᠃ ᠳᠠᠯᠠ ᠶᠢᠨ ᠵᠠᠮ ᠶᠢᠡᠷ ᠴᠤᠪᠣᠭᠰᠠᠨ ᠴᠢᠴᠧ ᠬᠠᠭᠠᠰ ᠡᠳᠦᠷ ᠤᠨ ᠳᠠᠷᠠᠭᠠ ᠵᠠᠰᠠᠭ ᠤᠨ ᠣᠷᠳᠤᠨ ᠳᠤ ᠢᠷᠠᠵᠤ ᠬᠤᠶᠠᠷ ᠡᠳᠦᠷ ᠤᠨ ᠳᠠᠷᠠᠭᠠ ᠪᠦᠭᠦᠢᠴᠡᠯᠭᠡᠭᠦ ᠭᠦᠳᠡᠯᠭᠡᠭᠡᠨ ᠡᠭᠢᠯᠡᠪᠡ᠃ ᠭᠠᠷ ᠲᠠᠭᠠᠨ ᠭᠠᠪ ᠵᠡᠭᠦᠨ᠂ ᠭᠦᠯ ᠲᠡᠭᠡᠨ ᠳᠦᠩᠭᠡ ᠭᠢᠡᠵᠢᠯᠡᠭ᠍ᠳᠡᠭ᠍ᠰᠡᠨ ᠪᠦᠭᠦᠨ ᠢ ᠳᠠᠷᠠᠭᠠᠯᠠᠨ ᠵᠤᠭᠰᠤᠭᠠᠵᠤ᠂ ᠳᠡᠭᠦᠨ ᠤ ᠳᠡᠭᠡᠷᠡ ᠪᠦᠳᠦᠭᠦᠨ ᠣᠯᠠᠭᠠᠨ ᠪᠦᠰ ᠢ ᠡᠯᠭᠦᠨ ᠳᠡᠭᠡᠷᠡ ᠨᠢ ᠬᠠᠷᠠ ᠪᠠᠷ 《ᠹᠧᠤᠳᠠᠯ ᠤᠨ ᠥᠯᠡᠳᠡᠭ᠍ᠳᠡᠯ ᠢ ᠮᠠᠯᠳᠠᠨ᠂ ᠣᠯᠠᠭᠠᠨ ᠬᠤᠷᠤᠬᠠᠢ ᠶᠢ ᠣᠰᠠᠳᠬᠠᠶᠠ︕》 ᠭᠡᠭᠦ ᠪᠦᠳᠦᠭᠦᠨ ᠥᠰᠦᠭ᠌ ᠢ ᠪᠢᠴᠢᠨ᠂ ᠳ᠋ᠠᠮᠪᠠ ᠳᠠᠷᠤᠭᠠ ᠣᠯᠠᠨ ᠤ ᠡᠮᠦᠨᠡ ᠭᠠᠷᠴᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠯᠠᠨ ᠲᠦᠮᠡᠨ ᠢ ᠪᠠᠴᠢᠯᠠᠨ ᠬᠠᠭᠤᠷᠠᠵᠤ᠂ ᠬᠠᠷᠠᠴᠤᠰ ᠢ ᠳᠠᠷᠤᠯᠠᠨ᠂ ᠬᠠᠮᠤᠭ ᠪᠦᠭᠦᠨ ᠤ ᠴᠢᠰᠤ ᠮᠢᠬᠠ ᠶᠢ ᠰᠤᠷᠤᠵᠤ ᠢᠳᠡᠭ᠍ᠰᠡᠨ ᠬᠤᠪᠠᠯᠵᠠ ᠬᠤᠷᠤᠬᠠᠢ ᠪᠣᠯ ᠡᠳᠡᠭᠡᠷ ᠦᠰᠦ ᠦᠭᠡᠶ ᠨᠢᠴᠦᠭᠦᠨ ᠳᠤᠯᠤᠭᠠᠢ᠌ᠳᠠᠤᠨ ᠪᠣᠯᠬᠤ ᠶᠤᠮ᠃ ᠡᠳᠡᠭᠡᠷ ᠢ ᠣᠰᠠᠳᠬᠠᠬᠤ ᠦᠭᠡᠶ ᠪᠣᠯ ᠮᠠᠨ ᠤ ᠰᠠᠢ᠌ᠨ ᠰᠠᠢ᠌ᠬᠠᠨ ᠠᠮᠢᠳᠤᠷᠠᠯ ᠭᠦᠰᠡᠯᠡᠩ ᠮᠦᠨ ᠣᠤᠯ ᠤᠨ ᠰᠢᠭ ᠡᠳᠡᠨᠡᠷ ᠲᠤ ᠰᠤᠷᠤᠭᠳᠠᠨ ᠬᠠᠮᠤᠭ ᠰᠡᠭᠦᠯ ᠳᠡᠭᠡᠨ ᠡᠳᠡᠨᠡᠷ ᠮᠠᠨ ᠤ ᠳᠤᠯᠤᠭᠠᠢ ᠶᠢ ᠳᠠᠷᠤᠨ ᠳᠤᠩᠭ᠋ᠣᠢ᠌ᠯᠭᠠᠬᠤ ᠶᠤᠮ᠃ ᠡᠢ᠌ᠮᠤ ᠡᠴᠡ ᠡᠢ᠌ᠮᠤ ᠭᠦᠮᠦᠰ ᠢ ᠵᠠᠪᠠᠯ ᠣᠰᠠᠳᠬᠠᠬᠤ ᠭᠡᠷᠡᠭ᠍ᠳᠡᠢ᠃ ᠠᠷᠠᠤᠨ ᠲᠦᠮᠡᠨ ᠤ ᠳᠤᠮᠳᠠ ᠡᠳᠡᠭᠡᠷ ᠴᠢᠰᠤ ᠰᠤᠷᠤᠬᠤ ᠨᠢᠭᠦᠯᠳᠤ ᠬᠤᠪᠠᠯᠵᠠ ᠶᠢ ᠠᠮᠢᠳᠤᠷᠠᠭᠤᠯᠵᠤ ᠪᠣᠯᠬᠤ ᠦᠭᠡᠶ᠃ ᠮᠦᠨ ᠮᠠᠨᠤᠰ ᠹᠧᠤᠳᠠᠯ ᠤᠨ ᠭᠤᠷᠪᠠᠨ ᠥᠯᠡᠳᠡᠭ᠍ᠳᠡᠯ ᠢ ᠳᠠᠶᠠᠭᠳᠠᠬᠤ ᠭᠡᠷᠡᠭ᠍ᠳᠡᠢ᠃ ᠡᠨᠡ ᠪᠣᠯ ᠮᠠᠤ ᠵᠦᠰᠢ ᠶᠢᠨ ᠰᠤᠷᠭᠠᠯ᠂ ᠮᠠᠨ ᠳᠤ ᠳᠠᠯᠪᠢᠵᠤ ᠪᠠᠢ᠌ᠭᠠ ᠱᠠᠭᠠᠷᠳᠠᠯᠭᠠ ᠪᠣᠯᠤᠨᠠ᠃ ᠪᠢᠳᠠᠨ ᠡᠷᠭᠡᠪᠰᠢ ᠮᠠᠤ ᠵᠦᠰᠢ ᠶᠢᠨ ᠥᠭᠡ ᠶᠢ ᠰᠤᠨᠤᠰᠤᠨ᠂ ᠡᠪ ᠬᠠᠮᠳᠤ ᠨᠠᠮ ᠢ ᠭᠦᠷᠢᠶᠡᠯᠡᠨ᠂ ᠥᠭᠡᠢ᠌ᠭᠦᠤ ᠠᠩᠭᠢ ᠶᠢᠨ ᠨᠡᠢ᠌ᠭᠡᠮ ᠵᠢᠷᠤᠮᠳᠤ ᠨᠡᠢ᠌ᠭᠡᠮ ᠢ ᠪᠦᠳᠦᠭᠡᠨ ᠪᠠᠢ᠌ᠭᠤᠯᠬᠤ ᠪᠠᠷ ᠳᠡᠮᠡᠴᠡᠭᠦ ᠭᠡᠷᠡᠭ᠍ᠳᠡᠢ ᠭᠡᠵᠤ ᠴᠢᠩᠭ᠋ᠠ ᠬᠠᠰᠭᠢᠷᠤᠨ ᠭᠡᠯᠡᠭᠡᠳ ᠡᠳᠡᠭᠡᠷ ᠯᠠᠮᠠ ᠬᠤᠸᠠᠷᠠᠭ ᠢ ᠭᠦᠭᠡᠭᠡᠨ ᠭᠡᠭᠡᠨ ᠣᠪᠣᠭᠠᠨ ᠤ ᠠᠷᠤ ᠶᠢᠨ ᠵᠤ᠋ ᠳᠤ ᠠᠪᠠᠴᠢᠵᠤ ᠭᠢᠳᠤᠯᠭᠠ ᠶᠠᠪᠣᠭᠤᠯᠤᠨᠠ᠃ ᠣᠯᠠᠨ ᠲᠦᠮᠡᠨ ᠪᠦᠭᠦᠳᠡᠭᠡᠷ ᠳ᠋ᠠᠮᠪᠠ ᠶᠢᠨ ᠣᠳᠤᠷᠢᠳᠤᠯᠭᠠ ᠳᠤᠤᠷᠠ ᠭᠦᠷᠵᠡ ᠵᠡᠭᠡᠳᠤ ᠪᠠᠨ ᠠᠳᠬᠤᠨ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠯᠳᠠ ᠶᠢ ᠭᠦᠯᠢᠶᠡᠨᠡ᠃
ᠭᠦᠭᠡᠷᠦᠭᠦᠢ︕ ᠨᠢᠴᠦᠭᠦᠨ ᠳᠤᠯᠤᠭᠠᠢ ᠲᠡᠶ ᠯᠠᠮᠠ ᠬᠤᠸᠠᠷᠠᠭ ᠤᠳ ᠢ ᠠᠷᠤ ᠶᠢᠨ ᠵᠤ᠋ ᠶᠢᠨ ᠡᠩᠭᠡᠷ ᠲᠤ ᠠᠪᠠᠴᠢᠨ ᠪᠦᠭᠦᠨ ᠢ ᠭᠦᠰᠡᠷ ᠭᠡᠪᠳᠡᠭᠦᠯᠤᠨ ᠳᠡᠭᠡᠷᠡ ᠡᠴᠡ ᠨᠢ ᠰᠢᠷᠤᠢ ᠳᠡᠭᠡᠭᠡᠰᠡᠨ ᠴᠢᠴᠧ ᠤ ᠳᠦᠷᠪᠠᠨ ᠪᠣᠯᠤ ᠪᠠᠷ ᠥᠩᠭᠦᠷᠢᠳᠡᠭᠦᠯᠦᠨᠡ᠃ ᠭᠠᠰᠠᠯᠠᠩ ᠤᠨ ᠳᠠᠭᠤᠨ ᠳᠠᠷᠠ ᠳᠤᠤᠷᠠ ᠡᠴᠡ ᠮᠠᠠᠳᠤᠨ ᠶᠤᠰᠤᠳᠠᠢ ᠭᠦᠮᠤᠨ ᠣᠭᠢᠯᠠᠨ ᠴᠢᠳᠭᠦᠷ ᠭᠠᠰᠠᠯᠤᠨᠠ᠃ ᠵᠠᠭᠤ ᠨᠠᠶᠠᠨ ᠳᠤᠯᠤᠭᠠᠨ ᠯᠠᠮᠠ ᠤᠳ ᠭᠡᠳᠦᠡᠳᠡ ᠮᠠᠰᠢᠨ ᠶᠢᠡᠷ ᠳᠠᠭᠠᠷᠢᠨ᠂ ᠮᠠᠰᠢᠨ ᠤ ᠪᠣᠯᠤ ᠳᠤ ᠣᠨᠤᠭᠳᠠᠨ ᠵᠠᠷᠢᠮ ᠨᠢ ᠭᠡᠯᠡ ᠳᠠᠰᠤ ᠥᠭᠦᠨ᠂ ᠵᠠᠷᠢᠮ ᠨᠢ ᠨᠢᠷᠤᠭᠤ ᠬᠠᠪᠢᠷᠭᠠ ᠬᠤᠭᠤᠷᠠᠨ ᠭᠦᠮᠦᠰ ᠤᠨ ᠣᠭᠢᠯᠠᠯ ᠪᠠ ᠭᠠᠰᠠᠯᠠᠩ ᠤᠨ ᠳᠠᠭᠤᠨ ᠳᠡᠭ᠍ᠷᠢ ᠭᠠᠵᠠᠷ ᠲᠡᠶ ᠵᠠᠯᠭᠠᠯᠳᠤᠨᠠ᠃
ᠳ᠋ᠠᠮᠪᠠ ᠳᠠᠭᠢᠨ ᠣᠯᠠᠨ ᠲᠦᠮᠡᠨ ᠳᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠠᠰᠢᠨ ᠤ ᠠᠷᠤ ᠡᠴᠡ ᠳᠠᠭᠠᠵᠤ ᠦᠵᠡ︕ ᠭᠡᠷᠪᠡ ᠥᠭᠦᠭᠡ ᠦᠭᠡᠶ ᠪᠣᠯ ᠭᠦᠷᠵᠡ ᠪᠣᠶᠤ ᠵᠡᠭᠡᠳᠤ ᠪᠠᠷ ᠴᠤᠭᠢᠵᠤ ᠠᠯᠠ︕ ᠠᠮᠢᠳᠤ ᠨᠢᠭᠡ ᠶᠢ ᠪᠠᠰᠠ ᠭᠠᠷᠭᠠᠵᠤ ᠪᠣᠯᠬᠤ ᠦᠭᠡᠶ ᠭᠡᠵᠤ ᠬᠠᠳᠠᠭᠤ ᠵᠠᠷᠯᠢᠭ ᠪᠠᠭᠤᠯᠭᠠᠨᠠ᠃ ᠠᠷᠭᠠ ᠦᠭᠡᠶ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠳᠤᠤᠷᠠ ᠣᠯᠠᠨ ᠲᠦᠮᠡᠨ ᠳᠤᠷᠠ ᠦᠭᠡᠶ ᠴᠤ ᠳᠤᠤᠭᠠᠷᠴᠤ ᠪᠣᠯᠬᠤ ᠦᠭᠡᠶ᠂ ᠬᠤᠪᠢᠰᠬᠠᠯ ᠤᠨ ᠵᠢᠯᠤᠭᠤᠳᠤᠯᠭᠠ ᠡᠴᠡ ᠵᠦᠷᠢᠴᠠᠵᠤ ᠪᠣᠯᠬᠤ ᠦᠭᠡᠶ ᠪᠣᠯᠬᠤᠷ ᠳᠠᠷᠠ ᠶᠤᠰᠤᠭᠠᠷ ᠮᠠᠰᠢᠨ ᠤ ᠬᠣᠢ᠌ᠨᠠ ᠡᠴᠡ ᠥᠭᠦᠭ᠍ᠰᠡᠨ ᠯᠠᠮᠠ ᠨᠡᠷ ᠤᠨ ᠭᠡᠭᠦᠷ ᠳᠡᠭᠡᠭᠦᠷ ᠠᠯᠬᠤᠯᠠᠨ ᠠᠮᠢᠳᠤ ᠪᠠᠢ᠌ᠬᠤ ᠡᠰᠡᠭᠦ ᠶᠢ ᠦᠵᠡᠨ᠂ ᠬᠠᠭᠠᠰ ᠳᠤᠳᠠᠭᠤ ᠠᠮᠢ ᠲᠡᠶ ᠶᠢ ᠨᠢ ᠥᠯᠡᠳᠡᠭᠡᠯ ᠦᠭᠡᠶ ᠴᠤᠭᠢᠨ ᠠᠯᠠᠨᠠ᠃ ᠡᠨᠡ ᠪᠣᠯ ᠭᠡᠭᠡᠨ ᠣᠷᠳᠤᠨ ᠤ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠪᠠᠯᠭᠡ ᠳᠡᠮᠳᠡᠭ᠌ ᠪᠣᠯᠬᠣᠢ᠌ᠴᠠ ᠴᠢᠰᠤᠳᠤ ᠳᠠᠷᠤᠩᠭ᠋ᠣᠢ᠌ᠯᠭᠠ ᠪᠣᠯᠬᠤ ᠶᠤᠮ᠃ ᠬᠠᠮᠤᠭ ᠤᠨ ᠰᠡᠭᠦᠯ ᠳᠤ ᠨᠥᠭᠡ ᠮᠠᠯᠳᠠᠨ ᠡᠳᠡᠭᠡᠷ ᠭᠡᠭᠦᠷ ᠤᠳ ᠢ ᠪᠣᠯᠠᠰᠢᠯᠠᠨᠠ᠃ ᠮᠦᠨ ᠴᠤ ᠣᠯᠠ ᠮᠦᠷ ᠶᠢᠡᠨ ᠪᠣᠯᠠᠰᠢᠯᠠᠨᠠ᠃ ᠳᠡᠦᠭᠡ ᠱᠠᠰᠳᠢᠷ ᠶᠢᠡᠨ ᠰᠢᠳᠠᠭᠠᠭᠰᠠᠨ ᠶᠠᠯᠠ ᠨᠢᠭᠦᠯ ᠲᠡᠶ ᠪᠠᠨ ᠪᠣᠯᠠᠰᠢᠯᠠᠨᠠ᠃
ᠳᠡᠭ᠍ᠷᠢ ᠠᠪᠣ ᠴᠤ ᠡᠨᠡᠭᠦ ᠴᠢᠰᠤᠳᠤ ᠭᠢᠳᠤᠯᠭᠠ ᠶᠢ ᠦᠵᠡᠨ ᠰᠡᠳᠭᠢᠯ ᠵᠢᠷᠦᠭᠡ ᠨᠢ ᠡᠪᠠᠳᠦᠭ᠍ᠰᠡᠨ ᠮᠠᠶᠢᠭ ᠲᠡᠶ ᠳᠠᠷᠠ ᠣᠷᠤᠢ ᠡᠴᠡ ᠡᠭᠢᠯᠡᠨ ᠳᠡᠭ᠍ᠷᠢ ᠪᠠᠷᠣᠢ᠌ᠨ ᠴᠠᠢ᠌ᠷᠠᠭᠠᠤᠨ ᠳᠡᠯᠭᠡᠷᠭᠦ ᠳᠦᠷᠪᠠᠨ ᠰᠠᠷᠠ ᠪᠠᠷ ᠮᠠᠭᠤ ᠡᠷᠡ ᠶᠢᠨ ᠮᠠᠯᠠᠭᠠᠢ ᠭᠡᠮᠡᠷᠭᠡᠨ ᠴᠠᠰᠤ ᠬᠠᠶᠠᠯᠠᠨ᠂ ᠰᠢᠨᠡᠭᠡᠨ ᠣᠷᠤᠰᠤᠭᠰᠠᠨ ᠴᠢᠰᠤ ᠨᠦᠵᠢ ᠶᠢ ᠳᠠᠷᠤᠨ ᠪᠦᠭᠦ ᠭᠤᠪᠢ ᠮᠠᠩᠬᠠ ᠶᠢ ᠦᠪᠴᠢ ᠪᠠᠷ ᠬᠤᠴᠢᠨ ᠣᠯᠠᠨ ᠲᠦᠮᠡᠨ ᠤ ᠰᠡᠳᠭᠢᠯ ᠵᠢᠷᠦᠭᠡ ᠶᠢ ᠳᠤᠯᠭᠢᠰᠤᠭᠤᠯᠪᠠ᠃
ᠫᠠᠭᠳᠠᠭᠠᠷ ᠳᠡᠭᠡᠷᠡᠮ ᠣᠷᠤᠵᠤ ᠢᠷᠡᠭᠡᠳ ᠡᠨᠡ ᠮᠠᠳᠤ ᠴᠢᠰᠤᠳᠤ ᠳᠠᠷᠤᠩᠭ᠋ᠣᠢ᠌ᠯᠭᠠ ᠭᠢᠭ᠍ᠰᠡᠨ ᠦᠭᠡᠶ᠂ ᠬᠠᠷᠢᠨ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠭᠡᠳᠡᠭ᠌ ᠠᠰᠤᠷᠤ ᠳᠤᠮᠤ ᠭᠦᠴᠤᠨ ᠠᠮᠢᠳᠤ ᠭᠦᠮᠤᠨ ᠢ ᠳᠡᠷᠭᠡ ᠪᠠᠷ ᠳᠠᠭᠠᠷᠢᠵᠤ᠂ ᠵᠡᠭᠡᠳᠤ ᠪᠠᠷ ᠭᠦᠮᠤᠨ ᠢ ᠴᠤᠭᠢᠵᠤ ᠠᠯᠠᠭᠰᠠᠨ ᠶᠤᠮ᠃ ᠡᠨᠡ ᠪᠣᠯ ᠰᠢᠭᠤᠳ ᠳᠡᠦᠭᠡᠨ ᠭᠢᠯᠢᠰ ᠡ︕ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠳᠡᠭᠡᠷᠡᠩᠭᠦᠢ ᠦᠵᠡᠯ ᠤᠨ ᠪᠣᠳᠠᠳᠤ ᠢᠯᠠᠷᠠᠯ᠂ ᠭᠡᠪᠠᠴᠤ ᠳᠠᠷᠠ ᠦᠶᠡ ᠳᠤ ᠭᠡᠩ ᠭᠡᠳ ᠳᠤᠤᠭᠠᠷᠬᠤ ᠭᠡᠳᠡᠭᠡᠷ ᠡᠷᠡ ᠭᠠᠷᠴᠤ ᠢᠷᠡᠭ᠍ᠰᠡᠨ ᠦᠭᠡᠶ᠂ ᠭᠡᠳᠡᠷᠭᠦ ᠪᠠᠨ ᠭᠦᠮᠤᠨ ᠠᠯᠠᠨ ᠨᠢᠳᠤ ᠣᠯᠠᠢ᠌ᠨ ᠶᠠᠭᠤᠮᠠ ᠪᠦᠭᠦᠨ ᠢ ᠬᠠᠵᠠᠬᠤ ᠭᠠᠯᠵᠠᠭᠤ ᠨᠤᠬᠠᠢ᠌ᠳ ᠠᠷᠪᠢᠳᠤᠪᠠ᠃ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠶᠡᠭᠡ ᠮᠠᠯᠠᠭᠠᠢ ᠪᠠᠷ ᠠᠷᠠᠤᠨ ᠲᠦᠮᠡᠨ ᠢ ᠳᠤᠤᠷᠠᠰᠢᠶᠠᠨ ᠳᠤᠷᠤᠮᠵᠢᠯᠠᠳᠠᠭ ᠭᠦᠮᠦᠰ ᠠᠷᠪᠢᠳᠤᠭᠰᠠᠨ᠂ ᠹᠧᠤᠳᠠᠯ ᠨᠤᠶᠠᠤᠨ ᠤᠨ ᠠᠳᠬᠤᠭᠰᠠᠨ ᠦᠨᠳᠦᠷ ᠣᠷᠳᠤ ᠬᠠᠷᠠ ᠳᠠᠰᠢᠭᠤᠷ ᠢ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠭᠡᠳᠤᠨ ᠳᠠᠷᠤᠭᠠ ᠤᠳ ᠡᠷᠭᠢᠭᠦᠯᠤᠨ 《ᠣᠯᠭᠠᠨ ᠬᠤᠷᠤᠬᠠᠢ》 ᠭᠡᠮᠡᠭ᠍ᠳᠡᠭ᠍ᠰᠡᠨ ᠯᠠᠮᠠ ᠨᠡᠷ ᠤᠨ ᠸᠠᠴᠢᠷᠪᠠᠨᠢ᠂ ᠡᠳ᠋ ᠡᠷᠳᠡᠨᠢᠰ ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠭᠡᠳᠤᠨ ᠳᠠᠷᠤᠭᠠ ᠨᠡᠷ ᠤᠨ ᠡᠷᠦᠭᠡ ᠭᠡᠷ ᠲᠤ ᠴᠤᠭᠯᠠᠷᠠᠭᠰᠠᠨ ᠶᠤᠮ᠃
ᠠᠷᠠᠤᠨ ᠤᠨ ᠬᠤᠪᠢᠰᠬᠠᠯ ᠤᠨ ᠣᠯᠠᠭᠠᠨ ᠰᠠᠯᠭᠢ ᠭᠤᠪᠢ ᠮᠠᠩᠬᠠ ᠪᠠᠷ ᠰᠢᠭᠤᠷᠭᠠᠯᠠᠨ ᠦᠷᠭᠦᠯᠵᠢᠯᠡᠨᠡ᠃ ᠦᠳᠡᠰᠢ ᠪᠣᠯᠭᠠᠨ ᠬᠤᠷᠠᠯ ᠴᠤᠭᠯᠠᠭᠠ ᠡᠷᠭᠢᠯᠡᠨ᠂ ᠡᠪ ᠬᠠᠮᠳᠤ ᠶᠤᠰᠤᠨ ᠤ ᠣᠤᠠᠬᠠ ᠴᠢᠨᠠᠷ᠂ ᠳᠤᠮᠳᠠᠳᠤ ᠣᠯᠤᠰ ᠤᠨ ᠴᠢᠯᠦᠭᠡᠯᠡᠯᠳᠡ ᠶᠢᠨ ᠳᠠᠢ᠌ᠨ ᠤ ᠭᠦᠴᠢᠷ ᠪᠠᠷᠭᠡᠰᠢᠶᠡᠯ᠂ ᠳᠠᠮᠠᠴᠠᠯ ᠤᠨ ᠱᠠᠳᠤ ᠠᠯᠬᠤᠮ ᠢ ᠰᠤᠨᠤᠰᠬᠠᠨ᠂ ᠭᠦᠮᠤᠨ ᠠᠷᠪᠢᠨ ᠪᠣᠯ ᠭᠦᠴᠤᠨ ᠶᠡᠭᠡ ᠭᠡᠵᠤ ᠰᠤᠷᠳᠠᠯᠴᠢᠯᠠᠨ᠂ ᠣᠷᠢᠳᠤ ᠶᠢᠨ ᠪᠠᠶᠠᠤᠨ ᠨᠤᠶᠠᠤᠨ ᠪᠣᠷᠤᠭᠤ ᠪᠠᠨ ᠬᠠᠯᠠᠨ᠂ ᠰᠢᠨᠠ ᠶᠢ ᠳᠠᠭᠠᠵᠤ᠂ ᠬᠤᠯᠠ ᠶᠢ ᠬᠠᠷᠠᠨ᠂ ᠠᠷᠠᠤᠨ ᠢ ᠪᠣᠳᠤᠨ᠂ ᠠᠷᠠᠤᠨ ᠲᠦᠮᠡᠨ ᠢ ᠡᠷᠭᠦᠨ ᠪᠣᠰᠬᠠᠭᠰᠠᠨ ᠮᠠᠤ ᠵᠦᠰᠢ ᠶᠢ ᠰᠤᠷᠳᠠᠯᠴᠢᠯᠠᠨᠠ᠃ ᠣᠳᠤ ᠨᠢᠭᠡᠨᠲᠡ ᠰᠢᠨᠠ ᠨᠡᠢ᠌ᠭᠡᠮ ᠳᠤ ᠣᠷᠤᠵᠤ᠂ ᠣᠯᠭᠠᠨ ᠳᠤᠭ ᠨᠠᠮᠢᠷᠠᠨ᠂ ᠳᠦᠷᠤ ᠭᠦᠷᠤᠨ ᠲᠦᠪᠰᠢᠨ ᠪᠣᠯᠵᠤ᠂ ᠮᠠᠤ ᠵᠦᠰᠢ ᠶᠢᠨ ᠶᠠᠷᠢᠶᠠ ᠴᠤᠤᠷᠢᠶᠠᠳᠤᠨ ᠥᠭᠡᠢ᠌ᠭᠦᠤ ᠲᠦᠮᠡᠨ ᠢ ᠡᠷᠭᠦᠨ ᠪᠣᠰᠬᠠᠵᠤ᠂ ᠥᠨᠡᠭᠡᠷ ᠪᠠᠶᠠᠨ ᠶᠠᠳᠠᠭᠤ ᠶᠢ ᠳᠡᠭ᠍ᠰᠢᠳᠭᠡᠨ᠂ ᠶᠡᠭᠡᠯᠡ ᠭᠦᠭ᠍ᠵᠢᠶᠡᠨ ᠲᠡᠶ ᠪᠣᠯᠤᠯᠠ᠃
ᠬᠤᠶᠠᠷ ᠣᠳᠠᠭᠠᠨ ᠤ ᠠᠷᠢᠭᠤᠳᠬᠠᠨ ᠪᠣᠳᠤᠬᠤ ᠭᠦᠳᠡᠯᠭᠡᠭᠡᠨ ᠳᠤ ᠨᠠᠮᠰᠠᠷᠠᠢ ᠪᠠ ᠭᠡᠡᠵᠦᠦᠷ ᠨᠡᠷ ᠶᠡᠭᠡᠳᠡ ᠰᠤᠷᠭᠠᠨ ᠵᠠᠰᠠᠮᠵᠢᠯᠠᠨᠠ᠃ ᠳᠡᠭᠡᠭᠡᠳ ᠮᠤᠯᠤᠮ ᠪᠠ ᠷᠤᠯᠭᠠᠷᠮᠠ ᠶᠢ ᠭᠡᠭᠡᠨ ᠣᠷᠳᠤᠨ ᠤ ᠠᠷᠠᠤᠨ ᠤᠨ ᠵᠠᠰᠠᠭ ᠤᠨ ᠣᠷᠳᠤᠨ ᠡᠴᠡ ᠪᠠᠢ᠌ᠭᠤᠯᠤᠭᠰᠠᠨ ᠠᠷᠠᠤᠨ ᠤᠨ ᠰᠤᠷᠭᠠᠭᠤᠯᠢ ᠳᠤ ᠠᠷᠠᠤᠨ ᠤᠨ ᠪᠠᠭᠰᠢ ᠪᠠᠷ ᠳᠤᠮᠢᠯᠠᠨ᠂ ᠠᠷᠠᠤᠨ ᠲᠦᠮᠡᠨ ᠤ ᠦᠷᠡ ᠬᠡᠦᠬᠡᠳ ᠲᠤ ᠮᠤᠩᠭ᠋ᠤᠯ ᠰᠤᠶᠤᠯ᠂ ᠮᠤᠩᠭ᠋ᠤᠯ ᠥᠰᠦᠭ᠌ ᠶᠢᠡᠨ ᠵᠢᠭᠠᠨ᠂ ᠭᠦᠳᠡᠭᠡ ᠨᠤᠳᠤᠭ ᠤᠨ ᠰᠤᠶᠤᠯ ᠤᠨ ᠪᠠᠯᠠᠢ ᠭᠦᠮᠦᠰ ᠲᠤ ᠨᠢᠳᠤ ᠣᠷᠤᠭᠤᠯᠤᠨ᠂ ᠣᠳᠤ ᠡᠴᠡ ᠡᠭᠢᠯᠡᠨ ᠪᠠᠭᠰᠢ ᠶᠢᠨ ᠠᠵᠢᠯ ᠢ ᠭᠢᠵᠤ᠂ ᠰᠤᠷᠳᠠᠯ ᠣᠬᠠᠭᠤᠯᠬᠤ ᠭᠡᠯᠳᠡᠰ ᠢ ᠰᠠᠩᠵᠠᠢ ᠪᠠᠷ ᠬᠠᠮᠢᠶᠠᠷᠠᠭᠤᠯᠤᠨ᠂ ᠪᠦᠭᠦ ᠡᠷᠭᠡ ᠶᠢ ᠸᠠᠩ ᠵᠢᠶᠠᠨ ᠪᠠ ᠳ᠋ᠠᠮᠪᠠ ᠡᠵᠡᠮᠳᠡᠨ᠂ ᠭᠤᠪᠢ ᠮᠠᠩᠬᠠ ᠨᠢᠭᠡ ᠦᠶᠡ ᠨᠠᠮᠬᠠᠷᠠᠪᠠ᠃ ᠨᠠᠮᠬᠠᠷᠬᠤ ᠦᠭᠡᠶ ᠪᠠᠢ᠌ᠬᠤ ᠶᠢᠨ ᠠᠷᠭᠠ ᠴᠤ ᠦᠭᠡᠶ ᠪᠣᠯᠪᠠ᠃ ᠠᠯᠢ ᠣᠯᠠᠨ ᠭᠠᠵᠠᠷ ᠤᠨ ᠡᠵᠡᠳ᠂ ᠪᠠᠶᠠᠤᠨ᠂ ᠯᠠᠮᠠ ᠬᠤᠸᠠᠷᠠᠭ ᠤᠳ ᠢ ᠣᠰᠠᠳᠬᠠᠨ᠂ ᠶᠠᠯᠠᠯᠠᠬᠤ ᠶᠢ ᠨᠢ ᠶᠠᠯᠠᠯᠠᠨ᠂ ᠪᠦᠭᠦᠢᠴᠡᠯᠭᠡᠭᠦ ᠶᠢ ᠨᠢ ᠪᠦᠭᠦᠢᠴᠡᠯᠭᠡᠨ᠂ ᠨᠢᠭᠡᠨᠲᠡ ᠣᠯᠭᠠᠨ ᠨᠢᠴᠦᠭᠦᠨ ᠠᠷᠠᠤᠨ ᠲᠦᠮᠡᠨ ᠯᠠ ᠦᠯᠠᠳᠠᠨ᠂ ᠬᠤᠪᠢᠰᠬᠠᠯ ᠤᠨ ᠵᠢᠳᠠᠨ ᠤ ᠥᠵᠦᠭᠦᠷ ᠬᠠᠮᠢᠭᠠᠰᠢ ᠪᠠᠨ ᠡᠷᠭᠢᠭᠦ ᠪᠠᠨ ᠣᠯᠵᠤ ᠶᠠᠳᠠᠨ ᠲᠦᠷ ᠵᠠᠭᠤᠷᠠ ᠨᠠᠮᠬᠠᠷᠠᠭᠰᠠᠨ ᠨᠢ ᠡᠨᠡ ᠪᠢᠯᠠ︕
ᠴᠠᠰᠤᠨ ᠤ ᠳᠠᠷᠠᠭᠠ ᠰᠢᠭᠤᠷᠭᠠ ᠪᠣᠰᠬᠤ ᠭᠡᠳᠡᠭ᠌ ᠢ ᠦᠨᠡᠨ ᠳᠡᠭᠡᠨ ᠮᠤᠩᠭ᠋ᠤᠯᠴᠤᠳ ᠠᠠᠳᠤᠬᠤ ᠦᠭᠡᠶ ᠶᠤᠮ᠃ ᠣᠳᠠᠭᠠᠨ ᠵᠢᠯ ᠤᠨ ᠳᠤᠷᠰᠢᠯᠭᠠ ᠲᠡᠶ ᠮᠠᠯᠴᠢᠳ ᠬᠤᠪᠢᠨ ᠤ ᠵᠦᠩ ᠰᠤᠪᠢᠩ ᠶᠢᠡᠷ ᠴᠤ ᠮᠡᠳᠡᠭᠦ ᠶᠤᠮ᠃ ᠭᠡᠪᠠᠴᠤ ᠰᠢᠭᠤᠷᠭᠠ ᠶᠠᠭᠠᠭᠢᠵᠤ᠂ ᠭᠢᠷᠢ ᠵᠡᠷᠭᠡ ᠭᠦᠳᠡᠯᠡᠭᠦ ᠶᠢ ᠭᠡᠨ ᠮᠠᠳᠠᠨᠠ︖
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠺᠦᠷᠡᠯᠡ ᠬᠤᠳᠠᠨᠠ
ᠵᠤᠬᠢᠶᠠᠭᠴᠢ᠄ ᠳ·ᠬᠦᠬᠡᠮᠦ᠋ᠷᠡᠨ
ᠳᠠᠷᠤᠮ᠄ 2478
ᠴᠠᠭ᠄ 2011 ᠤᠨ ᠤ 09 ᠰᠠᠷᠠ ᠶᠢᠨ 10