☆ ᠪ᠊·ᠠᠯᠲᠠᠨᠪᠠᠭᠠᠨᠠ
ᠪᠠᠭᠰᠢ ᠶᠢᠨ ᠪᠠᠶᠠᠷ ᠢᠶᠠᠨ ᠪᠡᠯᠭᠡᠯᠡᠶᠡ
ᠶᠢᠰᠦᠨ ᠰᠠᠷᠠ ᠶᠢᠨ ᠠᠷᠪᠠᠨ ᠤ ᠡᠶᠡᠪᠡᠷᠭᠦ ᠰᠠᠯᠬᠢ
ᠶᠠᠷᠢᠶᠠᠨ ᠤ ᠲᠠᠪᠴᠠᠠᠭ᠌ ᠢ ᠵᠦᠭᠡᠯᠡᠨ ᠢᠯᠪᠢᠬᠦ ᠳᠦ
ᠤ ᠶᠢᠨ ᠪᠢᠷ ᠦᠨ ᠮᠠᠨᠠᠨᠲᠣ ᠦᠨᠡᠰᠦ ᠡᠴᠡ
ᠠᠨᠭᠭᠢᠯᠣᠮᠠ ᠴᠡᠴᠡᠭ ᠦᠨ ᠦᠨᠦᠷ ᠰᠡᠨᠭᠭᠢᠨᠡᠨᠡ ᠃
ᠬᠦᠨᠲᠦᠲᠦ ᠪᠠᠭᠰᠢ ᠶᠢᠨ ᠠᠳᠬᠤᠭᠰᠠᠨ ᠣ ᠶᠢᠨ ᠪᠢᠷ
ᠬᠣᠷᠤᠭᠤᠨ ᠤ ᠠᠶᠠ ᠪᠠᠷ ᠨᠠᠮᠤᠬᠠᠨ ᠬᠦᠳᠡᠯᠬᠦ ᠳᠦ
ᠬᠠᠷᠠ ᠰᠠᠮᠪᠠᠷᠠ ᠶᠢᠨ ᠭᠡᠭᠡᠨ ᠲᠡᠯᠭᠡᠴᠡ ᠡᠴᠡ
ᠬᠦᠰᠡᠯ ᠵᠡᠭᠦᠳᠦᠨ ᠦ ᠣᠳᠤᠳ ᠤᠨ ᠵᠠᠮ ᠲᠣᠷᠠᠢᠨᠠ ᠃
ᠠᠴᠢᠲᠤ ᠪᠠᠭᠰᠢ ᠶᠢᠨ ᠵᠢᠷᠤᠭᠰᠠᠨ ᠡᠨᠡ ᠵᠠᠮ
ᠠᠰᠢᠲᠠ ᠤᠷᠤᠭᠰᠢᠯᠠᠬᠤ ᠶᠢᠨ ᠴᠢᠭᠯᠡᠭᠦᠷ ᠪᠣᠯᠤᠯᠠ
ᠠᠯᠠᠭ ᠨᠢᠳᠦᠨ ᠦ ᠮᠢᠨᠢ ᠲᠦᠭᠡᠷᠢᠭᠳᠡᠯ ᠢ ᠠᠷᠢᠯᠭᠠᠵᠤ
ᠢᠷᠡᠭᠡᠳᠦᠢ ᠬᠦᠰᠡᠯ ᠦᠨ ᠮᠢᠨᠢ ᠵᠦᠭᠯᠡᠭᠦᠷ ᠪᠣᠯᠤᠯᠠ ᠃
ᠲᠤᠨᠭᠭᠠᠵᠤ ᠪᠡᠯᠡᠳᠭᠡᠭᠰᠡᠨ ᠲᠡᠪᠳᠡᠷ ᠡᠴᠡ ᠨᠢ
ᠲᠤᠨᠭᠭᠠᠯᠠᠭ ᠮᠦᠨᠭᠭᠦᠨ ᠭᠡᠷᠡᠯ ᠰᠠᠴᠤᠷᠠᠵᠤ ᠪᠠᠢᠨᠠ
ᠤᠯᠠᠢᠵᠤ ᠤᠰᠤᠨᠭᠬᠢᠳᠤᠭᠰᠠᠨ ᠨᠢᠳᠦᠨ ᠡᠴᠡ ᠨᠢ
ᠠᠷᠣᠤᠬᠠᠨ ᠬᠠᠢᠷᠠ ᠲᠤᠷᠠᠰᠤᠯ ᠲᠣᠲᠤᠷᠠᠵᠤ ᠪᠠᠢᠨᠠ ᠃
ᠲᠣᠮᠢᠶᠠ ᠵᠢᠭᠠᠵᠤ ᠡᠵᠡᠮᠰᠢᠭᠦᠯᠦᠭᠰᠡᠨ ᠲᠣᠲᠤᠨᠤ ᠪᠠᠭᠰᠢ ᠮᠢᠨᠢ
ᠲᠦᠯᠬᠢᠵᠦ ᠪᠢᠳᠡᠨ ᠢ ᠤᠷᠤᠭᠰᠢᠯᠠᠭᠤᠯᠤᠭᠰᠠᠨ ᠠᠴᠢᠲᠤ ᠬᠦᠮᠦᠨ ᠶᠤᠮ
ᠰᠢᠯᠦᠭ ᠵᠢᠯᠤᠭᠤᠳᠴᠤ ᠤᠬᠠᠷᠠᠭᠤᠯᠤᠭᠰᠠᠨ ᠰᠡᠴᠡᠨ ᠪᠠᠭᠰᠢ ᠮᠢᠨᠢ
ᠰᠡᠨᠭᠭᠡᠷᠡᠭᠦᠯᠵᠦ ᠪᠢᠳᠡᠨ ᠢ ᠲᠠᠪᠰᠢᠭᠤᠯᠤᠭᠰᠠᠨ ᠭᠠᠪᠢᠶᠠᠲᠦ ᠬᠦᠮᠦᠨ ᠶᠤᠮ ᠃
ᠡᠵᠢ ᠬᠦᠮᠦᠨ ᠦᠷᠡ ᠶᠢᠨ ᠢᠶᠡᠨ ᠲᠦᠯᠦᠭᠡ
ᠦᠰᠦ ᠴᠠᠢᠵᠤ ᠰᠢᠳᠦ ᠤᠨᠠᠨᠠ ᠡ ︕
ᠪᠠᠭᠰᠢ ᠬᠦᠮᠦᠨ ᠰᠤᠷᠤᠭᠴᠢ ᠶᠢᠨ ᠢᠶᠡᠨ ᠲᠦᠯᠦᠭᠡ
ᠶᠠᠰᠤ ᠴᠠᠢᠵᠤ ᠴᠢᠮᠦᠭᠡ ᠲᠤᠨᠳᠠᠷᠠᠨᠠ ᠡ ︕
ᠪᠣᠰᠤᠳ ᠤᠨ ᠲᠦᠯᠦᠭᠡ ᠪᠡᠶᠡ ᠪᠡᠨ ᠦᠷᠡᠭᠳᠡᠭᠦᠯᠳᠡᠭ
ᠪᠤᠯᠪᠠᠰᠤᠷᠠᠯ ᠰᠠᠢᠲᠠᠢ ᠡᠷᠳᠡᠮᠲᠡᠨ ᠪᠠᠭᠰᠢ ᠮᠢᠨᠢ ︕
ᠪᠣᠯᠪᠠᠰᠤᠨ ᠤ ᠦᠷᠡ ᠶᠢ ᠰᠠᠴᠤᠵᠤ ᠶᠠᠪᠤᠳᠠᠭ
ᠪᠣᠯᠪᠠᠷᠠᠢ ᠤᠬᠠᠭᠠᠨᠲᠤ ᠤᠶᠣᠲᠠᠨ ᠰᠡᠭᠡᠭᠡᠳᠡᠨ ᠮᠢᠨᠢ ︕
ᠵᠢᠷᠦᠬᠡᠨ ᠦ ᠦᠭᠡ ᠪᠡᠨ ᠲᠣᠭᠠᠴᠢᠵᠦ
ᠵᠢᠳᠭᠦᠯᠲᠦ ᠪᠠᠭᠰᠢ ᠨᠠᠷ ᠢᠶᠠᠨ ᠲᠤᠷᠠᠳᠬᠠᠶᠠ ︕
ᠪᠣᠯᠪᠠᠰᠤᠨ ᠤ ᠴᠡᠴᠡᠭ ᠢᠶᠡᠨ ᠡᠷᠭᠦᠵᠦ
ᠪᠠᠭᠰᠢ ᠶᠢᠨ ᠪᠠᠶᠠᠷ ᠢᠶᠠᠨ ᠪᠡᠯᠭᠡᠯᠡᠶᠡ ︕
ᠵᠤᠬᠢᠶᠠᠭᠴᠢ᠄ ᠪ᠊·ᠠᠯᠲᠠᠨᠪᠠᠭᠠᠨᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 65
ᠴᠠᠭ᠄ 2026 ᠤᠨ ᠤ 09 ᠰᠠᠷᠠ ᠶᠢᠨ 07
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ